قرار مفاجئ لقضاء عطله العيد بالبلد

دعوه لنترافق
انا وانت لقضاء عطله عيد الفطر المبارك بالبلد وسط الاهل والصابرين والقابضين على جمر القضيه
لماذا لا اكون هنالك
وسفينه نوح قد رست على شاطئ البحيره
عفوا ساكون اليوم على ظهر جبل يعصمنى مؤمنا برب نوح ونوح
وساكون وسط المصليين هناك
عفوا لكل من ارتبطت معه على موعد او لقاء
فانى راحل الليله
لان العيد لا ياتى الا هناك
ومن غيرى يقرر رغم ان شارع الاسفلت يموت منتحرا على حدود دار ود قمر حزنا على رحيل الهالكين من ال غردون وكتشنر فى ام دويمى والكربكان

تصل بالسلامه يا الحاج

وكل سنه وانت طيب

بلغ تحياتنا لافراد الاسره الصغيره والكبيره

وكل ناس البلد

سلام يا الحاج والله ما شاء الله .. عملتها كيف دي؟ شاورت زميلك؟ شاورت ناس السعودية؟ شاورت ناس بسوي؟
يعني صلاة العيد في بسوي فوق الحجار ديك؟
صاح والله أنا غلطان؟
برضو يا الحاج شوف لينا البتاعات ديك
راحو من بسوي والله لا
عشان خاطر جماعة اهلي وأهلك وأعضاء في المنتدى..
وزور لى شري
وكان قدرتا أقطع الغرب وروح الحنانين..
وكان قدرتا سوق النعوفاب جنبك موش بعيد فركة كعب
ولحم السوق طاعم
خلاقي
شيل منو معاك
لحم السوق لى ناس بسوي
عشان يسوي دي انا بعزها موت
وجيب لى معاك
قبضة من اثر الرسول من تراب شري أو اي تراب في المناصير
العمد قالوا حالفين ما نرحل من ارضنا وعموديتنا ودار ود قمر
تاج السر نعمان قال آخر نقطة لاتصلها المياه سوف ابني فيها بيت وأصنقر فوقا حتى..
بالسلامة يا الحاج
وخلي بالك في السواقة.. كان ماشي بي عربيتك ومعاك الاسرة
خلي بالك شديد يا الحاج في السواقة
حجة وتجرة ورجعة بالسلامة يا حبيب

تحياتنا لك سليل دوحة القرآن وانت تقرر وفق الأصول

والتحية عبرك لكل مناصير بلادي عبر العصور

والتحية لكل من قبض على جمره ولاك صبره .. فكان صبرا جميلا

فنفذ جمره وبقي صبره

وتذكير أخير ... اعمل على رأب الصدع ..ووفق وارتق كل خلاف إن استطعت إلى ذلك سبيلا

فأنت واحد من المؤثرين النافذين بالبلد لانك سوي وتنطق حكمة وحقا

لك ودي وتقديري

وبالسلامة إن شاء الله

كل سنة وأنت طيب أخى الحاج وربنا يسهل طريقك ويحفظك فى حلك وترحالك وإجازة سعيدة إن شاء الله _ تحياتى لكل أهلى الطيبين والصابرين والمرابطيين هناك ونحن نستظل بالعشرالمباركات من رمضان نسأل الله الحنان المنان أن يديم عليهم نعمة الأمن والأمان ويكفيهم شر ومكر إدارة الخزان وأن ينالوا حقوقهم كاملة دون نقصان _
لك تحياتى وودى ،،،

الحاج غيرت رايك والشتله بعد غزت قلعت جذوره ده سيل والله هدام .غايتو انا باكر قايم دغش

[b]عودا حميــــدا