مطعم شيرى السياحى

اخونا وابن دفعتنا الاخ احمد محمد الصادق


بعد ان كان منزويا فى احدى اركان معرض الخرطوم الدولى مديرا ماليا لفندق القرين فليج

طلق الوظيفه وجاء لوسط الخرطوم مترقيا

وافتتح مطعما بدرجه مطعم سياحي وزين مدخله بلافته
تسر الناظرين

مطعم شيرى السياحى واصبح من معالم السوق العربى للوصف والانتظار

تم فى هذا المطعم تخريج دفعه الداعيات من بنات المناصير

تحت رعايه منظمه ادرا للتوطين ومجموعه بناتنا مؤسسات منظمه الشلال الرابع

اداره المطعم كما علمنا مستعده لتقديم خدماتها خارج المقر

باقامه الحفلات والمناسبات الرسميه والشعبيه والاجتماعيه وتقديم الوجبات السريعه

للمؤسسات والشركات



ومزيدا من النجاحات لاولاد بلدى وتعالو نتلاقى هناك

لا تعتبرو هذا دعايه للمطعم وانما دعايه لمنتدى اخر على الطبيعه

يالحاج انت دعوتك دي ما عرفناها فطور ولًٍ غداء وبعدين اخوك عندو المصران اعمل لينا نظام خاص بالله لانوا البهارات ما بتنفع معا نا

الحاج اخوى دى سمسرة عديل ولازم تقسم العمولة مع اخونا خالد حتى لو وجبة وجبتين ما فارقة وبعدين يا خالد لو الحاج نكر وبلع السيف متنى (دى دايرة شرح من اخونا سلمان) تمشى طوالى لاحمدون وتشيل منو حق الاعلان صفحة كاملة

الاخ الحاج الاخوة المتداخلين لكم تحياتى 0 والله يا الحاج الاخ احمدون يستاهل ونتمنى ان نرى مطعم شيرى السياحى فى جميع مدن السودان 0 انت يا الحاج احمدون متين خلا بنك السودان 0

الاخ نورالهادى
لك تحياتى
وامنياتى لك بعوده الظافر
اخونا احمدونى
ترك بنك السودان اداره النقد الاجنبى منذ فتره والتحق باداره الاسواق الحره مديرا ماليا لفندق القرين فيلج (هذا الفندق ومعرض الخرطوم الدولى تابعين للاسواق الحره)

يا الحاج : فيهو خدره مفروكة ولا اكل حناكيش بس .
لانو يوم نحنا كنا فى العربى . وقام خالنا احمدون عزم الخال د: عمر الرشيد من دونى انا وود خالتى نجم الدين احمد الماهل .
(ما عارف وجاهات ولا دفعة دراسة)

يعنى لازم احمدون لما يعزم زول لازم يعزمك
وجاهات ودفعه مع بعض

انت عاوز اكل الحناكيش ولا الخدره المفروكه عشان نعرفك انت مين
لانو العوناب برضو فيها حناكيش
رغم انى لا اعرف معنى هذه الكلمه

خال ابرار كتب:سلام للجميع..........
شيرى السياحية تستاهل.........
يا جماعة عشان اخوناالحاج طلع حريف فى الاعلان انا بقترح الغرامة تكون مخففة بس وجبة لكل افراد المنتدى يعنى زى 80 وجبة وكل ما يتاخر مافى مصلحتو العدد ماشى زايدويا خالد ابعد من الرشاوى يعنى حكاية وجبة وجبتين دى ما بتنفع والاتفاقات تكون قدامنا هنا

ده كلام صاح ولكن لم نسمع راى الحاج شايفو مطرطش النضم ده ويحوم بعيد بعيد والحكاية دى ما فى صالحو زى ما قلت العدد ما شى زايد وبعد شوية تبقى فى رقبتو والله خروف ما يحلو لانو احمدون ما عندو ذنب يكون جيه للحاج امورو وهو عمل نائم الحاج اتحرك سريع النجمة او الهجمة ده كلام عقار ما كلامى انا

الحاج اخوي بعاين فيك بقيت في رقيبتك وفي البحلك كان غلبت قول عوك

شنو يعني يا يس شايفك بتلعب بي ديلك اياك واتفاقيات الغرف المغلقه نحنا دايرين الكلام يكون واضح وقدامنا اعمل حسابك ماتكون قسمت حق الاعلان تسوي نفسك ف غرامة برضو__الاخ الرشيد حقنا مابنخلي يبقي علينا خزان ووجبات

يا خال ابرار ويس اوعكم الدهنسة ( والحاج خلوه : الكسرى كسارة الوجوه ) .
يا الحاج ما بتعرف الحناكيش ؟ نسيتى شيرى وركوب حمارتك عرى .ولا نسيت خدرة بغاجيرو هلا هلا

شكرا اخونا العوناب علي المداخله ولكن ما قلته باثتثناء منطقه المناصير

والله والله يعلم انا لما اول مرة اشوف اللافتة بتاعت مطعم شيرى انتهشت لجمالها وزوق صاحبها وفكرتة العريقة . زاده الله فى فعل الخيرات ووفق الجميع لرفعة اسم الوطن .

الاخ الحاج : مساء الخير ..
العوناب : قرية متواضعة فى المناصير الكل يعرفها تقع تماما شرق نهاية الجزيرة شيرى . بين العشامين وشنكوكة بالضبط( استريت لجبل الفارقى )
وانا : النذير العبيد خليفة عمر (ود العبيد ود بتول )
تلغرافيا :
صيدلية الحرمين كريمة
احيى كل مشاركى المنتدى ولك انت تحية خاصة لنشاطك فى تحريك مواضيع المنتدى .

الاخوان
خال ابرار د محمد
والنذير ودالعوناب

لكم التحيه

ارجو ان لا يكون عدم ردى على مداخلاتكم قد وجد فى نفسكم شئ من حتى

الانشغال بامور الدنيا

ومن ثم تسارع الاحداث وتشابكها فى الايام الفائته من الاسباب

التى ابعدنتنا عنكم

لكم العتبى حتى ترضو

ونتمنى ان يكون ايقاعكم اسرع منا

ونلتقى

رد ايضاحى
موقع العوناب كما ذكرت فى الضفه الشرقيه للنيل مقابل الركن الجنوبى الغربى لجزيره شيرى
مابين ام رمله وواللمر (على حسن
وهى الاقرب فعلا لجبل الفارقى
وبالتحديد حله الاسم الجديد لعوناب النعيم

يا الحاج قصدك بالنعيم الخيرات والنعم والبركات والتدليل والتنعم ؟