يا أخوانا في زول جرب الحكايي دي؟ يدينا ليها حل؟

يا صدق يا اخوي الولد ده رسلوا البلد خليه يقعد مع اعمامه او اخواله عشان يجري ويلعب ويتعب وينوم واصلها مشاهدة التلفزيون محدودة

اصلا صف اول صعب من كل النواحى اصبروا عليهوا بعدين حكايه وجود سودانيين معاهو فى المدرسه مهمه ااحتمال يتعلق بيها اكتر بوجودن انا قايتو عانيت مع ولدى لكن هسى سلك تمام لدرجه انى ما مصدقه ولما كان فى صف اول فكرة فى الرجعه للسودان

طولوا بالكم

والله يا صديق دي معاناة معاشة من الجميع ..
انا عندي واحد صغير دابو دخل الروضة اليوم .. وجا راجع منها براهو .. وقال الروضة كعبة وما فيها تلفزيون ولا ألعاب وتاني ما راجع
أما بالنسبة لقنوات الأطفال ..
قبل ايام خرجنا للجيران وخليناهم في البيت .. الكبار طلعوا الشارع يلعبو قدام الباب ... وصاحبنا دا قفل الأوضة من جوة وبقى يشاهد في إسبيس تون ..
جينا راجعين ليقينا الاوضة مقفولة ... قدر ما كوركنا ودقدقنا ما في زول يرد ..
كسرنا الشباك بعد جهد جهيد ودخلنا ... لقينا صاحبنا نائم وهو ممسك بالريموت في حضنو !!! أول ما اخدنا الريموت نط فت من نومو !!
ربنا يخليهم ... فلا حياة بدونهم فهم زينة الحياة الدنيا
ربنا يعينك باشمهندس لان وضعك في بلاد الغربة اصعب من وضعنا هنا
وربنا يسهل
لك الشكر والتقدير يا رائع

الزعيم الصدوق
سلام
كل أصحابنا المتداخلين
سلام
شوف بالله ياصديق الفرق في التربية كيف
يمسخ خلق الله ويغير الأحوال
زمان الولد في سنة أولى ابتدائي
يسكن الداخلية وعليهو يطلع سريرو في الحوش
ويدخله الصباح
ويغسل هدومو براهو ويحافظ على مصاريفو
وعليهو ان يذاكر وينجح ويحلحل مشاكلو براهو
واحد هنا اخصائي أمراض نفسية ومتفلسف خالص
في أمور التربية والطرق المثلى لخلق جيل معافى
وفي النهاية مسكو بنتو كاتبه كلام ما كويس
في جدران الحمام
قال أيه؟؟ (آل تربية حديثه آل )

الأخ صديق لك التحية والتربية بقت صعبة جدا وعاوزه مسياسة مثل ما قالوا والأطفال ياصديق يحتاجون للعب مع أقرانهم والخروج من البيت واللعب جزء مهم في حياة الطفل أهم من الغذاء وزمان الحكاية كانت فيها صراحة وبراحة تلقى المخاتة سايلة والكريشة ممدودة والرجل حفاينة والريالة سيالة ويمكن من غير ملابس ولكنه طفل في عمر سنتين مع أقرانه يلعب ساقية الحيل وكبتو كبتو ويجري مع الغنم ويلاقي أمه عندما تجيب معاه غداء الغنم ويستمر في لعبة مع نمو جسمه ومع نموه تكبر ألعابه وتكبر أفكاره والناس ما كانت جايبه خبر لهذه التربية الربانية الطبيعية والتي انتجت جيل ماشاء الله مثل أمثالك وجيلنا . أما ولدك هذا والمدنية والأجهزة . أقول أبعد من الدلع، أطلع بالأولاد كثير ، عليك بالقرناء الصالحين . أده العين الحمراء وفي النهاية الدفة عند أم العيال. وخليها تكون منصورية دبلوماسية. حكى لي أحد الأخوان أنه واحدة من بناتنا المنصوريات الجامعيات حريصة جدا على نجاح ولدها والولد ممتحن الجامعة وشاده عليه الخناق في يوم من الأيام وجدت الولد جالس عند التلفاز وأبوه معه كمان زعلت وقامت كسرت التليفزيون قطعة قطعة والرجل يناظر وقال لها: عليك بالرسيفر كمان فلحقت الرسيفر وحطمته كمان (منصورية موقده نار) والحمد لله الولد دخل جامعة الخرطوم بتفوق. وياصديق الدفة بقت عند الحريم وحليل الريس عبدالله الحنوني والريس عبدالله العجمي كانوا مابفكوا الدفه أبدا. وأدي الولد حقه وأجلس معه كثير . من الطرائف شايف عندنا اليومين دليل لوحات معلقة عند الإشارات مكتوبة بخط أولا صغار ( بابا أضرب لي موعد معلك ) ولك التحية أخ صديق وماعليك إلا المسانقة وأوعك الكور ينشرم عليك.

يا صديق يا اخوي حكاية ولدك دي ما غريبة اصلو اولاد الزمن ده ماهم بالحيل علي القرايه

لكن الغريبة بنات حواء البخوجلن في المنتدي بعد الساعه اطناشر بالليل

نعم الوضع خارج السودان يختلف يا اميره

اميره علي

عمنا عقيد علي العم من امسيال جاء الخرطوم وكل يوم يقعد مع ولده قدام دكانه الفي سوق الشجره من المغرب حتي صلاة العشاء وبعد داك يمشى البيت

لما رجع البلد الناس بيسالوا فيه عن صحته والجماعة كيف هو بس صاقعهم

انا والله ما مسغرب في حاحة الا نسوان الخرطوم البيحومن لي هجايع الليل

انا يا اميرة زى عمي عقيد لكن ماملاحظة اني متطور شوية

النسوان سميتهم بناي حواء

الحوامة سويتا خوجيل

وبدل الساعه ثمانيه جريتا لما بعد الساعه اطناشر

وبرضوا يا اميره زعلانة

منصورية مولعة نار الله يكون في عونه ود عمي سلمى لى عليهو

[quote="صديق عبدالله علي أبوحنة"][size=24]يحبوا البيت ويتابعوا القنوات الفضائية بتاعة الأطفال.. اسبيستون.. نيكولوديا.. سمسم.. وغيرا..
يقوم للمدرسة الدماع روق روق..لكن بس جيهة المدرسة دي مسكتو منها حساسية
شكرا ياهندسة علي الموضوع الهام

ولدنا ( السياب ) عمرو تلات سنة يوم قال ما ماشي الروضة قال تسويلو الحساسية طبعا متاثر بي جدو معانا في البيت وفي حاجات في الاكل بتعمل ليهو حساسية وهو بسمع جدو يقول الحاجة دي تاني ما دايرا بتعمل لي حساسية

لك التحيه الاستاذ ابو حنه ابنك انشاء الله سيكون من الموهوبين والمتفوقين فالطفل الذى يكره صف اول يري ان مقدراته الزهنيه اعلى من المقرر وعندنا فى السودان عملوا للموهبين تراعى فيها الفروق الفرديه فالاطفال سريعى المدى بالذات اطفال اليومين ديل فيجب علينا ان نتخذ معهم اسلوب الثواب والعقاب واسلوب التحفيذ ..وان نحرمهم من الاشياء التى يحبونها مقابل القراءه بالذات التلفاذ والكمبيوتر والعاب البليستيشن وان لا نكرر عليهم)ياولد اقرا ياوبنت اقرى وان نتعامل معهمكانهم كبار لانه جيل يسبفنا فكريا.فى احد المرات اتصل على استاذ ابنى فى المدرسه لانه وجد دفتر واحد بدل 7 دفاتر وعندما ساله رد ابنى بدل ان اطلع دفتر رياضيات او عربى او غيره احسن يكون عندى واحد ترتاح انت وانا هذا عندما كان صغيرا اما الان فهو من المتفوقين .


اخى ابو احمد الظاهر عليك ماقريت بوست ابو حنا(لو ما المنصوريات لباظ المنتدى ونحن نحوم فى اى زمان لاننا حايمين مع اخواننا (

اختى اميره:السودان اصبح كغيره من البلاد نجلس على الانترنت فى اى زمان والدليل انى بخوجل بعد الساعه 12
ااختى اميره:ليس كل مايكتب يرد عليه
تقبل مرورى يا عمده المنتدى ابو حنه :

تقبلنا المرور يا اخت نجلاء. واستفدنا من نصائح الناس ديل كلهم الردوا هنا
وهسه دي بقرا فيها بتمعن شديد واحاول استخلص منها الفوايد التي تعين..
بعدين بجي برد على كل واحد في نصايحو..

ياجنا
قوووم قوووم
يقوم قطرك
تعال خت ليگ حاجه في بطنك ده
الفتر داير يكتلك
واقف ذي السوط من الفتر داير تلحق ناس الصومال
لي عشيه مصاقر لي التلفزيون من براعم لي ام بي سي 3
خلينا الاخبار
والمباريات خساره كرت االجزيره الاشتريناهو
والله ياعم صديق
نحنا لسع ماوصلنا مرحله المدارس
بس جد الاولاد طوااالي قدام التلفزيون لمن حفظنا اسامي رسوم الكرتون شي حبوب وشي همتارو وخرفان اسمن ناس مرعي وتوم وجيري ديل كمان براهم
اكل مابياكلو الواحد يخت لقمه في خشمو ويقوم جاري يحصل ناس ظعيط ومعيط ديل
ونحنا خلينا التلفزيون رسمي
واسع بي كلامك ده معناتو
حتكون في كربت ضناب شديد
غيتو ربك يسهل

أكرب الضناب يا الباشق من هسي دي. لاتبقى عليك اللتي..

والله ياعم صديق خايفو يتقطع
واقعد بالبطان براااهو
بعدين تعرف المشكله اننا نحنا السبب في ده لانو ام الوليدات داير تخدم في البيت شي غسيل وشي طبخ وشي كنس
ونحنا نجي تعبانين من الشغل عشان بنقول ليهم امشو امشو احضرو التلفزيون لمن بقي التلفزيون هو البربي مانحنا
بس لازم نقعد ونكرب الضناب من هسع ونغير طريقه التربيه
والضناب ال ينقطع ان بقي منقطع
وربك يسهلا