قصيده للشاعر فتح الرحمن حسن عمر

[color=red]من الحمداب إلي مروي ومن الخزان تسمي السد
إسم حولينو حولينو حايمه شكوك نابع من ضمير أسود
حق المنطقة الأدبي يضيع بسهولة يتجرد
إدارة قصدها إستفزاز مديره كلامو كلو نكد
يفتش للفتن فتيش جبر خلق الله تتمرد
نحنا خلاص وقفنا ألف ومن أهدافنا مابنرتد
شمرنا السواعد صاح وصفنا عمرو ما بنهد
أولاد قمرجاهزين يفتحو طاقه ما بتنسد
بنقول للمتخازلين هيهات بيغظكم تموتو كمد
كشفناكم وعرفنا اللعبة وتاريخكم طبيخ أسود
الزول البخون أهلو ومسقط راسو ما بسعد
خير ما فيهو لي وطنو مادام لأهلو يترصد
لو كان في إدارة تمام ذي ديل ما يكونو سند
زول وسط العشيرة نشاذ معقول يقضي ليها غرض
الوطنية من البيت وبعد داك تاني تتعدد
مسقط راسك الأول هويتك منو تتحدد
الوطن الصغير الأب والوطن الكبير الجد
مصيبة كبيرة في الخزان إدارتو طبيعي تتعمد
تتهرب من اللجنة وعارفة اللجنة فيها أسود
إدارة ضعيفة يا ريس ومديره بالظلم أوعد
لابد من مدير منصوري مولعه نارو ما بتخمد
بدل ما مدير كلامو غريب يجيب للناس ضعط وغدد
الطفل الصغير مغبون مشتاق فيهو يستشهد
مدير والله أمرو عجيب فاكر مافي غيرو ولد
يلعب بي مشاعر الناس قايل فيها خالد أبد
ولا حقوقنا من جيبك وخايف الثروة تتبدد
يقول العايد المجزي يطلع من مياه السد
الخزان بيغني الناس والفقر اللئيم يبعد
والناس ابتضحي تضيع يا ظلمة تتشرد
قرار جمهوري يا ريس يكون الليله قبل الغد
ينصف أمة مظلومة عايزة حقوقة ما بتشحد
كاتمين غيظنا في الأعماق ونحنا خلاص وصلنا الحد
نحنا أهل الجلد والراس فوقه ديارنا نتمدد
أصحاب حق ولينا الحق في موقفنا نتشدد

(فتح الرحمن حسن عمر المنصور[/col
or]