ياعبد العاطي اعتذارك مابفيدك العملتو كان بايدك

ALIHADOWRY كتب:شكرا ابن عمى الكليس اخيرا ظهر سليل الشيخ وربيب الترابيين الاخ عبدالعاطى يقدم اعتذاراتة عن لجنة رعاها سرا حتى تفسد حقوق المناصير وسبق ان ذكرت انة العقل المدبر للجنة التنفيذية وفى ظهورة دليل على ان اللجنة بدات ترمى بكل غث فيها حتى لاينشر غسيلها واعتقد انة ليس مفوض من المناصير لتقديم اعتذار ولكنة يعتذر نيابة عن اللجنة التنفيذية .

ود اعمي كيفك
هي في لجنه عشان يعتذروا بالنيابه عنها ...ماهم النفرين

خالد عابدين كتب:

يقال

وان هذا التصرف خلق بعض الحساسيات في مناطق الجعليين خاصه وان الذين طردوا هم ابناؤهم وقد استضافوا الاعتصام ووفروا له كل المعينات في ديارهم

؟؟؟

كل ماذكرته حقيقه وانت قريب من المصادر ممكن تتاكد بسهوله

ود الطرشان كتب:

الكليس يتشفى ..!!

من الواضح النقد هدام ..!!
قول يا سيدي الحسااااااااان تلحقنى
• المناصير اقل حظاً من رديفاتها
• بداية من اختيار المكان الاول ، قليل الرقعة الزراعية ووعورة الجبال
• صعوبة الحركة لجغرافية المكان
• ويترتب مما ذكر بالحالة الاقتصادية
• ويركب نفس السرج التعليم والخدمات وووو
وآخيراً يبتسم الحظ ..!! ويقام سد .. وفي الواقع ان يرفع المنطقة من خدمات وصحة وطرق معبدة وتعليم وحركة تجارية لسهولة الحركة وثروة سمكية يجب الحفاظ عليها وترشيدها وجلب الخبراء كيف التعامل مع هذا الكنز الجديد على المنطقة وتتريب المواطن البسيط كيفية الصيد .. وغير الكنوز المدفونة تحت الارض ..!
لأكن ما قلتلكم ما عندنا حظ
ربنا يبتلينا بلجان تتعاقب علينا وتحمل في طياتها الهشاشة والضعف وتجلب لنا الهوان ..
يا علي يا كليس : اطلع من مربعهم واضرح طريق جديد مسار مختلف القضية تحتاج لفكر اكثر قوة وجراءة وحكمة ودهاء ونضال غير مستتر
وكم فئة قليلة غلبت فئة كثيرة
فلتذهب هذه اللجنة الى الجحيم ..

ود الطرشان انت الباشي ماقربت

عبد الواحد جبريل كتب:كتبت في مكان اخر
اننا نمارس عمل سياسي من غير ما نحكم ادواته ,الاعتصام عمل سياسي واذا اردت ان تمارس سياسة فلابد من ادوات لهذه السياسة ولان هذه الادوات غير موجودة نري ان كثير من الافعال كانت غير مدروسة
_فلايعقل ان تكون لجنة واحدة هي التي تفاوض وهي التي ترفض وهي التي تقرر
_فلابد من يكون هنالك مكتب سياسي منفصل يبني قراره علي المعلومة الصحيحة وتقدير الامور جيدا وعواقب الرفض او القبول
_اما ركوب الموجة واخذ الامور بعاطفية لا يحل قضية ولا يرجع حقوق
_رصدت ردور الافعال في داخل المنتدي عن هذا القرار وتاكدت ان هنلك خطأ والخطأ ان الكل عايز يركب الموجة وغير مستعد ف ان يقول راي مخالف للقوم خوفا من الخسارة .. الخسارة الكبيرة قادمة.

المناصير مادام فيها شباب امثالك لاخوف عليها..انت كبير في كل شي ..ربنا يحفظك

ود الحمود كتب:بسم الله الرحمن الرحيم

الشكر للاساذ الكليس ولمن اهتم بالموضوع
ولمن جلس بساحة الاعتصام وللجنة المناصير
اولا: ان كان هناك نصيحة فاليقبلوها من احدنا
فلربما هناك راي يصيب سوا من الكليس او الحدورى
ثانيا: راى الشخصى للجنة حتى لانقع فى الاخطاء عندما تم طرد لجنة الاحصاء واتينا بعدها
لياتوا االينا

شكرا ود الحمود علي مرورك
ياريت ياود الحمود ما يحصل لينا الحصل ايام الاحصاء ..نرفض وبعدين نقبل باي كلام

مازال سؤالي قائما مادام الامر كما ذكرت لماذا الاعتذار اذا ..وله دا برضه ماعندك خبره
مع تحياتي واحترامي

ahmed alkhabir كتب:سلامات الاخ الكليس
غايتو البقرا عنوانك دا يقول الوفد دا مشي بيت ناس عبد العاطي في البلد !!!
اليس غريبا ان الوفد نفسه الذي يجري المفاوضات مع المعتصمين يقطع مفاوضاته ويذهب فجاة الي البلد ؟؟
هل اكتمل تكوين المفوضية وهياكلها وصلاحياتها وتوفرت اموالها وارضت المعتصمين واوفت بما اعتصموا لاجله ؟؟
الشغل المؤسس ليس بهذا الطريقة اخي الكليس وانت الذي تبكي المؤسسية صباح مساء ؟

ود الخبير رجل المهمات الصعبه زمان
كان في امكان علي حامد ان لايعلن هذه الزياره ويفعل كما يفعل المعتمد في كل زياراته لاحس ولاخبر ...ولكن اعلانها شرك وهبر ..السياسه فن
الم يقل المعتصمون انهم جالسون في الدامر ولتذهب الحكومه ..وتنفذ ماهو الجديد
انت تعرف جيدا عدم المؤسسيه لذالك كان هذا التخبط
مع تحياتي واحترامي وتقديري اخي احمد

ابو هشام كتب:علي الكليس دا شغال شنو ؟ جستابو عديييل
واللا مع السافاك ؟
يجيب ليك كلام عجيب خلاص ...
والله نحن كنا في ام سرح ’’’ الخبر جانا طاشي ’’’’ ما في زولا قال لينا رجعوا الناس ديل ’’’ لكن أي زول جايينا يجينا بالباب ’’’
وعلى كل حال الناس الكانو في ام سرح زولا يعرف عبد العاطي ما في !!!
واقول ليك المفيد ’’’’ نحن في ام سرح ’’’ ان ما عرفنا كل التفاصيل والناس المعتصمين راضين تمام وجاتنا الأخبار إنو الامور تمام ’’’ وناس الدامر بدو يجو لاهلهم ’’
ناس اللجنة ذاتن لو جو ودا ما حصل ’’’ حرم نفلقن ليك جنس فليق ’’’
نحن اشخاص وفلان وعلان دي ما شغالين بيها ’’’’ شغلنا تاني في الميدان عيان بيان

ازيك ياابوهشام
اقدر موقفك تماما واحي فيك هذه الشهامه ..ولكن
لماذا كان الفرح بالاشاره لحظتها مع انكم لم تتيقنوا من اي شي

الرشيد طه كتب:

كتب الرشيد الافندي
ينطلق اللسان ويشرأب القلم عاليا وترتفع النفس الابية وتفتخر بهذا الموقف الرجولي الذي فعله اهلي رجال الحار
<blockquote>مازال سؤالي قائما مادام الامر كما ذكرت لماذا الاعتذار اذا ..وله دا برضه ماعندك خبره
مع تحياتي واحترامي</blockquote>

الكليس يا اخوي ده في بوست تاني جايبو بهنا مالك ما ترد هناك في محلو يا سيد المؤسسية

اين المؤسسيه وانت تفتح نفس الموضوع في بوست اخر وله الفي ايدوا القلم
ماتفرق ولكن برضه دا مابيعفيك من الاجابه علي السؤال اعلاه

علي الكليس كتب:

خالد عابدين كتب:

يقال

وان هذا التصرف خلق بعض الحساسيات في مناطق الجعليين خاصه وان الذين طردوا هم ابناؤهم وقد استضافوا الاعتصام ووفروا له كل المعينات في ديارهم

؟؟؟

كل ماذكرته حقيقه وانت قريب من المصادر ممكن تتاكد بسهوله

االله يكضب الشينه