علي عيسى.عليك الله ذكرني هذه الحادثة

الفنان المبدع ذو الاحساس المرهف صديق
لك الود والتقدير
دوما نقرا كتاباتك بشقف ونهم لانها كامل الدسم
لذلك لي رجاء هذا البوست الجميل رد علي كلام من ابننا البار
ود القضارف سعاتو علي عيسي يا حبذا لو ذيلت الموضوع بالمرجع
اكون شاكر ومقدر
مع اجمل المني وارق تحياتي

أيوة يا زولنا مصطفى.ز عايز أنفذ كلامك..
بسما فهمتا
أذيل الموضوع بالمرجع كيف يعني؟
وما هو المرجع هنا..
المهم نقول رد على كلام إبننا البار ود القضارف)
يعني أعمل ليك البين القوسين ده عنوان للموضوع يا مصطفى.. مافهمتا قصدك. اصلى الليلي عطشان شديد.. وواحد هندي عطشني زيادة كمان.. أديتو قروش يغدي العاملين.. سواها ليهم نصها في سجاير.. شوف عليك الله الزول ده؟ عايز أطمئن عليهم، جيت داخل مكان أكلهم.. لقيتهم ليك يقرضوا في عيش مع شاي وكل واحد ضارب ليهو صندوق سجاير في جيبو؟
على كيفكن
بس الشبع مهم عشان يصحوا عشان يشتغلوا لينا كويس
غايتو الجنسيات الآخرى دي تفقع المرارة؟معظمهم غير مسلمين..

أيوا فهمتا يا مصطفى أظن فهمتا

عزيزي المبدع صديق
البوست رد علي جنابو علي في كلام اتقال قبل البوست
لذلك جاء هذا البوست رد
انا العاوز اعرفه الكلام القالوا جنابو وين في اي بوست
وذلك لمتعة المتابعه

أيوا..
إنت متابع شديد يا مصطفى
الكلام الإتقال أظن في بوست التعارف زمااااان
لما قلت أنا علي عيسى دي عندنا كثيرة في المناصير.. يا ريت تعرف أكثر.. الزمن داك في البدايات هو ما منزل صورتو علي عيسى.
بعدين طوالي هو عشان بيعرفني وانا بعرفو
راح منزل حكاية الحادثة بتاعة رمضان دي والوكت داك أظن كان هو في انتظار العمل أو فاينال كان
وتاني ذكرني بالكوتشينة بتاعة ام عطرون وناس عمر عبد الله يجوها بي لوريهو وابوهو عيسى ود حطيبيي يجيها من الشلال.. قريبنا وعلاقته بالشلال وناس بت احمودة وأبوه علي قاعد يتواجد في الشلال اكثر من العمارين.. طوالي ألقاهو هناك وابوهو عندو صداقة تجارة كدة مع عمر أخوى قاعد يرتاح ليهو

تمام كده
وجزاك الله خيرا

تمام كويس انى حصلتا بجاى قبل الشخص المعنى وسبقتو

علشان احصل العريس دا قبل ما يطير

ونقول نحنا موافقيين

ماعندنا اى مشكله

وكمان اعمام العروس طلعوا بيعرفوك حق المعرفه

يعنى الامور تمام

بالمناسبه ياستاذنا صديق اقصد ابو النسب

اولاد الحورى ديل بيعرفوا اخوك المرحوم عمر معرفه وثيقه حتا فى جهازى دا لقيت ليهو صوره مع جدنا الحورى واولادو

وكمان سليمان الحورى بيعرفك شديد

اها لقيتنى كيف الزمن دا لازم نعمل كدا

وبالمناسبه لينه بسلم عليك

ياه
خلاص الجا في الأول ده يستحق النسب.. هو نحنا لاقين نناسب ولاد الحوري وناس الحومري.. ديل ناس عز قبيلة.. خلاص اتفقنا.. وربنا يتم الباقي يارب
ايوة يا أميرة عمر أخوى عليهو رحمة الله كان مغترب في السعودية حوالي 12 سنة زمان..
وأولاد الحوري ديل بيعرفوني حق المعرفة.. وفعلاً سليمان بيعرفني شديد.وسليمان ذاتو راجل ما ساهل.. وزول كريم جداً.
عمر أخوى كان عندو معاهم خوة.. وشغل تجارة أظن..
ولهم علاقة اولاد الحوري ببعض أهلنا..

ومرحب بي لينا.. مراحب

علي عيسى عامل نايم والله شنو؟

الاخ الباشمهندس الحنونى
اولا معذرة للتاخير ..لمشاغل دنيويه ..شغلتنا عن الوصال ..وفى هذا الشهر العظيم ..تقبل الله منا ومنكم الصيام القيام ..واعاده الله علينا وعليكم باليمن والبركات
اولا ..بت الحومرى ..دايره تصطاد العريس ..وتفوز بالجائزه ..ونقول لها ..نحن برضوا عندنا ولد..
قامة بلادى ...ابوحنه
نرجع بك الى هذه الرحله ..وهى فى العام 1991والزمن رمضان ..وساعتها انا امتحنت من المتوسطه ...اما انت ومعك الاولاد ..وعلى مااعتقد جيت بالطائره عبر مطار مروى ..ونزلت فى كريمه ..ولاقيت اسحق لترتيب السفر ..وغايتوا الشنط كتيره ....والرحلة تتكون من الاستاذ المرحوم سليمان سلمان ..وكان معلم بالقرير ..وشقيقه اسحق ..طالب بمدرسة مروى الثانويه ...ومعهم الاستاذ عمر الرشيد ..والاخ احمد عيسى طالب بمدرسة كريمه الثانوى ..وصلتم العمارين ..قريب المغيب ..واصريتو على القيام ..وقالوا الجماعه ديل تحدروهم ..ونحن هامين الرجوع وجزيرة..كاره ..والمناطق البقولوا مسكونه ...وصلنا الحنانين ..وفطرنا بالخلوه .(.برج المراقبه)..والشاى والجبنه ..واعطيتنا خمس جنيهات ..وطبعا الرقم كان مرعب وكثير شديد ..اما ذلك الشاب الذى رافقنى هو ابن عمتى على حمزه على ..الذى توفى فى ريعان شبابه العام 1992..بعد ان امتحن الشهاده السودانيه
..ونلتقى ..والذكريات

على حمزة رحمو الله عرفتا كدة يا علي رحمو الله تأثرت ليهو شديد..

بالله شوف الزمن ده يجري كيف يا علي؟

شوف هسي دي إنت اشتغلتا وعرستا وولدتا.

شكرا ليك على الإجابة.زلأنو هذه الجية أنا جيت بعدها تاني بي اربعة شهور.. وكنت عايز أحدد بيها تأريخياً حاجة معينة تزبط تواريخ عندي

شكرا ليك..

والله كان جيت السودان بصلك للقضارف..

عمر أخوي الله يرحمو في آخر ايامو كان عندو شغل تجاري وزراعة مع ناس في ود الحيلو وتركترات شغالة هناك.. وبعد الوفاة في ناس تجار كبار زاغو ببعض المبالغ.. المهم استردينا معظم المبالغ بالقوة..

سلام مربع

عفوا هندسة..
عفوا جنابو...
اذا كانت الرحلة عام 91 فى ذلك الوقت المرحوم سليمان سلمان يعمل بكسلا فى الضرائب فتره عمله بالقرير من 86-89 . فاما التاريخ غير سليم او كانت للمرحوم زياره عابره لكريمه. والله اعلم

والله ياهويدا دي يعرفا على عيسي..
لكن ممكن اقول ليك حاجة الكلام ده قبل زواج المرحوم سليمان..
وأنا اغتربت أو نقلت من هلتون الخرطوم الى هلتون العين قسم الهندسة في 13/3/1989 وقعدتا عشرة شهور وجيت.. يعني ممكن يكون التأريخ سنة 90أو 91 برضوأنا جيت السودان.. كنت بجي كل سنة لغاية سنة 2006

زواجه كان فى يوليو 1990

الاخت هويد ابوشعر
السلام عليكم ورمضان كريم
فيمايخص التاريخ هوبالفعل العام 1991 بالتاكيد ..والذى يؤكد هو ان الاخوه اسحق واحمد كانوا فى انتظار امتحان الاحياء ..(الذى تم كشفه )..اما المرحوم سليمان سلمان ..فهو جاء من القرير..انا لست متاكد هو فى زياره او ..يعمل بالقرير..
ولتاكيد المعلومات سوف ارجع الى اسحق ..وعلى العموم الزمن سرقنا ...والتاريخ فات عليو قرابة 20سنه ..ويا سلام