ككك يرثى وردى

بسم
الله الرحمن الرحيم

دمعة من
ميدان العدالة
/ الدامر(اعتصام
المناصير) الى
روح الاستاذ
محمد وردى

اخرسى يامزامير
ماتصكى اضنينا * * * كين مات وردى عزفك
تانى شن معناهو

فيا متفننين بالله
صنو شويا * * * كل زول منكن تانى اليصرو
غناهو

بنيانكم ضعيف يرمى
البيمشى عليو * * * لكن وردى من الساس مقوى بناهو

ياود البلد درب
النضال عبدتو * * * الزول الاصيل يبنيهو مجدو براهو

وردى كتاب علم عنوانو
عزت عزه * * * خالد مابروح كل الشعوب تقراهو

وردى علم كبير قاسى
الليالى تجيبو * * * هو الزول الوحيد البيهو اهلو يباهو

غنيت للوطن حببتو لى
سكانوا * * * دافع عنو كم خاصمت للعاداهو

ترفع فيهو يوت متمنى
حيلو يشيلو * * * والمنجوها من فوق الارض راماهو

غادر للعبوس والموجعو
هو الموجعنا * * * يارب ياكريم فى الجنه يلقى مناهو

ياحريه من ميدانا
شيلى تعازى * * * حلقى بيها فى وطناً كتير حباهو

خففى لى دموع اهلو العليهن
حنا * * * ابدى من الكبير لى حدى تصلى جناهو

اقلدى لى دغيم ثغر
الشمال الباسم * * * واقدلى على ترابا الفوقا قضى صباهو

شيليها المتاريس من
دروب العزه * * * خلى الحر يقول يسوى للعاجباهو

راسك خلى فوق ياعازه
ماتنزلى * * * الطغيان يموت مهما تمدد جاهو

اسفى عليكى لى كوم
الخراب قادوكى * * * المايسوا فوق خلق الله فاتح فاهو

يامنجوها للحال
القبيل ودينا * * * الشعب الاصيل يخبر دروبوا براهو

مامحتاج جسور فوقن
تجرجرو جلدو * * * محتاج لى امين تهدا النفس ترضاهو

محتاج لى صدر للكل
حنينو يدفى * * * يبغض للبضم اهلو ويعادى سواهو

رفرف ياعلم وانفض
غبار الزله * * * وطناً مانحرسوا اخير نفوت نختاهو

غاب قمر الوطن
والظلمه بيها اتغطى * * * قرن من الزمان كان يهدى ليو ضياهو

فيا سيفاً سنين
داخرنوا للمتعالى * * * راح عالم غريب ماظنى بى نلقاهو

سافر ابو الورود
والدنيا جف رحيقا * * * هاج بحر الدموع انشاء الله نتعداهو

كيف ارض المناصير
الماسى تطيقا * * * موتك وموتا مؤلم تانى مابننساهو

الشاعر محمد حسن فضل

والله ما قصروا المناصير الذين ينعون وردي يا عريس.ز وردي ما ساهل.ز والحكاية ماها غنا بس! الرجل مفعم بالوطنية ومفعم بمحبة المناصير.. وهو رجل أطرب كل الشعب السوداني على مدى اجيال، وهو واحة يخلدون اليه وقت ( الحزن النبيل)
رحمك الله يا وردي

من طرف **amira ali** الثلاثاء 21 فبراير 2012, 2:03 am

ربنا يرحمه بقد ر محبة الناس
فنان مبدع ومتفرد من الصعب ان يجود به الزمان فنان كل الاعمار
معتز بنفسه دائما وليس مغرورا
كان وطنيا تؤرقه قضايا الوطن وتفاعل معها كثيرا ولا يزال السودان يحتاجه
واضح في اراءه ذكر في احدى لقاءاته انه تعلم عزف الطمبور على يد واحد منصوري اسمه حسن عبادي
وفعلا حسن عبادي من شيري (المهوه)
ان العين لتدمع وان القلب ليخشع وانا لفراقك يا وردي لمحزونون
شكرا ككك
في الاول افتكرتها مقصود بها كشك _خطا كتابي غير مقصود
انا لله وانا اليه راجعون

الشكر الاستاذ الشاعر الكبير ابن الكراع
محمد حسن فضل
وردي فنان كبير
وظاهر من ظواهر الفن الاصيل الذي
مر علي الكره الارضيه
في زمان كان الناس لايعرفون معني الفن
الجنه مسواك الاخير
يابن صوارده

من طرف **عباس محمد** الثلاثاء 06 مارس 2012, 7:06 pm

نثروا ادبا وشعرا
خارج اطر اشكالهم المعقد
فى دامرالمجذوب وكان الامورتسير
بالامرالاعتيادى فياتى رثاء وردى
لك التحية اخى نادر

كما قال
طال الانتظار بقت الحكاية مسلسل
ناكل فى الصبر باقيلنا منوشوية
عالج للجراح قبل الامور تنشنتل
نحن شبابا نخبر للدروب وشعابا
قانونا يشطب فوقنا ما بتفصل
يشطب حمد احمد ويدى بت عبدالله
هيل منو هى البلد لامن نجى ونتطفل
تقبل ذلك لضيق الوقت

ككك يرثى وردى

ككك يرثى وردى

رد: ككك يرثى وردى

رد: ككك يرثى وردى

رد: ككك يرثى وردى

رد: ككك يرثى وردى