منصورية مكملة زايدي فوق البنوت حلاه

عايز شعراء المنتدى.. زعيمهم ود بروي.. وسليل الشعراء النفر.. وسلمان عقيد والفكي احمد وغيرو... يرموا فوق الابيات ديل. بعدين نعزلهن ونديها عادل السيد أو اي فنان آخر يغنيها.. رايكم شنو!
نبدأ
.............
منصورية مكملا... زايدي فوق البنوت حلا
العفاف والذوق جمـّلا.... شرَّ فت بحرا والخلا
دينا أخلاقا تجـمـِّلا..... إنتِ ود لقـّاي الحـِلا
تلقى موج النيل كين عـِلا..... في البحيرة جا يقابلا
بي نفاخر بيكي الملا.. بي نخوض ساحات العـُلا

منصورية مكملا... زايدي فوق البنوت حلا
العفاف والذوق جمـّلا.... شرَّ فت بحرا والخلا
دينا أخلاقا تجـمـِّلا..... إنتِ ود لقـّاي الحـِلا
تلقى موج النيل كين عـِلا..... في البحيرة جا يقابلا
بي نفاخر بيكي الملا.. بي نخوض ساحات العـُلا.
ماها دلوعة مدلـّلا..... وماها مييوعة مبهدلا
ما بتدور زولا يجاملا .....فارسي بت فـُرّاس منهلا
يا جميل مرحبتين هلا.... ما وِلـِـدْ أصلو الغازلا
من غمام ( جورَه) مكحلا... وقام سحاب ( ساني) يظلـِّلا
من ديارا منو يرحِّلا.......ومن مراتع الصبا يـَنـْـقـُـلا
يا دهب شنقول الغـِـلاْ .... حا شا ما مزغول بالـطـِـلاْ
بتْ قبيلي ومتسلسله ..... في النسب ما فيها زَغـْـلَـهْ

باقي لي دي محليه البحره!!!!!

حتي لو ماهي ...نقول هي مجازا
لك احترامي د\صديق

ها هاها نجلاء
ياها محلية البحيرة
شنو بديتي حكاية دكتور. ها هاها
انا قايل اخير لى يا باشمهندس! والله شنو رايك1

منصورية مكملا... زايدي فوق البنوت حلا
العفاف والذوق جمـّلا.... شرَّ فت بحرا والخلا
دينا أخلاقا تجـمـِّلا..... إنتِ ود لقـّاي الحـِلا
تلقى موج النيل كين عـِلا..... في البحيرة جا يقابلا
بي نفاخر بيكي الملا.. بي نخوض ساحات العـُلا.
ماها دلوعة مدلـّلا..... وماها مييوعة مبهدلا
ما بتدور زولا يجاملا .....فارسي بت فـُرّاس منهلا
يا جميل مرحبتين هلا.... ما وِلـِـدْ أصلو الغازلا
من غمام ( جورَه) مكحلا... وقام سحاب ( ساني) يظلـِّلا
من ديارا منو يرحِّلا.......ومن مراتع الصبا يـَنـْـقـُـلا
يا دهب شيـبون الغـِـلاْ .... حا شا ما مزغول بالـطـِـلاْ
بتْ قبيلي ومتسلسله ..... في النسب ما فيها زَغـْـلَـهْ.

في ديار منصور مـَنـْـهَـلا.... شتله بي أيدي أنا شاتلا
ماب تجيب لينا المهزلة..... وماب تدور لينا البهدله

عايزين بعد كدة ناس سلمان عقيد والنفر ومحمد بروي وغيرهم، يجوا يعزوا بنات القبيلة!

من طرف **amira ali** الجمعة 24 فبراير 2012, 5:49 pm

درررررررر

يعني تاني نعدك ضمن شعراءنا بالمنتدى

في الفقرة الاولى لما ناشدت الشعراء ان يتموها لك توقعت قبل ان اقرا الفقرة البعدها ان تكملها بنفسك لانك

صراحة متمكن ولا تحتاج لمن يساعدك بس ثق بنفسك وواصل في الابداع

سأواصل يا استاذة أميرة علي.. وهي قصيدة عامة تمثل المنصورية من حيث هي، وهي تعتز بمنصوريتها.. رمز للقبيلة والعزة والكرامة

من طرف **النفر** الجمعة 24 فبراير 2012, 7:03 pm

ما شاء الله الأديب الأريب وصاحب النظم الرهيب .... واصل نظمك ونحن متابعون فوق دهب شيبون المصون ...البريقو يزغلل للعيون ... يا ديارى بحبك جنون .... ريدا فى وجدانى مكنون _
تقبل تحياتى وودى ،،،

شيخ النفر ده ما بيحلك
جيب ابيات

منصورية مكملا... زايدي فوق البنوت حلا
العفاف والذوق جمـّلا.... شرَّ فت بحرا والخلا
................................
دينا أخلاقا تجـمـِّلا..... إنتِ ود لقـّاي الحـِلا
تلقى موج النيل كين عـِلا..... في البحيرة جا يقابلا
.....................................
بي نفاخر بيكي الملا.. بي نخوض ساحات العـُلا.
ماها دلوعة مدلـّلا..... وماها مييوعة مبهدلا
..............................
ما بتدور زولا يجاملا .....فارسي بت فـُرّاس منهلا
يا جميل مرحبتين هلا.... ما وِلـِـدْ أصلو الغازلا
.....................................
من غمام ( جورَه) مكحلا... وقام سحاب ( ساني) يظلـِّلا
من ديارا منو يرحِّلا.......ومن مراتع الصبا يـَنـْـقـُـلا
.....................................
يا دهب شيـبون الغـِـلاْ .... حا شا ما مزغول بالـطـِـلاْ
بتْ قبيلي ومتسلسله ..... في النسب ما فيها زَغـْـلَـهْ.
........................................

في ديار منصور مـَنـْـهَـلا.... شتله بي أيدي أنا شاتلا
ماب تجيب لينا المهزلة..... وماب تدور لينا البهدله
...........................................
بالهيام والشوق والـوَلـَـهْ ..... ريدتي ليكي انا داير أبـْـهـَلا
يا تــَمـُرْ عجوة دنـقلا ........ يا هـَـدِ يـْـةْ اللهْ المـُـنـْزَلة
.........................................
شيخ حسن اقرا ْ الزلزله..... للحسودْ إنْ جا يعـطـّـِلا
ريدتك الشـَـبَـكا يحلحلا.... عـِـلـّـَهْ مـَعـْلـُوُ لـَهْ مـَعـَلـْـعـَلا
........................................

شيخ حسن الزرقاوي طبعاً لازم يقرا ليها سورة الزلزلة عشان تحفظا من الأعداء

منصورية مكملا... زايدي فوق البنوت حلا
العفاف والذوق جمـّلا.... شرَّ فت بحرا والخلا
................................
دينا أخلاقا تجـمـِّلا..... إنتِ ود لقـّاي الحـِلا
تلقى موج النيل كين عـِلا..... في البحيرة جا يقابلا
.....................................
بي نفاخر بيكي الملا.. بي نخوض ساحات العـُلا.
ماها دلوعة مدلـّلا..... وماها مييوعة مبهدلا
..............................
ما بتدور زولا يجاملا .....فارسي بت فـُرّاس منهلا
يا جميل مرحبتين هلا.... ما وِلـِـدْ أصلو الغازلا
.....................................
من غمام ( جورَه) مكحلا... وقام سحاب ( ساني) يظلـِّلا
من ديارا منو يرحِّلا.......ومن مراتع الصبا يـَنـْـقـُـلا
.....................................
يا دهب شيـبون الغـِـلاْ .... حا شا ما مزغول بالـطـِـلاْ
بتْ قبيلي ومتسلسله ..... في النسب ما فيها زَغـْـلَـهْ.
........................................

في ديار منصور مـَنـْـهَـلا.... شتله بي أيدي أنا شاتلا
ماب تجيب لينا المهزلة..... وماب تدور لينا البهدله
...........................................
بالهيام والشوق والـوَلـَـهْ ..... ريدتي ليكي انا داير أبـْـهـَلا
يا تــَمـُرْ عجوة دنـقلا ........ يا هـَـدِ يـْـةْ اللهْ المـُـنـْزَلة
.........................................
شيخ حسن اقرا ْ الزلزله..... للحسودْ إنْ جا يعـطـّـِلا
ريدتك الشـَـبَـكا يحلحلا.... عـِـلـّـَهْ مـَعـْلـُوُ لـَهْ مـَعـَلـْـعـَلا
........................................
أبشري بت منصور بَـلـَى...... عايز أشوفك متهلله
القضية ظهر هـيـكـلا ...... والمشاريع في الجدوله
......................................
إنتهى عـهـد الـمـهـزلة....... إنتهى زمن الـتـلـتله
في أراضينا المـُهـْمـَلة...... السواقي يكب جدولا
......................................

.

منصورية مكملا... زايدي فوق البنوت حلا

العفاف والذوق جمـّلا.... شرَّ فت بحرا والخلا

ابوها فى البنوت دللا --وما حصل فد يوم زعلا

الادب حدوموصلا---والقوام ماخود بالمنقلا

الصدير عب واتملأ----والشعر مردوم بهدلا

دى الجدية الفوق فى الفلا--وبندق الصياد ماحصلا

منصح الوديان منزلا---وقشو بالصفحات اتملا

ياصديق الابيات دى دابى شفتها --اصلى الليلى حايم بى جاى--بعدين شايف الشاعر الكبير الليلى ظهر --قلت اكلفت لى كم بيت كدى-- يمكن بعدين ما بنقدر( نعوعى)-- واحسن ياصديق تقول ليك ابيات تانية على وزن الله هوى ونزازيها-

سلمان.. هو نحن ليه قلنا منصورية مكملة..
ليه!
عشان صفاتها الإنسانية الرفيعة كاملة.. اللي هي باختصار( الراس فيهو شنو!) من العلم والأدب والدين والأخلاق والإنسانية.. والمروءة والشهامة والقدوة والأمانة والإخلاص والوفاء..
هذه صفة الجمال الحقيقية التى يجب أن يسكبها الشعراء مداداَ عن المرأة.. وهي الصفات التى تشرف المرأة بحق وحقيقة..
عشان كدة هي منصورية مكملة
.........................
زايدة فوق البنوت حلاه..
زايدة بحلاوة هذه الصفات فيها دون الأخريات..
ليه إنتهى العهد الذي يشكروا فيه الشعراء المرأة بشعرها وبعيونها وبخدودها وغيرو من هذه الصفات الغير مناسبة في جسد المرأة بالتفصيل المحرج..

هي زايدة فوق البنوت حلاة بالصفات الإنسانية فيها
أنا أفتكر ماعاد يفرح المرأة الحاضرة أن يشكروها بهذه الأشياء..
عشان كدة يا سلمان هي زايدة فوق البنوت حلاة بهذه الصفات الإنسانية الرفيعة..
عمرنا ما سمعنا شاعر. تحدث عن فكر المرأة وقوة دينها وقوة عزيمتها!
الشاعر يقول والملحن يلحن والموسيقى تعتزف.. وأستديوهات التلفزيون تنشر.وكلو كلام فارغ...

من طرف **اقبال** الأربعاء 21 مارس 2012, 5:44 pm

ماشاء الله وتبارك الله

على هذة الكلمات الرائعة فى حق المراة المنصورية

ونشكرك على هذا الفهم الراقى عن المراة

الاستاذ صديق ابو حنة

وياريت تكتمل الفرحة بان تلحن وتغنى قريبا

إقبال
تمر الفكي .. الشايلو.. ومشتهي
راح ألحنها لوحدي
وأقولها لوحدي

من طرف **amira ali** الأربعاء 21 مارس 2012, 6:49 pm

الصفات تبقى اما الجمال يزول
التحية لك شاعرنا الجديد

بالغت

ما فيها نضم

ماهر زولنا تعيش يابا

من طرف **الفكى احمد** الخميس 06 سبتمبر 2012, 3:28 pm

روعه ، أمسكوا الخشب ، اللتـــــــــــــــــــــــاريـــــــــــــــك ...

تسلم الفكي
............
إفتكر ده تسجيل لمنصورية مكملة أوضح من الفوق
كدي لامن يجي ود المناصير يدينا رايو
منصورية مكملة زايدي فوق البنوت حلاه G

من طرف **رجعنالك** الخميس 06 سبتمبر 2012, 8:04 pm

يعنى نخلى ليك المنتدى ياقوقل المنصورى لك كل التحايا وانت تضع بصمتك على كل الصفحات شعرا ونثرا وسردا
وامنيات

اعمل حسابك يا هندسه رجعنالك ما تقوم تسحرك...

لا يا نجلاء رجعنالك ما بتسحر

المنصورية المكملة بطريقة أداء شوية فيها اختلاف وأكثر وضوح صوت

من طرف **ود المناصير** الجمعة 07 سبتمبر 2012, 6:21 am

صديق عبدالله علي أبوحنة كتب:تسلم الفكي
............
إفتكر ده تسجيل لمنصورية مكملة أوضح من الفوق
كدي لامن يجي ود المناصير يدينا رايو

انا نزلت دي ـ

أولا نقرشة الطنبور والمقدمة الطويلة دي بالغت فيها عدييل ـ مفروض كل الفنانين يعملوا كدا

الطمبور الناس بقت ـ تكردوا كرد ـ لكن طمبورك رهيب ـ واضح ـ والأنامل عاملة عمايل ـ تضرب جوة القلب

اللحن والأداء ـ حسب ـ حسنا ما فيهو كلام أبدا

ودي برضو ناس علي الحمود فيها اهل علم ودراية ومعرفة وباع طويل وأكيد اكيد حا يجوا بي جاي

يادهب شيبون الغلا ـ وحاشا ما مصقول بالطلا

وفي ديار منصور منهلا ـ وشتلة بي ايدي انا شاتلا

تسلم يا هندسة ـ ذوق عالي ـ وفن راقي ـوإبداع لا محدود

وفعلا انت ـ قصة إبداع منصوري رهيبة ـ

من طرف **amira ali** الجمعة 07 سبتمبر 2012, 6:41 am

فنان بس الغربة اخدتو للاسف
رائعة تضاف الى روائعك

عليكي الله ما تقلبي علينا المواجع يا أميرة علي؟
الغربة دي فقعت مرارتنا..

منصورية مكملة
أداء بسلم القرار مع شد الطنبور للسلم العالي الموازي
مع إضافة كلمات جديدة

تسجيلات لها متنوعة، عشان كل زول يشيل التسجيل البي يعجبوا..

من طرف **ابو مصطفى** الثلاثاء 11 سبتمبر 2012, 5:44 pm

منصورية مكملا... زايدي فوق البنوت حلا
العفاف والذوق جمـّلا.... شرَّ فت بحرا والخلا
دينا أخلاقا تجـمـِّلا..... إنتِ ود لقـّاي الحـِلا
تلقى موج النيل كين عـِلا..... في البحيرة جا يقابلا
بي نفاخر بيكي الملا.. بي نخوض ساحات العـُلا

انت يا خالى صديق بعد شاعر القبيلة محمد ودبروى على طول |؟؟؟؟؟؟؟؟؟؟؟؟؟؟؟؟؟؟؟؟؟؟؟

تحياتى

ابو مصطفى

السيد الخال الباشمهندس صديق..لك السلام والمودة والحب!!!!!!!!!!!!

أنت شاعر على غرار الفرزدق ولا تقل شأنا عن الشنفرة وتأبط شرا وجرير...

لكنك قلت وجلبت هذه القصيدة للمغنين والملحنين..

هل نسيت أنك أعطيتنى منها نسخة فى إجازتك التى تقابلنا فيها..؟

قد قمت بتلحين هذه القصيدة وحقوق النص الأدبى محفوظة لك..

حقوق النشر والأداء اللحنى بالطبع محفوظة لى!!

فليس من حق أى فنان تانى التغنى بها..

يا خال أنا طنبورى قاعد فى البيت بى طبلتو..

ونحن باى حال ما نرجع لا وراء وتراثنا ما بنلعب فيهو .!

دايرين منك المزيد..المياه العذبة لا تكف عن الخرير..

أنت ماء عذب أيها الخال بإضفائك البهجة والفرح فى كل الأحوال..رغم كثرة الترحال..والبعد عن الأطلال..

لك محبتى ولمن حولك أجمعين..

نعم ود أختى ود الحمود الفنان الرائع... بجيك راجع بي رواقة..

تسلم ود الأخت ود الحمود.. نعم أعطيتك القصيدة.. وقد كتبها أحد أعضاء المنتدي ورسلها في ورقة. في عرس نادر. وأنت كفنان قدير كنت أود أن تلحنهاوتقولها، ولكن مضت أربعة شهور.. وكان أنسب شئ تقولها في لقاء الباسقات..
الشاعر قصايدو زي ولادو.ما بيرضى فيهم. عشان كدة لما شفتك تأخرت كتير قلت يمكن ود أختى ما عاوزا..
خاصة هذا المساق الشعري جديد على ساحة الغناء في المناصير وفي باب كتابة الشعر عامة؟
ليه!
أول مرة في تاريخ الغناء المنصوري تكتب قصيدة كاملة تمثل رمز القبيلة كفتاة منصورية بإزاء الشايقيات والجعليات والرباطابيات جيراننا..
ليه أول قصيدة؟
عشان معظم الشعراء إن لم يكن كلهم
يسوقون محاسن جسد المرأة في صورة فاضحة ومقززة
الشعر. العيون.. غيرو غيرو..
أما هنا تمجيد رمز القبيلة
في فكرها
في دينها
في بسالة أجدادها
في أنها عالمة فاهمة لاترضى المجاملة
( دينا أخلاقا تجملا)
( ما بتدور زولا يجاملا)
( فارسي بت فراس منهلا)
وهكذا
المرأة ما عادت أن تشكرها بمحاسن جسدها
مرأة اليوم وفتاة اليوم غير
تحتاج أن تتكلم عن ( الراس فيهو شنو!)
هي هذه القصيدة ممكن تقول ترمز الى طلعية وطلائع المرأة المنصورية.. خاصة هنا في المنتدى ، في حصافتهن.. ورجاحة عقلهن.. ودينهن.. وخلقهن.. الذي لمسناه فيهن هنا في المنتدى..
عشان كدة بحمد الله نحن هنا قد نؤجر ولا نؤثم
..
لذلك وددت أنك أنت بالذات تلحن هذه القصيدة وتقولها لأنك زول متدين
وتركت الغناء في الساحات العامة. بصورة العداد.. إلا في مناسبات معدودة تجامل فيها أهلك وناسك
.............
لذلك يا ود أختى أنت دخلت الآن في تنافس مع خالك.. والخال والد
وخالك بحمد الله يعرف قدراته الفنية في التطريب والإنسيابية،، وابعاد صوته.. والنواحي البلاغية في قرض قريض الشعر
عشان كدة ما أظن تقدر تجيب لحن بعد كدة فيهو كمية تطريب وانسيابية.. ومحشود بالإيقاع الراقص.. ما أظن تقدر تجيب لحن زي ده!
لذلك عليك بإداء هذا اللحن..
ولسه في تطريب أخير جاي سوف أنزله بعد يومين هنا. لأن القصيدة كانت في حالة عواسة لحنية.. والآن خرجت من التكل مكان العواسة هنا وهي في التكل كنا نضوق الناس منها شوية شوية .. زي المرة البي تعوس في الفطير في الخس.. تضوق ده قرقوشة بتاعة فطير وتضوق داك برادي.. ولسه لما يطلع الصحن كامل مملح.. دحين هسي دي خلاص طلع الصحن كامل مملح.. طلع على الخلوة .. على الضيوف..
ونحن نعوس فيها كنا نضوق الناس منها شوية شوية
في صناعة كلماتها وفي صناعة لحنها( أنظر للبوست)
والآن هي أكتملت
المهم المجال متروك لك كان عايز تلحنها لحن تاني لحنها والجمهور حكم بين لحنى ولحنك..
وفي النهاية القصيدة لى ود أختى أفعل فيها ما شئت..
ولكن هذه القصيدة بالذات ليست ككل القصايد ولا فخر.. لأنها ترمز لرمز القبيلة في معاني معتدلة وليست فاضحة..
دين أخلاق علم.. وهكذا..

من طرف **Hiba Alambasha** الجمعة 14 سبتمبر 2012, 5:46 pm

يا سلاااااام على روعة الكلمات

شكرا باش مهندس

تسلمي هبة
.............
القصيدة برضو أضفت لها أبيات جديدة
...........
الجدودك كان باسلة
القيقر النعمان شنتلا
كم عروش وملوك نزلا
معركة كورتي الفي الخلا
يشهد التاريخ سجلا
.........................
بالعفاف هي متسربله
كم وراها رجال مرجلا
البدور لينا البهدلة
نرمي للتاريخ مزبلة

من طرف **رجعنالك** الجمعة 14 سبتمبر 2012, 6:47 pm

كلما امر على قصيدتك هذة تقفز الى الذهن مباشرة رائعة الكابلى اى صوت زار بالامس خيالى طاف بالقلب وغنى للكمال

ولاادرى لما ولكن اليوم مع التوضيح وضحت الفكره فالكلمات رائعه وكل بيت يقود للآخر فى انسيابيه وهى مليئه

بالموسيقى الداخليه مما يساعد فى تلحينها بأوحه عديدة

لااسكت الله لك حسا ياباشمهندس

صديق عبدالله علي أبوحنة كتب:
أما هنا تمجيد رمز القبيلة
في فكرها
في دينها
في بسالة أجدادها
في أنها عالمة فاهمة لاترضى المجاملة
( دينا أخلاقا تجملا)
( ما بتدور زولا يجاملا)
( فارسي بت فراس منهلا)
وهكذا
المرأة ما عادت أن تشكرها بمحاسن جسدها
مرأة اليوم وفتاة اليوم غير
تحتاج أن تتكلم عن ( الراس فيهو شنو ) ز

ولكن هذه القصيدة بالذات ليست ككل القصايد ولا فخر.. لأنها ترمز لرمز القبيلة في معاني معتدلة وليست فاضحة..
دين أخلاق علم.. وهكذا.

الله يعطيك العافية يا ابو حنه
ومافى بعد هذه الدرر اي كلام
قصيدة فيها قمة الاحترام للمرأة ........ ان نحترم عقلها وفكرها

والله رفعت من قدر المراة المنصورية ... رفع الله قدرك كمان وكمان
وكمان نشكر ود الحمود لاهتمامه بهذه القصيدة

من طرف **amira ali** الجمعة 14 سبتمبر 2012, 8:35 pm

القصيدة فعلا تستحق ان تسمع من اكثر من صوت او جهة
سمعناها من صاحبها بصوته الشجي وننتظر الفنان الحمود
حفظ المولى مبدعينا وابداعاتهم

من طرف **ابو مصطفى** السبت 15 سبتمبر 2012, 4:01 pm

المنصورية دى عاد تشبه شنو ؟؟؟؟؟؟؟؟؟؟؟؟؟ تشبه روحها ؟؟؟؟؟؟؟؟؟

اقول وكتار القالوا قدامى ؟؟؟؟؟؟؟؟؟؟؟؟؟؟؟

المنصورية دى حاجة كده زى شنو ؟؟

مثل الحج جمعة وفرضو قضه

تحياتى

ابو مصطفى

منصورية مكملة بإضافة رتوش للحن
إفتكر اي واحد حقو يسمع الرتوش دي
المرة الفاتت نزلنا القصيدة بصوت القرار مع السلم العالي الحاد الموازي في الطنبور
ثم السلم العالي في الطنبور مع الصوت العالي في الأداء
................
ثم جاء هذا الأداء. يجمع سلم القرار والصوت العالي في سياق واحد مع السلم العالي في نغمة الطنبور.. مع إضافة بهارات ورتوش على طريقة الفنان صديق أحمد بنفس لحن القصيدة الأول منصورية مكملة زايدي فوق البنوت حلاه G

رجعنالك
رائعة الكابلي فعلا تمثل تاج للمرأة .ز وهذه القصيدة هنا عن المنصورية المكملة تتكلم عن القيم الأخلاقية
وجه الشبه قائم
كما قالت اميرة على جمال الجسد يزول.. وجمال الأخلاق والعلم والدين تبقى