النفر، والرشيد طه، وسلمان عقيد، وخالد عابدين والحاج شرف الدين غلام يتغدوا الآن في مطعم شري السياحي

الغداء كان دجاج( جداد) ومشاوي..
.............
والتحلية كانت بسبوسة
..........
والنفر قال عايز جبنة.. جيبوا لى جبنة
.......
وبقية العقد الفريد
شربوا شاي
........
وطلعوا
والنفر لغاية لحظة الكتابة هنا .. ما بيكون وصل أهلو...
راحات

من طرف **الرشيد طه** الأربعاء 01 يونيو 2011, 2:17 am

فى زول كان معانا هنا ما ذكرته يا باشمهندس يكون هو وصل الخبر؟؟

لا حولا !!!
بي ضبانتا

والله ياهندسة مصادرك خطيرة

عقبالك كده نحتفي بي قدومك

أنا ما عارف الناس ديل حكوماتن وين
الغداء ده أهم حاجة في الأسرة السودانية
الفطور ما مهم الناس في المكاتب
والعشاء أي حاجة تعشي وخلاص
لكن الغدا ده تتجلى فيهو الحكومات في الطبخ والإعداد وتكون حريصة إنو كامل أفراد الأسرة تحضروا
الناس ديل حكوماتهم فاكة والله شنو؟
يحوموا بي مطعم شري السياحي في عز الحر
أكيد حكوماتهم ما عندها خبر

والحاج شرف الدين معاهم كمان

الشهادى والعبادى والعمل الطيب
– هو بتين اتنقل الكلام دا-
بعدين الحكاية جلسة لوداع الاخ النفر والذى سوف يغادر البلاد فى يوم الخميس الجاى لى دورو-

مصادري
والعصفورة بتاعتي
دخلت بي ورا من خلف الكواليس.. وكان مباريكم.. يا ترى الجماعة ديل ماشين وين.. ومتلمين كدي عايزين يعملوا شنو؟وناوين على شنو؟
دخل بي ورا وسال واحد من الطباخين والناس القدموا الأكل ليكم
قال ليهم الجماعة ديل أكلوا شنو؟
وشربوا شنو؟
ومنو الشرب جبنة؟
ومنو الشرب شاي؟
هو لأنو إنتو قبل كدة شهرتوا بالدكتور خال ابرار في مطعم شري ده!وخال ابرار ده ولد صاحبي..
عشان كدة راس السوط لحقكم!
المهم طالما الحكايي وداع للغالي النفر
يبقى الغرض شريف

من طرف **م بروي** الأربعاء 01 يونيو 2011, 1:05 pm

سلمان عقيد النعوفابى كتب:الشهادى والعبادى والعمل الطيب
– هو بتين اتنقل الكلام دا-
بعدين الحكاية جلسة لوداع الاخ النفر والذى سوف يغادر البلاد فى يوم الخميس الجاى لى دورو-

ده كلو هين
الكلام في قصيدة النظارة
والتي نظمها أحد الشعراء
وحنسناهو يخليها ما ينشرها
ووافق مشكور وسكت
ولكن طالما الشمارات
منتشره اليومين ديل قلنا أحسن يلحقها الزفة
ولو سكتو بطريقتك تكون نجحت
يبقالي نمشي نقول للزول أخت راحتك
واللا شنو ياجماعة؟؟
تجينا بالسلامة يانفرنا
أبيت ترجاني... بالله دي صحوبية دي؟
وصولي ياسلمان يوم 22 يونيو.

من طرف **الرشيد طه** الأربعاء 01 يونيو 2011, 1:22 pm

صديق عبدالله علي أبوحنة كتب:والحاج شرف الدين معاهم كمان

يا ربى يكون ده معقولة ؟؟؟

من طرف **الرشيد طه** الأربعاء 01 يونيو 2011, 1:29 pm

الكلام في قصيدة النظارة

والله يا المغتربين حيرتونا عدييييييييييييل دى كمان وصلت السعودية امس قبل من الناس تصل البيوت صديق جاب الخبر على الهواء مباشرة يبقالى معانا مندسين يحتاجون لكتائب القذافى غايتو بعد ده الا نعمل حسابنا تب

يبقالي نمشي نقول للزول أخت راحتك

ياخت راحتو وبالزيادة سريع سريع يا ود بروى لحقنا الله يستر

من طرف **م بروي** الأربعاء 01 يونيو 2011, 2:00 pm

أخد راحتك
أخد راحتك
لامن تودينا في ستين
كل الخوف من زعل صاحبك
والقصيده وروني ليها
واعتقد إنها ما بتزعل
لو في ضمانات حنقول للزول أخد راحتك؟

لامن تودينا في ستين

يا ود بروي..
شارع الستين ده. فيهو حاجات خطيييرة وبقالات تجر الطرولي وتشيل حاجاتك زي السعودية والخليج.. وحاجات كأنك مافي السودان.. بس لقيت سيبور ما ركت كبييير وفيهو تلاجة لحوم مقرطسة.. ولسه نحنا في فن الأتوكيت والبيزنس عايزن ناس متخصصة
يعني مثلا ألقاهو مقرطس لحمة للبيع نص كيلو نص كيلو كاتب عليها( رقبة) وتاني لحمة مقرطسة كاتب عليها( مخروقة) هذه الكلمات غير متداولة ومتعارف عليها في ثقافة البووتشار.. اي الملحمة..وبعدين عندك اجانب.. بالذات في هذا الشارع.. اكتب لغة تعارف عامة..
ياخي كلمة مخروقة دي حتى سمعتها في التلفزيون.. في الشريط التحت داك..
ما عارف وصلنا الدكتور البروفسير الروسي فلان الفلاني.. أخصائي واستشاري كسر المخروقة..( هي عظمة الحوض) أو قول أخصائي العظام.
وشارع الستين جنب شركة ناس ابومصطفى.. عضو المنتدى.. فيهو دكاكين بتاعة اثاث برضو عفشها كلو خليجي. رهيب... يعني عاوز تأسس ما ضروري تشحن من المملكة. الاسعار اقل.. انا ضربتها وحسبتها..

م بروي كتب:
أخد راحتك
أخد راحتك
لامن تودينا في ستين
كل الخوف من زعل صاحبك
والقصيده وروني ليها
واعتقد إنها ما بتزعل
لو في ضمانات حنقول للزول أخد راحتك؟

صاحبك سلمان ده بضمنوا ليك تب

بش شوف لنا صاحبك التاني وقولوا أرم

من طرف **الرشيد طه** الأربعاء 01 يونيو 2011, 6:47 pm

م بروي كتب:

لو في ضمانات حنقول للزول أخد راحتك؟

يا زول قول للزول زى ما قالك المدير ارم ارم قدام هو فى ضمانات اكتر من المدير ؟؟؟

من طرف **النفر** الأربعاء 01 يونيو 2011, 7:24 pm

التحايا والود للباشمهندس صديق صاحب العصفورة الأسطورة التى نقلت اللقاء حياً ومباشراً ونقول للأخوة إنتبهوا فعصفورة أبوحنه بالمرصاد !!! _ التحايا والود لكل الإخوة الكرام المتداخليين _
لقد كان لقاءاً جميلاً وجلسة رائعة مع إخوة أعزاء عرفتهم عن قرب ولمست فيهم النخوة والشهامة والقيادة والريادة فهم فخرللقبيلة والكوكبة النيرة لهذا المنتدى وكما شاهدنا ولمسنا بصماتهم المرئية والمحسوسة فى هذا المنتدى الأسفيرى أتوقع أن أرى بصماتهم الواضحة على أرض المناصير بلدى كواقع معاش ومرىء يشهد له الجميع و سأظل أتشرف وأفتخر بهم فمعرفة الرجال كنز والفضل يرجع لمنتدانا العامر بأهله _

كسرة:- هناك صور لهذا اللقاء سأحاول لاحقاً رفعها _

من طرف **م بروي** الأربعاء 01 يونيو 2011, 7:27 pm

خالد عابدين كتب:
م بروي كتب:
أخد راحتك
أخد راحتك
لامن تودينا في ستين
كل الخوف من زعل صاحبك
والقصيده وروني ليها
واعتقد إنها ما بتزعل
لو في ضمانات حنقول للزول أخد راحتك؟

صاحبك سلمان ده بضمنوا ليك تب

بش شوف لنا صاحبك التاني وقولوا أرم

أها على مسعولية الريس وصديقي الرسيد
وصلتني من الكتائب القصيده أدناه
وأنا قلت أرسلها للسيد الرشيد في الخاص
وهو يتحمل كامل المسؤوليه
لكن لما لقيت الريس ذاتو قال أرمي
فقلت خربانه من كباره وعلى مسؤولية الريس رمينا
أها أنا بعد كتبت ردي لقيت الرشيد قال في ضمانات أكتر من المدير
(عالم خرابة بيوت)
________________________________
البيان رقم واحد
من الكتائب
[size=18]______________-

القهوة
_________
قصه حقيقه ماها هظارا
من الديم وصلنا أخبارها
الزعماء التلاته كبارا
قالوا نظبط العصاره
أو عيشاً دخلو خُماره
وأم فتفت معاها مراره
ودكوه و شطه زايده حراره
نضرب تب نقيف زماره
لامن نقطع الزُراره
________________
نِجَيْض زولنا كاتله شطاره
قال يأخوانا عندي بصارة
الشطه تحرق وضاره
تعمل في البطن عواره
وما دايرين لحوم وزفاره
ليقدام هناك في الحاره
الجبنات مولقدي ناره
البكريه و الأبكارا
بن بَيَّن بنات بنو باره
قالوا عجوز وسمره سمارا
مسكينه وتربي صغارا
قال التاني ديك حَقّاره
نقنناقه وكمان بوباره
شايا كأنه من صباره
وديك بت الحبش صباره
المزيونه ماهره مهاره
زايد فوق حمارها حماره
بس لمبه وتشع أنواره
زي الضهبي في السحاره
وود لقاينا في الجماره
الصوت نغمة الزماره
حس طمبورنا عازفو جباره
وزي صيدنا النزل في الداره
_______
عرف ليه الرجال محتاره
وكيف ضايع زمانا خساره
ساعتين و الزمن ينجارى
لا حكماً يدق صفاره
ولازول قال ولادنا حيارا
فقدوا البوصله البحاره
سطلو من القهاوي سكارا
لامن ضاعت النظاره
جات زي البرق أخباره
وحالفين نحفظ الأسرارا

[size=18][/size[/size]]

من طرف **م بروي** الأربعاء 01 يونيو 2011, 7:33 pm

الجماعة بتوع الكتائب ديل الظاهر
نظموا قصيدتن دي على وزن مدحة حاج الماحي
(القبه التلوح أنوارا)
ياربي صديق ما يمدحها وينزلها ليهم في الفيديو؟؟

الكلام دخل الحوش
عصفورة ود بروي شديييييييييدة خلاص
جابت الشمار زي ماهو

من طرف **ود المناصير** الخميس 02 يونيو 2011, 4:31 am

طبعا دا كلام ناس كبار .. وما علينا إلا المتابعة .. عذرا سادتي فعادة ما تجبرونا على أن نقف على رؤوس الاصابع ونتشابى علنا نجد طولا يسمح لنا بالتداخل معكم
فشكرا لكم فكل سطر تسطروه فيه حكمة وموعظة ..
طبعا العبد لله عمره كبير لكن في بعض الناس مصنفنو صغيروني
وما عارف ليه ؟

من طرف **خال ابرار** الخميس 02 يونيو 2011, 4:51 am

ايه البوست الظريف دا؟؟؟؟؟
ابوحنة رائع كعادتة وعصافير شاعرنا تواصل التغريد الفريد.....
طبعا الجماعة ديل باعونى عشان انا ماعندى حكومة وخايفين الفتنة وعشان حقوق الاعلان بتاعة المنتدى بطرف ادارة مطعم شيرى الانا ما ح انساها وياالحاج شرف الحكاية ماتكون ساومتها بالغداء؟؟؟؟؟؟
بس انا ما ح احفظ الاسرارا
وماح يهدا لى بال لو ماشفت الجماعة ديل زى صالح والقذافى والاسد وفى رواية بن على.....

من طرف **(الحاج شرف)** الخميس 02 يونيو 2011, 5:17 am

بن على ومبارك والقذافى على وزن خالد والرشيد وسلمان
انا ما معاهن يادكتور بشهاده كاتب البوست
انا اصلا موجود مع مونتكارلو بالدويم بحر ابيض
من اليوم داك الضاعت فيهو النضاره
فى تحالف بى وراى انا ماحاسى بيه الا كلامكن ده
معقوله الجماعه ديل بعد الاجتماعات الرسميه يوزعونى بالطريقه دى
الشكيه لخلقو مزله
نصبر نستاجر

لا إنت معاهم يا الحاج شرف الدين..
..........
بعدين والله في النهاية
أنا ما شايف فيها حاجة
كان مطعم شري
كان ست شاي
كان سوق الناقة
خلوا الإبداع يستمر
ما نقرطا على الناس
والله شنو
يا خال أبرار
بس الناس البي ينسوا نضاراتن ديل عند ستات الشاي معناه إيه؟
هل تبادلت معهم أطراف الحديث، حتى نستهم نظاراتهم !!

من طرف **الرشيد طه** الخميس 02 يونيو 2011, 1:27 pm

لا إنت معاهم يا الحاج شرف الدين..

عاوز تنكر اها قالو انت معاهم

بس الناس البي ينسوا نضاراتن ديل

دى المشكلة!!!!!!

من طرف **(الحاج شرف)** الجمعة 03 يونيو 2011, 6:50 am

اكثر مايشغلنى عندما اقرا خبر ا بالصحف عن انسان خرج ولم يعد خاصه لو طفل ا امراه
مايشغلنى هذه الايام خبر النظاره هل عادت ام لا
الرشيد قريب من موقع الحدث وصاحبه
ابقى طمنا

من طرف **النفر** الجمعة 03 يونيو 2011, 5:46 pm

عفواً شعرائنا وعذراً كتائبنا الغائبة الحاضرة _ وحيث أننى لا أعرف هؤلاء الثلاثة ورابعتهم النظارة الداقيين طاره وشايليين حاله وبعد طلب الإذن من الجميع أريد أن أدلوا بدلوى من باب أنصر أخاك ظالماً أو مظلوما وننحاز للعدالة وحقوق الإنسان وحريته فى التمتع بشراب قهوته من خلف الكواليس أو من وراء نظارة أو بدونها وحتى لو تركها ناسياً أو متناسياً لشىء فى النفس فلا غبار عليه _

مالا كتايب يسوس وساسه
خلت مدفعه وهاونه ورشاشه
وفى كل شىء حاشره أنفاسه
الظاهر ثبت وإنكشف إفلاسه
وفقدت هيبته ورونقه وإحساسه
بقت تكوس للخبار ده كواسه
وبدون ما تتأكد من خبر حداثه
تدورها شكلة بيى عكازة
وتكبر وينعدم حجازه

فى القهوة التبق أنواره
شنو كان ضاعت النظاره
فى جيب الجكت فى بداله
وفى لمح البصر وبإشاره
بسراع بيتم إستبداله
ليه يا أخوانا داقيين طاره
دى القعدة التضوى أنواره
وعم بخورها كل الحاره
قهوه معتقه تفوح عطاره
يخدمنك بنات الجاره
بإتوكيت وذوق ومهاره
فى لحظات يدور فنجانه
وتبقى الونسى عامرى عماره
بيي ساونه ودلوكته وطمباره
أصلها قعده مافى مثاله
عشان ماقادرين تعتبوا داره
مالكم ومال نبش أسراره
دى حساده ولا شتاره
خلوا الناس تعيش أحراره
صحيح النفس أماره
كان مافى قيله وقاله
كلنا بيندور أخباره

النفر

الحكومات بتاعتهم فاكة. لو شافت الحكومات هذا المقطع راح تقول شنو؟
وثانيا شكرا يا سليل الشعراء على القصيدة الروعة
المهم دابك كدة راح تجيب ود بروي يرد..
واصلو زعلان منك قالك ارجاني ننزل الإجازة سواا عشان تكون البهجة كاملة ابيت ترجاهو..

quotقهوه معتقه تفوح عطاره
يخدمنك بنات الجاره

مالا الجبنة يازمالا
تعدل للنفس وافكارا
ومن ساعة يولعوا نارا
تعطس وتكرف العسكارا
حالا تنبسط وتنفرج اسرارا
ومالوان ضاعت النضارا
مااصلها دى الظروف واقدارا
يالبيب نضمك كلو فيهو حسارا
--العربية البتل النجف
اضرب العربات من طرف
لاتخل صدام لارفرف—
ايه يعنى لو انفقدت النضارا
ماقلت التلاتة كبارا
واحد صاحب السيارا
واحد قايل نفسو بره الدارا
والريس ناقل الاخبارا

من طرف **م بروي** السبت 04 يونيو 2011, 2:58 pm

النفر كتب:عفواً شعرائنا وعذراً كتائبنا الغائبة الحاضرة _ وحيث أننى لا أعرف هؤلاء الثلاثة ورابعتهم النظارة الداقيين طاره وشايليين حاله وبعد طلب الإذن من الجميع أريد أن أدلوا بدلوى من باب أنصر أخاك ظالماً أو مظلوما وننحاز للعدالة وحقوق الإنسان وحريته فى التمتع بشراب قهوته من خلف الكواليس أو من وراء نظارة أو بدونها وحتى لو تركها ناسياً أو متناسياً لشىء فى النفس فلا غبار عليه _

مالا كتايب يسوس وساسه
خلت مدفعه وهاونه ورشاشه
وفى كل شىء حاشره أنفاسه
الظاهر ثبت وإنكشف إفلاسه
وفقدت هيبته ورونقه وإحساسه
بقت تكوس للخبار ده كواسه
وبدون ما تتأكد من خبر حداثه
تدورها شكلة بيى عكازة
وتكبر وينعدم حجازه

فى القهوة التبق أنواره
شنو كان ضاعت النظاره
فى جيب الجكت فى بداله
وفى لمح البصر وبإشاره
بسراع بيتم إستبداله
ليه يا أخوانا داقيين طاره
دى القعدة التضوى أنواره
وعم بخورها كل الحاره
قهوه معتقه تفوح عطاره
يخدمنك بنات الجاره
بإتوكيت وذوق ومهاره
فى لحظات يدور فنجانه
وتبقى الونسى عامرى عماره
بيي ساونه ودلوكته وطمباره
أصلها قعده مافى مثاله
عشان ماقادرين تعتبوا داره
مالكم ومال نبش أسراره
دى حساده ولا شتاره
خلوا الناس تعيش أحراره
صحيح النفس أماره
كان مافى قيله وقاله
كلنا بيندور أخباره

[size=24]

_____________
نفرنا الغالي ماها شتاره
ولاحاسدين ولاها حقاره
بس بالحيل حرقنا شمارا
والنار في قلوبنا أوارا
والزايد قلوبنا حساره
وولع في رؤوسنا حراره
إنو أصيل كريم وجساره
من ضيفانو ما بينضاره
موقد نار يجيك شراره
كيفن ضيع النظاره
ويقدل هسه وسط الحاره
زي سكران طلعلو حداره

[/size]

من طرف **م بروي** السبت 04 يونيو 2011, 3:09 pm

سلمان عقيد النعوفابى كتب:
مالا الجبنة يازمالا
تعدل للنفس وافكارا
ومن ساعة يولعوا نارا
تعطس وتكرف العسكارا
حالا تنبسط وتنفرج اسرارا
ومالوان ضاعت النضارا
مااصلها دى الظروف واقدارا
يالبيب نضمك كلو فيهو حسارا
--العربية البتل النجف
اضرب العربات من طرف
لاتخل صدام لارفرف—
ايه يعنى لو انفقدت النضارا
ماقلت التلاتة كبارا
واحد صاحب السيارا
واحد قايل نفسو بره الدارا
والريس ناقل الاخبارا

___________________-
الشغلانه غايتو هظارا
والريس يعجبو شمارا
كايس لي شكال ونَقار
وطربان ضارب النُقاره
باكر بي تجي الطياره
ومننا ليحبيبنا بُشاره
نجيب اتنين بدل نظاره
ونضبح وترقد العُصاره
والشيات مولقدي ناره
وجر ساقط مع الحُراره
موش قالوا المريسي حضاره؟؟
_____________________

شاعر خطير يابوأحمد

من طرف **م بروي** السبت 04 يونيو 2011, 3:20 pm

ود المناصير كتب:طبعا دا كلام ناس كبار .. وما علينا إلا المتابعة .. عذرا سادتي فعادة ما تجبرونا على أن نقف على رؤوس الاصابع ونتشابى علنا نجد طولا يسمح لنا بالتداخل معكم
فشكرا لكم فكل سطر تسطروه فيه حكمة وموعظة ..
طبعا العبد لله عمره كبير لكن في بعض الناس مصنفنو صغيروني
وما عارف ليه ؟

لأنو فعلاً صغيروني
لكن كبير بفكره

من طرف **الرشيد طه** السبت 04 يونيو 2011, 5:55 pm

النفر قال

فى القهوة التبق أنواره
شنو كان ضاعت النظاره

وانا بقول شنو كيف يا النفر ؟؟؟
سلمان قال

ومالوان ضاعت النضارا

وانا بقول مالا تضيع ؟؟؟
ود بروى قال

كيفن ضيع النظاره

ده السوال يا ود بروى
سلمان قال

واحد صاحب السيارا
واحد قايل نفسو بره الدارا
والريس ناقل الاخبارا

وانا بقول فى النهاية اللبيب بالاشارة يفهم
اما صديق من حسادتو داير يحرش

الحكومات بتاعتهم فاكة. لو شافت الحكومات هذا المقطع راح تقول شنو؟

ود بروى قال

باكر بي تجي الطياره

يا يوم بكرة ما تسرع

من طرف **خالد عابدين** السبت 04 يونيو 2011, 6:35 pm

ياسلام
وياسلام والله
درر
يبدو أننا سنمني أنفسنا بمجادعات لن تنتهي الا بعودة النظارة المفقودة
نحن غايتو في الفزع وعندنا حملة لتمشيط المنطقة إياها دار دار حتى تعود النظارة لصاحبها بالسلامة وناخد البشارة ، لأنو لازال صاحب النظارة ماقادر يقرأ أو يكتب في المنتدى إلا بواسطة الاستعانة ب..........
ماتشيل هم لدينا الخبرة في البحث عن النظارات المفقودة من زمن (ابحث مع فضولي عن نظارته ) في مجلة ماجد
بالمناسبة وحقيقة وما هظاره - الحاج شرف برضو نظارتو (اب 200 ألف جنية) اتكسرت وهو داخل الي مطعم شري السياحي وأصبح يداقش في صحون الاكل ويسأل ده فيهو شنو؟

الحكاية شنو مع النظارات دي ؟

من طرف **النفر** الأحد 05 يونيو 2011, 2:59 am

سلام شاعر القبيله وفارسه المغوارا
والشاعرالمخضرم لايشق له غبارا
يا ضو القبيله وفخرها وسلالة الأخيارا
والقامة السامقة البيها نفتخر ونتعالا
يا دابى البحر الراسى فوق الساره
يخشاك الجميع الماشى والبحاره
حامى حمى القبيله بسيفك البتارا
وياما نظمت فيها أجمل الأشعارا
من أعز ديارمنصورى موقد نارا
سلام جمهورى أصبح للقبيله شعارا
بيهوعرفتنا القبايل مما زادنا فخارا
أنت علم كبير لا تخطئه الأبصارا
ليه بأسم الكتايب تحتمى وتنضارا
منك نطلب العفو وأعتبرها شتارا
وليك نرفع القبعات إحترام وإجلالا

من طرف **م بروي** الأحد 05 يونيو 2011, 5:07 pm

نعدو نفر من الأبرارا
ابن الشعراء والأشعارا
ود الببكي في ذكر الله عند الطاره
زول الدين تلاوة عباده في الأسحارا
لافي سفه لا عروق ولا أوزارا
لازنا لا مسكلو سجاره
زولنا عديل من الأخيارا
ربيع الخوة في آذارا
وشمس وفانا شع أنوارا
وألحان أرضنا ومسداره
ودهب جيد البلد سواره
نضماً فيك ولاهو خسارا

من طرف **يس مصطفي** الإثنين 06 يونيو 2011, 12:19 am

سلمان عقيد كتب:
--العربية البتل النجف
اضرب العربات من طرف
لاتخل صدام لارفرف
ياخوي الشي دي عربيه ول حبشيه؟

سلام شاعر القبيلة وفارسا ومغوارا
رفع اسم البلد منصورى موقد نارا
وصاف للجمال كلماتو لينا شعارا
عاشق للبلد فاقد قلبو جوه خدارا
ماعون الشعر عندو بيكب مدرارا
النفر الخلوق اوفاه الزعيم وسطر الاشعارا
وساعة الحجى قلتو هظارا
نصفح لى بعض ونبعد الشمارا
يزرعوا للفتن دايما يولعوا نارا
كل ما تدور تبرد يطظوها ويزيدو اوارا
بعد انكشف المغطى وبانت الاسرارا
نتلمه ونونس ونحرس الطيارا

من طرف **الرشيد طه** الإثنين 06 يونيو 2011, 12:50 pm

نتلمه ونونس ونحرس الطيارا

والله يا هو زاتو نتلمه ونونس ونحرس الطياره
سلمان والله ما شاء الله مجازف مع الفطاحلة ومجاريهم تب تسلم

من طرف **خالد عابدين** الإثنين 06 يونيو 2011, 5:42 pm

خلاص النظارة جمعت وله شنو ؟

من طرف **amira ali** الإثنين 06 يونيو 2011, 6:47 pm

اخوتنا الرائعين اهرامات المنتدى عيشتونا معاكم احداث ومسلسل مطعم شيري السياحى
فى البدء تخيلت ان موقع المطعم بشيري بس بعد سرد كل الاحداث (النضاره والسياره وسوق الناقه ووووو
تخيلت انو بام درمان
علمونا بموقعه يمكن نزوره
ده اذا نسينا امر الضبانى

من طرف **النفر** الإثنين 06 يونيو 2011, 6:52 pm

عاد بتين تجى الطياره
وفوق سمانا تلوح أنواره
وفى كل مرة تدى إشاره
قايدها الكابتن بجداره
وتتوجه عديل لمساره
وتنزل بأمان فى مطاره
ويشرف عاد لبيب الداره
ويجى طالى تكسوه وقاره
ويجد زعمانا جو الصاله
ويلاقوه بسلاماً حاره
ويتحمدلو ليهو الأسفاره
وبيى بره الحشود أرتاله
يحضنوه كبار وصغاره
وعاد بسراع تجينا بشاره
ونفرح فرحه مافى مثاله
والخرطوم تبق أنواره
ولولا الظروف وأقداره
والمعايش البقت جباره
كنت أكون من آوائل الإستقبالا
.

من طرف **م بروي** الإثنين 06 يونيو 2011, 7:37 pm

سلمان عقيد النعوفابى كتب:سلام شاعر القبيلة وفارسا ومغوارا
رفع اسم البلد منصورى موقد نارا
وصاف للجمال كلماتو لينا شعارا
عاشق للبلد فاقد قلبو جوه خدارا
ماعون الشعر عندو بيكب مدرارا
النفر الخلوق اوفاه الزعيم وسطر الاشعارا
وساعة الحجى قلتو هظارا
نصفح لى بعض ونبعد الشمارا
يزرعوا للفتن دايما يولعوا نارا
كل ما تدور تبرد يطظوها ويزيدو اوارا
بعد انكشف المغطى وبانت الاسرارا
نتلمه ونونس ونحرس الطيارا

_____________________
[size=24]

بسم الله ياجبارا
وبعده نثني بالمختارا
والدعوات عظيمه كتارا
سلمان يحفظو الستارا
قمرات سبعتين في مدارا
رياحين أرضنا وأزهارا
مموسق نضمو مافي شتاره
لا دُراب ولافي حجاره
يغرد جوه سربو مرارا
لمن يطرب السُماره
لي هماً مقيم ودارا
ولي شاطىء الولف عباره
تاره يفرح المحتارا
ويلعن خاش عدوك تاره

[/size]

من طرف **عادل شرري** الثلاثاء 07 يونيو 2011, 4:16 am

UP
UP
اني حزين لوجود النظارة ؟؟؟؟؟؟

من طرف **النفر** الأربعاء 31 أغسطس 2011, 3:32 am

عيد سعيد لكل إخوتى .... ليتها تعود تلك اللحظات الجميلة التى عشناها بينكم _ رفعت هذا البوست لأن العصفورة تراقب هذه الأيام المنتزهات والحدائق العامة وسوف توالينا بأدق الأخبار عليه نناشد الأخوة الإنتباه لنظاراتهم وجوالاتهم من الضياع حتى لا ندق طارهم ونشيل حالهم _
لكم تحياتى وعيد سعيد ،،،

اوالله يالنفر كانت ايام جميلة –وزينتها بوجودك فى تلك الايام –وانا قلت النفر اكثر واحد استمتع باجازته-

كما اعتبر ان هذا البوست من اجمل البوستات –

الشى المحيرنى محمدبروى خالى لاقى الزمن دة من وين

من طرف **م بروي** الإثنين 05 سبتمبر 2011, 8:11 pm

عبد الواحد جبريل كتب:الشى المحيرنى محمدبروى خالى لاقى الزمن دة من وين

ياود أختي حيرتك في محلها
ولو تلاحظ للزمن المكتوب في ساعة مشاركاتي
تلقاهو كلو في زمن الدوام الرسمي
ومرات أدخل المنتدى وأخليهو فاتح اليوم كلو
بدون ما ألقى فرصة للكتابة والقراية
والناس تلقاك موجود وما مشارك
وما عارفين اخوهم مزنوق في الشغل
نسأل الله يفك الأسر

كنا متابعين اخبار العصافير

وكت دايرة أخبار العصافير
هاكي يا سهام