اخر طلقة فارغة

اتلملم سحابي
عارفو ولا بصب
كلهن احتمالين
ياشقا يا شقا
وعمر الضحكة اصغر من ما نشهقه
وحيل المنيه افتر من نتعلقه
لما الله اكبر بقت خانقة من فاه مغبر خسه وزندقة
********
والبرق المهضرب مشحون انسحاب
والجوه السحاب موية من الارض
رامين فيها مقلب
تشرب او بتشرب
وفي الكباية عقرب والنبي نوح بعيد
تحت الضلعه نفاج
ادخل يا مناضل ارتاح لا تغني
جمبك طفل طائر
وفرعون الطيور حايم كل دواخلي بيفتش عليك
********
ولا تأمن ضلوعي
كتم السر جنائي
لو شدر النصيحة قالك هاك فروعي
اختبي فيها برضك قولو اخير لي جوعي
من شبع النطيحة وما اكلت سباعن والكلمة الجريحة
********
صدقني النكضب
الاوزان دي ماهي
والميزان مجامل
الساعة القصادك ما فاهماله حاصل
تحسب وشن بتحسب زمنك زاتو عاطل
وفي النيل مافي موية
فيهو مراية الا عود الصورة ناصل
لون الصورة مقلوب
مقلوبه الدواخل
والنيل همو يجري ويسجد للمحيط شايل الهام وعاجل
اختبي يامناضل
حسيت في شي داخل
شكلو غبار كراعن
او نفس المصانع
يا سارق مطارد ما اتحرفن جا واقع
يا ريحة بلادك من فرط المضاجع
اختبي لما اقولك عيسي نزل جاء طالع
اختبي يا مناضل
والاحلام دي ماهي
والاشواق متاحة
اختفي لون سواداً كان زايد وضاحه
واي بياض تشوفو ما بين السماحة
داسين تحتو اسود اسود انتظار
والخرط القريتة كلها كان بتمشي
تتونس حدوده
وتتبادل وروده
وتتشكل حسب ما ينفع وجوده
وفاتن كم خريف
دسوها الصحاري جوه الواطه كيف
والموقف مخيف
اختبي يا مناضل
اختبي يا مناضل

من طرف **عباس محمد** الثلاثاء 03 أبريل 2012, 8:18 pm

قوالب شعرية اشبه الى النثر
تشكر اخى ماهر على المجهود
تقبل المرور

اخر طلقة فارغة

اخر طلقة فارغة

رد: اخر طلقة فارغة