نخلة لكل مواطن في الشرق
+4
zoooba
ahmed alkhabir
عادل شرري
ود المناصير
8 مشترك
صفحة 1 من اصل 1
نخلة لكل مواطن في الشرق
تابعت خطاب رئيس الجمهورية في لقاءاته بالبحر الأحمر .. وكل شيء عادي ... وعود .. تهديد ... وعيد و ... و ....
ولكن وفي سنكات تحدث الرئيس عن انهم قرروا منح كل مواطن نخلة ... تصوروا !! وقال إن الحكومة تبرعت بعدد مائة ألف نخلة كمرحلة أولى وقامت بدفع المبالغ مباشرة .. وقال من حق أي مواطن ان يملك نخلة والنخلة يكون عندها شتلات عشان الناس بدل ما تشتري عجوة .. تتنج عجوة .. تاكل وتبيع و..توزع .. و .. و ... !!!
لا حول ولا قوة إلا بالله ..
في المناصير سيدي الرئيس يغرق النخيل في موسم حصاده .. عمدا .. ويروح تمر الجدود سدى .. وانت ..لا تحرك ساكنا بل تعطي إدارة السد السوط والأمارة لتعيث في الأرض فسادا وإغراقا .. وتضيع حقوق الغلابة من المناصير في قاع البحيرة .. وتنصب الصيوانات في ام سرح والصليعي والكاب و وشري والطويني وغيرها لنتلقى العزاء عبر وزارة العدل !!!قسما على المصحف وشهودا عدول ..
ثم تاتي سيدي الرئيس وتزور المنطقة وتقول على الملأ إن حالكم وحال رواكيبكم لا يعجبني
وتقر امام الملأ بأن الكلام بيننا وبينك لم يكن مباشرا مما جعل هناك إشاعات بأننا مؤتمر شعبي ولن نستقبلك .. وانك ستعطي كل صاحب حق حقه .. وهتف الغلابة .. صادق صادق يا بشير .. امين امين يا بشير .. فأين الصدق وأين الأمانة ؟
لا زالت الحقوق محلك سر ولا زال النخيل تحت الماء !! والمناصير اصحاب حق !! ألم يكن هذا هو حديثك فلماذا التنكر والكذب البواح ؟
ثم تأتي اليوم لتهب من اموالنا نخلا لسنكات ؟ ونحن لا نحسد اهلنا بسنكات فهم يستحقون كل خير ولكن اليس من الأولى يا ولي الأمر أن تبدأ بمنح المناصير حقوقهم كاملة قبل ان تغدق اموال الشعب هكذا إرضاءا أو ( جعولية ) منك في ارض قل ما ينجح فيها النخيل ؟
من الأولى يا ولي الأمر ؟ صاحب الحق الغريق أم الذي لم يضع أو يفقد شيء ولم يتأثر بسد ..
أويضحي بموطنه ومرتع صباه ؟ فالحق أحق ان يتبع فإين أنت من الحق ؟
مائة الف نخلة كدفعة أولى والبقية تأتي... ونحن لا زلنا نهاتي ..
مائة ألف نخلة كدفعة أولى .. ونحن لا زلنا في سنة أولى ..
مائة ألف نخلة دفعت مبالغها كاش .. ونحن لا زلنا في النقاش وطاش ما طاش
هل هذا ما نرجوه من من اراد ان يعبد الله بكرسي الرئاسة ؟
لماذا يا سيادة الرئيس ؟ لماذا ؟
هل لان المناصير لم يحملوا السلاح ؟ هل لانهم رضوا ان يكون المنطق والعقل هو قائدهم وحاديهم ؟
هل هذا هو مايستحقون ؟
سادتي .. الرئيس .. الصادق الأمين هذا لا يعرف إلا لغة واحدة .. لغة قعقعة السلاح وريحة البارود .. انظروا للغرب .. التنمية متواصلة .. وكل ما دمر التمرد موقعا تقوم الحكومة بإعادته وبأحسن مما كان وفي ظرف وزمن وجيز .. انظروا للشرق .. الخدمات والتنمية في كل مكان .. ثم الآن النخيل يوطن لا في الولاية ولكن لكل مواطن نخلة ببناتها الشتلات ..
ولا زال هناك فصيل من البجا متمرد بإرتريا .. ألم اقل لكم إن ريحة البارود هي ما تفهمه الحكومة !!
انظروا للجنوب .. بالرغم من المرارات في ابيي اليوم توافق الحكومة بسحب الجيش شمالا والإستعانة بكتيبتين اثيوبيتين لحماية ابيي !!ا أهل من بعد هذا الهوان هوان ؟
انظروا لجنوب كردفان .. فلا زال القتال دائر وغدر الجيش الشعبي بالقوات المسلحة والأهالي لم يجف دمه بعد ولا زال هناك من هم في عداد المفقودين .. والبشير يقول إنهم يمدون يد العون للجنويين وينمون معهم الجنوب .. أي خوف هذا وأي جبن هذا ؟
ثم يقول اليوم إن حلايب ستكون منطقة تكامل مع مصر .. ليه يا سيادة الرئيس ؟ حلايب سودانية اخذت عنوة واقتدارا لماذا لا تعود لحضن الوطن أولا ثم بعد ذلك نتحدث عن التكامل ؟ لماذا لغة الدونية هذه ؟
ووزارة الخارحية اليوم يقول كرتيها إن نظام القذافي كان من يؤجج الحرب في دارفور !! ولما يسأل في البرلمان لماذا صمتم طوال هذا الوقت يجيب بأقبح عبارة جبن .. خوفا من زيادة العداء وتفجير الأوضاع من القذافي في البلاد ..
أو لم تصل عدائيات القذافي لأم درمان ؟ أي عدائيات اكبر وافدح من دخول قوات متمردة إلى قلب العاصمة الوطنية ممولة ومدعومة من القذافي ؟
سيدي الرئيس .. إن نخيل اهلي المناصير سيكون شوكة في حلقك طال الزمن أو قصر فدولة الظلم ساعة !!
سنكات يوطن فيها النخيل والمناصير يغرق فيها النخيل فاي فرق بين النخيل هنا والنخيل هناك
الفرق ان النخيل في المناصير يملكه الأهالي والنخيل في سنكات تدفعه الحكومة والحكومة لاحكومة عليها تفعل وتطبق الأضداد ولكن ربنا اكبر من الحكومة ومن رموزها ومن زبانيتها واذنابها ولاعقي جزمها
ولا حول ولا قوة إلا بالله
ولكن وفي سنكات تحدث الرئيس عن انهم قرروا منح كل مواطن نخلة ... تصوروا !! وقال إن الحكومة تبرعت بعدد مائة ألف نخلة كمرحلة أولى وقامت بدفع المبالغ مباشرة .. وقال من حق أي مواطن ان يملك نخلة والنخلة يكون عندها شتلات عشان الناس بدل ما تشتري عجوة .. تتنج عجوة .. تاكل وتبيع و..توزع .. و .. و ... !!!
لا حول ولا قوة إلا بالله ..
في المناصير سيدي الرئيس يغرق النخيل في موسم حصاده .. عمدا .. ويروح تمر الجدود سدى .. وانت ..لا تحرك ساكنا بل تعطي إدارة السد السوط والأمارة لتعيث في الأرض فسادا وإغراقا .. وتضيع حقوق الغلابة من المناصير في قاع البحيرة .. وتنصب الصيوانات في ام سرح والصليعي والكاب و وشري والطويني وغيرها لنتلقى العزاء عبر وزارة العدل !!!قسما على المصحف وشهودا عدول ..
ثم تاتي سيدي الرئيس وتزور المنطقة وتقول على الملأ إن حالكم وحال رواكيبكم لا يعجبني
وتقر امام الملأ بأن الكلام بيننا وبينك لم يكن مباشرا مما جعل هناك إشاعات بأننا مؤتمر شعبي ولن نستقبلك .. وانك ستعطي كل صاحب حق حقه .. وهتف الغلابة .. صادق صادق يا بشير .. امين امين يا بشير .. فأين الصدق وأين الأمانة ؟
لا زالت الحقوق محلك سر ولا زال النخيل تحت الماء !! والمناصير اصحاب حق !! ألم يكن هذا هو حديثك فلماذا التنكر والكذب البواح ؟
ثم تأتي اليوم لتهب من اموالنا نخلا لسنكات ؟ ونحن لا نحسد اهلنا بسنكات فهم يستحقون كل خير ولكن اليس من الأولى يا ولي الأمر أن تبدأ بمنح المناصير حقوقهم كاملة قبل ان تغدق اموال الشعب هكذا إرضاءا أو ( جعولية ) منك في ارض قل ما ينجح فيها النخيل ؟
من الأولى يا ولي الأمر ؟ صاحب الحق الغريق أم الذي لم يضع أو يفقد شيء ولم يتأثر بسد ..
أويضحي بموطنه ومرتع صباه ؟ فالحق أحق ان يتبع فإين أنت من الحق ؟
مائة الف نخلة كدفعة أولى والبقية تأتي... ونحن لا زلنا نهاتي ..
مائة ألف نخلة كدفعة أولى .. ونحن لا زلنا في سنة أولى ..
مائة ألف نخلة دفعت مبالغها كاش .. ونحن لا زلنا في النقاش وطاش ما طاش
هل هذا ما نرجوه من من اراد ان يعبد الله بكرسي الرئاسة ؟
لماذا يا سيادة الرئيس ؟ لماذا ؟
هل لان المناصير لم يحملوا السلاح ؟ هل لانهم رضوا ان يكون المنطق والعقل هو قائدهم وحاديهم ؟
هل هذا هو مايستحقون ؟
سادتي .. الرئيس .. الصادق الأمين هذا لا يعرف إلا لغة واحدة .. لغة قعقعة السلاح وريحة البارود .. انظروا للغرب .. التنمية متواصلة .. وكل ما دمر التمرد موقعا تقوم الحكومة بإعادته وبأحسن مما كان وفي ظرف وزمن وجيز .. انظروا للشرق .. الخدمات والتنمية في كل مكان .. ثم الآن النخيل يوطن لا في الولاية ولكن لكل مواطن نخلة ببناتها الشتلات ..
ولا زال هناك فصيل من البجا متمرد بإرتريا .. ألم اقل لكم إن ريحة البارود هي ما تفهمه الحكومة !!
انظروا للجنوب .. بالرغم من المرارات في ابيي اليوم توافق الحكومة بسحب الجيش شمالا والإستعانة بكتيبتين اثيوبيتين لحماية ابيي !!ا أهل من بعد هذا الهوان هوان ؟
انظروا لجنوب كردفان .. فلا زال القتال دائر وغدر الجيش الشعبي بالقوات المسلحة والأهالي لم يجف دمه بعد ولا زال هناك من هم في عداد المفقودين .. والبشير يقول إنهم يمدون يد العون للجنويين وينمون معهم الجنوب .. أي خوف هذا وأي جبن هذا ؟
ثم يقول اليوم إن حلايب ستكون منطقة تكامل مع مصر .. ليه يا سيادة الرئيس ؟ حلايب سودانية اخذت عنوة واقتدارا لماذا لا تعود لحضن الوطن أولا ثم بعد ذلك نتحدث عن التكامل ؟ لماذا لغة الدونية هذه ؟
ووزارة الخارحية اليوم يقول كرتيها إن نظام القذافي كان من يؤجج الحرب في دارفور !! ولما يسأل في البرلمان لماذا صمتم طوال هذا الوقت يجيب بأقبح عبارة جبن .. خوفا من زيادة العداء وتفجير الأوضاع من القذافي في البلاد ..
أو لم تصل عدائيات القذافي لأم درمان ؟ أي عدائيات اكبر وافدح من دخول قوات متمردة إلى قلب العاصمة الوطنية ممولة ومدعومة من القذافي ؟
سيدي الرئيس .. إن نخيل اهلي المناصير سيكون شوكة في حلقك طال الزمن أو قصر فدولة الظلم ساعة !!
سنكات يوطن فيها النخيل والمناصير يغرق فيها النخيل فاي فرق بين النخيل هنا والنخيل هناك
الفرق ان النخيل في المناصير يملكه الأهالي والنخيل في سنكات تدفعه الحكومة والحكومة لاحكومة عليها تفعل وتطبق الأضداد ولكن ربنا اكبر من الحكومة ومن رموزها ومن زبانيتها واذنابها ولاعقي جزمها
ولا حول ولا قوة إلا بالله
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 35067
تاريخ التسجيل : 06/04/2010
رد: نخلة لكل مواطن في الشرق
اخي ودالمناصير حياك الله
ان الظلم ظلمات يوم القيامة ان اهلنا بالمناصير ظلموا
وان الرئيس وعد برفع الظلم ولم يفي فاصبح ظلم وعدم وفاء
فاين المخرج يوم لاينفع والد ولابنون الا من اتي الله بقلب سليم
واننا صامدون وان النصر قريب من الله العلي القدير
لك ودي
ان الظلم ظلمات يوم القيامة ان اهلنا بالمناصير ظلموا
وان الرئيس وعد برفع الظلم ولم يفي فاصبح ظلم وعدم وفاء
فاين المخرج يوم لاينفع والد ولابنون الا من اتي الله بقلب سليم
واننا صامدون وان النصر قريب من الله العلي القدير
لك ودي
عادل شرري- عضو ذهبي
- احترام قوانين المنتدى :
عدد المساهمات : 1209
نقاط : 29359
تاريخ التسجيل : 14/05/2010
رد: نخلة لكل مواطن في الشرق
بالله الشرق فيهو موية شراب ساكت لغاية ما يزرعوا بيها النخيل
غايتو جنس محن
ياخي نحن النخيل اليابس في شوارع الخرطوم مسويلنا وجع البطن
الاخ ود المناصير :- ثم ماذا بعد هذا ؟؟؟؟؟؟
غايتو جنس محن
ياخي نحن النخيل اليابس في شوارع الخرطوم مسويلنا وجع البطن
الاخ ود المناصير :- ثم ماذا بعد هذا ؟؟؟؟؟؟
ahmed alkhabir- سوبر
-
احترام قوانين المنتدى :
عدد المساهمات : 762
نقاط : 28435
تاريخ التسجيل : 19/04/2010
رد: نخلة لكل مواطن في الشرق
صباح الخير ود المناصير
والله كلامك زي الرصاص
وما قلت إلا الحقيقة
ياريت البشير يقراه، ويعرف إنو في مناصير مظلومين
لكن بعد كده وجب التمرد
أعلنوه من اليوم على كل المناصير
تقبل مروري
والله كلامك زي الرصاص
وما قلت إلا الحقيقة
ياريت البشير يقراه، ويعرف إنو في مناصير مظلومين
لكن بعد كده وجب التمرد
أعلنوه من اليوم على كل المناصير
تقبل مروري
zoooba- عضو رائع
-
احترام قوانين المنتدى :
عدد المساهمات : 239
نقاط : 26830
تاريخ التسجيل : 25/05/2010
رد: نخلة لكل مواطن في الشرق
شكرا الرائع عادل شرري .. والله غالب على أمره .. وأهلنا لا زالوا على سجيتهم ونيتهم البيضاء السمحة لذلك فإن الله لن يخذلهم أبدا وسيحيق المكر السيء بأهله فصبرا جميلا والله المستعان على جرائم وظلم النظام ..
الأخ الرهيب الرائع احمد الخبير .. تحياتنا .. اعلم يا اخي إن هناك قوما ومناطق لو طلبت لبن الطير من الحكومة لوفر لها فورا
فها هم المناصير يغرقوا بالسد وكهرباء السد توزع شرقا وغربا وشمالا وجنوبا وخارجيا وأرض المناصير لا زالت تقبض على جمرها وتلوك صبرا مرا
وها هي مياه السد تغمر المناصير وتغرق النخيل .. والحكومة تمد خطوط المياه من هنا للشرق البعيد والمناصير لا زالو يقبضون على جمرهم ويتوسدون صبرا جميلا
حتى النخيل الذي سيوزع للمواطنين في الشرق سيروى من هناك من ذات النيل الذي اغرق المناصير في لجته ولا زلنا على جمرنا وصبرنا الرهيب
والآن اقول فقد نفذ جمرنا وبقي صبرنا .. وبه سننتصر إن شاء الله
الأخ الرهيب الرائع احمد الخبير .. تحياتنا .. اعلم يا اخي إن هناك قوما ومناطق لو طلبت لبن الطير من الحكومة لوفر لها فورا
فها هم المناصير يغرقوا بالسد وكهرباء السد توزع شرقا وغربا وشمالا وجنوبا وخارجيا وأرض المناصير لا زالت تقبض على جمرها وتلوك صبرا مرا
وها هي مياه السد تغمر المناصير وتغرق النخيل .. والحكومة تمد خطوط المياه من هنا للشرق البعيد والمناصير لا زالو يقبضون على جمرهم ويتوسدون صبرا جميلا
حتى النخيل الذي سيوزع للمواطنين في الشرق سيروى من هناك من ذات النيل الذي اغرق المناصير في لجته ولا زلنا على جمرنا وصبرنا الرهيب
والآن اقول فقد نفذ جمرنا وبقي صبرنا .. وبه سننتصر إن شاء الله
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 35067
تاريخ التسجيل : 06/04/2010
رد: نخلة لكل مواطن في الشرق
با الامس كنا في زياره للسيد وكيل وزاره العدل بخصوص التزوير الذي وقع علي بعض اهلنا المناصير وجمله الحالات هي 116 حاله وجمله المبلغ المطلوب لهذه الحالات يبلغ 2 مليار ولقد كان هناك وعد من السيد الوكيل السابق ( زمرواي) ووعد من السيد نائب الرئيس علي عثمان انه في حاله ثبوت التزوير فان الدوله سوف تدفع المبلغ علي ان تتولي هي محاسبه المتسببين في هذا الضرر باعتبار ان هؤلاء لاذنب لهم ولقد تبين من التحريات الاوليه ان هذا العمل قام به محترفين وشبكه علي علم ودرايه بما تفعل ولقد وعدنا السيد الوكيل بانه سوف يتولي هذا الموضوع فورا
اما عن دفع المبالغ كما سبق ووعد به المسؤرلين فهذا امر يحتاج الي قرار من الرئاسه هل تتوقع ان يصدر مثل هذا القرار من الرئيس او نائبه ؟؟؟؟؟
حتي الحقوق التي اقرت ان تدفع للناس بها تزوير لايزال معلق بينما فضيحه سوق المواسير في طريقها للحل وهي اضعاف اضعاف جمله المبلغ المستحق للمناصير قارن بين ماحدث في سوق المواسير وماحدث في المناصير ايهما اولي بان يحل اولا ؟؟؟؟؟؟
اما عن دفع المبالغ كما سبق ووعد به المسؤرلين فهذا امر يحتاج الي قرار من الرئاسه هل تتوقع ان يصدر مثل هذا القرار من الرئيس او نائبه ؟؟؟؟؟
حتي الحقوق التي اقرت ان تدفع للناس بها تزوير لايزال معلق بينما فضيحه سوق المواسير في طريقها للحل وهي اضعاف اضعاف جمله المبلغ المستحق للمناصير قارن بين ماحدث في سوق المواسير وماحدث في المناصير ايهما اولي بان يحل اولا ؟؟؟؟؟؟
هاشم علي الجزولي- V.i.P
- احترام قوانين المنتدى :
عدد المساهمات : 1704
نقاط : 31678
تاريخ التسجيل : 19/04/2010
رد: نخلة لكل مواطن في الشرق
شكرا زوبا على هذا التعليق الجميل .. وقطعا المناصير ستظل هي المناصير .. لا دعوة لقبيلة ولكن دعوة قوية لإرجاع الحقوق ورفع الظلم
الباشمهندس ود الجزولي .. سلام وامان .. وينك يا راجل ووين كتاباتك الرهيبة ..
واعلم اخي إن سوق المواسير .. هو فساد إنقاذي 100 % وكل المتورطين من المؤتمر الوطني لذلك لازم تعالج القضية حفاظا على سمعة الجماعة إبتداءا من كبر الكبر واعوانه
الباشمهندس ود الجزولي .. سلام وامان .. وينك يا راجل ووين كتاباتك الرهيبة ..
واعلم اخي إن سوق المواسير .. هو فساد إنقاذي 100 % وكل المتورطين من المؤتمر الوطني لذلك لازم تعالج القضية حفاظا على سمعة الجماعة إبتداءا من كبر الكبر واعوانه
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 35067
تاريخ التسجيل : 06/04/2010
رد: نخلة لكل مواطن في الشرق
ود المناصير ده غايتو كتااااااب في النواحي دي
.....
.....
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45915
تاريخ التسجيل : 14/07/2010
رد: نخلة لكل مواطن في الشرق
شكرا يا باشمهندس وهذه شهادة عظيمة اعتز بها لانها صادرة من باشمهندس عظيم وقاموس منصوري شامل ومرجع كاملصديق عبدالله علي أبوحنة كتب:ود المناصير ده غايتو كتااااااب في النواحي دي
.....
نقصده وننقب في طيات ما يسطر لنجد ما نريد
وفقك الله وبارك فيك ونفعك ونفعنا بما علمك
والنواحي دي يا زعيم هي إحساس بظلم كبير وليست وسيلة لغايات سياسية أخرى
فقط ما ماعايشناه عند بدء الإغراق .. لا يتخيله عقل بشري ..
شكرا لك والتحية لك ولأسرتك الكريمة ونتمنى ان نراكم قريبا قريبا جدا في المناصير
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 35067
تاريخ التسجيل : 06/04/2010
رد: نخلة لكل مواطن في الشرق
البشير .. رقص في استاد بورتسودان
كنا والله نريدها رقصة نصر داخل مثلث حلايب
كنا والله نريدها رقصة نصر داخل مثلث حلايب
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 35067
تاريخ التسجيل : 06/04/2010
رد
شكرا ودالمناصير.
الناس ديل مافيهم زول عاقل يدي الزول ده راسه،ويبطل الكلام الجعلين وحماسة الزايده ده الماجايبة حقه،ياجماعة الناس بتموت من السل والمراض (الكعبة)حمان الله وياكم منها ،طيب وفر ليهم الحاجات الضرورية من علاج وتعليم وصحة بعد كده شوف النخيل.
عليكم الله في زول بيتغدي او بيفطر بتمر؟؟.
نحن محتاجين لعقلية تفهم المواطن وهمومة،هل مشكلة مواطن شرق السودان تكمن في عدم وجود النخل؟؟
الناس ديل مافيهم زول عاقل يدي الزول ده راسه،ويبطل الكلام الجعلين وحماسة الزايده ده الماجايبة حقه،ياجماعة الناس بتموت من السل والمراض (الكعبة)حمان الله وياكم منها ،طيب وفر ليهم الحاجات الضرورية من علاج وتعليم وصحة بعد كده شوف النخيل.
عليكم الله في زول بيتغدي او بيفطر بتمر؟؟.
نحن محتاجين لعقلية تفهم المواطن وهمومة،هل مشكلة مواطن شرق السودان تكمن في عدم وجود النخل؟؟
جبريل عبدالرحمن- عضو ذهبي
- احترام قوانين المنتدى :
عدد المساهمات : 1356
نقاط : 29799
تاريخ التسجيل : 10/06/2010
العمر : 43
رد: نخلة لكل مواطن في الشرق
نخلة لكل مواطن..؟
هي النخلة دي بي يدوها ساكت كدة الزول يزرعا ويرعاها حتى تثمر له.. وهو اصلاً ما عندو تعامل معاها في حياتو كلها.. ولا بيعرف عنها شئ..
ده تخصص في الشغل زول ما يعرف عنها حاجة وهي ليست في حياته من قبل أكيد حاتموت عندو..
معليش يختاروا ليهم حاجة ناس الشرق من حياتهم نفسها..
مثلا جمل لكل من لاجمل له..
هسي دي لو جيت في المناصير وقلتا جمل لكل منصوري..؟
النخلة دي موش حاجة ساهلة كدة
من تقلعا من أمها لازم تقلع بالمقلام صاح.. ويكون فيها على الأقل عرق أو عرقين أو ضرس.. والزول البي يقلع يوصوهو
تاني تشيلا تصفحا.. او توديها حجيرة البحر تزرعا
لمان تقبض وتطلع ليها كدي جمارة صغيرة
تكون مجهز حفرتك وساقيها موية
طوالي تروح تزرعا فيها
ولازم تزرعا بالليل موش في عز الحر..
وأثناء الزرع هناك طقوس عشان ربنا يجعل البركة أن تقول مثلا( وقف للشحاد وللدناع ولى ماشي الدرب)
بعد كدة الموية الكتيرة تكتلا
والموية البسيطة تكتلا
ولازم تبعد عنها النجيلة ماتجي عرقا
وتخلي الدويرانية الفيها مافيها اي قش عشان ما ياثر عليها
وهناك دودة النخيل لازم تتفحصها بين كروقا كل مرة
ورعاية ود لقاي تختلف عن رعاية المشرق
تختلف عن رعاية البركاوي
ولمان تكبر راح يظهر فيها شتل في صلبها.ز ما تخلي الشتل يقوم دشي.. تقطعو وتنضفو وعلى الاقل تخلي فيها شتلة شتليتين في قعرا عشان يقوموا بنات معاها وكترة الدشي تكتلا وما بتخليها تجيب ثمر جيد بعدين.. زي المرة البي تلدي كل سنة.تضعف بنيتها وتكبر بسرعة
بعدين تقطع كروقا وتحسحسو
وتقطع منها الجريد اليابس
وما تقطع منها جريد أخضر وهي شاقة
ولاتقطع منها جمارة
وبعد تشيل تقرعا
وتتفقد سبايط التمر والعايز ينكسر تعمل ليهو شعبي
وقصص كتيرة لا أحصيها الآن في رعاية التمر
أها زول حياتو كلها جمال
تديهو نخلة راح يعرف ليها شنو؟
ولابيعرف قيمتا ذاتو حتى تجيب ليهو تمراً ياكلو؟
هي النخلة دي بي يدوها ساكت كدة الزول يزرعا ويرعاها حتى تثمر له.. وهو اصلاً ما عندو تعامل معاها في حياتو كلها.. ولا بيعرف عنها شئ..
ده تخصص في الشغل زول ما يعرف عنها حاجة وهي ليست في حياته من قبل أكيد حاتموت عندو..
معليش يختاروا ليهم حاجة ناس الشرق من حياتهم نفسها..
مثلا جمل لكل من لاجمل له..
هسي دي لو جيت في المناصير وقلتا جمل لكل منصوري..؟
النخلة دي موش حاجة ساهلة كدة
من تقلعا من أمها لازم تقلع بالمقلام صاح.. ويكون فيها على الأقل عرق أو عرقين أو ضرس.. والزول البي يقلع يوصوهو
تاني تشيلا تصفحا.. او توديها حجيرة البحر تزرعا
لمان تقبض وتطلع ليها كدي جمارة صغيرة
تكون مجهز حفرتك وساقيها موية
طوالي تروح تزرعا فيها
ولازم تزرعا بالليل موش في عز الحر..
وأثناء الزرع هناك طقوس عشان ربنا يجعل البركة أن تقول مثلا( وقف للشحاد وللدناع ولى ماشي الدرب)
بعد كدة الموية الكتيرة تكتلا
والموية البسيطة تكتلا
ولازم تبعد عنها النجيلة ماتجي عرقا
وتخلي الدويرانية الفيها مافيها اي قش عشان ما ياثر عليها
وهناك دودة النخيل لازم تتفحصها بين كروقا كل مرة
ورعاية ود لقاي تختلف عن رعاية المشرق
تختلف عن رعاية البركاوي
ولمان تكبر راح يظهر فيها شتل في صلبها.ز ما تخلي الشتل يقوم دشي.. تقطعو وتنضفو وعلى الاقل تخلي فيها شتلة شتليتين في قعرا عشان يقوموا بنات معاها وكترة الدشي تكتلا وما بتخليها تجيب ثمر جيد بعدين.. زي المرة البي تلدي كل سنة.تضعف بنيتها وتكبر بسرعة
بعدين تقطع كروقا وتحسحسو
وتقطع منها الجريد اليابس
وما تقطع منها جريد أخضر وهي شاقة
ولاتقطع منها جمارة
وبعد تشيل تقرعا
وتتفقد سبايط التمر والعايز ينكسر تعمل ليهو شعبي
وقصص كتيرة لا أحصيها الآن في رعاية التمر
أها زول حياتو كلها جمال
تديهو نخلة راح يعرف ليها شنو؟
ولابيعرف قيمتا ذاتو حتى تجيب ليهو تمراً ياكلو؟
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45915
تاريخ التسجيل : 14/07/2010
رد: نخلة لكل مواطن في الشرق
نخلة لكل مواطن ... ومع ذلك رفعت شعارات وسط الجموع وداخل استاد بورتسودان ولا فتات تقول :
إرحل يا سفاح
تصوروا ؟
في المطار يقال والعهدة على الراوي .. بكري حسن صالح قال للوالي نمشي ونجي من الصين نلقاك شلت الوسخ دا برة !!وطبعا يقصد اللافتات البايخخخخخخخخااااااااااااااااااااااااااااااااا ديك .. واصحابها ومن سمح بدخولها للإستاد وكيف دخلت ولماذا وغايتو وبرضو
استاد له مداخل بسيطة ومحصورة .. ومع ذلك دخلت لافتات تسيء للرئيس !! فاهمين حاجة ؟ ولا أنا ..!!
قال نخلة قال ؟؟
إرحل يا سفاح
تصوروا ؟
في المطار يقال والعهدة على الراوي .. بكري حسن صالح قال للوالي نمشي ونجي من الصين نلقاك شلت الوسخ دا برة !!وطبعا يقصد اللافتات البايخخخخخخخخااااااااااااااااااااااااااااااااا ديك .. واصحابها ومن سمح بدخولها للإستاد وكيف دخلت ولماذا وغايتو وبرضو
استاد له مداخل بسيطة ومحصورة .. ومع ذلك دخلت لافتات تسيء للرئيس !! فاهمين حاجة ؟ ولا أنا ..!!
قال نخلة قال ؟؟
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 35067
تاريخ التسجيل : 06/04/2010
رد: نخلة لكل مواطن في الشرق
انا فاهم يا ود المناصير الموضوع ببساطة ناس الشرق بيلعبوا سياسة صاح واؤكد لك ان اللفتات دخلت بقصد والدليل كما ذكرت الاستاد له مداخل معروفة ومحصورة ويمكن السيطرة بكل بساطة على الداخلين اليه لكن دى سياسة عصا نائمة وعصا قائمة واسال عن جبهة الشرق والبجا و..و..و..و..و..و..و.. كلو مقسوم على نظرية ناس جوه الجك(نائمة) وناس بره الجك(قائمة) انت فاوض وانا اضغط وفى النهاية المكسب واحدود المناصير كتب:
استاد له مداخل بسيطة ومحصورة .. ومع ذلك دخلت لافتات تسيء للرئيس !! فاهمين حاجة ؟ ولا أنا ..!!
قال نخلة قال ؟؟
الرشيد طه- اداري
- مشرف المنتدى السياسي
مشرف منتدى الصحافة
احترام قوانين المنتدى :
عدد المساهمات : 2625
نقاط : 33101
تاريخ التسجيل : 15/04/2010
رد: نخلة لكل مواطن في الشرق
كلام ونضم وتحليل
شكرا يا استاذ الرشيد
كدا يبقى من حقهم نخلة لكل مواطن واكثر كمان
احد منسوبي الحركة الشعبية تحدث ايام الإنتخابات في منطقة نائية لها عداء غريب مع الوالي إيلا
وقال مقارنا بين التنمية والخدمات في مناطق الوالي ومنطقة اهله :
هنا المرض والدرن والفقر والعوز .. وهناك اي زول جابو ليه ظلط قدام بيتو !!!
شكرا يا استاذ الرشيد
كدا يبقى من حقهم نخلة لكل مواطن واكثر كمان
احد منسوبي الحركة الشعبية تحدث ايام الإنتخابات في منطقة نائية لها عداء غريب مع الوالي إيلا
وقال مقارنا بين التنمية والخدمات في مناطق الوالي ومنطقة اهله :
هنا المرض والدرن والفقر والعوز .. وهناك اي زول جابو ليه ظلط قدام بيتو !!!
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 35067
تاريخ التسجيل : 06/04/2010
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى