الدكتور عبد الله محمد سليمان

عندما نكتب عن العظماء تقف الكلمات عاجزه ان تفي بحقهم فالمناصير ملئيه بالعظماء منهم من قضي نحبه ومنهم مازال يعطي امد الله في ايامهم

فالشخصيه التي اريد ان اوثق لها يكاد يعرفها اغلبيه مغتربي السعوديه لانه قضي وقتا هنالك يرحمه الله ويسكنه فسيح جناته

الاسم:عبد الله محمد سليمان احمد علي صبي
الميلاد:الحيبه الشرقيه 1950تقريبا شهاده تسنين وليس ميلاد يعني قابله للزياده والنقضان

من جهه الاب من قريه الكويب ومن جهه الام من الحيبه الشرقيه والدته جاره الحير عيسي احمد عبدالله اخت المرحوم قمر عيسي توفي والده وهو طفل وكان والده بحكم انه شيخ البلد رجل مزواج00000نواصل اذا في العمر بقيه

ياسلام يام وضاح عزفت علي الوتر الحساس
دكتور عبد الله شخصيه اسطوريه فايقه الذكا ء
يعتبر هوو رفيق دربه الكتور عبد المحمود عيسي من رواد العمل الطبي
في المناصيروكلاهما انجبته الحيبه الشرقيه*
وكان لهم الاثر الواضح في علاج كتير من المناصير في الخرطوم والبلد
واذكر وانا صغير كان الكتور عبد الله يجيب الدواء
ويفتح ديوان خاله قمر عياده
ويؤمها كل المناصير من كل حدب وصوب
وكانت تستمر الي اسابيع الي ان ينتهي الدواء
وكان بعد المرضي يقول لهم علاجكم ماهوه هنا تجوني فوق
يعني الخرطوم
وكان لايكل ولايمل من المرضي مهما كتر عددهم وكتن تبد العياده يوميا من الناس البعاد اولا
وكانت امه جارت الخير بت عيسي ود التنلب
الله يرحمها مرحه وسالتها ذات مره
امراه ولدك يقرا وين
قلته لها في الخرطوم
قال يعني في الفرع
وقالت لها جارت الخير في الخرطوم ذاتها
اراد المراه ان تداعبها
وقالت لها الجامعه فروع يابت عونيه

لهم الرحمه جميعا
لنا عوده


لها في الفرع
وكانت

الاستاذة نجلاء زمراوي لك التحية ولزوجك الكريم ولأولادك كما قال الأخ عبدالغني الدكتور عبدالله من الشخصيات الفذة التي لا تتكرر في المناصير ولا في السودان ولا في مجال الطب وفي جعبتنا الكثير وحتى يكون السرد متناسق والسيرة الذاتية متسلسلة ويستفيد منها الجميع عليكم بالكتابة عن المرحوم منذ صغره ومراحل تعليمه حتى اغترابه وبعد داك خلوها علينا ونسأل الله أن يغفر له ويرحمه ويسكنه فسيح جناته.

متااابعين يا نجلاء

لسردك عن شخصية من عظماء المناصير

نسال الله له الرحمه والمغفرة

سعمت الكثير عنه ومنك سنعرف اكثر

واااصلي ومعك صديق ابو حنه

عن دكتور عبدالله رحمه الله رحمه واسعه

المرور الكريم لكم التحيه انا اعرف ان الدكتور يرحمه الله رحمه واسعه اخ وعم ووالد كل المناصير وعند ما بدات ايقنت ان الجميع سيشارك في التوثيق معي لما اشتهر به من دماثه اخلاق وطيبه قلب وحب لاهله المناصير

وانا اعرف ان صديق سيتم التوثيق لان المرحوم عزيز لديه كما زكر لي الوالد اطال الله في عمره

نواصل:توفي والده وقامت بتربيته والدته تحت رعايه خاله قمر عيسي وله العديد من الاخوه والاخوات من جهه الاب وهم:علي يرحمه الله

صابر يرحمه الله

قسم الله اطال الله في عمره وهو الان يسكن مدينه شندي

ومن الاخوات:

فاطمه

منونه

ام الحسن

ام الحسين

زينب

اما ااشقاؤه :

زمراوي مخمد سليمان يسكن الكلاكله الوحده

اسيا مجمد سليمان والده عطاالله السنقوري تسكن المناصير اطال الله في عمره

المرحوم نعمان توفي صغيرا

وايضا له اشقاء من ناحيه الام وهم

محمد علي كنان يسكن الفداء

فاطمه كنان تسكن المناصير

نسبه لبعض المشغوليات نواصل انشاء الله لاحقا عن المراحل الدراسيه

المرور الكريم لكم التحيه انا اعرف ان الدكتور يرحمه الله رحمه واسعه اخ وعم ووالد كل المناصير وعند ما بدات ايقنت ان الجميع سيشارك في التوثيق معي لما اشتهر به من دماثه اخلاق وطيبه قلب وحب لاهله المناصير

وانا اعرف ان صديق سيتم التوثيق لان المرحوم عزيز لديه كما زكر لي الوالد اطال الله في عمره

نواصل:توفي والده وقامت بتربيته والدته تحت رعايه خاله قمر عيسي وله العديد من الاخوه والاخوات من جهه الاب وهم:علي يرحمه الله

صابر يرحمه الله

قسم الله اطال الله في عمره وهو الان يسكن مدينه شندي

ومن الاخوات:

فاطمه

منونه

ام الحسن

ام الحسين

زينب

اما ااشقاؤه :

زمراوي مخمد سليمان يسكن الكلاكله الوحده

اسيا مجمد سليمان والده عطاالله السنقوري تسكن المناصير اطال الله في عمره

المرحوم نعمان توفي صغيرا

وايضا له اشقاء من ناحيه الام وهم

محمد علي كنان يسكن الفداء

فاطمه كنان تسكن المناصير

نسبه لبعض المشغوليات نواصل انشاء الله لاحقا عن المراحل الدراسيه

وانا اعرف ان صديق سيتم التوثيق لان المرحوم عزيز لديه

عزيز عليا ساكت يا نجلاء. أنا لسه لما يجيبوا سيرتو ابكى.. حسرة ما بعدها حسرة..
كان هو في السعودية يتصل عليا ويديني مرتو تسلم عليا.. ويقول ليها ديل اهلى وديل ناسي أعرفيهم لو انا متا.. ويديني بناتو اسلم عليهم واحدة واحدة.. وتاني يرجع ليا. يصر يحكي ويحكي..
لما عرستا كان هو في مستشفى الشعب.. جاني تاني يوم في البيت.وقال لى معليش انا كنت نبطشي وكنت عايز احصل العقد في بري جنب المستشفى، وهنالك اعزاء كنت عايز الاقيهم في عقدك زمن ما شفتهم.. جدي عبد الله والمقدم عثمان خليفة صحن.. ومحمد عثمان حمد ابوروفة.. واحمد الحسين الحسن، ونعمان ود حمد.. وراح يعدد في فضل الوالد ونعمان ود حمد لما كان هو طالب في جامعة الخرطوم..
قييل معانا..
وهو صرايحي معاي شديد
قال لى يا صديق انا بطني دي طوووولت ما دخلت فيها قراصة.. وما عايز أخدم واشغل العروس معاكم منو يسويها لينا..
قلت ليهو يا دكتور القلوب شواهد.. عشرة دقايق والفطور جاهز وضبحنا ليك عتود ولاد اخوى يسلخوا فيهو وأختى بي غادي قراصتا جاهزة..
وقتها كنت أسكن أم بده شمال الحارة العاشرة.. وزريبة صديقي ابراهيم الفكي جيب الله كانت جنبي موش بعيدة. وعندي عندو شوية عتان وخروفين كان جابوهم ناس البلد كرامة للعرس.
قال لى تعبتا ياخي.
قلت ليهو يا دكتور وين نلقاك نحن..
قبل زواجي مشيت ليهو ودعيتو في مستشفى الشعب ووصفت ليهو بيت اهل العروس في بري الشريف.. جنب قبة الشريف الهندي آخر صينية .. وقلت ليهو كان ما جيت العقد. بيتي كدة في الحارة العاشرة مكتوب عليهو كده!
راجل ذكي . زي الساعة تسعة بالصباح كان يدق في الباب.. الوكت داك لا موبايلات لاشئ..
بعد ما فطر وونسنا شوية... جات مجموعة من مناصير الزرايب جنبنا. وشايلين معاهم كتشينة... والدكتور يحب الكتشينة موت.. قعدوا يلعبوا لى الساعة ستة مساء.. بعد ما راحو قالى صديق انا شغال نبطشي بالليل.. خليني اقفل الصالون ده آخذ فيهو نومة.. قلت ليهو ما تستعجل..على القومة تهم المواصلات.. عربية الشغل معاي. بوصلك المستشفى..
ايوة يا نجلاء زي ما قال ليك ابوكي هو عزيز عليا جدا، وكمان يحبني شديد ويحترمنى لدرجة تفوق الخيال..
تصدقي لما نتناقش في مواضيع. يقعد يسمع لى بإنصات غريييب وتواضع من الدكتور أغرب.. ايوة ابوكي يعرف الكلام ده يا نجلاء..
زمان كان جزو من إجازة الصيف يعديهو معانا في الحنانين. ليه عشان أهلو
ليه
عشان وضعوا بين الطلبة في الثانوي والجامعة في البلد وشري والسوق كان يحب يلاقي مجاميع الطلبة في الإجازة.. وشري المهرجانات والكورة..وزمان شري كانت عامرة عمار شديد والطلبة بتاعين الثانوي والجامعة كان يتلاقوا في السوق.. وعندهم حلة لحم كدة يسوها من الحريم البي يسون الأكل في السوق.
وكان قاعد معانا وكأنو ما قاعد معانا يجينا من السلمات ومن سوق النعوفاب ومن شري بالليل، يجيبوا شقيقي عمر بعد أن يقضوا المجالس البريئة مع اساتذة المدرسة ولعب الكتشينة..
هادي هادي هادي عندو هدوء غريب

المرور الكريم الفكي وعزيز المرحوم صديق0000000حقا لا اعرف ولااجيد الحديث عن الغظماء وان اردت الحديث عنهم تقاصرت الجمل واحجمت الكلمات وتناثرت العبارات ويلوذ قلمي بالصمت الرهيب الامن شذرات هنا وهناك فياتي الكلام بلا ترتيب زمني وتسلسل مكانيهكذا عفو الخاطر00000اخوتي انه فقد عظيم كان نعم الاب ونعم العم متتبعا لاحوالنا محترما لوالدنا ومقدرا له بصفته الاح الاكبر له وهو الذي اختار لي اسمي والواد كان محتفظا بخطاباته التي كان يرسلها له من الجامعه الي وقت قريب وفي هذه الفتره الوالد كان في الجنوب مسقط راسي وفي غرب السودان0
صديق انت اجدر بالحديث عن ماثر الفقيد نسبه لما يكنه لكم الوالد والرحوم من محبه ويكفي ان اسمه علي اسم والدك
نواصل000000000000

بالتوفيق الاخت نجلاء
دكتور عبد الله قامة يستحق الوقوف عندها
ونساهم معاك من ذكريات الوالد مع دكتور عبد الله رحمة الله

احتي اقبال خير من يتحدث الدكتور وبالذات مراحل الصبا والشباب هو الخال العزيز الهمام صاحب وابن خال الدكتور ورفيق صباه سلمان عبد الحفيظ وساترك لكي المجال وتكتبي منه كل ما يعرفه عن صديقه في صباه

اختي اميره كل سنه وانتي طيبه كما قلت في بدايه البوست ان خير من يتحدث عن الفقيد هم مغتربي المملكه ومنتظرييين منهم الكثير انشاء الله

الاخت نجلاء زمراوي

عمو عبدالغني

ابوسفيان

عمنا صديق

متابعين بلهف نرجو المتابعة

نسأل الله الرحمة والمغفرة لعبدالله محمد سليمان فقد كانت سمعته الطيبة وتميزه فى مجال الطب على لسان الكثيرين ... سنتابع سيرته العطرة وننتظر مساهمات أخواننا بالرياض الذين عاشروه ويعرفونه عن قرب ....

نواصل المراحل الدراسيه:الاوليه مدرسه الكاب
الوسطي ابوحمد
الثانوي وادي سيدنا ثم حنتوب الثانويه حصلت مشاكل في وادي سيدنا وانتقل الطلبه لاتمام الدراسه في حنتوب وكان من الممتازيين اكاديما واخلاقيا ويضرب به المثل في التفوق والمثابره ومن دفعته وزميله المرحوم مجذوب الحليفه وكان دايما السؤال عنه0
التحق بام الجامعات جامعه الخرطوم جميله ومستحيله1973واشتغل اولا في مستشفي الزيداب ثم مستشفي عطبره 0تزوج من الدكتوره ليلي ريح عثمان احصائيه الاطفال بمستشفي الرياض للاطفال وهي من قبيله الجعليين من منطقه مويس في شندي وانجب من الابناء
المهندس ايمن غبدالله محمد سليمان
ساره عبد الله محمد سليمان
سلمي عبدالله محمد سليمان
وجميعهم نالو نعليمهم في السعوديه والتحقوا بكندا لاتمام التعليم الجامعي وقد تخرج والتحق بالحياه العمليه كل من ايمن وساره وهم شديدي التعلق بقبيلته ومتمسكين بمنصوريتهم ودائما علي الاتصال بالاهل في كل المناسبات واخر زياره كانت لي ايمن ومغه الوالده هو حضور زواج الاخ نجم الدين زمراوي وقد ذهبوا برفقه الوالد زمراوي الي البلد ليسلموا علي الاهل ويتفقدوا احوالهم لان العمه اسيا طريحه الفراش ولا تستطيع السفر
وقد قام ايمن بتصوير كل ركن في البلد وكانت البلد في بدايه الغرق

الأخت نجلاء لك التحية وسلمي كثيرا على الأبناء أيمن وسارة وسلمي وقد تربوا معنا في الرياض وسيرة الدكتور رحمه الله مازالت في السودان وعند وصولها لنقطة الاغتراب في السعودية سنواصل أنا والأخ عبدالغني وبقية المناصير المعاصرين الكتابة لك التحية نجلاء.وزولك ده ماله تركنا مع خاله وسلامي الكثير له.

شكرا لك اخي مصباح طبعا ساره اتزوجت من الاستاذ قصي وهي في كندا ودائما الاتصال هي وزوجها بالاهل

والله يا استا ذ ما ترككم ولكن المسؤليات والمشغوليات وربينا يوفق مساعيه ومساعيكم

متابعين هذه السيره العطرة لعالم من علماء بلادى

ما قابلني منصوري مليان علم ومتواضع، وموش جاري ورا الدنيا! زي عبد الله!
في الناس القابلتهم وعرفتهم داخل المناصير وخارج المناصير وخارج السودان!
ما قابلني زول ما بيزعل زي عبد الله...
الهدوء
ثم الهدوء
ثم الهدوء
حتى كلامو هادي
كان هو معروف من نوع الطلبة البي ينتبهوا في الحصة فقط.. ولا يقروا بعد ذلك..

الزول البي يقرا ويذاكر كتير زمان نقول عليه( صـَبّابَه)
عبد الله يقولوا عنو زملاهو يكاد لا يقرأ خارج الفصل.. يستوعب كل شئ في الصف.

دخولة مدرسة الكاب الاولية :
كان يختار الطالب بالقرعة وكان يعيش مع والدتة جارة الخير برعاية خالة قمر عيسى .كان يرعى الغنم وعند سماعة بان هنالك قرعة لدخول المدرسة ترك الغنم فى الخلاء وذهب بنفسة لمدرسة الكاب وختارتة القرعة كان ذلك بدون علم والدتة وخالة وترك الغنم حتى وردت فى الحديد بكسر الحاء (اسم مشروع بام بلجى)

واصلي يا اقبال تفاصيل مرحله الصبا من الوالد والقصص والحكايات التي عاشوها مع بعض

والله ياصديق حقو اخليك تكمل انت لانك طلعت عارف كل التفاصيل الاسريه حتي حكايه زواجه
فلك التحيه علي هذا الارتباط الاسري ومعرفه صله الارحام التي وصي بها ديننا الحنيف

طبعا انا اواصل ليكم حكايه الغنم التي تركها وعبد الله ونزلت (الحديد )بكسر الحاء

هنا قصه

كان في الخلا بتاع الشرق البرق و نعيمه ونس وجبال وقدام اماكن رعي

وكان في نفس نزول غنم الدكتور عبد الله

كان ان تكمل المؤن والزاد في الخلاء وكان هناك سكر بسيط

وكان مع جارت الخير امراه من التكارنه اسمها الست حبوبة اولاد ناس خميس

وقال الست شدي الكفتيره وقالت جارت الخير نخليه الضيوف

يبفي يجونا ضيوف

قالت الست شدها ياعبدالله الله كريم وداعبتها جارت الخير الله كريم في الخلاء



شربن الشاي واتكلن علي الله

)بعد داك عبد الله خلي الغنم في ذلك اليوم

وقفرت الست الغنم الي وصلت الحديد

وكانت الست اخصائيه تشليخ وماكان من نساء البلد لمن اللولاد والبنوت وشلخت الست كل من جاء الي التشليخ

واعطوه اجر ماعملت من سكر وشاي وبن ودقيق نظير ماقامت به

واعطوه حماره توصلها الي الخلاء

لما راي ام عبد الله جار ت الست وهي تحمل الخير قال الست الله كريم في الخلاء يابت عونه

وهذا علي علي ماجاء من نزول غنم عبد الله

تقبل مروري وسوف امدكم بماعندي بين الفينه والاخري

شكرا علي المرور سفيان ومنتظرين منك الكثير

قد لاحظت ان الجميع يعرف عن المرحوم بعض الشي من حياته وهذا يوضح حب الناس له وانه ذا سمعه طيبه وعم الكل واخ الكل يرحمه الله ويسكنه فسيح جناته 00000
نواصل السرد بعد انتهاء الاعتصام 000000

اول مره شاهدت المرحوم عبدالله كان في منزلنا باالثوره الحاره الخامسه وكان ذلك في مراحله الدراسيه الثانوي وادي سيدنا والجامعه وكان مزامل لخالنا عمر علي باباكر وكان منزلنا يحضر اليه الطلبه في ذلك الوقت وكانوا دفعه عبد الله كماذكرت خالنا عمر علي بابكر ومهندس عبد الله علي العطا ايضا كان هناك بابكر خير الله وقبلهم كان ذاك الشخص المتعدد المواهب احمد الحسين اخو جبريل المره اتاليه التي قابلت فيها المرحوم كانت في الرياض فلقد كنت اسجل زياره اسبوعيه له في المنزل خاصه يوم الجمعه ولقد ذهبت معه في احد الاعياد وركبنا القطار من الرياض متوجهين الي القطيف والدمام حيث قضينا اجازه العيد مع الاخ علي الكليس وبقيه الاخوه منهم الشيخ علي الامين كما اني تعرفت علي زوجته واولاده كانوا صغار لكن يانجلاء عمك كان جنو وجن الجماعه ديل تقول كان عارفهم عندو فيهم رأي معروف

ايضا كنت احضر في الاجازات من السعوديه لمقابله والدك بغرض توصيل الرسائل من عمك المرحوم للوالد

وانتهز هذه السانحه لاطلب من صديق ان يوثق ايضا لشخصيه عجيبه جدا الا وهو احمد الحسين صراحه انا محتار جدا فيه واطلب من صديق البدايه لكي نضيف ما معرف

شكرا يا باشمهندس وانشاء الله سنواصل بعد الاعتصام

لكن حبيت اعلق علي جزئيه بسيطه وهي كراهيتوا للجماعه ديل طبعا هو ذكي ولماح عشان كده اكتشف حركاتهم من بدري ومتاجرتهم باسم الدين

هي لله هي لله لا للسلطه ولا للجاه........كانت مجرد شعارات

لم تصبح لله بل للسلطه والجاه والطغيان والظلم

تخريمه خنقيف عشان ما ينحرف مسار البوست

جنو وجن الجماعه ديل تقول كان عارفهم عندو فيهم رأي معروف

هاشم قال كدة
يا زول عبد الله .. زول مسبوك الداخل والخارج.. قدر ما حاولت فيهو الإتجاهات السياسية ما عرفت ليهو طريقة..ده الجاب ليهو الإغتراب ولو كان متمذهب كان صار وزير الصحة..
أحسن ليهو كدة يبعث مع الفقراء يوم القيامة والغبش بإذن الله

صديق عبدالله علي أبوحنة كتب:

جنو وجن الجماعه ديل تقول كان عارفهم عندو فيهم رأي معروف

هاشم قال كدة
يا زول عبد الله .. زول مسبوك الداخل والخارج.. قدر ما حاولت فيهو الإتجاهات السياسية ما عرفت ليهو طريقة..ده الجاب ليهو الإغتراب ولو كان متمذهب كان صار وزير الصحة..
أحسن ليهو كدة يبعث مع الفقراء يوم القيامة والغبش بإذن الله

صدقت يا باشمهندس ......هو كذلك....

ندو صديقو من أولاد عطبرة حي الداخلة من المحس السكوت.. زامله في الجامعة وزامله في عطبرة ..إسمو محمد طه محمدطه شغال في دبي..يشرق عديل كدة لما تجي سيرة عبد الله.. ما زارني إلا تكلم عن عبد الله..
قال لى الشيخ الجعلي. الشيخ موحوماااد السابق الكبير أب شنب.. كان عندو عقيدة في دكتور عبد الله. ويرسل ليهو الناس الما بيعالجوا في كباس... عبد الله يعالجهم في عيادتو، حتى لو تخصصهم ما تخصص عبد الله..

<script src='http://img843.imageshack.us/shareable/?i=diktoorabdalla.jpg&p=tl' type='text/javascript'></script><noscript></noscript>

يا سلام يا صديق

رحم الله الدكتور عبدالله

صورة خلت عيوني رقرقو

وذكرتني اياما عظيمة وذكريات خالدة مع د.عبد اللة

ربنا يرحمه ويجعل البركة في زريته

تسلم أبو احمد..
حياتو كلها دكتور عبد الله عداها جهاد من اجل العلم في ظروف صعبة شديد.. واستشهد وهو في ريعان شبابه لم يبلغ الخمسين من العمر. نسأل الله ان ينزله مع الصديقين والشهداء والابرار

لك الشكر ياهندسة الدكتور عبدالله رحمه الله برغم أنه وصل مرحلة تعليمية ومهنية ووظيفية متقدمة استشاري باطنية بالمستشفى العسكري وهو أكبر المستشفيات بالرياض ، رغم هذا كله كان يستشير في الصغيرة و الكبيرة وخاصة إذا كان من الأشياء التي تخص الرياض والسعودية بحكم تواجدنا قبله وكان دائما يتصل بنا وهي قمة التواضع ومن تواضع لله رفعه رحمه الله رحمة واسعة.

لك الرحمه دكتور عبد الله
وشي لاول مره وقد لايعلمه الا قليك من الناس لايتعدوا اصابع اليد الواحده
كان اسمي سفيان فقط وجاء دكتور عبد الله
وزاد بكلمه ابو قبل الاسم من سفيان صارت ابو سفيان
لك الرحمه دكتور عبد الله
واقتنع الناس بكلامه
ودكتور عبد الله يعني لي الكتيره
الي جنان الخلد يابامحمد

تسلم الباشمهندس الصديق

لايعرف قدر الرجال الا الرجال

الدكتور عبد الله عم الكل وصديق الكل واخ الكل ..فاليدلي كل بدلوه في هدا الوست لتعم الفائده للجميع

تشكر يا هندسه

مرة امي كانت عيانة رحمها الله. عندها غدة درقية. جبناها عطبرة في بيت المرحوم عمر أخوى.. هي قالت مافي دكتور يهبشني إلا عبد الله ولدي؟؟
كتب لها العلاج.. وبات معنا يومين بالبيت. هو وعمر أخوى رحمهما الله الإثنين مجانين كتشينة. بالله لى غاية الصباح ما ناموا.

الله يرحمهما ويحسن إليهما جميعا ويسكنهما أعلى عليين ، آآآمييين ، فدكتور عبدالله كان رجلا والرجال قليل ...

abuahmed كتب:يا سلام يا صديق

رحم الله الدكتور عبدالله

صورة خلت عيوني رقرقو

وذكرتني اياما عظيمة وذكريات خالدة مع د.عبد اللة

ربنا يرحمه ويجعل البركة في زريته

الخال ابو احمد
اذكر لنا بعض المواقف والذكريات عن الدكتور عبد الله رحمه الله رحمه واسعه
اطال الله في عمرك

أبو أحمد اذكر لنا بعض الذكريات مع دكتور عبد الله أطال الله في عمرك..

صديق عبدالله علي أبوحنة كتب:
شلتهم في شري كانت.. كركاب.. السيد حسن الفكي.. محمد صالح البحاري... عبيد موسى..عثمان خليفة صحن.. احمد خليفة صحن.. احمد الحسين محجوب.. عباس الحسن محجوب.. محمد محمد احمد الشمباني.. تاج السر نعمان.. هاشم الحسن نصر الدين كان يجيهم في شري..محمد الحسن نصر الدين.محمد عثمان ابو روفة، ابراهيم عثمان ابوروفة..
..

لم لاحظ ان المرحوم الدكتور عبدالله محمد سليمان عمك , ولكن من بدري أكن لهذه الشخصية حبا عجيبا بدون ان اعرفها ومتابع بلهف لسيرته , نامل منكم ان تربطوا اسرته بهذا المنتدي وباهله المناصير .
لي عوده بخصوص اقتباس كلمات صديق ابوحنه .

اخي ساري لك الشكر علي المرور
الدكتور عبد الله اخ لكل منصوري وتربطه علاقه صداقه باسرتكم
اما بالنسيه لاسره الدكتور فهم مقيمون بكندا وانشاء الله ستكون لهم علاقات بالمنتدي

لم نعرفه من قبل الامن قبيل السمع ونحن طلاب
عرفناه جيدا الان بكتاباتكم القيمة
له الرحمة والمغفره الدكتور عبدالله محمد سليمان

الاخوه الكرام رفعت هذا البوست نسبه لوجود الاستاذ القديرالخال عبد الرحيم البصير بيننا وهو سيكمل لنا هذه السيره العطره...لما يكنه للمرحوم من حب وتقدير

طبت حيا وميتا يا ايها الرجل الامه يا شبيه الانبياء في صفاتهم ,,,يامن رحلت جسدا وبقيت روحا ومعني وقيما ,,,ولو ان الزمان اطاع حكمي فديتك من مكارهه بنفسي رحلت كرحييل السحاب الماطر والقفار والصحارى عطشى ,,,رحلت يامن عشت كل دنياك للاخرين سنكتب عنك ونحدث الاجيال مابقي في الدنيا مداد فمازال وسيظل الفؤاد منفطرا لفقدك رحمك الله اخي د.عبدالله ود جاره الخير بت عونيه

عبدالرحيم البصير كتب:طبت حيا وميتا يا ايها الرجل الامه يا شبيه الانبياء في صفاتهم ,,,يامن رحلت جسدا وبقيت روحا ومعني وقيما ,,,ولو ان الزمان اطاع حكمي فديتك من مكارهه بنفسي رحلت كرحييل السحاب الماطر والقفار والصحارى عطشى ,,,رحلت يامن عشت كل دنياك للاخرين سنكتب عنك ونحدث الاجيال مابقي في الدنيا مداد فمازال وسيظل الفؤاد منفطرا لفقدك رحمك الله اخي د.عبدالله ود جاره الخير بت عونيه

طبت وطاب بك المنتدي استاذ الاجيال

نعزيك ونسليك ونتوجع معك في فقد اخانا الاكبر د. عبد الله

نسعد بوجودك لتكمل ما انقطع من حديث عن سيرة الدكتور عبدالله

رحمه الله وجعل البركة في ذريته

abuahmed كتب:

عبدالرحيم البصير كتب:طبت حيا وميتا يا ايها الرجل الامه يا شبيه الانبياء في صفاتهم ,,,يامن رحلت جسدا وبقيت روحا ومعني وقيما ,,,ولو ان الزمان اطاع حكمي فديتك من مكارهه بنفسي رحلت كرحييل السحاب الماطر والقفار والصحارى عطشى ,,,رحلت يامن عشت كل دنياك للاخرين سنكتب عنك ونحدث الاجيال مابقي في الدنيا مداد فمازال وسيظل الفؤاد منفطرا لفقدك رحمك الله اخي د.عبدالله ود جاره الخير بت عونيه

طبت وطاب بك المنتدي استاذ الاجيال

نعزيك ونسليك ونتوجع معك في فقد اخانا الاكبر د. عبد الله



نسعد بوجودك لتكمل ما انقطع من حديث عن سيرة الدكتور عبدالله

رحمه الله وجعل البركة في ذريته

العين تدمع والقلب يحزن ولكن عزاؤنا انك في جنات الخلد مع الصديقين والشهداء وان لك اخوه يذكرون محاسنك ويحبونك حبا في الله ... اللهم اجمعنا به في جنات الخلد

تسلم خالي العزيزالبصير ...نحن في انتظارك لتتحفنا وتمتعنا وتواصل ما انقطع من التوثيق لاخيك دكتور عبد الله محمد سليمان



تسلم ابحمد...