عيسى بروي، يكتب فيا قصيدة الآن

شكراً ليكا يا الطيب قليبك
إتمنى من الله مكروه ما يصيبك
ودوام العافية تصبح من نصيبك
تغطيك من ضفورك ولى سبيبك
............
والله حرقني شديد ما كتبه ود المناصير.. لكن بأمانة عيال منصور ما بيقصروا لو سمعوا
عيسى بالرغم من
إنو دابو طالع من العملية.. كتبها ورسلها لى على الموبايل
............
شايفين عيسى ده حساس كيف؟
والمعروف لو صغييييير ينفخو يسويهو كبير كيف!
عارفين إيه عملت أنا بالضبط
......... زمان على إتصال دائم بعيسى ايام الوعكة الأولانية... حتى صرح للناس في شري قال ليهم من الخارج ما بعرف غير صديق اب حنة ومحمد بروي. يتصلوا عليا باستمرار وبقية المغتربين بصورة متقطعة وذكر أسماءهم على قلتها
..........
عارفين ايه عملتا انا بالضبط. فتشتا على الرقم القديم
جربتو هل هو رقم عيسى والله غير موبايلو!
لقيتو نفس الرقم
رن عندو
وبالطبع إسمي مسجل عندو
هبشت موبايلي عايز اتكلم
لقيت نفسي كملتا رصيد كبير امس مع اهلى في السودان
وانا في مشروع هندسي خارج ابوظبي 50 كيلو
والحكومة ساقت العربية وراحت شغلها
بقيت زي الزول المسجون لا دكان لاتعبية رصيد
بقت عليا مجرد الرنة دي لأتأكد من الرقم لأتصل وناوي إتصل بعد شوية لامن اشبع من الكلام مع عيسي في الإطمئنان على صحته لامن ترجع الحكومة وتجيب معاها كرت رصيد وانا في الخلاء
..........
اشعر ليك بعد شوية من الرنة ديك عيسى يعرفني ويرسل هذه القصيدة التي يقول هي طويلة ولكن هذه ابيات منها
شايفين الزول ده حساس كيف؟
والمعروف الصغييييير يدخل عليهو كيف!!
.....
هسه دي شبابنا في زيارة ليهو
وسلمان عقيد والحاج شرف الدين لموا السيرة مع بقية العقد الفريد لزيارة عيسى
واكيد الصور جايانا والخير جايينا
وعايزين بفضل الله ورحمته ومنته وعطاءه
ان يرجع لينا عيسى
يمدح
وينشد
ويغنى
ويدق طنبورو بي إيديو براهو
ماها كتيري على الله الخالقو

من طرف **ود المناصير** الجمعة 10 يونيو 2011, 3:15 am

عمنا وعم الكل ود ابو حنة .. سلام وامان من هني لا عندك
والكبير دائما كبير .. وانت كبير بفهمك بفكرك بروحك بقلمك بتعاملك
حفظك الله وكتب لك في كل خطوة سلامة
وحقيقة فقد وصفت صاحبك الحساس الرائع الذواق المرهف عيسى بروي
نسال الله ان يمن عليه بالشفاء العاجل

عيسى بروي، يكتب فيا قصيدة الآن

عيسى بروي، يكتب فيا قصيدة الآن

رد: عيسى بروي، يكتب فيا قصيدة الآن