ياناس السعودية، لبن المراعي ده! كيف

الأخ صديق لبن المراعي ده أكثر واحد يشكره عبدالغني الحسن وسبق أن أخذ معه كمية للسودان لأنه كان دائما يحكي للجماعة عنه في عنبر جودة والجامعة قالوا له لابد من إحضار عينة منه حتى نحكم عليه وما كان من أخونا إلا أن قال لهم هذا البيان بالعمل.

أما عن وجهة نظري فيه فأنا بطبعي أحب اللبن حليبه وروبه وأنا متربي باللبن وكان عشاي دائما باللبن حتى غادرت السودان مغتربا وطبعا خلوة المناصير كانت مشهورة بالعشاء باللبن حتى أن المرحوم حسن محمد ( حسن ما) قال العاوز اللبن يمشي خلوة المناصير . وكما سبق أن كتبت عن الرهوفي باللبن وياصديق خلي أم العيال يوم تعمل لك رهوفي مع هذا الحليب عشان تقطع أديك مع الرهوفي باللبن . ورغم حبي للبن ياصديق إلا أن أهلي معظمهم لا يحبونه وأولادي طلعوا نسخة لأمهم لا يحبون الحليب هذا الجركانة ذات التسعة دراهم هنا بسبع ريالات تقريبا سبعة دراهم ونصف وهذا الحليب أشربه وتوكل على الله وليس مثل لبن عشر مصطفى عمر . أما بقية التفاصيل يمكن تجد الرد عند بنياتنا المغتربات ولك شكري صديق.

انا ممكن اعطيكم رأي في لبن المراعي اولا"اللبن مضاف اليه مواد حافظه حتي يحتفظ بالنكهه والشكل طيلة فترة الصلاحيه.
ثانيا"تغذية الابقار رغم ان الدعايه في التلفزيون توضح مراعي طبيعيه‎ الا اننا من طبيعة السعوديه الصحراويه مإظن في مراعي طبيعيه حتي اذا كان غذاء الابقار مأخوذ من الطبيعه فانه يحتوي علي كميه مقدره من الاسمده الكيمائيه والمبيدات الكيمائيه والتي نعرف مضارها علي الانسان.
ولاتفوتني الفرصه الا واذكر حليب السودان ومميزاته التي من اهمها تعاين للبقره تأكل شنو وتتحلب كيف وتشربو بعد ساعات وليس ايام من وقت الحليب
تخريمه"كلامي دا ماتشتغلو بيهو الأخوه المغتربين لانو كلام حساده مأكتر.لانو السعوديه ودول الخليج وكل الدول الغنيه رجعت الي الطبيعه في جميع المأكولات والمشروبات رغم انها اغلي سعرا الا انها لاتحتوي علي مواد ضاره بصحة الانسان اشربو واتهنو بيه

الساده الكرام لكم التحيه
وبما انني ليس من المغتربين اريد ان ادلو براي في هذا الموضوع.
اولا انا متفقه مع راي الاخت عازه في اي حاجه مضافه اليها مواد حافظه هي سبب الامراض والمشاكل التي ظهرت مع ظهور هذه المواد الحافظه.
وبعدين يا جماعه اي حاجه تكتر فيها الدعايه والاعلانات اعرفوها فيها إنه.
وزي ما قالت عازه ما اجمل لبنا ااي حاجه قدااااامك الاكل والشرب والمراعي الخضراء والاراضي الواسعه...ترجعوا يا اهلي المغتربين بالسلامه وتشربوا من لبن بلدكم وتسلمو.
ويا صديق اللبن المجفف اضمن ليكم وبالذات فورموست..<دي ما دعايه لاني ليس لي صالح ولا طاح>غايتو انا ما حصل سافرت من بلدي شربت لبن غير المجفف؟؟جنا تعرفو ولا جنا ما بتعرفو

أيوه أنا مع أميرة علي
البي تقصدو عازة داك بتاع المدة الطويلة
أما ده تلقاهو بتاريخ أمس جاي من السعودية ومدتو اربعة يوم بس ويحفظ بارد في الثلاجة ويجي من السعودية بي شاحنات فيها ثلاجات طوالي تصل في نفس اليوم من السعودية وهو جركانة وباغة .. وليس زي المحفوظ الفيهو مواد. ونحن كشفنا عليهو في معمل الشركة هنا، لقيناه لبن زي ما الله خلقو ..
وفي انتظار عبد الغني الزعيم لأنو وداا منو لي ناس عنبر جودة في الكلاكلة

أيوااا يا دكتور مصباح معناهو موش ربحانين فيهو كتير طالما سعرو كدة في السعودية يعني حكاية درهمين إلا شوية الفرق حق الترحيل.. تمام كدة

قلت لى يا دكتور مصباح ناس عنبر جوده طلعوا اذكي من الزعيم عبد الغني!
لما شكر ليهم لبن المراعي، قالوا جيبو لينا نضوقوا بعدين نحكم!
فما كان منه إلا أن غرقهم فيهو الزعيم وجابو ليهم!
دي يا دكتور مصباح
ذكرتني قصة أشعب الأكول
تتذكر زمان كان يدرسونا ليها في كتاب( الكشكول) تتذكروا!
بالله شوف المنهاج الدراسي ده زمان كان طاعم كيف!
القصة المعروفة
دعا هارون الرشيد اشعب الأكول الى مجلسه، وبادره بسؤال. أيهما احلى يا أشعب
الفطير بالسمن
أم الأرز باللبن والسكر!
فقال أشعب: والله لا أحكم على شئ غائب يا امير المؤمنين!
فامر هارون الرشيد بإحضارهما له.