مكتب للزواج فى الخرطوم بحرى .........؟

الاخ العريس محمد خليفة طلحة

أشك في ذلك أخي محمد خليفة طلحة

نرجو الافادة لمزيد من المعلومات

لاغراض المكتب واهدافه ومن اين يمول ؟؟؟؟

ساري الليل كتب:أشك في ذلك أخي محمد خليفة طلحة

نرجو الافادة لمزيد من المعلومات

لاغراض المكتب واهدافه ومن اين يمول ؟؟؟؟

صدق اولا تصدق اخى سارى الليل هذة حقيقة والمكتب مرخصة له بمزوالة المهنه من جمهورية السودان باسم ( منظمة خدمية ) كما أفاد مدير الكتب .

خالد عابدين كتب:والعروسات مصريات وللا سودانيات ؟

والله ياخالد كنت زهجان

ولكن سؤالك اعلاه

ازال كل الهم والغم

المگتب ده بطريقتو دي بفتح الباب لي حاجات تانيه
وانا مابأيد زواج بطريقه دي

السؤال عن القبيله سؤال مستهجن ولم نسمع بموضوع القبيله هذا الا في عهد الانقاذ اصلا اذا الشخص عاوز يزوج عن طرق القبيله فهذا ليس بمحتاج لمثل هكذا مكتب واذا كان الغرض شيء اخر كان ممكن يكون بطلب صوره وهذه متعارف عليه في كل الاحوال وفي المكاتب التي تعمل في مثل هذه المواضيع خارج السودان ايضا في داخل السودان قبل ظهور مثل هذه المكاتب وزي ماقال الفنان (صورتك الخايف عليها )

من طرف [ندعوك للتسجيل في المنتدى أو التعريف بنفسك لمعاينة هذا الرابط] اليوم في 15:53

والعروسات مصريات وللا سودانيات ؟

عندك سؤال تانى ولاخلاص ياريس

الاجابه عن سؤالك الغير معلن هنا

يقع المكتب بالمحطه الوسطى على شارع السيد على امام رئاسه محليه بحرى

على بعد 200 متر تقريبا من الاتجاه الغربى لاستوب تقاطع ش السيد على مع الطيار الكدرو

مندوبنا متواجد على مقربه من المحل لرصد المتسللين الى هنالك

دا كلام يحير
انت ياولده الكلام دا تلقاه وين
تلقط القافه
اذا المديرمصري اعرفوا الموضوع في سفلكه وبلطجه(يعني لهف ولغف)
والله يستر

امسكوا الخشب
ملحوظه(كلمه ولده علي ذمة ودبروي مسمينى ابوالحاج)

ايوة يا الحاج

اي واحد يتسلل هناك جيبوا لينا خبروا







وبالنسبة للزواج عن طريق مكتب

الله المستعان بس



وحكاية زواج بالصور .. اصلا الفوتوشوب بيعمل من الفسيخ شربااااات

وبعدين اذا الناس بيعرفوا بعض معرفة وثيقة وبعد دا بتحصل مشاكل وطلاق

فما بالك بهكذا زواااج

الشئ المحيرنى الموضوع لقا اهتمام ناس كبار مع انوا فى مواضيع تانيه اهم
واخونا الحاج بالله عارف مكان المكتب بالتفصيل واحد بيسال عن الجنسيات
وكلام واراهوا كلام!!!!!!!!

أتاري في ناس مكبوتين بشكل

خالد عابدين كتب:والعروسات مصريات وللا سودانيات ؟

كل مااقراء سوالك دا بتخيلك قاعد تقولو لى برررررررررررررراحة فى اضانى ماعارف ليه.........؟

تم طرح الموضوع لنقاش ولاستنكار لكن من غير قصد عملنا دعاية للمكتب وكمان لقينا فيه ناس ضاريع المسافة بالمتر عديل .
شكرًا على المرور
الباشق
هاشم على الجزولى
الحاج شرف
ابوسفيان خلف الله
ود المناصير
اميره الحومرى
انتصار حجازى

انتصار رصد حالات التسلل ؟؟؟ غايتو كنت برشح الكاشف اخوي الا ان الكاشف مابقدر علي الجري لياقته مابتساعده علي الجكه للرصد وانتي عارف حالات رصد التسلل دايره حكم لياقته كويسه

أميره الكلام وراه كلام بقول ليك المكتب قالوا في بحري وليس في الرياض وطبعا بحري وام درما في علاقه تؤامه في حاجات كثيره واصبحت الروابط بينهم كثيره ومتواصله خاصه بعد قيام كبري الحلفايه الكبري واسع وفيه مساحه جيده للحركه والمناوره وانا رأي كان يكون المكتب في الحلفايه ليخدم التؤامه وبعدين ياود المناصير أقرا جريده الصحافه اليوم ص 7

العنوان أجانب يديرون مكاتب زواج بالخرطوم حقائق ووقائع

وماور في الخبر الاتي

( عبر هذه المكاتب يتم توزيع استماره للشخص الذي يرغب في الزواج بمبلغ خمسين جنيه تسلم مباشره او ترسل في شكل رصيد عبر الهاتف وتشمل معلومات عن الشخص الاسم مكان الميلاد السكن الوضع الاجتماعي وما تملكه من اموال وممتلكات من منزل وعربه ويكتب ايضا المواصفات المطلوبه في الزوجه من قياس الطول اللون الحجم والشعر والعمر والقبيله ويقدم له كتلوج يحوي صور لبنات وبعد ان يحدد من الصوره الفتاه التي يريد يتم الاتصال بها وتتم المقابله وفي حاله طلب الشخص رقم تلفون الفتاه لمزيدا من التفاهمات يدفع اجر اضافي ودافع مدير المكتب واسمه محمد العربي مصري الجنسيه عن الفكره وذكر انه حقق زيجات ناجحه وذكر ان اعمار الرجال الذين يتقدمون له متفاوته ولكن الاغلبيه في الثلاثينات والبنات تترواح اعمارهن من 21 الي 51 واعمار الرجال من 35 الي 67 سنه )

انتهي تعليق بخصوص عمر الرجال نشوف المتوسط 35 الي 67 = 51 زايد او ناقص 10%

يكون هو الوسط وخير الامور اوسطها

ومني انا لاخوانا المغتربين الاستماره سوف نجد من يقوم بدفعها والاجر الاضافي لنمره التلفون ايضا مافي مشكله متبقي العناوين وهذه علي الاخ مصباح في السعوديه ومحمد بروي مناديب المكتب ده شغل تجاري وعلي كل رأس بتأخذ نصيبك

بخصوص البنات الراغبات في الزواج نشوف راي بناتنا واخواتنا في السعوديه لمن ترغب ان تكون مندوبه للمكتب وبارك الله في من جمع بين رأسين باالحلال مش كده ياالله يااميره شوفي لينا كم حديث للتأصيل لهذه العمليه (شغل الجماعه الطيبين )

مشكور الاخ محمد بس ما تكون دي دعاية للمكتب؟

شايف بعض الناس مستغربين

في جريدة اعلانية سودانية مشهورة عندهم مكتب زواج

والمسؤؤلين سودانين

السؤال هل هذه طريقة تقود لزواج ناجح؟

هو الزمن ده الناس المعروفين مشلكة لما كمان بواسطة مكتب ده كلام

هو مكتب واحد بس؟؟.لا ده مكاتب وكمان لها حظ وافر في الاعلان عبر مايسمي بالصحف الاعلانية مثل الوسيط ولها وله والإنتشار وهلما جري.

علي فكره في صحيفة سودانية اجره لقاء مع مدير مكتب زواج سابق وهو سوداني واطلقت علية سابق لانة ترك المهنه لانو وجد في عدم جدية من الشباب علي حد قولة،قال:-البنات جادات لكن الاولاد لاء.

وكذالك اجرت مواقع عربية لقائات مع اصحاب هذه المكاتب علي مستوي الوطن العربي واخذت عينة من المتزوجين عبر هذه المكاتب فوجده ان كثيرا من هذه الزيجات باءت بالفشل،ولكنها لم تتناول اسباب الفشل بشكل واضح.