البحث عن الشريك المثالي ضرب من الخيال

تم تناول هذا الموضوع قبل فتره فى برنامج تلفزيونى وذكر احد المستضافين تعريف الفتاه العانس (هى فتاة ظلت تنتظر عريس كامل المواصفات) .فان كان البحث عن شخص بمواصفات محدده هو ضرب من الخيال فان هذا لا يعارض ان الزواج المبنى على الحب هو الانجح والباقى الى الابد مهما كثرت مشاكل الحياة

الاخ منتصر
السلام عليكم ورحمة الله وبركاته
الموضوع يحتاج الى تحكيم الشرع والنظرللامور بعقلانيه وترك العادات والجرى وراء الرومانسيات ..والعادات الغربيه المستحدثه ..لكن الذى يريد من الطرفين بناء حياه زوجيه يظهر الاخلاص ويسعى لتحقيق رغبات الطرف الاخر..وفقا للشرع والطريق الموصل دون تزييف اوتنكر ...ولى عودة

ابو مصطفى كتب:غايتو ناس منتصر وناس على عيسى ديل مرات يفتحوا مواضيع يخلو الزول يعيش فى عالم تانى ؟؟؟؟ الشريك المثالى وما اداراك ما الشريك المثالى ؟؟ منو هو ؟؟ البت تقول الولد دا ما دايراهو والولد يقول البت دى ما دايرها بعد العرس والفاس يقع فى الراس او قبل العرس ونامت البورة تحصل والقطر يصفر الواحدة كل ما يجيها عريس تراها تقول ما بنفع ونعم ان البيت ينزل من السماء ؟؟؟؟ لكن هنا تحضرنى قولة الرباطابى المشهورة ؟؟؟؟ الواحدة تشوفوها كويسة خالص وبمجرد ما تعرسها وتجيب ليك فيها طفل طفلين تقعد لك لحم فى قفه ؟؟؟؟ عليكم الله اتصوروا معاى حكاية لحم فى قفه ؟؟؟ محل ما تقبلوا يقبل ؟؟؟؟؟

فحكاية الشريك المثالى دى انا غايتو ما راكبه فى راسى كلوا كلوا لو كل زول صب عموده فى الحياة صاح الحياة بى تمشى وبعد دا لاتخلو من مشاكل ؟؟؟؟


تحياتى
ابو مصطفى

اهلا بيكم الاخواة المتداخليين وكاتب البوست
الشريك المثالى داء شنوه اهم شى الزول يكون
صدروا واسع يتعامل بالعقل وليس بالعواطف
ومافى بيت بخلاء من النقاش تحل بالحكمة
الحب ماكل شى اهم شى الجوهر والتفاهم والاراء المتبادلة
وربنا يوفق الجميع ويديه الشريك او الشريكة المثالية ذات
الفكر والتعامل الراقى ومن اسره ذات حسب ونسب
ابو مصطفى
لحم فى فى قفه داء شنوه؟؟؟؟؟؟؟؟؟؟؟؟
عجائب ياولاد منصور!

الوووووووووووابومصطفى وينك ياتمساح جزاير الكرد
اخوى منتصر اظنو لقط ذى العلج..وكتاباته عن الموضوع فى الفيس والمنتديات كترت
دايرين ..نديه النظريات بتاعات ناس ابومصطفى ..عشان يرمى قدام

الشكر كل الشكر لكل الاخوة والاخوات الذين عقبوا علي موضوعي هذا. وهذا الموضوع بالنسبة لي اعتبره مهما لان كل من الشاب والفتاة اي واحد منهما قد رسم شخصية مثالية لشريك حياته وبداأ في البحث عن من تتوفر فيه هذه الصفات مثال ان الشاب يحب ان تتوفر في شريكة حياته انها تكون علي درجة عالية من الخلق ودرجه عالية من الجمال ودرجة عالية من التدين ومن اسرة متدينة وثرية فمثل تلك الصفات لايمكن ان تتوفر كلها في فتاة الا قليل وقد تكون هذه الصفات شبه كمالية والكمال لله سبحانه وتعالي و لكن اري ان يكون الاختيار من كلا الطرفين علي اساس الدين فالدين يجمل كل شئ في الانسان فاتمني ان يكون معيار الاختيار هو الدين ولكم كل الود والتقدير






Download: www.ieType.com/e.php?Enddb3