كسل الشعب السوداني

كسل الشعب السوداني

من الإشاعات القوية و المتواجدة في
دول الخليج هي كسل الشعب السوداني وما اوجد هذه الإشاعات هو التفوق الكبير الذي أحرزه
السودانيون في شتي المجالات حتى أصبحوا عملة نادرة ولكي يجد الآخرون فرصة عمل أطلقوا
هذه الإشاعات وقد صاحبتها النكات التي تتحدث عن كسل أهل السودان.


ولكم منها :- لصوص سودانيين سرقوا بنك عجزوا عن عد الفلوس
قالوا خلينا نعرف عددها بكره في الجرائد


* سوداني تثاءب زوجته قالت له مادام انك فاتح خشمك
نادي لي احد الأولاد عاوزين نرسلو البقالة


* سوداني طالب في المدرسة المدرس قال ليهم ارسموا
طيارة الكل انهمك في الرسم ألوان واقلام رصاص السوداني انتهي في ثانية واحده لانو رسم نقطة
المدرس قال ليهو وين رسمتك وراهو النقطة المدرس قال ليهو دي طيارة السوداني قال ليهو اصلها بعيدة في الجو.


* سوداني يدرس في مدرسة ليلية انقطعت
الكهرباء سجلوه غياب.


* سوداني أراد أن ينضم إلي القاعدة قال ليهم عندي
شرط ان اكون ضمن الخلايا النائمة


* كون السودانيون فريق رياضي لكرة
القدم تشاجر الكل علي الاحتياطي .

واصل نكاتك وقفشاتك يا استاذ عز الدين يا معلم الأجيال

كلها حلوة أوي - انا يغيزني الواحد يقرأ المواضيع وما يفق بكلمة + OR -
يعني قول حاجة يا اخي

والسلام

عز الدين .. سلامي وتحياتي
قرأت الموضوع وهممت بالرد ... ولكن .. لم يعجبني ما وصل إليه الحال ... هل نحن كسالى لهذا الحد فعلا ؟
أم انه تشويه لسمعة السوداني ؟ ولماذا ؟
والله زمان كلمة زول بس كانت عنوان وكانت إجابة لكل سؤال
ما الذي يحدث ؟؟

الاخ عبدالغني زعيم الرياض لك التحية طبعا زي ما عارف اليومين ديل بدأنا الاجازة وفي انتظار الحجز فلا بد من القفشات حتي نهون علي انفسنا من الم الانتظار

التحية لك اخي ود المناصير اطمئنك اخي ود المناصير مازال السودانيون سمعتهم طيبة وفعلا كلمة زول هي عنواننا تقول سوداني وكفى بس اصحابنا من الدول المجاورة يريدون لحاق الشينه بنا غيره منهم واشانة سمعة. .

الشكر لكم جميعا.
طبعا المثل بيقول الفيك بدربو،هو في كسل اكتر من كسل هؤلاء الاعراب ،هم حتي في حراسة انفسهم معتمدين علي غيرهم ،في كسل اكتر من كده ،وبعدين عليكم الله لو ما إنضمامنا للمنيلة الاسمها جنازه الدول العربية ده في زول منهم حايجيب سيرتنا بخير ولا بشر،ومافي حاجة جايبالينا المصائب غير طيابتنا الواصلة حد السزاجة.
هو فعلا مثل هذه النكات منتشره جدا في كل المواقع والمنتديات العربية.
ذات مره اورده موقع العربية نت خبر فحواه زواج سوداني من صحفية كندية مشهوره،طبعا العربية ذكرت الخبر في اطار فكاهي وان الصحفية طلبت ان يكون زفافها علي الطريقة السودانية ،فكانت معظم تعليقات الزوار تحمل عباره حاتشبع في الكسل والعفن،هذا ليس تعليق واحد حتي نجعلة في قائمة الشواذ التي لاتحتكم لقاعده .
والله نحن لو إتخارجنا من هذا العالم المدعو العربي حاينصلح حالنا،قبل فتره كانت بتناقش مع احد الافارقة في هذا الموضوع فقالي نحن عارفين انتو متعاطفين مع العرب علشان الدعم المادي ولكن إذا حسبتوها صاح هم مستفيدين منكم اكثر من ان تستفيدو منهم انتم..

أحسنتي أختي انتصار وبالفعل البوست
فيهو شهادات قوية تحكي عن اصالة الشعب
السوداني .


الاخ جبريل عبدالرحمن نشكرك علي المرور
وتقريبا الاشاعات هذه مصدرها ليست من شعوب الخليج انفسهم ولكنها من الوافدين الذين
وجدوا منافسة قوية في سوق العمل الرابح
فيها هم السودانيون .