ود ابو حنة ... وينك يا رائع

خلال اليوم أو قل حتى الآن لم يظهر الباشمهندس صديق في المنتدى ... راجعت الذين تواجدوا خلال الاربعة وعشرين ساعة الماضية ولم أجد اسمه

عمنا وحبيب الكل .. روح المنتدى ونفسه الغالي ..المرجع والموسوعة .. وفخر بلادي .. صديق

أين أنت ؟ إن شاء الله عافية .؟

لم نتعود على مثل هذا الغياب لعل المانع خير ؟

يقال اخوك كان بقى عسل ما تكملو كلو

ولكننا لم نرتوي بعد ... لا أنانية منا .. ولكنه عشم من يرون فيك بحر من العلم واملهم غرفات تطفئ الظمأ وتعيد الحياة

متعك له بالصحة والعافية الباشمهندس صديق أبو حنة

وفي طلتك ... روحنا .. ونسيمنا .. ولون زهورنا .. وعبق برمنا .. وعليفنا .. وطيب برسيمنا .. ونوار جرفنا

لك ودي .. يا رائع

نعم يا الرائع ود المناصير. يوم ونص ، يوم الراحة الاسبوعية، انشغلنا فيه مع الزوار في العيد والاسرة، والترفيه على الاسرة.. نحن كمان مشتاقين لطلتكم.. أو عدنا

فقط ليطمئن قلبي

أم بقت ما فاتت المحمودي غادي
بشارتك يا اللبيب ميتين قلادي
............
جفلت وطقت الباقدان
ومن كرقيلي لاب نيران
..........
طوفك في السهيب وكران
من كرّان ولى كرّان
.............
بعد ما كان مريكب الزان
تشق الموية شق عميان
.............
يطلع بالدروب ضهبان
بعد ما كان فرح شبعان
وكم يضرب عشاري ملان
قهوتو متكع الفنجان
..............
تعرف فرح البي يصطاد التماسيح..زمااااان لمان عمي وبرضو يقال ضرب تمساح وهو عميان.. ولد بتو يوصف ليهو على التمساح وهو يناشن..
شوف مناصيرنا زمان يصروا على مهنتهم كيف؟