علاقة وصداقة وخوة سليمان ود نصر الدين شاعر المناصير وعبد الله الحنوني

علاقة الأرواح المتقاربة
قال صلى الله عليه وسلم( الأرواح جنود مجنده، ما تقارب منها إئتلف وما تنافر منها إختلف)
............
قطعة ادبية طاعمي شديد عشان كدة قطعناها من القاموس جبناها بي جاي ضهرا كاشف عشان الناس يشوفوها
أبوك زمان كيتاً على ناس شرري ما بيشتري لحمو بتاع السوق إلا من عبدالله الحنوني.. وطوالي يشتري كيلو..
يقول انفع عبد الله صاحبي.. وابوك مصر على إستعمال القفل.. لما كبر صار يرسل القفل مع واحد من أخوانك ما عارف إسمو منو.. ومرات مع عجايز يرسلو
مرة وانا حاضر رسل قفل وفيهو قزازة سمن بلدي هدية لصاحبو حاج عبد الله..
وابوي عارف ابوك زول رسمي جدا وحساس شديد ومرهف. لو ابوي ما مسك حق الكليو من المرة... وخلاهو مقابل قزازة السمن.. كان ابوك يظل يبكي لامن يجيهو ابوي من الحنانين يسكتوا.. لايحب ابداً يفهم خطا ابوك.. وأبوي فاهمو..عشان كدة صداقتهم دامت لامن رحلوا.. زمان نص شتلنا المزروع بي فوق ابوي جايبو من شرري من صاحبو ابوك.. الجنينة بتاعتنا الفوق دي .. فيها تمر ما ننطق إلا تمرة سليمان ودنصر الدين. تمرة محمد اللت سليمان ود نصر الدين. البركاويي اللت سليمان ود نصر الدين.. المشرقيي اللت سليمان ود نصر الدين... كل اخواني وولاد اخواني والبنات ينطقوا كدة.. لمان ينزلوا التمر يلقطوا لينا تمر للجبنة.
بعدين ابوي يوم السوق يملا ليهو خرتايي ليمون من ليمونتو ويديهو الناس الماشين صلحة.. يرسلوا لابوك..
ناس شرري الجزارين في سوق النعوفاب يزعلوا... ليه سليمان ود نصر الدين يشتري لحمو من عبد الله الحنوني...
ناس محومااد ود دبيليب بي هزعتوا ديك وكراعو المفكوكة عندو جزاري في السوق
الطهوري بي عراقيهو الوسخان داك عندو جزاري في السوق.. ياخي الطهوري ده عندو بت تقرا في الجامعة لقيتا عند أهلنا بتاعين فتيح العقليين يجوا يقضوا الخميس والجمعة وبنات كتار من شرري بنات قمة الأدب...ما بدوي الدقير محمد حمد باشا من شرري وبعدين مناسب الحنانين متزوج بت عمتي فاطني بت عاشة بت اب حنة في وقر.. أها ولد فاطني يس بدوي ده زول مسكين كدة وما فايق للناس. لكن متزوج مديني فاطنى بت عمتي عمة مديني مديني دي المتزوجا ود بدوي من شرري ومن هنا بقت علاقة الناس المن شرري..
قالت لى أنا بت الطهوري.. قلت ليها الطهوري أحمر.. وإنت صاح تشبهيهو زيو شكلا لكن طلعتي خضرا كدة شوية يمكن امك سمراا.. برضو ناس شرري كتيرين في أم عشر فتيح العقليين وبي هناك محمود تاج السر وغيرو وغيرو..
وناس محوماااد العويد وناس سليمان العويد عندهم جزاري في سوق النعوفاب
اها يزعلوا لمان ابوك يشتري لحمو من صاحبو عبد الله الحنوني..
بعدين تبقى
القـَلـِيي.. وفيها القمح المحمص والجرم المقلي البي يقرشوهو قرش داك.. دي حلاوة النفسي زمان .. نأكل مما نزرع.هو الجرم داك ما جرم منصوري خالص . موش النوع البي يتقشر. كان داير تقشروا ما يتقشر
صديق عبدالله علي أبوحنة
كبار الشخصيات









عدد المساهمات: 1551
نقاط: 6273
تاريخ التسجيل: 14/07/2010

المشيرق الزرق الطَعَمْ
ياحلات قرشو ..كـَرَمْ.. كـَرَمْ

الشتيلة الفوق اللديق
سيدا فقري معلي السبيق
اصلو كان يرضا وأكان يضيق
جنبوا ما بنقعد مراييق

سليمان ود نصر الدين يموت في حاجي غسمها مديح ( القبب) عند اولاد حاج الماحي
لما كبر قال لى ابوي سوي لى شرايط وسجلا فيها كل مدايح القبب وجيب لنشيك وتعال بيت معاي..
وبالفعل انا كنت مرافق له وانا صغيير.. في اول السبعينات..مشينا باللنش الى شرري وبيتنا.. كان يوم روحي كبير للغاية.
القبب يعني
القبة التلوح أنوارا
2 القبة المعظم شانا
3 القبة النخيلا مشتي
4 القبة اليلوح قنديلا
وهكذا زي عشرين مدحة من القبب

عودا الناجرو ود اب حنة...... هي يا ناس خلوها تصلنا
دي ما بقدر احكيها عاد!!!!
وهي من اشعار سليمان ود نصر الدين!!!
تصدقوا وجدتها في مكتبة في أمريكا!!!!