الشاعر الكبير ودنعوم

ابدأ للكتابة للشاعر ودنعوم والذى يقال ان له قصائد كثيرة لم يوثق لها ولم تحفظ وتتناقل حتى لمن عاصروه ؛كما الفت انتباه الأخوة الزملاء لبقية شعراء تلك الفترة اذكر منهم _على ود سلمان (شرى)-السيد ود الحسين(حوش فرنيب) -سليمان ود نصر الدين (شررى) الفكى ود الباهى (عصمة) العقيد (الكربكان) وغيرهم ولانهم يمثلون العصر الذهبى واكيد مستهدفين للتوثيق-فبل ان ابدا لودنعوم اشير بان الاستاذ الراحل الطيب محمد الطيب ذكر ان اغنية فيها(اللينا -الليل ليلى انا -)فهى منصورية-وقصيدة ودنعوم ادناه تمثل ذلك وتقول :
الليلنا الله الليل ليل ولينا نارى انا
البنات ساكت يحاكنك
وبالشبه ابشاهنك
الكسر بنيان ربك سنك

زولى الرحلو فى الباشى
عاينت لقيتو ليقتو مافى
واخسارة ظهرى ونضافى

مشيت الباشى لى عشانا
لاغرض لاودتنى عانا
الشليخ الختولو زانا
مهندسا يقلب رطانا

عندى باتا وكملى باتا
وفتر من تالا شولاتا

ندهت انا شيخ الطريقة
يحرس الخدرة قارسيقة
حمامة الجبل الطليقة
النفس مابتخلى ضيقا

اخر الزمن لى عقابو
الناس الكبرو والشابو
مابلدو متل جنابو
الأخوة الزملاء للاضافة والتصحيح 0

شكرا خالد بالنسبة للتعريف بالشاعر انا لدى مصدر او مصدرين اعمل الان للتحقيق منهما عشان زى ماقلنا نكون متأكدين من مصادرنا كما هو متبع فى التوثيق للبحوث العلمية --امابخصوص المعانى مهم جدا هذا الامر:
قارسيقا -يقصد بها القشة(وغالبا صفقة نبات المريق فى بداياتها فهى شديدة الخضرة وكذلك لينة)وكذلك يعنى بها هنا بانها صغيرة السن-
العانا-وهى المساهمة المالية التى تدفع فى كشف العرس-
الشولات والشواليت-وهى المشى المتكرر لمنطقة معينة،او المشاوير الكثير
وفعلا الاغنية غناها عيسى بروى ،وبحضور محمد بروى يمكن يزيدها او يحذف اويصحح-كمان ياخالد اظنه يقول (الطلع سكر الجنيد ريقا) ويمكن وضعها عيسى للضرورة الشعرية 0

يا سلمان عقيد منتظرين منك تعريف بالشاعر ودنعوم

شكرا الاستاذ سلمان وداير استاذنك واعرف الشاعر ودنعوم
الشاعر ودنعوم من جزيره دماج وهى جزيره صغيره يفصله بحير الحاره من اوس واخيره سكن كمساب (تتبع للعشاميين
وعندو ولد شاعر يقولوا ابسلوك
وتتبع للقصيده ايضا
وين يالفى سام حموده
ومرنقه طالعات حدوده
وين يالفى سبيك حنك
وراسى وجعنى من همك
وفى القسمه البى تلمك
البنات ساكت يحاكنك
وفى الشبه مابشبهنك
الكسر بنيان ربك سنك
لاقيتو بدور اساألوا
لقيتو كلامى مو دايرو
الهالكنى بى موجات ضفايرو
نسينا زمان .......
شمال اترم فى يمينا
جزيرتا كاكا وزينا
خزينت بنك القطينه
فوقه من عين الحاسيدنا
الله اللينا الله الليل ليل ولينا
ومن قصايدو تانى
السلام ياناس مين يشيلوا
ويصلوا صاحبوا الهيلو
اليوزعوا لحمى بالكيلوا
اما الطلع سكر الجنيد للشاعر صالح ودعقيد ود فرح من الصنابه
يقول
ياشيخى القبل ام عليقه
انا عيان شوف لى طريقه
النفس ماها مخلى ضيقه
حمامة الجبل الطليقه
الطلع سكر الجنيد ريقه

ياسلام عليك يانادر يانادر
قبل المغرب كنا في سيرة الشاعر الكبير ودنعوم وتعريفه واشعاره مع الإخوة الأعزاء سلمان والحاج والرشيد الأفندي ويس مصطفى
مشكور جدا على هذا التوثيق

تعرف ياخالد انا اطالب بحق تشجيع نادر للانضمام لهذا المنتدي بعد ان تحدثت معه في الرحله للمناصير كما ذكرت من قبل كما ارجو ان تجتمع معه في جلسه للاستمتاع بحاجه ثانيه وهي سماع صوته عندما يسمعك هذا الشعر ملحن كما انه يحفظ اغاني واشعار العرب وسبحان الله فعلا هذا الشبل من ذاك الاسد الله يرحم نور الهادي

فعلا
إضافة كبرى والمنتدي نور بدخولك الجميل ومشاركاتك بمجرد تفعيل الإشتراك_
أما إنت ياهندسة فيكفي إنك منقب وموثق تاريخنا وحضارتنا القديمة وتشكر جدا على إهتمامك
والبيت بيتك

ازيك يانادر نور الهادى , واخبار وانشاء الله المكتبة ماتكون غلبتك

بارك الله فيكم .انشاء الله يااستاذ سلمان شعر ناس سور بنزلوا شويه شويه خاصه الفكاهى
المكتبه ياهيثم غلبتنا. ومافيها عرس لينا

تسلموا ايها الرائعون بروعة بلادكم
وشعر اجدادكم
اخى سلمان اذاكان ودنعوم هذا له صفحة خاصة به فيجب
تحويل هذا البوست باكمله الى تلك الصفحة
ولكم الشكر والتقدير

من ام غربان وقمت سادر

واتوجهت على المناقل

اليتيم ربى لكن درادر

الفى نوتاتكن بذاكر

من الليلى لى باكر

تسلم يارائع نادر ونسعد بعودتك