ياجماعة عايزين نعرف زمن وصول بقية الطيور المهاجرة

الرائع / الأرباب / سلمان ... سلام
والله البلد كلها قالبة جنوب
والله نضم صوتنا لصوتك ونقول يا اخوانا متى متى وصول الميامين من طيورنا المهاجرة متى ؟
غايتو فارس دا ذكر إنو جاي بعد يوم 22/ 7
ربنا يسهل طريقهم ويجوا بالسلامة

أغلب الظن يوم عشرين.. ربنا يسهل مشاهدتكم.. أنتم صرتوا أهلنا.. مشغولية تسليم المهام.. ومشاغل كثيرة.. أول ما أصل سوداننا الحبيب أنتم أول من يعلم.. لحظة الوصول.. أنا زول بسيييط شديد.. وتكليف الناس يتعبني ويعذبني ولا أحب أن يتعبوا الناس في استقبالنا في المطار نسبة لظروف العمل وظروف السودان وظروف المشغولية وانا اعرف ناس كثيرين هنا من شبابنا وشاباتنا الغر الميامين يكنون لى أخوة عظيمة.. ولكن اللقاء الجامع بيكون فيه لنا خير وبركة جميعاً.. يعني لا أحب أن اكلف اي زول يستقبلني في المطار.. ليس لشئ إلا لأني اقدر ظروف الناس..والما استقبلني زي الإستقبلني.. بل الما استقبلني أحسن.. عشان بيكون مشغول في مشغولية بيته وأولاده.. ودي حسني واجر..
قد ارجع من السودان بمشيئة الله يوم 29 الشهر الجاري يعني اسبوع..
طالب شهر لكن والله الدنيا قامت وقعدت في الشهر ده في الشغل.. وأخيرا تمخض الشهر فولد اسبوعا
عشان كده بس جايين أنا والحكومة
الوليدات عندهم برامج صيفية ودراسة .. نخليهم هنا ونرجع ليهم بالسلامة بعد اسبوع
حددوا برنامجكم ونحن معاكم في هذه التواريخ.. يوم القاء العظيم ممكن يكون خميس أو جمعة أو سبت بعد وصولنا..
نحدد برنامجنا حسب برنامجكم أنتم وليس نحن
لكن برنامجي كالآتي
1 كسلا
2 كوستي
3 المكابراب
4 الفداء
5 القرير
6 نختما بإذن الله بزيارة محلية بحيرة المناصير
من ابوحمد وحتى البلد رحلة باللنش عشان نقدر نحدد مستوى الغراق كيف والعمران التم بعد ذلك كيف؟ ونقدر نكتب عن قرب عن ذلك، لإمكانيات الإصلاح أو الاستنارة وتنوير الناس بالافكار البناءة التي تساعد اهلنا..
أشكركم
وربنا يبل الشوق.. ويطلق القدم... والقدم ليهو رافع

حذف للتكرار

صديق عبدالله علي أبوحنة كتب: حذف للتكرار

حذفتو ليه ؟؟ مكرر ؟؟ برضو كنا حا نقراه حا نقراه إيه رأيك ؟؟
نحن لقيناك وين لامن ناباك ؟؟
الباشمهندس ود ابو حنة ... سلام
افرحتني مرة واحبطني خبر الإسبوع الفرد وحيد دا مرات ومرات
افرحتني بخبر قدومك للبلد .. وربنا يسهل طريقك ويجعل لك في كل خطوة سلامة ..
واحبطني الإسبوع الوحيد دا ؟ وبرنامجك مليان مليان حدو الزيق .. يا أخي ربنا يقدرك وتصل كل ارحامك واحبابك
وربنا يحفظك في حلك وترحالك

الأخ الكريم / الباشمهندس صديق أبو حنة - لك التحية والتقدير في كل ما تكتب ،،،،،
شكرا على تفاصيل رحلتك الميمونة - ربنا يسهل طريقك وتصل بالسلامة وتحقق كل طموحاتك وزياراتك المرتقبة
نتمنى لك من القلب بالتوفيق وانشاء الله تعود بالسلامة وانت وحرمك لأولادك بالإمارات (أو حكومتك ، طبعا معظم ناس المنتدى لما تذكر كلمة حكومة ما بحبوا هذه الكلمة - وله ايه رايك يا بروف؟؟؟؟) - وتمنينا أن نكون معكم في هذه الإجازة كي نتقابل (ليس ما يتمناه المرء يدركه تأتي الرياح بما لا تشتهي السفن)

بس لا تنسى أن تصور لنا رحلتك هذه بأحدث التقنيات العالمية ،،،،،،،،،،،،، والسلام عليكم

الاخ سلمان عقيد الاخوة اعضاء المنتدي الكرام لكم التحية والتقدير وبارك الله فيكم علي السؤال وان شاء الله ربنا يجعنا بيكم قريب ونبل الشوق ونتقالد وننسي الغربة وألام ما ليها حد. حضوري ان شاء الله وسط الاسبوع القادم

اذن لنا لقاء مع هذه الكوكبه
مخمد البروى
مصباح محمد مصباح
صديق عبدالله ابو حنه
فارس الزين على
حسين النافعابى
عزالدين الضقولى
شخصيه غير معروفه حتى الان حضور يوم الاثنين
ونتمنى ان يكون الاخ الفكى محمد احمد من ليبيا حضورا مع اسرته سالمين(سؤء الاتصالات والحاله هناك )
ومن الشخصيات التى نتمنى ان تكون حضورا يوم اللقاء الاخ ود المناصير (طبعا دون كشف القناع ) وغير مسموح بالتخمين
الاخوه الاعضاء فى دول المهجر فى المتابعه من هناك
المكان والزمان يتوشحان بثوب المحبه والالفه فى الاانتظار
نحن هذه الايام سنكون ذهابا وايابا من و الى منتجع الباسقات
فقط نلتمس لنفسنا العذر عندكم ونحن نمد ايدينا لكم للمشاركه فى الاعداد والمقترحات على البريد الخاص او الالكترونى او تلفونيا
القائمين على هذا الامر قبل انضمامكم
الاخ خالد عابدين
سلمان عقيد
يسين مصطفى
الرشيد طه
الحاج شرف
ابو مصطفى
خال ابرار
نادر نور الهادى
محمد عمر
بخارى
بمشاركه الاخوه
حازم
هاشم الجزولى
حتى يكون هذا اليوم هو يوم المنتدى نضع فيه النقاط على الحروف ونؤسس فيه لمنتدى رائد وفعال

اخى ابن الافندى
عندما اراد تنظيم الضباط الاحرار بمصر الاستيلاء على السلطه فى يوليو 1952 دخل انور السادات السينمافى تلك الليله وتشاجر مع بائع التذاكر وقضى ليلته بحراسه الشرطه
عندما اراد المك نمر ان يحرق ابن محمد على اعد مكانا لحفل رقصت فيه الجوارى وقدمت الدعوه له لتكريمه

اقترح عليك ان تستخرج روشته علاج من مستشفى بالخرطوم او كوستى او بورسودان او نيالا بتاريخ 17 يوليو
او تضع كيه من نار على ساعديك حتى نظن انك مصاب وترابط بمنزلكم وتسال عن الاخبار من هنالك
اما نحن اخى الرشيد سنكون هنالك
حتى ولو حمى الوطيس
وترك الرماه اماكنهم وجاءت جيوشهم تسد منافذ الافق
وايضا سنكون بمنتجع الباسقات فى يوم الفرح الاكبر على شرف الطيور المهاجره على انغام الطمبور والقامه عيسى بروى واخرين ومنصورى موقد نار

ونحن جاهزون ومعانا الدول المجاورة
برجع ليك يا الحاج عندي عكة مع ود المناصير اصلي طولت منو

اه ياالرشيد بعد ده تجينا فى الباسقات الاجتماعات محوله الى هناك