دابـو فـريخ يعوم.. شا ل منـام عيني أحماني أنـوم

دي ما بت ياجماعة..
ولا الحبيبة
ولا البلد
حاجي كـدي تـنفع في المنتدى العام ده؟
نشوفكم تعرفوها..

من طرف **ahmed alkhabir** الخميس 18 أغسطس 2011, 5:32 pm

في انتظارك يا هندسة

دي الحكومه

ياتو حكومة يا هاشم
حكوماتنا نحن والله الحكومة المعلومة الحاكمة البلد؟

من طرف **علي الكليس** الخميس 18 أغسطس 2011, 7:29 pm

ياهندسه يارائع نحن محتاجين ليك تطل علينا بفكره او بمقترح او راي او فهم او اي حاجه تعالج السجم الفيهودا يا اخي مرارتنا قربت تنفقع وجانا المصران العصبي قلب الجن دا نسوي ليهو شنو قدر مانحاول نبتعد يجيبنا تاني تانيب الضمير يذكرنا الظلم والضيم الواقع علي الاهل والمتربصين بهم من بني جلدتهم فترنا وذي ماقال التونسي هرمنا الذي يستطيع ان يحل اعقد العمليات الهندسيه يستطيع ان يجد افكارا تعالج مشاكل اهله .ارجو ان لاتبخل بها علينا ياود ارابيب الندي ........سلامي

على الكليس
آه من عذابك يا قلب
شن جابرك إنت عشان تحب
عذبت قلبي أنا بالدموع ليلك نهارك تنتحب
..........
علي الكليس
دابو فريخ يعوم.. تأويلها يعني لسه في الموري ما انطحنت طاسي..
يعني ( نحن في بداية طريقنا ، ليه تقول لى مستحيل)
ما راح أقول ليك الحصل ده كلو كان جعجعة في قضية المناصير.. وإنو الإنتهازية والنفعية والسلبية وموات الضمير و أزمة الأخلاق.. ما راح اقول ليك إنو ده كلو كان جعجعة
لا
لا
ياعلي
هذا عمل بي خيرو وبي شرو وإن كان شرو على اهلنا أكثر من خيرو
النضال الناضلوه أولاد المناصير من اجل القضية
راح يتخفج من جديد ويكون طوبة في بنيان قضية المناصير. والطوب الباقي راح يجي..
الغريبة أنا متفائل جداً إنو قضية المناصير راح تُُحل ومن الله وحده رأفة بعباده الشعث الغبر..
راح تحل
متأكد من الكلام ده
بس الحماقة
والتشدق
والفهلوة
والشطارة
وسبب كسب رزق سحت سريع
وأزمة الأخلاق
هذه الأشياء خلت حل القضية تتأخر..
وأنا الآن لا اقدر أن اقود قبيلة مفككة.. اجاهد في الإطار الشخصي.. والدعاء سلاح المؤمن
أجاهد في محيطي بكل ما أوتيت من قوة
الشقة كبرت يا علي بالحيل
والجسد المنصوري الواحد صار فيهو خمسين راس
كيف يعيش هذا الجسد
نحن نحاول أن يكون جسداً واحداً برأس واحد
يوم يكون ذلك كذلك
ستجدني أنا قبلك هنالك
أصنع لكم ولأهلى زبر الحديد
تأكد يا علي أنني أعمل من أجل أن يكون لنا خيار محلي.. يحفظ أصل القبيلة
ما تقدر تقول أنا منصوري وإنت ما عندك أرض ولا حدود
اقرب واحد يقول ليك تنفخ في الماضي ساكت؟
منصوري فوق كم؟
هو إنت ارض ما عندك؟
قلعوا ليك ارض الناس وقعدوك فيها؟
الخيار المحلي شرف لنا كلنا.ز
حتى الرحلوا شرف ليهم
وحتى مناصير المدن شرف ليهم
ما شايف مناصير المدن أول ما هبشوهم في اصل القبيلة إتنفضوا كيف؟
اصل القبيلة زي الشرف
ما بيتهبش
عشان كدة الناس الفي المحلي من أجلنا كلنا..
نحن الإغتربنا
والناس السكنو المدن من زمان
والناس السكنو مدن التهجير
الخيار المحلي من أجلنا كلنا
هو شرف القبيلة..
..........
أنا أعمل وألعب في ميدان يساعد كثيرا في حل القضية..
أما ميدان الزخم والتضارب ومن داخله من يهده بمن فيه..
وخائنه منه واليه، هذا الميدان الشغل فيهو صعب.. وناسو شايتين ضفاري..
..........
دي معنى دابو فريخ يعوم.. لسه ما بقا وزينة كبيرة . لسه قضية المناصير راجاها جولات وجولات
شال منام عيني أحماني أنوم
دي تأويلها ينطبق على شيخنا على الكليس
ما قدر يعيش هادي البال مرتاح الضمير غادي غادي من قضية المناصير ما قدر يهنأ له بال
كل ما قلبو ياكلو يجي راجع يكتب عن القضية ويدافع عنها ويدعو لمؤتمر شامل وجامع
يعني لايطيب له نوم على الكليس
هذا هو تأويل شال منام عيني أحماني أنوم..
هذا إسمو
( تجريد المعاني في كلمات الأغاني)
وممكن برضو تجردا وتـاولها في معاني طايحة وعاطفية وغرامية.. فتكتسب ذنب بالممارسة
بت صغيرونية حلوة جميلة أصبحت مشغول بي غرامها ما قادر أنوم ما عارف ألقاها أعرسا والله لا. والله في اي طريقة وإن قلت حتى ولو ( لَمم) ساكت بدون عرس واللمم في الفقه مغفور.. وفي قمة الأخلاق ذنب
....
يعني يغني المغني وكل على هواه..
هذا هو هذا المعنى
أن هذا الموضوع يصلح في المنتدى العام

دابـو فـريخ يعوم.. شا ل منـام عيني أحماني أنـوم

دابـو فـريخ يعوم.. شا ل منـام عيني أحماني أنـوم

رد: دابـو فـريخ يعوم.. شا ل منـام عيني أحماني أنـوم

رد: دابـو فـريخ يعوم.. شا ل منـام عيني أحماني أنـوم

رد: دابـو فـريخ يعوم.. شا ل منـام عيني أحماني أنـوم

رد: دابـو فـريخ يعوم.. شا ل منـام عيني أحماني أنـوم

رد: دابـو فـريخ يعوم.. شا ل منـام عيني أحماني أنـوم