الاستاذ عمرالدمرى يهجو المدعو اسحق فضل الله

كما اقترح الاخ عادل شرى ان يفتح بوست يتضمن رد شعراء المناصير فى الرد على المدعو اسحق فضل الله -

واليكم ماكتبه الشاعر الكبير الاستاذ الدمرى --

قد يكون هنالك بعض الاخطاء --سوف اقوم بتصحيحها -وكل من وصلته القصيد ارجو التصحيح --

والشكر للاخ الاستاذ يوسف عثمان مصطفى-

كنت قايلك راجلا اصيل ليه تشتمنا بلاسبب

يا ابكلاما اخر الليل واخر الليل دايما كعب

فيهو خمرة وفيهو الزنا وفيهو امرا ليك اقرب

يا ابخلقتا زى القرد

ويالولد ولدوك مشقلب

وجهك الاشنى من القدم انت راجل وينو الشنب

ياعجوز كين فتا الحدود استعد تأديبك وجب

تانى ما اظن لى موضوع كتب وما اظن رتب ليك خطب

انت لا اخلاق لاقيم وللفلوس ليه دا تبقى رب

وأنت لو اعطوك يالئيم غير محال بى تشتم الاب

داك معروف عندو القروش

حيقية يغنى الزول انهب

انت ليه يغريك العميل

داك ما معروف ابلهب

انت ليه بى ترضى الهوان وليه تكون حمالة الحطب

بى نعدك تانى ماك زول

وانت من قاموسنا انشطب

مالك انت وما الشتم زول من السبعين اقترب

ما تشوف الجامع الوسيع

تمشى فى زاويتو قنب

وما يهمنا نحن الشتم

صدرنا من اسيادك ارحب

يأكلو خيرا وليك الفتات

مالك انت ومال النهب

الرزق من الله مضمون

ليه انت بتحرقلو العصب

قالوا محسى كمان اللئيم

والمحس اخلاق والادب

واللا ساكت فيهم لصق انت يامقطوع النسب

انت نتحداك والمعاك لاتفر لاتبقى ارنب

اللسان اصعب من السيف

وعليهو كم عامر اتخرب

وانت من المواهيم رويت وليك اخر كاس انشرب

الاصال حافظين اللسان

والشتم للزول الضنب

المناصير ناسا اصال واسأل القدامك كتب

البعرفو التاريخ صحيح –

كم دخلنا دواس ياعميل

وهل سمع منصورى اتغلب

كين تحر تلقانا قدام --

نحنا الحجر ماتصهرو النار-

نحنا بتنا ياسنيح تسوى زيك الف ان حسب

ونحنا مابنتعدى على زول والبصلنا نورى العجب

البقول يصل المناصير الثريا تكونلو اقرب

واعرف المنصورى ان غضب تانى مابتسمعبو انسحب

انت ماتشوف الدرب القصير

ليه مشيت بالدرب الصعب

فيهو تتلقاك الاسود

صحراء مافيش موية تشرب

ونحنا لو لو خاصمنا انسان اليكون جاهز للترب

وما بنقاتل زول مرتشى وبى نخلى الزول ان هرب

الابن سلمان لك التحية وللزميل يوسف عثمان وللأخ عادل التحية لكم جميعا ومن اطلاعي على هذه الأبيات عرفت أنها من شعر شاعرنا وزميلنا الشاعر الفحل الذي دافع كثيرا عن المناصير بشعره الرصين وله منا التحية وإلى الأمام ، ونسأل الله ان يرد كيد الخائنين ومن أرادنا وأراد أهلنا بسوء اللهم أشغله في نفسه واجعل الدائرة عليه. آمين

لم استطع التعديل داخل النص لاشكال فنى لذا انوه واشيرللتعديل الاتى –فى الابيات التى تنتهى الرمز(-)(dash ) ب

البعرفو التاريخ صحيح يالبعيرالمالى الجرب

كين تحر تلقانا قدام ونوعك انت يعز الطلب

نحنا الحجر مابتصهرو النار وانت ايه يافرع القصب

شكرر الخال الدكتور مصباح-

من طرف **ابوسما** الجمعة 23 سبتمبر 2011, 10:07 pm

والكاظمين الغيظ والعافين عن الناس والله يحب المحسنين" .

قال الله تعالى :" والكاظمين الغيظ والعافين عن الناس والله يحب المحسنين" .

وقال النبي (صلى الله عليه وسلم) : ينادى مناد يوم القيامة ليقم من أجره على الله فليدخل الجنة قيل من هم قال العافون عن الناس(رواه الطبراني).

وفي تفسير القرطبي :أن المأمون جاءته جاريته بطعام فسقط من يدها فغضب فقالت يا مولاي أذكر قوله تعالى: " والكاظمين الغيظ قال كظمت ،قالت والعافين عن الناس قال عفوت قالت والله يحب المحسنين قال انت حرة لوجه الله تعالى".

وقال النبي(صلى الله عليه وسلم) " من كظم غيظاً وهو قادر على ان ينفذه دعاه الله على رؤس الخلائق حتى يخيره من الحور العين ما شاء".(رواه ابو داود والترمذي).

فائدة:أوحى الله تعالى الى موسى عليه السلام أتحب ان يدعو لك كل شيء طلعت عليه الشمس والقمر قال : نعم قال: اصبر على خلقي وجفائهم كما صبرت على من أكل رزقي وعبد غيري.

وفي كتاب شرف المصطفي :
عن النبي (صلى الله عليه وسلم) :المؤمن الذي يخالط الناس ويصبر على اذاهم أفضل من المؤمن الذي لا يخالط الناس ولا يصبر على اذاهم.

ما كنت اتمنى ان تنزل القبيلة الى هذا المستوى وتبحث عن شعر الهجاء امتثالا لديننا الحنيف

اللهم املئ قلوبنا رحمة وحباً لك ولمن أحبك .
اللهم الف بينا قلوبنا ولا تجعل في قلوبنا غلاً على أحد .
اللهم اغفر وارحم وانت خير الراحمين واعفو واصفح يا ذا الصفح الجميل يا عفو يا كريم .

من طرف **نورالهادى** السبت 24 سبتمبر 2011, 2:28 am

شكرا سلمان شكرا لكل الاخوة المتداخلين والتحية والاحترام للشاعر الكبير الاستاذ عمر الدمرى الذى نجده دائما يدافع عن المناصير وأهل المناصير وعن تاريخ المناصير فله منا خالص الود والاحترام .

من طرف **ابو هشام** السبت 24 سبتمبر 2011, 4:12 am

شكرا يا سلمان
والكر عبرك للاستاذ المربي عمر الدمري
اسحق يشتم وابو سما يصمت صمت القبور ... ثم يدافع
والدمري يرد على اسحق .. ونفس ابو سما يدخل لتذكيرنا بديننا
والله نحن عارفين حدودنا وحدود دينا
اعرض تذكرتك دي على التافه اسحق واذناب الساقطة الانقاذ
لكنك لا تستطيع ... انت زول حكومة ... يعني ديل اولياء نعمتك ما بتقدر تهبشهم
بس فالح تهابش في اهلك
يا اخي خليك عادل وقول كلمة حق
عالم غريبة

من طرف **ابو هشام** السبت 24 سبتمبر 2011, 4:16 am

ناسف لعدم وجود خاصية التعديل
المقصود تعديله ... والشكر عبرك للاستاذ المربي عمر الدمري

( لك التحيه الاخ/ النعوفابي والتحيه الي الاستاذ والشاعر الدمري وهو جاهز لاسكات كل من يطول لسانه علي قبيله المناصير وربنا يحفظه ويطول عمره وهو يدافع عن اهله ,,,, والله ياسليمان القصيده دي (حاروه من ناره )

وطنى ولاملى بطنى
سكاتى ولاالكلام النى

من طرف **ابوسما** السبت 24 سبتمبر 2011, 2:51 pm

قالوا سكت و قد خوصمت قلت لهم ان الجواب لباب الشر مفتاح

و الصمت عن جاهل او أحمق شرف و فيه أيضا لصون العرض اصلاح

اما ترى الأسد تخشى و هي صامته و الكلب يخسى(الرمي بالحصى) لعمري و هو نباح.

الاخ ابوسما ....جزاك الله خيرا علي هذه التذكره الايمانية . لكن ياأخي ردك الاخير خربه..

من طرف **ابوسما** السبت 24 سبتمبر 2011, 3:34 pm

ابراهيم سلام

فى جماعة هدفهم النقاش بى موضوع بلا موضوع ناطين

نسال الله يهديهم

من طرف **ابو هشام** الأحد 25 سبتمبر 2011, 2:57 pm

بعض الناس يحفظون كلاما لا يعرفون معانيه ومراميه ... وفي الغالب ينطبق عليه وهم من جهلهم لا يعلمون

ألد أعداء الإنسانية الجهل

والأسوأ أن يكون الإنسان جاهلا وهو لا يدري أنه جاهل

ومن إفلاسهم وفراغ فكرهم تجدهم يكررون ويكررون ذات الكلام

ولا أدري لماذا لم يتعلموا من هذا التكرار

أم ان التكرار يحتاج إلى تكرار ؟؟؟؟

ابو هشام كتب: بعض الناس يحفظون كلاما لا يعرفون معانيه ومراميه ... وفي الغالب ينطبق عليه وهم من جهلهم لا يعلمون

ألد أعداء الإنسانية الجهل

والأسوأ أن يكون الإنسان جاهلا وهو لا يدري أنه جاهل

ومن إفلاسهم وفراغ فكرهم تجدهم يكررون ويكررون ذات الكلام

ولا أدري لماذا لم يتعلموا من هذا التكرار

أم ان التكرار يحتاج إلى تكرار ؟؟؟؟

سلام لابوهشام

ابوسما انا ما بعرفه لكن تقرا كلامه تستغرب هل دا هونفس الشخصية التي سالت في بوست في المنتدى الاسلامي عن هل الشريعة من اصول الدين

سوالي غاظني لما استخسرت اردعليه

من طرف **ابوسما** الثلاثاء 27 سبتمبر 2011, 2:16 pm

فيما الغيظ؟

من طرف **ahmed alkhabir** الثلاثاء 27 سبتمبر 2011, 5:12 pm

ابو سما انت حقو ترد علي الناس ديل بي قصيدة تمدح فيها اسحق !! رايك شنو ؟؟

يعني الا نديك رؤوس مواضيع يعني ؟؟

من طرف **ابو هشام** الثلاثاء 27 سبتمبر 2011, 7:34 pm

ahmed alkhabir كتب:ابو سما انت حقو ترد علي الناس ديل بي قصيدة تمدح فيها اسحق !! رايك شنو ؟؟

يعني الا نديك رؤوس مواضيع يعني ؟؟

وبالملعقة كمان

شفت الدلع دا ؟

متعودة دائما

دائما متعودة

وطبعا من شب على هذه الملاعق المترفة ,,,, يشيب عليها

من طرف **ابوسما** الأربعاء 28 سبتمبر 2011, 8:34 pm

ahmed alkhabir كتب:ابو سما انت حقو ترد علي الناس ديل بي قصيدة تمدح فيها اسحق !! رايك شنو ؟؟

يعني الا نديك رؤوس مواضيع يعني ؟؟

شكرا يا الخبير

اتصل على الطيب خلى يالف قصيدة

من طرف **عباس محمد** الخميس 12 أبريل 2012, 1:19 pm

القصيدة رائعه ولكن نفسها حار شوية
ويا ليتها لو سحبت من هنا الى البوست المخصص للشاعر
من قبيل الجمع والحفظ

الاستاذ عمرالدمرى يهجو المدعو اسحق فضل الله

الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله

رد: الاستاذ عمرالدمرى يهجو المدعو اسحق فضل الله