تعالوا نحسب محاسن ومساوى السد

تسلم نور الهادي .. كلامك دائما عملي جدا ..
البلد تحتاج لعمل وعمل كبير .. ولكن المشكلة تكمن في من يبادر ؟
هذه معضلة كبيرة لأن هناك بعض الإفرازات لا تزال عالقة بالأذهان منذ الخلاف الأول
النائب الناس عندها فيهو راي ورأي كبير
والمعتمد .. نوم اهل الكهف .... وناس البلد لليلة ما بعرفوا عنو حاجة
والحكومة .. دي مكجننها بالله واحد
وطبعا لو ترك هؤلاء التخاذل ونزلوا البلد وجمعوا الناس وكونوا لجان تطوير المنطقة
والله يمكن ان نضع ايدينا في أيدهم ونتعالى فوق الجراحات ونبدأ عشما وحلما داخرنو ليك من زمان يا مناصير
و... و .. ناس المنتدى ..يمكن ان يتبنوا الأفكار وقيادة التنسيق
ولكن .. الله يكون في عونهم هل يمكن ... يفضو لينا شوي كدي

موضوع يستحق ان يرفع

عمليه التهجير المستمره

تقديم المواد الاعلاميه المضلله لتمجيد مناطق التهجير الصحراويه

استغلال مقدرات الدوله واموال الشعب

لمشاريع لايتعدى عمرها الافتراضى عشره سنوات

اقيمت مؤقتا بتكاليف عاليه لاستقطاب و(نزع )قبيله كامله من من اراضيها الراسيه على النيل

كل هذا دليل واضح لاستبدالهم وابعادهم من المنطقه

وذلك لانها اغلى من نمشى عليها فى نظرهم

فاعتبروا يا اولى الالباب وارجعوا الى صوابكم ودعوا اللجنه وشانها واعملوا عملا للمناصير وانتم على ارضها

فليس من الحكمه ان تقاتل وتطالب وانت قد نفذت للدوله كل مامطلوب منك واخليت لها ارضك

فارض المناصير اغنى مما تتصورون وسعر المتر منها سيساوى غدا سعر الحواشه فى مناطق ال...........................

وسلاام يانور الهادى

فقط لنستعد للتمتع بذلك الخير الاتى غدا

وشكرا

اولا السلام عليكم نظرا لجمال هذه الفكره المطروحه اؤلا المحاسن محاسن السد كثيره جدا ولم نراها الافي مروي اذا كنتم ترون السمك من المحاسن فانه موجود قبل السد واما للمساوي بلا منافس من نصيبنا كلها شششششششششششكرا

ا
الاخ الحاج شرف السلام عليكم

ياخى مناطق التهجير الصحراوية كما تزعم اختاروها رجال بكامل ارادتهم وهم اكبر من كل التحديات التى ستواجههم ويعرفون كيف يديرون امورهم من غير ان تستوصى بهم لجنة تلفظ جزء من اعضائها كل مامر بها عام و اقول ليك الهاجرو خليهم جيهو اهلكم القعدتوهم فوق قمم الجبال فى خيم اشبة ماتكون بنعوش الموتى والاهم من دا كله اليس من الواجب ان تسكنو معهم فى هذه الجنة التى تزينوها لهم باقوالكم وتتركوها انتم واولادكم وبعدين يا خى من الله خلقنا ما شفنا زول يترك النعيم ويهاجر يخليه ولا ياتيه الا فى العام مرة اومرتين الا تتقو الله فى اهلكم والتاريخ الذى لايرحم

قرات تقريرا قبل ايام عن سد الالفية الاثيوبي وهومنشور في سودانيز اون لاين وهذه بعض الحقائق عنه

1/ يكتمل سنة 2017م

2/ ينتج كهرباء تساوي 52.000 ميق بايت قدر انتاج سد مروي 50 مرة

3/ عند اكتمال السد لن تكون هناك دميرة ومياه عكرة وطمي من النيل الازرق وستختفي الفيضانات

تري ما تاثير ذلك علي سد مروي وسدود ذو القرنين الاخري ؟؟؟؟

اقترح الاثيوبيون علي ذو القرنين المشاركة في سد القرن وان يلغي انشاء سدود اللعب الصغيرة التي تغرق مساحات كبيرة ولا تنتج شيئا بقدر الخسائر التي تسببها

معلومة اخري

تستهلك مدينة ابو ظبي من الكهرباء ما سعته 33.000 الف ميقابايت قدر انتاج كهرباء سد مروي 33 مرة

وكلها من محطات كهربائية حرارية

فتأمل

عذرا نور الهادي للتخريمة

لكن هذه معلومات ذات صلة ما بعيدة من الموضوع

اعتقد من اهم ايجابيات السد بالنسبة للمناصير انه سيعيد صياغة المنطقة من كل الجوانب

بجيكم راجع

ابوسما كتب:ا
الاخ الحاج شرف السلام عليكم

ياخى مناطق التهجير الصحراوية كما تزعم اختاروها رجال بكامل ارادتهم وهم اكبر من كل التحديات التى ستواجههم ويعرفون كيف يديرون امورهم من غير ان تستوصى بهم لجنة تلفظ جزء من اعضائها كل مامر بها عام و اقول ليك الهاجرو خليهم جيهو اهلكم القعدتوهم فوق قمم الجبال فى خيم اشبة ماتكون بنعوش الموتى والاهم من دا كله اليس من الواجب ان تسكنو معهم فى هذه الجنة التى تزينوها لهم باقوالكم وتتركوها انتم واولادكم وبعدين يا خى من الله خلقنا ما شفنا زول يترك النعيم ويهاجر يخليه ولا ياتيه الا فى العام مرة اومرتين الا تتقو الله فى اهلكم والتاريخ الذى لايرحم

ابو سما سلام