شعراء المناصير يهجون اسحق احمد فضل

محمد الامين على الحسن
اولهم
خلو لى اسحق ياكك بى نأدبو خليك دحين
وانت ترس القوه ثابت مابنخسروا فى المساكين
ماهوفايتنى انا واحمد سعد بى نطلقوا الزول مجنين
ده الوحيش البتل القرد لا لفظ لا وجها حسين
امانى عاد زولك ماوقع وقعت العميان ده فى الطين
ده الكلام الكتبو العبيط ماعرفتو انا جابو من وين
لالا يبقى اسامه خالو والله زول بلاع ملايين
فيهو عاد بى نلعب لعب والبشوفنا يقول مجانيين
دى القبيله هو ماعارفه كان يجر تاريخه باللين
ويسأل السبقوه قبلو كان يورهو المميحين
وزى كلامو الكتبو فينا منو مابقبضلو ملين
انت ما عارف الحقائق والكلام الصح بى يبين
والادب كان عندك قليل بى نرجعوا ليك بالهين