جيت لقيت باب الغرام فاتح ويامسكين دخلتا!

جيت لقيت باب الغرام فاتح ودون استئذان دخلت

ابتديت تزرع مشاعرك وجوه فى الوجدان سكنت

ماكنت فاكرك تانى لى دريب الغى قصدت

وانت ياقلبى الجريح كان تتعظ من يوم عشقت

عشت فى الالام سنين وبالجراحات كم نزفت

ايه تغير ياحنين وتانى فى اعماقو خضت

الاخ صديق دى نجرة- تذكرت من ابياتك والابيات المنجورة اعلاه اغنية محمد جبارة (ظل الغيمة)--حيث خدع الضل القلب وزعم ان انه مرهق ويريد ان يرتاح قليلا ومكث فيه--

ظل الغيمة غشا قليبى قال ينجما خت رحالو فات خلاهو دا الكان مرمى فى عزالهجير يرتالو

ياخي يا سلمان ضل الغيمة لما ظهرت كانت أغنية الموسم..
أظنها كلمات السر عثمان الطيب..السر ده أختو كانت جارتنا في الثورة ومتزوجها واحد صحفي من ناس نوري.. هم في الحقيقة ناس حساسين ومرهفين جداً..وناس كرماء.. الغريبة لقيت عندهم محبة للمناصير غريبة..وكثيرا ما كانت لى جلسات مع السر عند اختو دي!