صور من بلادي

سلام ياناسنا
أعشم أن يكون هذا البوست للجميع يضعون فيه
صور من ديارنا قديمها وحديثها بكل خياراتها
وكل خوفي أن يزوغ الأخوان ويخلوهو لي زي
(جرف روكه) والذي قلت من قبل بأنه للجميع.
كما أذكر بأن يكون من الأفيد للجميع عندما
الزواج والمرض والوفاة لاقدر الله أن يشتمل الخبر
على نبذة تعريفية عن المعني فلاحظنا بأن الناس
تكتب مفترضة أن الجميع يعرفه..
ودي ضربة البداية من أخوكم.[img][ندعوك للتسجيل في المنتدى أو التعريف بنفسك لمعاينة هذه الصورة][/img]

من اليمين
حسن سلمان الشاعر(شري) ،عثمان الطيب الأمين(شري)،عثمان النفر(شري)،كاره(برتي)، نسيت اسمو،عبدالله عطا الفضيل(أرج)،إبراهيم الصقر(شري)،حمد عتمان حمد(الدغفلي)،السيد حسن صالح(شري)،مصباح محمدمصباح(شري)،الفكي أحمد(شري)،علي محمود(وقر)،نسيتو،نسيتو،سليمان محمد الطيب(شري)الشيخ بروي(شري).
[color=cyan]صورة في زمن الخنفسه والهيبية وكانت موضه إطلاق الشعر والقمصان المخططة دي كان اسمها (تحرمني منك) وهناك مؤشر جميل تاني بأن كل الناس ديل حيين وبصحة تامة ودائمة يارب مما يؤكد ماذهبنا إليه في
بوست سابق بأن المناصير تقل بها الأمراض الوراثية.والمؤشر الجميل التاني وحدة المناصير فتذهب لفلان فتجد عنده أربعه
واحد من بوني وواحد من الجماميع وواحد من عصمه وواحد من برتي.اللهم أجمع قلوبنا على محبتك وعلىمحبة أهلنا وحب ديارنا

[img][ندعوك للتسجيل في المنتدى أو التعريف بنفسك لمعاينة هذه الصورة][/img]
دي صورة عضو في المنتدى شفتو متواجد وقلت أفاجئه بها
عرفتو منو؟؟؟

فعلا المناصير دائما علاقتهم ببعض قويه ومتعنصرين لبعض كان من برتى ام شرى ام الكاب .وملاحظ فى الخرطوم مثلا فى اى حله تلقى علاقتك بجارك المنصورى ولو على بعد عشره بيوت اكثر من جارك بالحيطه بغض النظر هو منصورى من وين من برتى -شرى - الكاب. المهم منصورى .

المناصير ديل فلتة.. ومافي زول زينا.. لاشوايقة ولاجعلين ولا اي زول.. نحنا إسياد البلد.. وزينا مافي مرتنا راجل ومرة تملا العين لامن تفضل.. ولافي زول بيشبهنا ولافي زول بيملا عينا.. ولاني ساعلين في زول.. ضكرنة فرسنة رجالة حمرة عين ذكاء.. جمال .. هيبة وجبرة..
ولاقبلية ولاتعصب.
لما انهزم المسلمين صاح النبي صلى الله عليه وسلم.. ( اين الأوس أين الخزرج. ليقف كل في ناحية ، حتى نعرف من اين دُخلنا)
عشان كدة نحن ما بنرضى بي اي زول..

محمد بروي بالغت عديل
( بري من البقت عليك يا محجوب!!)

في الصورة الأولى وفي وسط الواقفين
في واحد ماعرفناهو
وفي الجلوس في اتنين ما عرفناهم
يبقولي من الكير يلا يا يس مصطفى أفيدنا
شكراً هويدا وصديق(نزل الصورولا تبخل يارجل)والطيب
مشكور يالطيب على جهدك في القافلة
وعظم الله أجرك وأجر من معك

الأخ الفنان القامة صاحب الإبداعات التي تعودناها منك وذكرتنا أيام الشباب والخنفسة وأنا عرفت لك واحد من الجالسين هو إذا لم تخني الذاكرة التاج عبدالحي وهو دائما مع المناصير أما صاحب الصورة الواحدة فمن الشبه هو عضو المنتدى محمد عمر محمد رغم أنني رأيته صغير ولك تحياتي يارائع ولنا لقاء إن شاء الله في الغراء.

مصباح ده من زمان غتيييت وروحو دي بيخاف عليها ودبييير ومرات غماسي.. شايفنو في الصورة منتكي كيف؟ خايف ما يظهر، عشان كده إنتكى.. وهو يعرف من اين تؤكل الكتف.. ونوع ذكاء مصباح من نوع الذكاء بتاع الغتاتة البي تحت تحت..
لكن هسي دي التدين والمنهاج الديني صلحوا وبردوا وعدلوا وخلاهو يتنازل كتير.. زمان دائما مصباح يلسع من تحت تحت..يلسع ويلبد ويغيظك وما بتقدر تعملو حاجي يتملص منها براااحه
سبق عليه الكتاب والعترة الصالحة من جدو مصباح وطور مهاراتو في إتجاه صاعد وخلاص على كدة دا طبعا أيام الطفولة يا شباب لكن هسي دي مصباح بقا صديق الكل..

عثمان الطيب ود اللمين هسه وين هو يا حمود؟؟؟؟

[ندعوك للتسجيل في المنتدى أو التعريف بنفسك لمعاينة هذه الصورة][/url][/img]
الموقع كير المقاديم بشري
القاضي الحاج وأولاده
وتاج الدين عبدالله الحاج
نعم دكتور مصباح الصورة لمحمد عمر الدمري
لكن لو شفت صورته هسع ما بتعرفو
نتوق للقاء الغراء ياصديقي
والله يالصدوق غتاته لمصباح ما لاحظناها أبداً
من صغير محتفظ بالرزانة والأدب الجم
الظاهر عليكم أختولكم شكلة في باشي
[img][ندعوك للتسجيل في المنتدى أو التعريف بنفسك لمعاينة هذه الصورة][/img]

[ندعوك للتسجيل في المنتدى أو التعريف بنفسك لمعاينة هذه الصورة][/url][/img]

عثمان الطيب في ليبيا
من راح في بداية التمانينات
ما رجع تاني وكلما نضرب لهم تلفون
هو وعثمان النذير والنور ود السمد
ونحثهم على العودة للبلد يدوك حبالاً
بلا بقر وعود في وعود وما في نتيجه.

لا ما أخدنالنا شكلة ومصباح ما بيشاكل بس بي خشمو ينجمك.. بشوفو مع الناس التانيين موش معاي.. أنا وهو ممكن تقول جيران واصحاب.. بس يخيل لى أنك يا حمود مااااا عشت مع مصباح كتير... انا زول عندي قوة ملاحظة ما تبرد لى مصباح ساكت!
ده يا حمود في عهد الطفولة أما هسه خلاص كل حاجة اعتدلت

شكرا كثير العم محمد بروى.اول ماشفت الصوره قلت البشبه اخوانى الصغار كده منو ؟؟؟؟؟؟؟؟؟؟؟.لكن تزكرت كلامك معاى فى التلفون وانك محضر لى صوره مفاجأه .وفعلا هى مفاجأه كبيره بالنسبه لى لانه لاتوجد لدى صوره قديمه .وماكنت اتخيل شكلى وانا صغير .الشكر اجزله لك وانت تحتفظ لنا بزكرياتنا وطفولتنا .....لم استغرب معرفه العم مصباح لى لانه كان قريبا جدا من الوالد وله صلات قويه مع الاسره .له منى ولاسرته كل التحايا والتقدير ..

الأخ محمد بروي البوست جميل جدا ولكن تنزيل الصور وتجميعها صعب على معظم أعضاء المنتدى ولكن العشم فيك وناس انتصار وأصحاب المهارات. ويااخ محمد المهندس صديق ده مالو قايم علي كده والزول ده شاف مني شنو كعب زمان وأنا واثق جدا من نفسي لم أكن غتيت في يوم من الأيام والزول ده لو لم يكن صديق عبدالله صاحب الذاكرة القوية والفكر النير لقلنا الزول بدأ (يزهمر) ولكنه صديق وأظنها ده محبة منه لشخصي الضعيف ورجائي أن نكون عند حسن الظن.

شكراً الرائع حمود على هذا البوست الجميل وبعدين الصورة التاريخية دى بحتها من وين يا محمد !!! يا سلام رجعتنا لذكريات حلوة وأيام مضت _ فى الصورة الأولى ووسط الواقفيين على ما أعتقد عبد العظيم سيد أحمد من كبنة والجلوس الأثين ديل زملاء رباطاب واحد تاج الدين عبد الحى والنانى أسمه على _

تحياتى للجميع وتقبلوا مرورى ،،،

بالضبط عرفتها يا مصباح. محبة زايدة... فاطني بت كواب الله يرحما كان لما تتكيف ليها من بت صغيرة كده تعض أصبعا وتقول( يا بت العافي التشقك).. كل ما أقصدوا أنك حريص.. ما بتشاكل.. كل ما أقصدوا أنو دكتور مصباح لمان كان صغييير عندو طعيين كدة! يعني مع ناس فتاح مع ناس الصقر مع ناس سليمان المنصور مع فريد مع يحي على الحسين مع حسن القاضي مع طه محمد الخليفة .. يعني تهزمهم ونفسك ما بيقوم .. برااااحة تصل لى غرضك يا شيخ مصباح.. بعدين محمد بروي خاتس لاجوة كدة في فقاعة ما بيعرفك أكثر مني هذا زمان طبعاً .. لكن بعد كدة لما كبرنا غبنا عن بعض فترات طويلة بحكم الشغل والعمل والإغتراب وكدة.. بعيدن يعني صداقتك ما ساهلة ما بتصادق اي زول.. الزول روحو تمرق حتى يصل لى حاجة عندك.. دومي يكدوها أو طحنية يشاركك زول في لحسا مشتريها من دكان سليم... كانكيج قابضو وعايز زول يشتريهو منك.. يعني تمغس الزول حتى تديها ليهو أو تبيعا ليهو...
طبعا الحاجات الكويسة عندك كتييييرة هنا ليس بصددها..
تتذكر التمساح الضربوا أ بوي في جزاير الدميري.. وبطحوهو برة والناس جات تتفرج وتقطع وتشيل في لحمو .. أنا كنت في الداخلية وإنت وعبد الباري الماحي عندكم الخبر من الصباح أبيت تحدثني وأنت جيت زاير للداخلية إنت وعبد الباري جبتو تمر لى عبد الله الماحي كان قاعد فترة في الداخلية وإنت قلت لى عبد الباري صديق ده أبوهو ضرب تمساح ولو حدثناهو أكيد حايشرد يمشي يشوفو واليوم مافي إذن لى طلبة الداخلية.. أكيد تاج السر نعمان راح يفقدوا ويدقوا وراح يدقنا معاه ويقول كلموه عبد الباري ومصباح.. وبالفعل أنا لقيت الخبر وهربت مشيت أم لقاديب شفتا التمساح تمساح جزاير الدميري.. بس ربك ستر تاج السر ما شافني شافني استاذ عبيد موسي... ووس لى في أضاني كان رجل شعبي وسوس لى قال لى ماتخاف ما راح أكلم ضابط الداخلية.. عارفك جاي تشيل مصاريف من ابوك.. كان وقتها الهروب من الداخلية جريمة كبيرة جدا يعلنوا عنها في الطابور وتكتب في الدفتر
مليون سلام ومحبة عميييييقة لدكتور مصباح ومصباح فهما في إطارا تماما

الأخ العزيز محمد بروي والله حلوة جدا تعليقك على المهندس صديق نقح البوغة في القمرة وذكرتنا أيام زمان والمهندس ده والله صعب المسايرة معه ذاكرة قوية ما شاء الله اختيار للموضوعات الحساسة أما نحن يا محمد أخوي أظنه الزهايمر بدأ يزحف علينا التحية للمهندس صديق وأنا عارف دايما يمد ايده (للجكنيقة ) البيضمن يجد فيها دبسه كبيره وليست (أم جرق ولا أم شفرين) الله يعننا على لهجتنا أحيانا تجد كلمات لا تعرف تكتبها ولا تنطقها وده أظنه جيلنا الجديد لو لقنت له عشرات المرات يصعب عليه استيعابها. آسفين يامحمد لا نستطيع أن نساهم معك بالصور وخلينا بس للتعليق.

أم جرق تمق الزول يا دكتور مصباح
هسي دي بناتنا ووليداتنا ديل كلمة تمق بيعرفوها... وتمق دي ما بنقولها إلا لى أم جرك.. مرة في بيتنا في الثورة الحارة الأولى أخت مرتي عايزة تكوي ركبت المكوة في البلك. قامت الكهرباء ضربتا في شورط كدة.. مسكت إيدا وجرت. قلتا ليها مالك مقتك... تضحك لامن تدمع في كلمة مقتك دي القلتها ليها
دحين أنا قايل احسن نشرحا في القاموس لى ولادنا وبناتنا ديل

ود بروي ما تدودرني وتطمع ما حا أديك صور كتيري
<script src='http://img17.imageshack.us/shareable/?i=122vd.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>
الصورة صديق عبد الله اولى ثانوي
سليمان محمود توم ثالثة ثانوي... الجزيرة شري

<script src='http://img651.imageshack.us/shareable/?i=123yhd.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>

<script src='http://img708.imageshack.us/shareable/?i=124ori.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>سليمان عيسى ود رسمي من دار تور قرية جنب جروف برتي مغترب معنا هنا في أبوطبي.. ابوهو كان يصلح البنادق ويجي لى غاية شري وسوق النعوفاب وهم مشايخة وعندهم قرابة مع ناس أحمد حاج قيلي في كبنة.. ومتزوجين من المشايخة أخوهو متزوج بت عمر ود الخليفة بتاع برتي كان راجل ماكن وعندو حمار عاتي وعندو فوقو فروة كبيريي يحوم البلد دي كلها بكيات وبوش لى غاية الكاب وراجلا قوي الشكيمة ونضام وعندو ولد كان يقرا في شري عمر الخليفة الذي نحن بصدده

<script src='http://img841.imageshack.us/shareable/?i=125zz.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>