شعراء المناصير

شكرا استاذ سلمان البديت ثوثق لشعرائنا وداير اساعدك شويه.
فى المناصير شعراء كتيرين لكن لم يوثق لهم ومنهم ..
على الطيب من بونى
ومن اشعاره يعاتب صديقه.
قبيل كنا اصحاب لينا تصويت
وبعد ماكنت حرير غسلوك وهديت
وبعد ماكنت صافى عكر بقيت ريط
الجمل بى يأكل حويتو ياصاحبى جنيت
ومنهم محمد فرح شاعر
الخدره لوباية ام مزاريق
ماها حمراتن بالحى زيق.
وماها زرقاتا بزيزيق
يارجال بيت مكه العتيق
الحقونى اليله فى الضيق
واينا الواقعلى فى ضيق
حاره نار الغى يارفيق
وايضا صموده شاعر غشونى النعوفاب
والسيد الحسين الحسين فرنيب
شاعر
الهدانى يكوسلوا هداى
اليشوف راس خيتا بلاى
وعلى الشاعر
شاعر
الدريب الجابنى فى الزمن العديل
فى التكر قصاد اقرى مابقيل
اغمض نامن اتعدى السبيل
كجنتا الجزيره الناس عيل
وود تومابى
شاعر
ياود اخت خالك دابو نجض نيو
شاف قشيش صوبا الخلاوى الحاجرو صيو
المن الشوتيبا ينترد جديو
الخلى قلبى شريحه ينجالب حديو
السمح رادو الله انا الشين مالى بيو
اليروح ناس امو يسرح ويردى ميو
وصالح ودعقيد وابقرون -وضقولى ودجبريل والرضى والحداد
والكثير من الشعراء الماظهروا لكن عندهم اشعار جميله .....

الليلى يا نادر رويت عطشنا بهذه الأشعار الجميلة وأرجو أن تضيف لكل شاعر لديه بوست او موضوع فى مكانه ومن ثم نفتح للشعراء الذين تحفظ لهم الكثير بوست جديد بالطبع والدكم عليه الرحمة وانا كنت من قبل قد أشرت له فى مكان أخر فلا بد أن تكتب كل أشعاره –

وأظنه فى قصيدة الطيب وصديقه تكملة بيت :

زمان كنا أصحاب ولينا تصويت

وزمان ما كنا بى ندس منك حلو البيت -----

وفى مقطع اخر:

انت هوهوك ناس فلان فى الهوة نطيت

ودى الهوة غريقى أظنك تانى ماجيت

خلو يغور قبلوا غاروا امان براميط (وهنا يقصد الخواجات)



وفى هذه المجاراة والمجادعة هنالك أبيات أظنك تركتها من ناحية أدبية وهو المطلوب –كما ان اطلب منك ان تكتب أولا الأشعار التى متأكد من مصادرها تماما –لان هذا المنتدى للتوثيق وهو مفتوح فلابد ان تكون كل المعلومات حقيقية-عشان نجمع ونلم القصائد الطايرة –اذكر مثلا فى أبيات من ودفرح التى أوردتها موثقة فى منتديات البركل لشاعر اخر-فيج ان نكتب اولا ماهو موثق له ومن ثم نتعاون فى القصايد الضائعة اوالطائرة او المسروقة

اكرر ترحابى الشديد بك ابننا نادر وكما ذكرت أرجو ان تكتب للوالد أولا ثم تضيف لم هو مفتوح لبقية الشعراء –

الاخ نادر السلام عليكم ورحمةالله ..وين يا رائع انت اخبارك
بالله خلي بالك شديد لاشعار الراحل عمنا الرضي له الرحمة والمغفرة
وهاك الجدعه دة
متين الجيه يامريود تعال قول لي
حقيقة الحي يلاقي الحي
اسعد يوم ده مره علي
ثمار الشفتو في تسني
عديل ومردفلو الري
انا العانيتو من عينيها ماهو شوي
اصلي قبيل مكوكو تاني خلفو الكي

شكرا محمد ود سليمان
قال
متين العوده يامريود تعال قول لى
صحيح الحى يلاقى الحى
ثمارن شفتو فى تسنى
عفيف ومردفلوا الرى
انا العانيتو من عينيهو ماهو شوى
اصعب مايكون الحال ده مر على
انا قبيل مكوكو وتانى خلو الكى
لهجه بريره ودلقاى
حسيسه رهيس كبابى الشاى
سنونه الرفه فى الباساى
نفيسه محير الغناى
فيكى القلتو مانى براى
لسانى مودر الوكاى

من شعراء المناصير خلف الله كباشى من برتى وله ديوان معروف واللهيفان من راس الجزيرى بونى والسر بابكر من برتى شرق[quote]

دى حاجة كدة من السر -ارسل فى رسايلى وانوح لمن الصباح اصبح مشتاق لى لقاكم ديمة والشوق للقليب يجرح

اين اختفيتو ياناس
نحن يادوب فى بداية الطريق
ويانادر اعطى كل ذى حق حقه بان يكتب لكل شاعر
قصائده من جديد فى البوست المخصص له والذى لايوجد له بوست
يفتح له بوست جديد من قبل الريس لتوثق فيه قصائده كل ذلك لجمع الافكار
وسهولة الاطلاع ونتعرف على كل شاعر على حدا ونعرف كم قال من الاشعار

الاخ نور الهادى سلام
هذا مانريده بالفعل وننتظر اثر ذلك ردا
من الاخ نادر وهو مشغول بالفيس
كما اننا نناشد ابن السيد/سليمان ودنصرالدين
الا وهو الحسن سليمان ان كان له شىء فى الذاكرة يؤيد هذا القول