الشوق للبلد

[ندعوك للتسجيل في المنتدى أو التعريف بنفسك لمعاينة هذا الرابط]
كلمات ولحن وأداء صديق عبد الله
أهدي اللحن لكل عضوات منتدى المناصير بلدي والأخوة الأعضاء..

دا.. إبداع عديل يا ود الحنونى ... كلمات مموسقة وحنينة و إبداع فى اللحن والأداء _

لك تحياتى وتقبل مرورى ،،،

الكلمات والالحان والاداء ... روعه

الاخ الرايع الفنان صديق
ابداع استمتعت جدا بالكلمات الجميله
واللحن الشجي المنساب رقة وعزوبة
ملاحظتي المقدمه الموسيقيه طويله شويه
لكن اتوظفت صح في خدمة الموضوع
الاساسي الشوق للبلد
مع اجمل المني وارق تحياتي

الاخ الحنونى
السلام ..عليكم
عرفنا عنكم الهندسه ..والموهبة الكتابيه والروائيه ..ودى كمان مفاجاة ..شعرا ولحنا .واداءا ..لك مليون تحيه..وياترى ده تسجيل قديم ..والاجديد لنج ..والطمبور لقيتوا وين ..وسويتو من شنو..

تقبلنا مرورك يا النفر.. وتسلم على ملاحظاتك الرائعة في حقنا

أميرة الحومري. والله الوضع الجديد متخيلو في البلد.. لكن كل مرة بتكون أحسن الي أن يأتي أمر الله

هويدا قالت اللحن والكلمات والأداء روعة.. ودي شهادة من زولة تفهم في الفن والدين

ابومصطفى ركز على العزف
وفعلا إيقاع الدليب صعب جدا حد يعزفوا على العود، وحتى كبار العازفين والفنانين على العود يصعب عليهم.. أما على البيانو ساهل

ملاحظات مصطفى المقدمة طويلة صاح
وقصدنا بيها تكون رمية..
زمان المرة لما ترقص في الحفلة لاتحب تقطع رقصتا وتستمر أنت كعازف على الطنبور في رمية طويلة لامن تنتهي هي من رقيصا

علي عيسى.. لا دا عود وليس طنبور
وطنبور ما عندي في الغربة
زمان كان عندي طنبور معمول بدل الدلاقين صواميل وشكلو جميل.. عزف عليه عبد الرحمن البركل وعزفت عليهو حفلة عرس سليمان أحمد نعمان في الضقولة.. وعزفنا عليه حفلة عمر ود السلومي لعرسه في جزيرة سور.. وعزفنا عليه أنا وعبد الرحمن البركل قعدات كدة في البلد.. وعزفت عليه في العرس واللعب في عرس حسن العجمي قريب ناس سلمان عقيد والهادي عقيد في حلة النعوفاب وعزف عليه أستاذ تاج السر نعمان في قعدة كدة.. وعزفنا عليه أنا وعيسى بروي حفلة الفكي ود حسينيي في شري حفلة عرسو

الله حقيقة ابداع وتفرد فى اللحن وتميز فى الايقاع حقيقة المهندس موسوعة بالجد