منصورية تعالج مشكلة اجتماعية في ارض المحس.مشكلة يعجز عن حلها الرجال، وغوايش سندية البي تكشكش
3 مشترك
صفحة 1 من اصل 1
منصورية تعالج مشكلة اجتماعية في ارض المحس.مشكلة يعجز عن حلها الرجال، وغوايش سندية البي تكشكش
من طرف صديق عبدالله علي أبوحنة الخميس 06 أكتوبر 2011, 8:29 pm
قطعة مقطوعة من مقال حبوبتي الحاجة حليمة بت حاج قيلي.. كبسولة صغيرة هنا للناس البي يملوا المواضيع التوثيقية الطويلة
سفرها إلى أرض المحس:-
في عام 1965 غاب ولدها الأكبر خالنا خليفة ود حبيب عن البلد فترة سنتين ولم يحضر، بسبب زعلة معينة من أخوانه، وجاءت الأخبار فيما بعد تفيد أنه تزوج هنالك وفي مدينة أربي دنقلاوية.. أزعج هذا الخبر حبوبتنا حليمة بت حاج قيلي، فقررت أن تسافر وتتفقده شأن الوالد وقلبه الرؤوف.. أخذت معها ابن خالنا الأكبر عمر خليفة حبيب وسافرت إلى هناك، وركبت اللواري حتى وصلت مدينة أربي، وبدأت تسأل ، عنه في المدينة نساءها، كان يعرف هنالك بالمنصوري، أسطى طين ماهر.. ما تعبت كتير في معرفته، سؤال سؤالين، عرفوه ليها، شدت الرحال إلى داره، أول ما وصلت هناك لحسن الحظ قابلها هو في البيت.. أول ما شافها نطا من السرير..
كانت تحكي حبوبتي هذه القصة بالتفصيل الممل على ضوء اللمبة في حجرتها في حلة كوينة. أوضة صغيرة فاتحة طاقتها على ممر يؤدي لبيت خالنا الحسين ود حبيب، وحولها بناتها وأولادها كلهم مجتمعين، شددنا إليها الرحال وقتما علمنا أنها حضرت من سفرتها تلك ومعها ابنها خليفة، وقتها كان عمري لم يتجاوز عشرة 10 أعوام، وأنا في الصف الثالث الابتدائي.
كانت تحكي، أشاهد خالاتي على ضوء اللمبة الخافت، وأشوف أي واحدة فيهن واضعة يدها على خدها، وتمعن النظر في حبوبتي بت حاج قيلي، وبعضهن يبكي.. طيبة بت حبيب، وآمني بت حبيب، وزينب بت حبيب، وفرحين بت حبيب، ومحمد ود حبيب، وعثمان ود حبيب، والحسين ود حبيب، وحريمهم وبناتهم وأولادهم وعمتنا خلييفة بت حومااد توم متزوجة في كوينا زوجها الفقيه المعروف من كبنة الدقير محمد أحمد حجازي، الذي ترك مسقط راسه بعد وفاة زوجته الأولى في كبنة( أم الفقرة) وجاء عاش معنا في كوينه..أبناءه الكبار من زوجته أم الفقرة كلهم عاشوا معه في كوينة ، بعضهم عرس من كبنة وبعضهم عرس من حلالنا المجاورة وبعضهم هاجر.. أكبرهم أحمد الدقير، الذي سكن ود الحوري جهة القضارف، هذا وقد اتصلت بي قبل مدة هنا في أبوظبي بنت له كانت تسكن هي وزوجها في مدينة دبي على بعد 170 كليو عن أبوظبي.. ابنه الآخر عثمان ود الدقير وابنه الآخر حسن الدقير الملغب بسيدنا عيسى، لأنه تنبأ بظهور سيدنا عيسى في هذا الزمان، مات ولم يتزوج لقد كان رجلا صالحاً يقيم الليل..آل حجازي ديل كلهم مدفوق فيهم دين كدة. وناس صالحين. ثم أختهم عاشة بت الدقير المتزوجة في شري في القوز..
كنا كلنا وقتها نسمع حكاوي حبوبتي داية المنطقة عن سفرتها وما حصل لها في حلها وترحالها.. مرات أسرح كأنه لايعنيني الحديث، غرفتها ليس بها شباكاً. طاقة محشورة فيها غـُتايي والأخرى متروسة حجار، وواحدة موضوعة فيها اللمبة ومقفولة من الخارج، ولكنها كرف الطاولة تسمح لللمبة الجلوس فيها بتمهل..خيط اللمبة المـُسـْرَجْ فيها، أحياناً يصعد إلى عنان الطاقة، وأحياناً يتمرجح مع أنفاس هؤلاء القوم يسرة ويمنة، لأن خالتي زينب بت حبيب كانت تجلس بالقرب من الطاقة الفيها اللمبة، وكانت معروفاً عنها أنها مرة بكاية ودمعتها قريبة..خالتنا فرحين بت حبيب، كانت مرأة صارمة وفارسة ولاتدمع، نادراً ما تدمع، سألتها وقلت لها، مالك ياخالتي ما بتبكي؟ كل خالاتي وأمي يبكن؟ قالت لى ( يا ولدي نار الحشا.. جففت دمعتي، إتوفوا لى اربعة بـِـطِـنْ صغار، كبيت عليهم دموع الدنيا )
في هذا الأثناء كانت اللمبة استعدلت مسار شعلتها، وصارت عمودية على سقف الطاقة.. ليس لشئ إلا لأنه خالتي زينب قامت من جنبها وقعدت على صفيحة كان فيها باقي عيش حب، وتركت مقعدها لأبوى عبد الله الذي جاء من ديوان أخوالنا الباننوا على مشارف القرية، وكان معه هناك في الديوان خالنا خليفة، الذي ظل هو هناك خجلاناً من تعب أمه التي سافرت في طلبه حتى ديار الرطانة.. ثم ليعطي بقية القوم فرصة للحديث عنه بحرية بلا خجل. كل الناس جوا هنا في أوضة حبوبتي، لكن هو ظل قابعاً في الصالون، يقال لأن ملكي زوجته رفضته.. وكمان ده موضوع آخر. عايز ليهو حناسي وطيبي وكدة.حانسي وطيبي دي معروفة وكدة دي هنا ترمز لعلاقة الزوجين الخاصة ببعضهما.هذا بمفهوم السيدة السكرتيرة، لكل من قرأ ذلك الموضع بي هناك.
قالت: اتلتلتا لامن وصلتا بلد الدناقلة دي! قطر عربية لوري شئ بالرجلين.. لمان وصلتا هناك المغرب طـَلـَسْ.. خليفة أندهش، لما شافني نطا من العنقريب وبكا.. وقال لى يمة أعفي لى تعبتك.. قلت ليهو عافي ليك وعافي ليك لبن شطري..مالك لاخبر لاجواب لامرسال لى ولادك؟ سنتين ونص سووود وبيووض مافي خبر منك، لامن جانا الخبر مع عصمان ود الدقير وهو ما قدر يصلك، كان يخدم طين جنبكم؟
قال لها القسمي يمه. أعفي لى..
.
عدل سابقا من قبل صديق عبدالله علي أبوحنة في السبت سبتمبر 24, 2011 2:45 am عدل 1 مرات
صديق عبدالله علي أبوحنة
كبار الشخصيات
عدد المساهمات: 2706
نقاط: 10063
تاريخ التسجيل: 14/07/2010
سفرها إلى أرض المحس:-
في عام 1965 غاب ولدها الأكبر خالنا خليفة ود حبيب عن البلد فترة سنتين ولم يحضر، بسبب زعلة معينة من أخوانه، وجاءت الأخبار فيما بعد تفيد أنه تزوج هنالك وفي مدينة أربي دنقلاوية.. أزعج هذا الخبر حبوبتنا حليمة بت حاج قيلي، فقررت أن تسافر وتتفقده شأن الوالد وقلبه الرؤوف.. أخذت معها ابن خالنا الأكبر عمر خليفة حبيب وسافرت إلى هناك، وركبت اللواري حتى وصلت مدينة أربي، وبدأت تسأل ، عنه في المدينة نساءها، كان يعرف هنالك بالمنصوري، أسطى طين ماهر.. ما تعبت كتير في معرفته، سؤال سؤالين، عرفوه ليها، شدت الرحال إلى داره، أول ما وصلت هناك لحسن الحظ قابلها هو في البيت.. أول ما شافها نطا من السرير..
كانت تحكي حبوبتي هذه القصة بالتفصيل الممل على ضوء اللمبة في حجرتها في حلة كوينة. أوضة صغيرة فاتحة طاقتها على ممر يؤدي لبيت خالنا الحسين ود حبيب، وحولها بناتها وأولادها كلهم مجتمعين، شددنا إليها الرحال وقتما علمنا أنها حضرت من سفرتها تلك ومعها ابنها خليفة، وقتها كان عمري لم يتجاوز عشرة 10 أعوام، وأنا في الصف الثالث الابتدائي.
كانت تحكي، أشاهد خالاتي على ضوء اللمبة الخافت، وأشوف أي واحدة فيهن واضعة يدها على خدها، وتمعن النظر في حبوبتي بت حاج قيلي، وبعضهن يبكي.. طيبة بت حبيب، وآمني بت حبيب، وزينب بت حبيب، وفرحين بت حبيب، ومحمد ود حبيب، وعثمان ود حبيب، والحسين ود حبيب، وحريمهم وبناتهم وأولادهم وعمتنا خلييفة بت حومااد توم متزوجة في كوينا زوجها الفقيه المعروف من كبنة الدقير محمد أحمد حجازي، الذي ترك مسقط راسه بعد وفاة زوجته الأولى في كبنة( أم الفقرة) وجاء عاش معنا في كوينه..أبناءه الكبار من زوجته أم الفقرة كلهم عاشوا معه في كوينة ، بعضهم عرس من كبنة وبعضهم عرس من حلالنا المجاورة وبعضهم هاجر.. أكبرهم أحمد الدقير، الذي سكن ود الحوري جهة القضارف، هذا وقد اتصلت بي قبل مدة هنا في أبوظبي بنت له كانت تسكن هي وزوجها في مدينة دبي على بعد 170 كليو عن أبوظبي.. ابنه الآخر عثمان ود الدقير وابنه الآخر حسن الدقير الملغب بسيدنا عيسى، لأنه تنبأ بظهور سيدنا عيسى في هذا الزمان، مات ولم يتزوج لقد كان رجلا صالحاً يقيم الليل..آل حجازي ديل كلهم مدفوق فيهم دين كدة. وناس صالحين. ثم أختهم عاشة بت الدقير المتزوجة في شري في القوز..
كنا كلنا وقتها نسمع حكاوي حبوبتي داية المنطقة عن سفرتها وما حصل لها في حلها وترحالها.. مرات أسرح كأنه لايعنيني الحديث، غرفتها ليس بها شباكاً. طاقة محشورة فيها غـُتايي والأخرى متروسة حجار، وواحدة موضوعة فيها اللمبة ومقفولة من الخارج، ولكنها كرف الطاولة تسمح لللمبة الجلوس فيها بتمهل..خيط اللمبة المـُسـْرَجْ فيها، أحياناً يصعد إلى عنان الطاقة، وأحياناً يتمرجح مع أنفاس هؤلاء القوم يسرة ويمنة، لأن خالتي زينب بت حبيب كانت تجلس بالقرب من الطاقة الفيها اللمبة، وكانت معروفاً عنها أنها مرة بكاية ودمعتها قريبة..خالتنا فرحين بت حبيب، كانت مرأة صارمة وفارسة ولاتدمع، نادراً ما تدمع، سألتها وقلت لها، مالك ياخالتي ما بتبكي؟ كل خالاتي وأمي يبكن؟ قالت لى ( يا ولدي نار الحشا.. جففت دمعتي، إتوفوا لى اربعة بـِـطِـنْ صغار، كبيت عليهم دموع الدنيا )
في هذا الأثناء كانت اللمبة استعدلت مسار شعلتها، وصارت عمودية على سقف الطاقة.. ليس لشئ إلا لأنه خالتي زينب قامت من جنبها وقعدت على صفيحة كان فيها باقي عيش حب، وتركت مقعدها لأبوى عبد الله الذي جاء من ديوان أخوالنا الباننوا على مشارف القرية، وكان معه هناك في الديوان خالنا خليفة، الذي ظل هو هناك خجلاناً من تعب أمه التي سافرت في طلبه حتى ديار الرطانة.. ثم ليعطي بقية القوم فرصة للحديث عنه بحرية بلا خجل. كل الناس جوا هنا في أوضة حبوبتي، لكن هو ظل قابعاً في الصالون، يقال لأن ملكي زوجته رفضته.. وكمان ده موضوع آخر. عايز ليهو حناسي وطيبي وكدة.حانسي وطيبي دي معروفة وكدة دي هنا ترمز لعلاقة الزوجين الخاصة ببعضهما.هذا بمفهوم السيدة السكرتيرة، لكل من قرأ ذلك الموضع بي هناك.
قالت: اتلتلتا لامن وصلتا بلد الدناقلة دي! قطر عربية لوري شئ بالرجلين.. لمان وصلتا هناك المغرب طـَلـَسْ.. خليفة أندهش، لما شافني نطا من العنقريب وبكا.. وقال لى يمة أعفي لى تعبتك.. قلت ليهو عافي ليك وعافي ليك لبن شطري..مالك لاخبر لاجواب لامرسال لى ولادك؟ سنتين ونص سووود وبيووض مافي خبر منك، لامن جانا الخبر مع عصمان ود الدقير وهو ما قدر يصلك، كان يخدم طين جنبكم؟
قال لها القسمي يمه. أعفي لى..
.
عدل سابقا من قبل صديق عبدالله علي أبوحنة في السبت سبتمبر 24, 2011 2:45 am عدل 1 مرات
صديق عبدالله علي أبوحنة
كبار الشخصيات
عدد المساهمات: 2706
نقاط: 10063
تاريخ التسجيل: 14/07/2010
عدل سابقا من قبل صديق عبدالله علي أبوحنة في الإثنين 10 أكتوبر 2011, 5:25 am عدل 2 مرات
صديق عبدالله علي أبوحنة- كبار الشخصيات
.gif "كبار الشخصيات")
احترام قوانين المنتدى :
عدد المساهمات : 7523
نقاط : 45225
تاريخ التسجيل : 14/07/2010
رد: منصورية تعالج مشكلة اجتماعية في ارض المحس.مشكلة يعجز عن حلها الرجال، وغوايش سندية البي تكشكش
من طرف صديق عبدالله علي أبوحنة الخميس 06 أكتوبر 2011, 8:30 pm
قال لها القسمي يمه. أعفي لى..
لقيتو عندو بنيي مـَرَفِّـقـِي كدي.. المرة جابت لينا الشاي، وخجلاني مدنقري في الواطة، لمان قال ليها دي أمي.. جات قافراني.. بتو مسميها على خالتو عاشة بت حاج قيلي، يقولوا ليها الدناقلة عاشة الكاب..شربت الشاي داك بقا لى زي الحنضل. بس رضيت على خاتر المرة المسكيني دي! ما عندها ذنب الذنب ذنب ولدي الهبر قام وخلا ولادو، أخوانو يكلوا ليهو فيهم.. ومعاي عمر ولدو . قلت ليهو ما تقول ليها كمان ده عمر ولدي! تخجل منها، عشان ما تعرفك كبير!
ماها شيني شئ سمحي وطويلي وكرعيها ملانات..ومؤدبة.. قبيل لما ن جيت داخلي قلت لي خليفة ولدي كرعي ديل وارمات من المشي..
رطن معاها، خليفة ولدي اتعلم لهجة الدناقلة حتى لسانو ده! إتعـوجْ أتاريهو قال ليها جيبي ليك طش وفيهو موية حارة وأكتحي ليك فيهو حبيبات ملح وقرض.. أها جابت طشها ده وقالت لي ختى كرعيكي فيهو، بلا خليفة يكلما والله ينضم معاها طوالي مسكت قطعة قماش وقنبت في الواطة وبقت تمسد لى في كرعيني وتشيل من الموية دي وتكب لى فوق ركبيني.. أنا أصلى دايري أدرسا. كيف؟ عشان لما أتخذ لى قرار ما أغلط في حقها.. بقيت أعاين لى خليفة ولدي قبل هي ما تخت أيدا في موية الطش، أشوفا هل بي تخت الطش وتمشي والله تغسل لى كرعيا.. مراقبي خشم خليفة أصلى الرطاني ما بعرفا. لكن قلتا لو رطن معاها ، معناه ياهو قال ليها غسلي لى أمي دي كرعيها! وكان سوت الشئ دا براها! معناها تكون مرة فيها ريااا... أها ماشاء الله عليها طوالي بلا زولاً يكلما مسكت الكرعين ديل مَـسـَدَتِـنْ. وفرشت لى مرتبة، وغتت لى كرعيني ديل بي توباً ليها. أتاريهو التعب والفتر، أنا عاد بالليل دودت فوقي وردي، ونمت شوية أتاريهن في نومتي دي، جوا أخوانا وأمها وأبوها وأخواتا، ماعندهم حد وضبحوا ونجضوا.. هي قبيل عرسوها ليهو فتاه.. لاها مطلقة ولاها عذبي! قلة خير اشعر ليك بالمرة دي تطهم فيا.. يمة حليمة... يمة حليمة.. قومي العشاء! قلت هييي أنا امك يا الحسين! الناس ديل طبيعتن كدي؟ والله يتوددوا لى ما أقول لى ولدي يلا طلق ليهن مرتن دي وأرحكاك أهلنا! غايتو أنا الفي نيتي في نيتي، ما كلم بو زول، لكن قبيل في صلاة المغرب، خيرت ربنا وصليت صلاة الاستخارة، هو لاحظت خليفة ولدي خايف لهو من شئ واحد! هو خايف أقول ليهو يلا طلقا وأرحكاك ولادك، وماني عافي منك كان ما طلقتها! عمر ولدو داك بس انجدع لو فوق عنقريباً برة لاتعرفوا ميت لاتعرفوا حي من الفتر..
قطعت حديثها زوجة خالنا عثمان( سنديي) أي سـَنـَدِيـِّـةْ وجابت قدح النار مولع وختتوا في بطن غرفة حبوبتي وقالت عايزة تعمل الشاي، الوقت كان شتاءاً، وكعادة المناصير يحولون المطبخ كمطبخ مصغراً، بقدح نار داخل غرفة المعيشة والنوم، ويعملون عليه الشاي دون الطبخ غالباً،منها يتدفون عليه، ومنها يصنعون الشاى على مرأى من الحضور، يتابعون صنعه دقيقة بدقيقة، ومنها يتواصل الحديث، خاصة للشخص الذي يقوم بعمل الشاي ولايحتاج أن يذهب للمطبخ.
صحن طلس وعليه كانون صغير، وتحته عودين سـَمُرْ جابتهم مولعات من التكل.. المطبخ.. الخـُسْ، بما أني صغير ذو عشرة سنوات، ولكنى كنت أراقب كل حركة وسكنة على وجوه الحاضرين وأفسرها بطريقتي الخاصة، وأحياناً تغوص حكاية أو مشهد أو تقاطيع وجه في داخلى لاينمحي المشهد بمرور الزمن..
سندية زوجة خالي كانت في أول الثلاثينات من عمرها، جميلة للغاية، رشيقة، خفيفة القوام،ختت بنبر وقعدت تمعس في الشاي وتترج.
كنت قاعد على سرج حمار وعليه بردعة( بردحة) كان موضوعاً في الغرفة ، حيث تركت العناقريب للناس الكبار وخالاتي وبناتهن وأولادهن.. بنت خالتي زينب عميري جات من الهجيليج، تستمع، كانت إمرأة جميلة وذات مشاعر مفعمة، وتريدني شديد وأنا طفل، كنت اقدر هذا الشئ فيها..
حبوبتي تحكي وفاتني منها شئ من حديثها، وتحولت خواطري ونظري من التمعن في خيط اللمبة المسرج الموضوع على الشباك أو الطاقة إن شئت، تحولت كل أحاسيسى الى قدح النار، وسندية زوجة خالي تترج الشاي، لبن صافي في الكفتيرة على حب شاي.. تدخل عود في قدح النار وتحاول أن لا يقع عود خارج قدح النار، كانت تلبس غوايش فضة ثلاثة، وفي اليد الأخري غويشة واحدة من الذهب وخاتمين.
لفتتني صلصلة الغوايش، وهي تترج النار،تجلس على بنبر وطرف توبها يتدلى على الجهة الأخرى، خالتي فرحين قالت لها: يا بت أرفعي توبك ده من جنب النار!
في هذا الأثناء كانت قد وضعت عودين مخلوفين فوق بعض في قدح النار، وعندما لا يولع العود في النار يظل يـَمـْعـَس ويطلع منه الدخان من فتحة عقدة فيه مشقوقة. ينفث منها الدخان ولاترى ناراً فيه، بل يطلع منو حاجة كدة زي العسل المحروق مع الدخان تكون رائحته لذيذة،.بدأت تنفخ بفهما وأنا جنبها شديد، السرج الذي أجلس عليه كان جنبها، أحس برائحة جسمها ورائحة توبها وما تعطرت به من قبل من عطر. الحقيقة أعجبت بنفخة النار من فمها، تجيدها مع صرة عين بسيطة منها من أثر حرارة دخان النار.. صلصلت غوائش الفضة مرة أخرى في يدها، ولكن هذه المرة اتردفوا الثلاثة غوائش مع بعض، فوقفت الصلصلة، تمنيت أن لا توقف.
لاحظت أن أبوي كان يراقبني ويراقب حركتي وشدة انتباهي حول قدح النار، وقد كان رجلاً جاداً ومازحاً في نفس الوقت وذو روح شبابية كما ذكر دكتور مصباح وسلمان عقيد.
قطع والدي حديث حبوبتي وضحك وخاطب سندية. وقال ( يا سنديي الولد ده عايزنوا يناسبكم ويعرس في الشرق بعدين عند أخوالو! اصلوا حباكم وحبا ناس الشرق!)
خفت من حديث أبوى هذا..
ردت سندية على الفور( بري يايابا، ولدك تغيان وعاجباه روحو؟ عاين لو كيفن متحكر فوق السرج! ورفاقتو من قبيل فرشت ليهم في الحوش البي غادي وناموا؟
أصلى دائماً كنت لا أحب أعيش بين الصغار، وإنما أحب أن أجلس مع الكبار حتى ولو لم أشاركهم في الحديث!
شعرت أن ذلك يفيدني ويكسبني تجربة أكثر من قضاء معظم الوقت مع جيلي.
قطعت حبوبتي حديثها وقالت ( سنديي عما يعميك! ما بتشوفي السماحي دي؟ شوفي عيونو سمحات كيف؟ وشوفي رشرش عيونو المـَفـَرَّدْ وشوفي حواجبو الغزار! تلقوه وين يا ولاد اب رَيَّـةْ!
ده نفستو بي إيدي دي؟
فرحت لرد حبوبتي وأنا صامت، لما تكون مع الكبار لاتستطيع أن تناقش وإنما تعيش حياة ولغة الجسد فقط من قبض وبسط.. هكذا الجلوس مع كبارنا..
توقعت سنديي ترد، ولكنها سكتت.
ردت خالتي زينب وقالت ( سماحةً بري!) يستاهل الصدوق!
خلال هذه الفترة وبين نظري نحو اللمبة المسرجة وقدح النار ، كانت حبوبتي قطعت مرحلة طويلة في الحديث عن رحلتها لم أستشف منها غير بعض نقاط..المركب.. حمارة.. فج البيوت..الكمساري وتذكرة القطر.. شعرا طوال، كلمات استشفيتها، ضاعت عليا معظم القصة بين اللمبة المسرجة، وقدح النار، وغويشات سندية..
ولكن بعد تدخل والدي في موضوع العرس، وأن أناسب ناس أخوالي، انتبهت من جديد..
قالت حبوبتي أكرمونا غاية الكرم، وضبحوا لينا، شعرت بأن خليفة ولدي قدرو عندهم كبير.. أصلو خليفة يا يمة جنا السرور. لكن عين وصجيجيي وقعت فوقو.. والحمدلله.
بيتنا وأخدنا يومنا ده؟ وقعدت أربعة أيام..
بالليل للصباح عيني دي ما لاقت. أفكر كيف أحل الحكايي دي؟ أصلي وأنا جاي من هناك ناوي يطلقا، وأربط ولدي ده في طرف هدمي..
خامس يوم بالمساء، قلت ليهو خليفة جهز حالك، أنا بكرة مسافري وحات أبوي ما بكرمك وراي!
قلت ليهو بالمساء أجمع لى أهلا.. وخلني إتكلم معاهم، عندي معاهم كلام!
قال لى: نان كلاماً كيفنو يا يمة، إن شاء الله كلاماً عديل، أنا اصلى خايف من غضبك.. والدايراهو سويهو، ربنا هو البحكم!
قالت: تاني يوم جونا أهلا ديل كلهم. أمها وأبوها وأخواتا فيهم ستى.. وعدد من أهلا.. أصلى عيني دي ما رمشتها منهم!
.
لقيتو عندو بنيي مـَرَفِّـقـِي كدي.. المرة جابت لينا الشاي، وخجلاني مدنقري في الواطة، لمان قال ليها دي أمي.. جات قافراني.. بتو مسميها على خالتو عاشة بت حاج قيلي، يقولوا ليها الدناقلة عاشة الكاب..شربت الشاي داك بقا لى زي الحنضل. بس رضيت على خاتر المرة المسكيني دي! ما عندها ذنب الذنب ذنب ولدي الهبر قام وخلا ولادو، أخوانو يكلوا ليهو فيهم.. ومعاي عمر ولدو . قلت ليهو ما تقول ليها كمان ده عمر ولدي! تخجل منها، عشان ما تعرفك كبير!
ماها شيني شئ سمحي وطويلي وكرعيها ملانات..ومؤدبة.. قبيل لما ن جيت داخلي قلت لي خليفة ولدي كرعي ديل وارمات من المشي..
رطن معاها، خليفة ولدي اتعلم لهجة الدناقلة حتى لسانو ده! إتعـوجْ أتاريهو قال ليها جيبي ليك طش وفيهو موية حارة وأكتحي ليك فيهو حبيبات ملح وقرض.. أها جابت طشها ده وقالت لي ختى كرعيكي فيهو، بلا خليفة يكلما والله ينضم معاها طوالي مسكت قطعة قماش وقنبت في الواطة وبقت تمسد لى في كرعيني وتشيل من الموية دي وتكب لى فوق ركبيني.. أنا أصلى دايري أدرسا. كيف؟ عشان لما أتخذ لى قرار ما أغلط في حقها.. بقيت أعاين لى خليفة ولدي قبل هي ما تخت أيدا في موية الطش، أشوفا هل بي تخت الطش وتمشي والله تغسل لى كرعيا.. مراقبي خشم خليفة أصلى الرطاني ما بعرفا. لكن قلتا لو رطن معاها ، معناه ياهو قال ليها غسلي لى أمي دي كرعيها! وكان سوت الشئ دا براها! معناها تكون مرة فيها ريااا... أها ماشاء الله عليها طوالي بلا زولاً يكلما مسكت الكرعين ديل مَـسـَدَتِـنْ. وفرشت لى مرتبة، وغتت لى كرعيني ديل بي توباً ليها. أتاريهو التعب والفتر، أنا عاد بالليل دودت فوقي وردي، ونمت شوية أتاريهن في نومتي دي، جوا أخوانا وأمها وأبوها وأخواتا، ماعندهم حد وضبحوا ونجضوا.. هي قبيل عرسوها ليهو فتاه.. لاها مطلقة ولاها عذبي! قلة خير اشعر ليك بالمرة دي تطهم فيا.. يمة حليمة... يمة حليمة.. قومي العشاء! قلت هييي أنا امك يا الحسين! الناس ديل طبيعتن كدي؟ والله يتوددوا لى ما أقول لى ولدي يلا طلق ليهن مرتن دي وأرحكاك أهلنا! غايتو أنا الفي نيتي في نيتي، ما كلم بو زول، لكن قبيل في صلاة المغرب، خيرت ربنا وصليت صلاة الاستخارة، هو لاحظت خليفة ولدي خايف لهو من شئ واحد! هو خايف أقول ليهو يلا طلقا وأرحكاك ولادك، وماني عافي منك كان ما طلقتها! عمر ولدو داك بس انجدع لو فوق عنقريباً برة لاتعرفوا ميت لاتعرفوا حي من الفتر..
قطعت حديثها زوجة خالنا عثمان( سنديي) أي سـَنـَدِيـِّـةْ وجابت قدح النار مولع وختتوا في بطن غرفة حبوبتي وقالت عايزة تعمل الشاي، الوقت كان شتاءاً، وكعادة المناصير يحولون المطبخ كمطبخ مصغراً، بقدح نار داخل غرفة المعيشة والنوم، ويعملون عليه الشاي دون الطبخ غالباً،منها يتدفون عليه، ومنها يصنعون الشاى على مرأى من الحضور، يتابعون صنعه دقيقة بدقيقة، ومنها يتواصل الحديث، خاصة للشخص الذي يقوم بعمل الشاي ولايحتاج أن يذهب للمطبخ.
صحن طلس وعليه كانون صغير، وتحته عودين سـَمُرْ جابتهم مولعات من التكل.. المطبخ.. الخـُسْ، بما أني صغير ذو عشرة سنوات، ولكنى كنت أراقب كل حركة وسكنة على وجوه الحاضرين وأفسرها بطريقتي الخاصة، وأحياناً تغوص حكاية أو مشهد أو تقاطيع وجه في داخلى لاينمحي المشهد بمرور الزمن..
سندية زوجة خالي كانت في أول الثلاثينات من عمرها، جميلة للغاية، رشيقة، خفيفة القوام،ختت بنبر وقعدت تمعس في الشاي وتترج.
كنت قاعد على سرج حمار وعليه بردعة( بردحة) كان موضوعاً في الغرفة ، حيث تركت العناقريب للناس الكبار وخالاتي وبناتهن وأولادهن.. بنت خالتي زينب عميري جات من الهجيليج، تستمع، كانت إمرأة جميلة وذات مشاعر مفعمة، وتريدني شديد وأنا طفل، كنت اقدر هذا الشئ فيها..
حبوبتي تحكي وفاتني منها شئ من حديثها، وتحولت خواطري ونظري من التمعن في خيط اللمبة المسرج الموضوع على الشباك أو الطاقة إن شئت، تحولت كل أحاسيسى الى قدح النار، وسندية زوجة خالي تترج الشاي، لبن صافي في الكفتيرة على حب شاي.. تدخل عود في قدح النار وتحاول أن لا يقع عود خارج قدح النار، كانت تلبس غوايش فضة ثلاثة، وفي اليد الأخري غويشة واحدة من الذهب وخاتمين.
لفتتني صلصلة الغوايش، وهي تترج النار،تجلس على بنبر وطرف توبها يتدلى على الجهة الأخرى، خالتي فرحين قالت لها: يا بت أرفعي توبك ده من جنب النار!
في هذا الأثناء كانت قد وضعت عودين مخلوفين فوق بعض في قدح النار، وعندما لا يولع العود في النار يظل يـَمـْعـَس ويطلع منه الدخان من فتحة عقدة فيه مشقوقة. ينفث منها الدخان ولاترى ناراً فيه، بل يطلع منو حاجة كدة زي العسل المحروق مع الدخان تكون رائحته لذيذة،.بدأت تنفخ بفهما وأنا جنبها شديد، السرج الذي أجلس عليه كان جنبها، أحس برائحة جسمها ورائحة توبها وما تعطرت به من قبل من عطر. الحقيقة أعجبت بنفخة النار من فمها، تجيدها مع صرة عين بسيطة منها من أثر حرارة دخان النار.. صلصلت غوائش الفضة مرة أخرى في يدها، ولكن هذه المرة اتردفوا الثلاثة غوائش مع بعض، فوقفت الصلصلة، تمنيت أن لا توقف.
لاحظت أن أبوي كان يراقبني ويراقب حركتي وشدة انتباهي حول قدح النار، وقد كان رجلاً جاداً ومازحاً في نفس الوقت وذو روح شبابية كما ذكر دكتور مصباح وسلمان عقيد.
قطع والدي حديث حبوبتي وضحك وخاطب سندية. وقال ( يا سنديي الولد ده عايزنوا يناسبكم ويعرس في الشرق بعدين عند أخوالو! اصلوا حباكم وحبا ناس الشرق!)
خفت من حديث أبوى هذا..
ردت سندية على الفور( بري يايابا، ولدك تغيان وعاجباه روحو؟ عاين لو كيفن متحكر فوق السرج! ورفاقتو من قبيل فرشت ليهم في الحوش البي غادي وناموا؟
أصلى دائماً كنت لا أحب أعيش بين الصغار، وإنما أحب أن أجلس مع الكبار حتى ولو لم أشاركهم في الحديث!
شعرت أن ذلك يفيدني ويكسبني تجربة أكثر من قضاء معظم الوقت مع جيلي.
قطعت حبوبتي حديثها وقالت ( سنديي عما يعميك! ما بتشوفي السماحي دي؟ شوفي عيونو سمحات كيف؟ وشوفي رشرش عيونو المـَفـَرَّدْ وشوفي حواجبو الغزار! تلقوه وين يا ولاد اب رَيَّـةْ!
ده نفستو بي إيدي دي؟
فرحت لرد حبوبتي وأنا صامت، لما تكون مع الكبار لاتستطيع أن تناقش وإنما تعيش حياة ولغة الجسد فقط من قبض وبسط.. هكذا الجلوس مع كبارنا..
توقعت سنديي ترد، ولكنها سكتت.
ردت خالتي زينب وقالت ( سماحةً بري!) يستاهل الصدوق!
خلال هذه الفترة وبين نظري نحو اللمبة المسرجة وقدح النار ، كانت حبوبتي قطعت مرحلة طويلة في الحديث عن رحلتها لم أستشف منها غير بعض نقاط..المركب.. حمارة.. فج البيوت..الكمساري وتذكرة القطر.. شعرا طوال، كلمات استشفيتها، ضاعت عليا معظم القصة بين اللمبة المسرجة، وقدح النار، وغويشات سندية..
ولكن بعد تدخل والدي في موضوع العرس، وأن أناسب ناس أخوالي، انتبهت من جديد..
قالت حبوبتي أكرمونا غاية الكرم، وضبحوا لينا، شعرت بأن خليفة ولدي قدرو عندهم كبير.. أصلو خليفة يا يمة جنا السرور. لكن عين وصجيجيي وقعت فوقو.. والحمدلله.
بيتنا وأخدنا يومنا ده؟ وقعدت أربعة أيام..
بالليل للصباح عيني دي ما لاقت. أفكر كيف أحل الحكايي دي؟ أصلي وأنا جاي من هناك ناوي يطلقا، وأربط ولدي ده في طرف هدمي..
خامس يوم بالمساء، قلت ليهو خليفة جهز حالك، أنا بكرة مسافري وحات أبوي ما بكرمك وراي!
قلت ليهو بالمساء أجمع لى أهلا.. وخلني إتكلم معاهم، عندي معاهم كلام!
قال لى: نان كلاماً كيفنو يا يمة، إن شاء الله كلاماً عديل، أنا اصلى خايف من غضبك.. والدايراهو سويهو، ربنا هو البحكم!
قالت: تاني يوم جونا أهلا ديل كلهم. أمها وأبوها وأخواتا فيهم ستى.. وعدد من أهلا.. أصلى عيني دي ما رمشتها منهم!
.
عدل سابقا من قبل صديق عبدالله علي أبوحنة في الإثنين 10 أكتوبر 2011, 5:27 am عدل 1 مرات
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45225
تاريخ التسجيل : 14/07/2010
رد: منصورية تعالج مشكلة اجتماعية في ارض المحس.مشكلة يعجز عن حلها الرجال، وغوايش سندية البي تكشكش
من طرف صديق عبدالله علي أبوحنة الخميس 06 أكتوبر 2011, 8:32 pm
قلت ليهم: مرحب حبابكم. أصلكم ما قصرتو معانا، ونعم النسب، وأنا زولة حاجي بيت الله وأعرف دروب الله، وأصلى بيت الحلال ما بهدمو، الله يحاسبني.. لكن ولدي ده! هناك عندو ولاد وعندو مرة.. يا زولة تمشي معانا،نشيلا فوق راسنا ده؟ يا ترضى يجيها في السني مرة ومرتين حسب القسمي!
قالت: كلهم ساكتين، إتكلم ابوها.. قال: عين الصواب يا حاجة، لكن خليفة ده بقا فينا راس وما بنقدر من غيرو وعندو باقي بنيان ما خلصو.. لازم يمشى يشاهد أولادو ويجينا راجع
إتكلمت أمها قالت: ما قصرتي يا حاجة حليمة.. نحن نعرف الأصول البي تسوهو نحن راضين بيهو!
خليفة ولدي ده فرح جنس فرحة!
والمشي بقالو ساهل..
أها باكر مع السلامي مع السلامي وادعناهم وسقتا ولدي وجيت..
قالت: كلهم ساكتين، إتكلم ابوها.. قال: عين الصواب يا حاجة، لكن خليفة ده بقا فينا راس وما بنقدر من غيرو وعندو باقي بنيان ما خلصو.. لازم يمشى يشاهد أولادو ويجينا راجع
إتكلمت أمها قالت: ما قصرتي يا حاجة حليمة.. نحن نعرف الأصول البي تسوهو نحن راضين بيهو!
خليفة ولدي ده فرح جنس فرحة!
والمشي بقالو ساهل..
أها باكر مع السلامي مع السلامي وادعناهم وسقتا ولدي وجيت..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45225
تاريخ التسجيل : 14/07/2010
رد: منصورية تعالج مشكلة اجتماعية في ارض المحس.مشكلة يعجز عن حلها الرجال، وغوايش سندية البي تكشكش
من طرف صديق عبدالله علي أبوحنة الجمعة 07 أكتوبر 2011, 1:46 pm
رد: الحاجة حليمة بت حاج قيلي، داية شرق المناصير( صوره)
من طرف هويدا ابوشعر في الأحد سبتمبر 25, 2011 2:12 pm
.من الصور المعبره فى هذا التوثيق .
ان تسافر هذه المرأة العظيمة الى ولدها الناجع فى حلفا وتعالج مشكلة اجتماعيه معقده بكل حكمه. .
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45225
تاريخ التسجيل : 14/07/2010
رد: منصورية تعالج مشكلة اجتماعية في ارض المحس.مشكلة يعجز عن حلها الرجال، وغوايش سندية البي تكشكش
من طرف صديق عبدالله علي أبوحنة الأربعاء 01 فبراير 2012, 6:39 pm
رحمهم الله رحمة واسعة
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45225
تاريخ التسجيل : 14/07/2010
رد: منصورية تعالج مشكلة اجتماعية في ارض المحس.مشكلة يعجز عن حلها الرجال، وغوايش سندية البي تكشكش
من طرف عازه الإثنين 06 فبراير 2012, 1:48 am
سرد جميل وممتع وعيشتنا في نفس الجو .وعندي لك سؤال بما انك خبير في الانساب الدقير حمد باشا هل له علاقه بالدقير الذي ذكرته في القصه ام اسم علي اسم.
عازه- كبار الشخصيات
- احترام قوانين المنتدى :
عدد المساهمات : 1294
نقاط : 27585
تاريخ التسجيل : 19/12/2010
رد: منصورية تعالج مشكلة اجتماعية في ارض المحس.مشكلة يعجز عن حلها الرجال، وغوايش سندية البي تكشكش
من طرف صديق عبدالله علي أبوحنة الإثنين 06 فبراير 2012, 8:06 pm
إسم على إسم..
إسمx إسم
إسمx إسم
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45225
تاريخ التسجيل : 14/07/2010
رد: منصورية تعالج مشكلة اجتماعية في ارض المحس.مشكلة يعجز عن حلها الرجال، وغوايش سندية البي تكشكش
من طرف عازه الإثنين 06 فبراير 2012, 8:32 pm
تسلم الخال علي التوضيح وقلت لي أذنك موسيقيه من زمن كشكشة القوايش عشان كدا اصبحت فنان وكاتب مرهف حفظك الله ورعاك.
عازه- كبار الشخصيات
- احترام قوانين المنتدى :
عدد المساهمات : 1294
نقاط : 27585
تاريخ التسجيل : 19/12/2010
رد: منصورية تعالج مشكلة اجتماعية في ارض المحس.مشكلة يعجز عن حلها الرجال، وغوايش سندية البي تكشكش
من طرف صديق عبدالله علي أبوحنة الأربعاء 24 يوليو 2013, 7:02 pm
تسلمي بت الأخت عازة
........
إنتو ناس كسلا.. ما قاعدين تتجاوبوا كتير من طنبورنا بتاع الشمالية؟
عبد الله محمد خير قال شنو؟ عند صديق أحمد
.......
قال:
العجب العجيب إيدو الملاني غويش
شفنا التلّـة.. لكن مافي حس كشكيش
............
الحب نار عويش
إن عشعشوها تعيش
بس ما أنت جافي .. وقلت ليك معليش
........
إنتو ناس كسلا.. ما قاعدين تتجاوبوا كتير من طنبورنا بتاع الشمالية؟
عبد الله محمد خير قال شنو؟ عند صديق أحمد
.......
قال:
العجب العجيب إيدو الملاني غويش
شفنا التلّـة.. لكن مافي حس كشكيش
............
الحب نار عويش
إن عشعشوها تعيش
بس ما أنت جافي .. وقلت ليك معليش
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45225
تاريخ التسجيل : 14/07/2010
رد: منصورية تعالج مشكلة اجتماعية في ارض المحس.مشكلة يعجز عن حلها الرجال، وغوايش سندية البي تكشكش
من طرف ابوسما الأربعاء 24 يوليو 2013, 9:19 pm
القصة جميلة لكن ما عرفنا تانى خليفة رجع ولا لا؟
ابوسما- عضو متميز
.gif "عضو متميز")
- احترام قوانين المنتدى :
عدد المساهمات : 491
نقاط : 24726
تاريخ التسجيل : 08/05/2011
رد: منصورية تعالج مشكلة اجتماعية في ارض المحس.مشكلة يعجز عن حلها الرجال، وغوايش سندية البي تكشكش
من طرف صديق عبدالله علي أبوحنة الخميس 25 يوليو 2013, 5:03 am
رجع طبعاً يا أبو سما .. وبقى بدل يذهب كأسطى طين للخرطوم صار يذهب لدنقلا.. منها يخدم ومنها يرجع لأولاده هناك.. ويعود للمناصير كل سنة الى أن توفاه الله قبل 12 عام من الآن.. كذلك زوجته الدنقلاوية توفيت قبل سبعة سنوات.. وله فيها بنت واحدة هي بت خالنا عائشة.. ولا يزال تسمى عاشة الكاب.. وهي الآن متزوجة من أحد اقربائها الدناقلة وتسكن الحاج يوسف.. ومواصلين معها صلة الرحم
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45225
تاريخ التسجيل : 14/07/2010
رد: منصورية تعالج مشكلة اجتماعية في ارض المحس.مشكلة يعجز عن حلها الرجال، وغوايش سندية البي تكشكش
من طرف عازه الخميس 25 يوليو 2013, 6:30 pm
عازه كتب:سرد جميل وممتع وعيشتنا في نفس الجو .وعندي لك سؤال بما انك خبير في الانساب الدقير حمد باشا هل له علاقه بالدقير الذي ذكرته في القصه ام اسم علي اسم.
تسلم الخال كتير في خلال زيارتي الي الخرطوم في وفاة عمتي التقيت بالحاج شرف وكذلك ووالدي واتضح ان جدي الذي سألتك عنه وجد الحاج شرف اخوان والله يالخال كل يوم اكتشف معلومه جديده الله يخليك لينا يالخال وتسلم كتير علي توضيح اشياء كتيره قد تتوه من بنت اختك وكل سنه وانت طيب وتصوم وتفطر علي الف خير
عازه- كبار الشخصيات
- احترام قوانين المنتدى :
عدد المساهمات : 1294
نقاط : 27585
تاريخ التسجيل : 19/12/2010
رد: منصورية تعالج مشكلة اجتماعية في ارض المحس.مشكلة يعجز عن حلها الرجال، وغوايش سندية البي تكشكش
من طرف صديق عبدالله علي أبوحنة الجمعة 26 يوليو 2013, 9:57 pm
يعني الحاج شرف الدين طلع قريبنا يا بت أختى؟ يعني معنى كدة أميرة على سليمة قريبتنا!
مبروك يا ود اللخت على الحمود.. قرنت في حوض الراس
مبروك يا ود اللخت على الحمود.. قرنت في حوض الراس
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45225
تاريخ التسجيل : 14/07/2010
رد: منصورية تعالج مشكلة اجتماعية في ارض المحس.مشكلة يعجز عن حلها الرجال، وغوايش سندية البي تكشكش
من طرف عازه السبت 27 يوليو 2013, 1:10 am
ايوا يالخال واميره مصدر فخر لحواء المنصوريه فهم كبير واخلاق عاليه
عازه- كبار الشخصيات
- احترام قوانين المنتدى :
عدد المساهمات : 1294
نقاط : 27585
تاريخ التسجيل : 19/12/2010
مواضيع مماثلة» ولا يعرف قدر الرجال الا الرجال/رثاءالمرحوم حبيب بابكر/بقلم الاخ على عسكورى/
» فعلا ... لا يعرف قدر الرجال إلا الرجال
» شوربة الكوارع تعالج خشونة الركبة
» اخبار الزعيـــــــــــــــــــــــــــــــــــــــــــــــــــــم
» وطنا البي اسمك كتبنا ورطنا
» فعلا ... لا يعرف قدر الرجال إلا الرجال
» شوربة الكوارع تعالج خشونة الركبة
» اخبار الزعيـــــــــــــــــــــــــــــــــــــــــــــــــــــم
» وطنا البي اسمك كتبنا ورطنا
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى