ود بت خلف الله زارمناصير البحيرة

ود بت خلف الله
قام إندلا
زار الحلة
سوااا الكـَلـَّه
زايراَ حـَـلّا من بيت الله
لى أهلوا الكرام راح طلا
أخدلك جـَـلّا
فوق خلق الله
واااااي شوقي الـلبا يتبلا
حاج ام قـُلَّه
النافعابي ريس الـشـُلـَّه
جاب خبر البلد بالجملة
جاب خبر الشديد واب عـِـلَّـه
جاب خبر التلج ومـَـمـَلّا
مردوم القزاز اب فـُـلـَّه
تشرب بارداً ومحلا
راح عهد التعب راح وَلَّى
فارقنا المـَغـَسْ والزِلَّه
ياخدرة جنان حمد الله
ويا ناس أم سرح وخير الله
برتي النوبة برتي الحِلة
ويا بركاوي ود طالب الله
شعرك كابي ماهو الـسـَلـًّه
ويا ناس كبنة يا ناس بله
ما شفتوا الغزال تندلا
تشرب من بحيرتا يلا
نمشيلا النقوم يا خـِـلَّا
شوفوا شقاوتو ود عبد الله
في الغربة التعيسي مـَـمـَلّا
ما شاف الطلع واندلا
.
صديق عبدالله علي أبوحنة
كبار الشخصيات

عدد المساهمات: 2679
نقاط: 9982
تاريخ التسجيل: 14/07/2010

.