السيناريو القادم

اشكرك كتير علي طرح الموضوع ولا تتشائم اخي حاتم ضع حسن النيه وان كنت اتفق معك في عدم وجود ضروره لتكوين اتحادات ولجان لابناء قبيله واحده اذا اتفقت اللجان فان القاغده تكون بخير واذا اختلفت انقطعت الارحام
فليتركو القواعد تتصرف بطبيعتها وسنجد ان كل الخيارات قد ساندت بعضها البعض لانو القلوب علي بعضيها والدم عمرو مايبقي ميه

طيب يا حاتم
مجرد إقتراح:-
ممكن تتولى عملية الصلح، اللجنة الحالية بميدان الإعتصام، ولا داعي للجنة جديدة، بل تطعم بشخص شخصين من المعهود فيهم الحكمة،من كبارناإثنين من الفداء أثنين من المكابراب من المعهود فيهم الحكمة.. والورع والدين....ليه اللجنة الحالية!
عشان اللجنة الحالية مرضية من غالب المناصير..
عشان اللجنة الحالية قدرت توحد المناصير في ميدان الاعتصام، عشان غالب أهل البلد وثقلهم الآن في ميدان الاعتصام..
الصلح في البداية لازم يركز على جمع الشمل العام.. وتناسي الصغائر، عشان ينجح. لم الشمل بس.. بلا حكاوي مظالم.. المصر على مظلمة مكانها القضاء على نطاق شخصي مع الزول العندو مظلمة معاه، أما الصلح العام ، يتم على نطاق القبيلة.من أجل القبيلة تذوب الصغائر.. وإلا محاولة الصلح، قد تزيد الفجوة.. وبعد ما قرررب الزمن يعمل عملو في رتق الفتق، تاني ينشرا الجرح ، ويتفتح..
في ناس قالوا، خلوهم كدة، الزمن براه كفيل بلم الشمل.. لأنهم الناس أهل.. وصلة الرحم براها من الله سوف تنادي بوصلها ، بفضل دعاء المخلصين..
لأنو هسي دي كادت العلاقات الاجتماعية تكون تمام.. حصلت عروسات كتيييرة. العريس من المحلي والبنات العرسوهن من الفداء او المكابراب.. والعكس برضو حصل.. اما التواصل في الفرح والكرح من زمان عاد والناس بقت تتواصل، بعد ما كل أرضاَ شربت ميها..
في ناس قالوا خلوهم كدي، ده ذاتو صلح بالدم البارد، الزمن هو القايد الصلح براهو. لأنو مافي حل. أخ يكون في المحلي. أخوه يكون في أماكن التهجير.. أم في المحلى ولادا وفلذة كبدها في التهجير..
الأيامات دي شايف الحلفاوين المهجرين في خشم القربة .. جايبنهم هجروا قراهم، مشلعة ينعق فيها البوم، الناس شردوا منها. قالوا الإسبيستوس لمان صار قديم صار يجيب ليهم السرطان.. وتعددت حالات السرطان عندهم بصورة وبائية.. أوعكم من الإسبيستوس عاد.. لأنو آخر دراسات اكتشفت إنو الإسبيستوس عامل رئيسي في مرض السرطان..
سبحان الله الأخ الباشمهندس الكبير الفكي محمد جيب الله. زمان أول ما تخرج من جامعة الخرطوم، اشتغل في مصنع في بحري بس مخصص أسبيستوس.. وانا جيتو فيهو اربعة مرات، تدربت على ماكيناتهم فيه.. هسي دي سبحان الله طلع الإشعاع البي يطلع من الإسبيستوس.. عامل أول في مرض السرطان.. خاصة لما يقدم الإسبيستوس على سطوح المنازل.. يبقى اصلو الإصابة بيهو لا تاكل لاتشرب.. شايف الحلفاوين في التلفزيون واحدين كسروه زي الشي الكعب.. وجدعوه في الكوشة.. زي الزول البي يجمع ليهو في عقارب.. أوعكم من الإسبيستوس

عازه كتب:اشكرك كتير علي طرح الموضوع ولا تتشائم اخي حاتم ضع حسن النيه وان كنت اتفق معك في عدم وجود ضروره لتكوين اتحادات ولجان لابناء قبيله واحده اذا اتفقت اللجان فان القاغده تكون بخير واذا اختلفت انقطعت الارحام
فليتركو القواعد تتصرف بطبيعتها وسنجد ان كل الخيارات قد ساندت بعضها البعض لانو القلوب علي بعضيها والدم عمرو مايبقي ميه

مشكورة الاخت عازة

النوايا يا اختي مربوطة بالاعمال والاعمال بقرائن الاحوال

والنفوس اذا تصافت لا يحصل الا الخير

الناس على خلاف وليس اختلاف قل بربك زول فى المكاراب والدايرو لقاه وزول لسة يكابس ويجابد وغرقان وزيته طالع وبرضه تقولى صلح هو عليك الله لو ما الناس الهاجرو كان نحنا بقينا فى الحالة ده يا اخوانا فضوها سيره كده بعد ما نثبت يحلها الله

محمدالحسن طيفور كتب:الناس على خلاف وليس اختلاف قل بربك زول فى المكاراب والدايرو لقاه وزول لسة يكابس ويجابد وغرقان وزيته طالع وبرضه تقولى صلح هو عليك الله لو ما الناس الهاجرو كان نحنا بقينا فى الحالة ده يا اخوانا فضوها سيره كده بعد ما نثبت يحلها الله

كدي اقرا الكلام تاني ، كتب لاصحاب دعوة الاتحاد

ومهما حصل الناس اهل فيهم الاتغشى وفيهم المضلل وفيه القهران والزهج وفيهم الاصابه اليأس وفيهم الحالم

انت قائل الرحلو مرتاحين ولا راضين ولا وجوده الدايرنو

اضافة : كدي يا محمد اقرا العنوان وشوف الهدف الاساسي من البوست

مشكور الاخ حاتم فى الوقت الحالى ما عاوزين اى صلح مع ناس اصلا باعوا البلد . اين موقع اصحاب البشرى الساره من ميدان الاعتصام اولا يمشو الدامر وبعداك يتكلموا فى الصلح ويا حاتم والاشخاص المن ورائهم معروفين وهم اصحاب اجنده ل ؟؟؟؟؟؟؟؟؟؟؟ 

ابو رزان كتب:مشكور الاخ حاتم فى الوقت الحالى ما عاوزين اى صلح مع ناس اصلا باعوا البلد . اين موقع اصحاب البشرى الساره من ميدان الاعتصام اولا يمشو الدامر وبعداك يتكلموا فى الصلح ويا حاتم والاشخاص المن ورائهم معروفين وهم اصحاب اجنده ل ؟؟؟؟؟؟؟؟؟؟؟

مشكور ابو رزان

لعل هذا هو محتوى كلامي انه اذا ارادوا ذلك عليهم الذهاب الى هناك

وكذلك ذكرت الاجندة ومن خلفها

عموما الاخ حاتم اذا صعب علي هؤلاء الصلح عليهم الاستعانة بهالة !!!

عبد الواحد جبريل كتب:عموما الاخ حاتم اذا صعب علي هؤلاء الصلح عليهم الاستعانة بهالة !!!

لكن هالة حق ما عندها حق

بعدين هي بتصالح المخرفين بس