ضحكات سودانيه

مسظول سألوه عن العلاقه بين الشهد والشهيد ؟؟
قال : الاتنين بتلحسو


واحد مشى لى بت الاتصالات عندك مفتاح امريكيا ؟
قالت ليهو : ااى
قاليها طيب اعملى لى منو نسخه


مسظول خظيبتو قالت ليهو انا اهم حاجه عند الاخلاص ...
قال ليها : وانا الحمدو


استاذ سأل تلميذ ما معنى كلمه سبيل ؟
رد التلميذ : طريق
والمعلم : سلسبيل
قاليهو : طر .. طريق


رباطابى دخل المستشفى سألوهو جاى زياره ؟
رد : لأ عمره


شاب مهجس مشى يخطب اهل العروس جابو ليهو شاى ليبوتن
قام رفع الخيط من الكبايه وقال :
اهااا من هسى بدينا فى الكواديك

نكات رايعة وشكرا لطرقك لمجال الطرفيه والفكاهة والترويح عن النفس من الضغوط المجودة في الحياه داخل وخارج المنتدي

شكرا الاخ ابو علا

جن حريم ماشات. لقن رباطابي يزرع ليهو في شجرة حنة قدام خشم بيتو
واحدة منهن قالت ليهو
دي حنة!
قال ليها
لا . فتحة خشم

الزبير مشى يخاطب الجماهير في حلفا
قال ليهم كنسنا آثار مايو وشلنا ليكم قوانين سبتمبر..
واحد حلفاوي قال ليهو
وعملتو لينا شنو في رمضان!

ثلث للطير
وثلث للأسبير
وثلث للزبير
قال الزبير في لقاء جماهيري
المناصير والرباطاب
حق الزبير خلاهو ليكم
يلا أزرعوا

قالت لى أمها :
في المدرسة الأستاذ سألني( من الذي حفر قناة السويس!)
وما عرفتها والمدرس جلدني
قالت ليها
يمكن حفرتيها إنت يا مطموسة!
اصلى عارفاك دايماً تحفري في البيت زي الفارة؟

واحد دفعتنا كان مهندس ضابط طيران في وادي سيدنا
صقر إتلح كتاكيتو
فرش شوال قبضو وقطع ليهو قدومتو من حدها وفكاهو في الهوااا
وقال ليهو
( إنت خلاص فارقت أكل اللحم يا حبيبي، روح ألقى ليك زول يسوي ليك مديدة بعد كده؟)

إتكسر لوري علي شوال في خلاء ساني وظلينا يومين بلا اكل ولا شراب..
الدسوقي حسن أحمد الفكي قال القدر يا دوبو اتعدلو)

واحدة منصورية عرسوها ودوها الخرطوم
رصت السناسن في القدح بي ملاح ملوخية وفتحت علبة الاناناس وكبتا فوق الطرقة الفوق( شموم)

واحد منصوري وقع ليهو اللوتري في أمريكا
مشى يحلق
الحلاق قال ليهو هنا الحلاقة بأسماء الفنانين
احلق ليك مايكل جاكسون؟
والله منو؟
قال ليهو: ( أحلق لى عيسى بروي.. حتى نحنا بي فنانيينا)

ولد مشى لى سيد الدكان .. و قال ليه:" عندك
"حلاوة؟
"..سيد الدكان قال ليه:" أيوة
! "الولد قال ليه طيب أدينا ببسى
الولد مشى و جاء راجع تانى ..و قال ليه :" عندك
"طحنية ؟
".. قال ليه:" أيوة فى
! "الولد قال ليه:" طيب أدينا سكر
سيد الدكان زعل و مشى كلم أبو الولد
و قال ليه:" ولدك دة عذبنا.. يسأل من حاجة و
".. يقول داير حاجة تانية
أبو الولد زعل و قال ليه:" دة ولد قليل أدب
"و لازم يتجلد .. عندك بسطونة ؟
".. سيد الدكان قال ليه:" أيوة موجودة
"أبو الولد قال ليه:" طيب أدينا سوط عنج

رباطابى وشايقى سكاهم مرفعين وقاموا جاريين والمرفعين وراهم وبعد مسافة قام الشايقى قال للرباطابى

ياخوى ما تشوف ليك تراب تكشح المرفعين دة قام الرباطابى قال ليه- وانت جارى فى برش ؟

شايقي مرتو قاتلو انت يا سيداحمد الناس يمشي الخرتوم يجيبوالقروش وانت قاعدلي هني
قال خلاس سولي الزواده
وصاحبنا قام ركب القطر ولما في القطرمع شوايقه غيروا ليه رايه
قال ليه نمشي بورسودان واخونا راح معاهم
وصل بورسودان ومشي شاف ليك البحر حداد مداد
صاحبنا ملص ووقع في البحر جووبقي يضر في البحر وقام اخد جوانيه
الناس من بر يكوركواالقر ش القرش القريييييييييييش
صاحبنا الشايقي قل ليهم وانا قال ليكم جاي هني ليشنو

هههههههههههههههه
الله يخلى لينا الشوايقه والرباطاب طوااالى بضحكونا

انت مايقولي الله يخلي اولادالمناصير البيحكوا لينا النكات
ونحن نضحك الخيل تجلب والشكر لحماد

عمر البشير وعلي عثمان ونافع راكبين عربية
نافع قال انا اقول كلام يصفق لي مليون واحد
علي عثمان قال انا اقول يصفق لي 5 مليون
البشير قال انا يصفق لي 10 مليون
السواق قام قال انا اقلبكم يصفق لي الشعب كلو

الشايقي وابليس

اتفقوا علي الزراعه سويا فزرعوا المره الاولي قمحا



ساعه الحصاد قال الشايقي لابليس اختار فوق ولا تحت فقال ابليس تحت

حصد الشايقي القمح وابليس طلع بخفي حنين لان لقي حقه(اسد)بلغه البلد باقي القمح

زعل ابليس وقرر الانتقام

وقال للشايقي نزرع تاني داير ينسد

وقال الشايقي نرزع بصل ووافق ابليس طوالي بدون يردد

عشان بجيب تاره

وجاء الحصاد وقال الشايقي اختار قال ابليس

دائر الفوق

حصد ابليس الورتاب عنبوج البصل وفاز الشايقي بالبصل

افهموا (الشايقي غش ابليس)

[quote="ابو هشام"] عمر البشير وعلي عثمان ونافع راكبين عربية
نافع قال انا اقول كلام يصفق لي مليون واحد
علي عثمان قال انا اقول يصفق لي 5 مليون
البشير قال انا يصفق لي 10 مليون
السواق قام قال انا اقلبكم يصفق لي الشعب كلو [/quote
كل النكات جميله ومضحكه لكن دي اجمل نكته

وروي عن العقيد القذافي انه شكل لجنه للإعلان عن مسابقه بين صانعي الأحذيه لعمل (اجمل واشيك ) حذاء يلبسه زعيم في التاريخ. إستدعت اللجنه عدداً من صانعي الأحذية العالميين من أجل تفصيل حذاء العقيد … وهنا سارع إسكافي إلى القول بأنه على استعداد لتفصيل الحذاء وفق المواصفات المطلوبة ودون الحاجة إلى أخذ مقاسات قدم الأخ العقيد وأنه مستعد لدفع حياته إذا ما أخفق في هذا الرهان. وبعد وقت قصيرعاد إليهم ومعه الحذاء المطلوب، وقد دهشت اللجنه الشعبيه العليا حين وجدوا أن الحذاء على المقاس تماماً.. ولأجل حل اللغز قالوا له إنهم لن يعطوه الجائزه الكبرى حتى يكشف لهم كيف عرف مقاس قدم العقيد وبدون قياس فقال على الفور: وكيف لا نحفظ مقاس قدمه، وهي فوق رقابنا منذ أكثر من اربعين عامآ؟

اصاطاد الشايقي والجعلي

سمكه كبيره جدا

قال الشايقي اشيلها انا

وقال الجعلي اشيل انا

طبعا حكايه يقسموها النص دي عند الشايقي ماورده

بعد شد جذب اتفقا علي يضرب كل من الاخر 500جلد الذي ينتصر يشيل السمكه

قلع الجعلي وجلده الشايقه

جلده الفيله

بعدال500جلد الشايقه رمي السوط

قال للجعلي شيله انت انا مادايرها

قالوا رباطابي وشايقي اتلموا في القطر .. الشايقي معاهو ولد صغير .. في الليل القطر مظلم والناس نايمين الشايقي فقد ولدو قام يهبش يمين وشمال والظاهر إنو لمس الرباطابي ... طبعاً صحى زعلان قال ليهو مالك؟ .. الشايقي قال ليهو بفتش في الولد .. رد الرباطــــابي : وولدك ده إبريق ؟ ما تكوركلو

الجعلي ساكن وسط الشوايقه

زهجان منهم زهج شديد

شال طراحتو

وراح البحر

عشان يصطاد ليه سمك

رمي الطراح جابت ليه

جره طلع من مارد جان

قال ليه شبيك لبيك

المارد بين اديك

اطلب وانفذ لك حالن

قالوا يامارد طير لي الشوايقه ديل من هنا

فقال الجان

واشريري عاد نحن سوينا ليك شنو

هههههههههههههههههههههههههههههههههههها
والله ضحكت لمن قربت افقد الوعي
شكر علي اقبالك علي هذه الاستراحه
ومدها بماهو مضحك