الباب البجيب الريح

هذا هو عنوان عمود دكتور عادل الصادق بجريده التيار
تناول هذا الصباح موضوع العرب العاربه والمستعربه و الحلب الحالبه والمستحلبه والمناصير المكاربه والمتكوبره
فقال ذى مافى عرب عاربه اصليه وعرب مستعربه تقليد تتميز الاعراق السودانيه بنفس المميزه
فالحلب الحالبه هم الحلب الطواااالى حايمين فوق كرعيهم ويصلحوا الكوانين والسراير وعندهم كلاب وقرود اما الحلب المستحلبه ديل لا حلب ولا حاجه يعنى زول لونو احمر من قبيله تانيه يقولولو ياحلبى
والحلفاويين الحالفا والمستحلفا

الحالفا ديل الحلفو بى راس ابوهم مايخلو حلفا القديمه ويقعدو فيها بعد ماتغرق من مويه السد انشاء الله جوه المراكب واصلهم

الحلفاويين كلهم حلفو لكن فيهم من زاغو من الحليفه ومشو خشم القربه وديل هم الحلفاويين المستحلفا

الشوايقه

شوايقه شايقا وشوايقه شليقه والشايقا هم الناس القاعدين فى الشايقيه ومابيمرقو منها لى هنوك وباقين فيها عشره والشايقيه الشليقه

ديل سافرو من البلد وبقو يغنو ياحليلك يابلدنا وطريت بلدى وغنا وبكا شديد للبلد والشوق للبلد\ لكن زول واحد فيهم اتحزم
واتلزم ورجع مافى

الجعلييين

جعلين جاعله وديل مابعرفو هظار ان قلتلو انزيك يحمر ليك والمتجوعله هم الهراطين الواحد شنبو يربط العتود وحسو عالى

وكل كلمه والتانيه يقول ليك والله اهسع اقوم عليك اخنقك

الرباطاب الرابطه وهم وهم المرابطين فى الرباطاب والرباطاب المستربطه وهم السافرو وماعندهم الا اسم رباط

المناصير وينقسمو الى مناصير مكابره ومناصير متكوبره

المناصير المكابره ديل القعدو هناك ولاهاميهم لا خزان ولا فيضان نوح زاتو المويه تجيهم لحدى كرعيهم ويشيلو عفشهم ويرحلو

منها وتانى تجيهم وتانى يرحلو اما المناصير المتكوبره ديل طوااالى جو المكابراب وقعدو هناك يتلفو ليهم الله

التيار ص 15 العدد321 التاريخ 10 يوليو 2010

سلام ياحاج
متل حالك ده زودنا بالحاجات الظريفة دي لعلها تخفف
ألم الاحباط
كنت دايماً أعمل بعض المشاغبات مع أصحابي
لما يكونوا ماشين إجازة وأنا قاعد
وأقوم أرسلهم رسائل على الجوال عشماً في
تخفيف الغيظ الحاصل
فقمت رسلت رسالة لصديقي الظريف محمد عثمان حجازي
وكان وقتها يدرس بجامعة حائل وكان مسافر ونحنا قاعدين
والظاهر الراجل سختني

يارب في دي الإجازي
وبعد ده الحال ياحجازي
على تامزينك تزازي
يشوفوك وسط البرازي
تتعتع وماسك القزازي

دي توبه تاني فقير ما بنهبشو ..شفت العملها فينا وانتقام الفقراء مؤلم كيف
هسع إنت لو نعلت زول بسألك مافي
قوم الرحلة ياحاج الأملحين عند جارك الشيخ

مشكور اخونا الحاج علي هذه المواضيع الفريده من نوعها بس يا حاج المناصير المتكوبره دي عرفناها المكاربه دي شنو؟

هم ياسين وحسب التفسير
ينقسمو الى قسمين متكوبرين دامر ومتكوبرين فداء وبينهما وبيننا معاهده البقط
ومن دخل وقال انى غلطان فهو امن
وسنقولها اذهبو فانتم طلقاء

شكرا الحاج على الموضوغ المتكوبر أقصد الجميل
ودي ذكرتني واحد صاحبنا هني منصوري إتناقش مع جعلي _الجعلي قال له والله أسع أقوم إتجوعل لك أسع
المنصوري رد: والله أقوم إتمنصر أسع تعرف حاجة

‏ أستاذنا محمد بروي _ الأملحين بلاك ماعندهن طعم
وديقة سلمان لسع مافرضا