بشرى ساااااااااااارة

من طرف **ود الطرشان** الجمعة 24 فبراير 2012, 6:33 pm

ينتقل العضو المصرفي (الحردان) من ملتقى النهريين الى ملتقى النيلين
وندعو نفسنا عنده بكرامة النقل والترقية
وعليه تجهيز (الباع) ابو حجم الذي لا تفرزه الي بتدقيق النظر خروف ام عجل
لانو ناس المنتدى جاينك .. جاينك
(والحاج شرف) ممنوع لانو بجيب الخواجات

العضو المصرفي مين

ساري الليل يا ود الطرشان ولا انا غلطانه

عموما الله يكثر البشارات

ونسمع بساري الليل يتقلد منصب مدير البنك المركزي شخصيا

من طرف **الرشيد طه** السبت 25 فبراير 2012, 12:25 am

ود الطرشان كتب:ينتقل العضو المصرفي (الحردان) من ملتقى النهريين الى ملتقى النيلين
وندعو نفسنا عنده بكرامة النقل والترقية
وعليه تجهيز (الباع) ابو حجم الذي لا تفرزه الي بتتقيق النظر خروف ام عجل
لانو ناس المنتدى جاينك .. جاينك
(والحاج شرف) ممنوع لانو بجيب الخواجات

ود الطرشان بتاع المواسير سلام عليك الحاج ممنوع كيف ماهو ده البجيب الخواجات

الخوجات ما نحن زااااتو

اولا نقول الجمعة الجاية ان شاء الله
المكان الكلاكلة صنقعت--

محطة تمانية
بعد صلاة الجمعة -
-
وتكون حجة وتجرة --للمباركة ولجنة حكماء تدعو العضو الذى تمت ترقيته وحردان للعودة مجددا للمنتدى --
ملاحظة وجود الحاج ضرورى --
بشرط عدم اصطحاب الخواجات

وعند العودة عدم الوقوف لتناول القهوة فى مكان -

من طرف **هويدا ابوشعر** السبت 25 فبراير 2012, 3:28 am

الف مبروك .

من طرف **النفر** السبت 25 فبراير 2012, 7:15 am

التهانى نزفها للأخ سارى بالترقية ونتمنى له مزيد من التقدم والرقى ... مشكور الرائع ود الطرشان على هذه الأخبار السارة _

من طرف **ود الطرشان** السبت 25 فبراير 2012, 7:22 am

انتصار حجازي كتب:العضو المصرفي مين

ساري الليل يا ود الطرشان ولا انا غلطانه

عموما الله يكثر البشارات

ونسمع بساري الليل يتقلد منصب مدير البنك المركزي شخصيا

ياهو بشحمو ولحمو الكملان ..

معزومة معانا
بالياهو مسنجر هوتميل ما معانا عشان مراقب ..!

من طرف **نجلاء زمراوي** السبت 25 فبراير 2012, 7:24 am

والله الاخ ساري يستاهل كل خير
وربنا يقدره علي تحمل المسؤليه والامانه

والله ما قصرت يا حاج كبكبه برضو بتعرف تجيب اخبار حلوه يلا تم الخبر برجوع ساري قبل ما نسير علي دربه !!!!

من طرف **ود الطرشان** السبت 25 فبراير 2012, 7:36 am

الرشيد الأفندي سوف أجعلك تتلوى جوعاً

أديك الماسورة الجد جد الركبك ليها صاحبك بتاع الخواجات دا

ضربنا السمك ضرباً عند عمك بتاع المكيف ابو ريحة حلوة خرابة البيوت
وصاحبك البدافع عنو قال ما تقولو للرشيد لو عرف (بصفينا)

من طرف **ود الطرشان** السبت 25 فبراير 2012, 7:46 am

ونقول حاضر لطلب سلمان بوجود الحاج

شرطاً تناول القهوة مع السمار والحبان
نضارتك اربطها بجنزير وطبلة في عربية الحاج

من طرف **ود الطرشان** السبت 25 فبراير 2012, 7:55 am

هويدا ابوشعر كتب:الف مبروك .

نبارك ليك نجاحات السمح ابو ابتسامة بريئة في الصورة دا
ونبارك ليك الكبيرة
ننزل في مطار غابة الفيل
وتهنئة من القلب بكتمال سيتيت

معزومة معنا والأخ النجومي

من طرف **ود الطرشان** السبت 25 فبراير 2012, 8:12 am

حاجة شفقة تهدد ..!!

ساري الليل راجع .. راجع
ابقي جاهزه
ومعاهو ودالدومات

معزومة معانا
ممنوع اصطحاب الاطفال

من طرف **ود الطرشان** السبت 25 فبراير 2012, 8:30 am

كلما يزيد المكان القاً بالرائعون يكون النفر حضوراً

تشكر بحجم اهاتنا المكتومة التي سوف ينزع فتيلها يوماً ..

معزوم معانا
وسوف يتم النقل المباشر بالفديو كول

الرجاء تحديث جوالك

من طرف **نجلاء زمراوي** السبت 25 فبراير 2012, 1:59 pm

ود الطرشان كتب:
حاجة شفقة تهدد ..!!
ساري الليل راجع .. راجع
ابقي جاهزه
ومعاهو ودالدومات

معزومة معانا
ممنوع اصطحاب الاطفال

حاج كبكبه يهدد!!!!!!!!!!

ممنوع اصطحاب الاطفال......يعني ما معزومين!!!!
لكن برضو جايين!!!!!!
وللاطفال مصطحبين
وللكلاكله سائرين

من طرف **ود الطرشان** السبت 25 فبراير 2012, 3:29 pm

الحاجة .. ! شفقة تترنم !

اخيراً حاجة شفقة تدوزن الحروف

بداية موفقة ، ونهدئ لك
الدرس الاول
دو
رى
مى
فا
صول
لا
سى

الحروف الموسيقية تحفظ وتكتب في الدرس التاني جهزي كراسك

من طرف **ود حاج** الأحد 26 فبراير 2012, 7:02 am

يستاهل ود الزعيم راجل صباح خير عمرو ما زعل زول لكن ود الطرشان دائرك على انفراد قالوا لى أنت ساحر فى التصوير بدورك تقطع لى رأسى وتركب لى راس تانى , ويدينى غبش دائرك تركب لى يدين مولس , يعنى تلمعنى شايف حريم الموقع جزء منهن شنوا على حرب منهن التقول لى انت فتنة ومنهن التقول لى انت ما اضافة نوعية أخوك باقى دائر الزواج .وأنا ممكن أجيك فى أى مكان تحددوا ولكن بشرط ما يكونوا معاك ناس كبار ومسعولين زى بكرى المدنى وأنا مرسلنى لك الريس خالد .

من طرف **ود الطرشان** الأحد 26 فبراير 2012, 2:28 pm

ود حااااااج
انت ما محتاج لساحر ..!
انت دايرلك غسال
يمتلك الأدوات الآتية
• طشت
• ليفة سلك
• صابون تيري

او صلح علاقتك مع حازم اصلو زول مثقف

خلي يدخلك الدراي كلين

من طرف **عازه** الأحد 26 فبراير 2012, 3:01 pm

والله قطعتو مصاريني بالضحك ياود الطرشان وود الحاج الله يعطيكم العافيه.

من طرف **نجلاء زمراوي** الأحد 26 فبراير 2012, 3:53 pm

ود حاج سلام
خليك كده وما مشكله الشكل المهم .. مابداخل
الانسان وانت زول داخلك نظيف ونحن دايرنك بشكلك ده!
المهم يا ود حاج الناس ينظفو الضمائر وينقوها

ود السمعان اوعك تعمل في الزول ده اي حاجه يحدث اي تغير كده ولا كده مسؤل انت!!!!!

من طرف **بلسم** الأحد 26 فبراير 2012, 5:00 pm

الف مبروك

من طرف **ود حاج** الأحد 26 فبراير 2012, 7:03 pm

أخوى ودالطرشان أنا كنت خائف تقول لى محتاج لعطن فى مويه كم يوم لغاية الجلد ما يلين لكن الطش والليفة ساهلى وبدل الصابون بجيب عطرون.

من طرف **خالد عابدين** الأحد 26 فبراير 2012, 8:03 pm

ساري الليل فقدته عطبرة
وعودا حميدا للخرطوم بين أهله

انت ياودالطرشان ودحاج ده اعمل حسابك منو وخل مساختك معاهو والطلب الطلبو منك اعملو وماتقصر - الزول ده ييبس الخدرا -ان قبل عليك بيخليك تكربت - مكتبك السمح ده ماتخبرو

من طرف **انتصار حجازي** الأحد 26 فبراير 2012, 8:37 pm

ود الطرشان

وود حاج

وصراحه اول مرة اسمع ببنى ادم يعطنوه يا ود حاج

مداخلاتكم تمام

وروح حلوووة ربنا يكثر من الناس الرائعين قلبا وقالبا بمنتدانا

من طرف **ود الطرشان** الأحد 26 فبراير 2012, 9:47 pm

عازه كتب:والله قطعتو مصاريني بالضحك ياود الطرشان وود الحاج الله يعطيكم العافيه.

معزومة معنا
الدخول للمسرح مدفوع القيمة .. الرجاء مراجعة الحسابات

من طرف **ود الطرشان** الأحد 26 فبراير 2012, 11:14 pm

بلسم كتب:الف مبروك

مابلقى لي عندك (سلفا)

معزومة معانا
بس تسليم التلفونات ابوشرحتين في اللفة

الف مبروك اخونا سارى ومزيد من التقدم والازدهار
ود الطرشان مسعول من الخير انت مسلسلك كمل ولافيهو باقى

من طرف **منوفلى** الإثنين 27 فبراير 2012, 6:47 am

ألف مبروووك سارى الليل

[quote=

ود حاج"]يستاهل ود الزعيم راجل صباح خير عمرو ما زعل زول لكن ود الطرشان دائرك على انفراد قالوا لى أنت ساحر فى التصوير بدورك تقطع لى رأسى وتركب لى راس تانى , ويدينى غبش دائرك تركب لى يدين مولس , يعنى تلمعنى شايف حريم الموقع جزء منهن شنوا على حرب منهن التقول لى انت فتنة ومنهن التقول لى انت ما اضافة نوعية أخوك باقى دائر الزواج .وأنا ممكن أجيك فى أى مكان تحددوا ولكن بشرط ما يكونوا معاك ناس كبار ومسعولين زى بكرى المدنى وأنا مرسلنى لك الريس خالد .[/quote]

ياود حاج هسع بي تنط وحدى من بنات المنتدى وتقلك انا بعرسك بى حالك ده بعدين بي تقوم تجقلب !!!!

من طرف **الفكى احمد** الإثنين 27 فبراير 2012, 6:57 am

مشكور ياود الطرشان وربنا يبشرك بكل خير ، وألف مبروك الترقيه لسارى وعقبال أعلى الدرجات ، وما تنسونا أحفظوا لينا حقنا فى الكرامه ...

من طرف **ود الطرشان** الإثنين 27 فبراير 2012, 2:05 pm

حاجة شفقة نسوي كيفن عاد ...!!
ود السمعان اوعك تعمل في الزول ده اي حاجه يحدث اي تغير كده ولا كده مسؤل انت!!!!!

انا قلت اركب ليه راس (الن ديلون)
ويدين هيفاء وهبي

وجي الكرامة باللبسة الآتية

بدله ماركة جوردانو
وجزمة ماركة كلارك
ومعاها خناقة (كرفتة)

عرب وحظهم ضرب

الف مبروك ساري اليل

واصل اخي ود الطرشان متابعنك

لك ودي

من طرف **اقبال** الثلاثاء 28 فبراير 2012, 12:57 am

الف مبروك سارى الليل

ود حاج كتب:أخوى ودالطرشان أنا كنت خائف تقول لى محتاج لعطن فى مويه كم يوم لغاية الجلد ما يلين لكن الطش والليفة ساهلى وبدل الصابون بجيب عطرون.

ختيناها ليك بين السطور عشان ما تتعقد

انت يا جنا دحين عزمناك
المهم الكرامة الجمعة العلينا دي الوصف تلقا فوق عند ودعقيد تعال بجملك زو الدفع الرباعي بس اوع تربطو في عمود كهرباء عشان (اسامة) ببطحك قصدي بتاع السدود

خالد عابدين كتب:ساري الليل فقدته عطبرة
وعودا حميدا للخرطوم بين أهله

انت ياودالطرشان ودحاج ده اعمل حسابك منو وخل مساختك معاهو والطلب الطلبو منك اعملو وماتقصر - الزول ده ييبس الخدرا -ان قبل عليك بيخليك تكربت - مكتبك السمح ده ماتخبرو

مالو علي .. فلاحتو دي ما يعملا مع ....

لأكن العرب ديل ناس ذكيين خلاص

جا منهم واحد الخرطوم ودخل بقالة قال لسيد البقالة
عندك عنب ؟
بتاع البقالة قالو لا
مشى وجاه راجع سالو تاني
عندك عنب
بتاع البقالة قالو انت ما بتفهم ماقلنا ليك لا والله تجي راجع بي هنا بربطك في الباب دا
مشى وجاهو راجع سالو
عندك حبل ؟
بتاع البقالة : لا
طيب عندك عنب ....

انتصار حجازي كتب:ود الطرشان
وود حاج
وصراحه اول مرة اسمع ببنى ادم يعطنوه يا ود حاج
مداخلاتكم تمام
وروح حلوووة ربنا يكثر من الناس الرائعين قلبا وقالبا بمنتدانا

هنا تسمعي العجب العجاب

أدهشني بوست في الفيس

بنت عمرها ١٢ سنة تكتب
الحب عذاب
ويرد عليها الولد ابو ١١ سنة
أعطيني مساحة ابني لك قصرا من رحمة
وتضيف بنت اخرى ام ١٠ سنين
الرجال ديل اصلهم كضابين

يالطيف ...

من طرف **ود حاج** الأربعاء 29 فبراير 2012, 3:24 am

نان ياودالطرشان يا أخوى لمان تركب لى رأس زولك د القلتو أنت حاترجع رأسك الأصلى ؟؟ما خليك أنت لابس رأس الزول القلتو وأنا شوف لى رأس تانى .ايدين زولتك دى القلتها الا تجيب معها دباسه .

أنا الكرامة بجيها من صباحا بدرى عشان نخدم الناس لكن كل ما أمشى كرامة يقولوا لى خليك أنت جوة ما تطلع للضيوف ما عرفتوا احتراما لى ولا خايفين الناس يعافوا منى .

ود الطرشان عشان ما نخرب هذا البوست تعال نطلع الكلام د لا برة عشان ناخذ راحتنا فى الكلام .

اميره الحومرى كتب:الف مبروك اخونا سارى ومزيد من التقدم والازدهار
ود الطرشان مسعول من الخير انت مسلسلك كمل ولافيهو باقى

يا جماعة المرة دي ملهلاهه كدي مالا .. نحنس دا يقوم داك ودالمناصير طفش يثوليث هناك .. دي ما الدعايات .. اتصبري ..!!!!

من طرف **ابو هشام** الأربعاء 29 فبراير 2012, 5:37 am

ود الطرشان كتب:

يثوليث ..!!!!

دي بالإنجليزي ؟؟

منوفلي

معزوم معانا
يوجد دافوري بعد الكرامة ..

سلام عليك ود الطرشان
انا والله اليوميين ديل مزنوق زنقه الترزي يوم الوقفه
بعدين حكايه بشري ساره شفتها لي كم يوم قلت ود الطرشان بتاع مقالب
نلقاه عند بضاعه ولاحاجه داير يوزعها
هو بتاع دعايات واعلانات اصلها دي شغلتن كدا
جيت قريت ليك الصباح لقيتلك الشي شي تاني
الف مبروك للزعيم ود الزعيم يستاهل الكتير
بعديين امبقي النجومي ماشي معاكم
صباحكم اصبح
الا ولد الزعيم يجيبه ليهو عجل عديل

الفكى احمد كتب:
مشكور ياود الطرشان وربنا يبشرك بكل خير ، وألف مبروك الترقيه لسارى وعقبال أعلى الدرجات ، وما تنسونا أحفظوا لينا حقنا فى الكرامه ...

يا هندسة الزمن دا حقق تلاوي .. حقق نرسلو ليك (MMS)

مبارك ومزيدا من الترقي

عادل شرري كتب:الف مبروك ساري اليل

واصل اخي ود الطرشان متابعنك

لك ودي

معزوم معانا

اذا مشغول يوجد عربة ربط (SNG) للبث المباشر

من طرف **ود الطرشان** الجمعة 02 مارس 2012, 5:11 am

اقبال كتب:الف مبروك سارى الليل

بت الجيران لا تعزم

من طرف **ود الطرشان** الجمعة 02 مارس 2012, 5:29 am

ود حاج كتب:نان ياودالطرشان يا أخوى لمان تركب لى رأس زولك د القلتو أنت حاترجع رأسك الأصلى ؟؟ما خليك أنت لابس رأس الزول القلتو وأنا شوف لى رأس تانى .ايدين زولتك دى القلتها الا تجيب معها دباسه .

أنا الكرامة بجيها من صباحا بدرى عشان نخدم الناس لكن كل ما أمشى كرامة يقولوا لى خليك أنت جوة ما تطلع للضيوف ما عرفتوا احتراما لى ولا خايفين الناس يعافوا منى .

ود الطرشان عشان ما نخرب هذا البوست تعال نطلع الكلام د لا برة عشان ناخذ راحتنا فى الكلام .

ندعي التعفف ولا نعاف
تعال وراي حصلني على الخلا ...

من طرف **ود الطرشان** الجمعة 02 مارس 2012, 5:55 am

ابو هشام كتب:
ود الطرشان كتب:

يثوليث ..!!!!

دي بالإنجليزي ؟؟

عراف عرفي ..!! صحي بالنجليزي .. بس باللهجة الكنقولية

ياحليلك يا (لوران ديريزية كابيلا)

من طرف **ساري الليل** السبت 03 مارس 2012, 1:40 am

البقولو سمين يقول امين .......... حقيقة ودالطرشان زول أعلام ........ النقليه صحيحه ولكن ماعداها أعلام فقط من ودالطرشان.

من طرف **ود المناصير** الأحد 04 مارس 2012, 5:00 am

ود الطرشان كتب:[

.. نحنس دا يقوم داك ودالمناصير طفش ..!!!!

ود المناصير دا ان ما جبت سيرتو ما بترتاح ؟

اها طلعت ماسورة كبيرة وصامولتا محلوجة

من طرف **نورالهادى** الخميس 15 مارس 2012, 11:05 pm

[ندعوك للتسجيل في المنتدى أو التعريف بنفسك لمعاينة هذه الصورة]

ودالطرشان ورينا امكانياتك فى تحسين صورة شيخ العرب ود حاج .

ود الطرشان بتاع المواسير

الرشيد قال كدة!
وأناأؤيده
طلعت ماسورة صامولتا محلوجة زي ما قال ود المناصير
كمان ود حاج عايزو يصلح ليهو صورتو!
هو صورتي أنا قدر يعمل فيها حاجة!!

من طرف **ود حاج** السبت 17 مارس 2012, 5:49 am

ياود الطرشان البطيييييييييييييييييييييييخة كع .يا أخوى الزول الاسمو نورالهادى الحشروا بيناتنا شنو ومنو القالو نزل صورتى . دا حا يبوظ أى حاجة بعد ما ود الطرشان قرب يلقى لى عروس وبسبب هذه الصورة حا تطفش منى العروسة . ويا خسارة ظهرى ونضافى لأنه ود الطرشان ورانى الكريمة الملمعة التى يستعملها هو . وأنا الآن جسمى بقها زى جلد السحالى وأملس كمان , لكن يا نورالهادى خربت أى شى ولازم تدفع غرامة وبالعملة الصعبة ودأ الكلام البطفشك , قبلك قلت لأبوسفيان رسل لى طاقية تانى صاحبك كل ما يشوفنى يكبر اللفة دحين يا أخوى يا نورالهادى ما تدخل بين العصة وقشرتها .كع .