(أبا) في الحرم

شكرا كثيرا الأخ محمد بروي


نعم وصل الأخ الكريم محمود تاج السر إلى مكة المكرمة لأداء مناسك العمرة وزيارة قبر الرسول (ص) ربنا انشاء الله يتقبل منه وعقبال للبقية - ويار ريت يقدر يزورنا في الرياض - وطبعا عنده حكاوي كتيرة جدا - غايتو ما عارف أول شي قال لي والله قضينا اجازة في البلد كانت متعة تأكل ما تشبع وتنوم ما تصح - الجو قال همبرير- له التحايا وللحديث بقية. - الأخ ود بروي يا ريت تخليها ودا كرم - يعني ود كرم الله وحسب قولي يقالوا ان الأخ محمود رجع للوست وسموه جماعته ناس أم عشر ود كرم الله -واصبح يعرف ب ود كرم الله (وانت عارف ذلك) أسف للمداخلة وأرجو من الأخ محمود المسامحة.

الخال بروي وابن عمي عبالغني
شكرا علي معلومة وصول الخال محمود تاج السر او ابا كمايحلو للخال يروي
وودكرم الله لابن عمي وجميع ناس ام عشر
ويقال كثرة الالقاب تدل علي عظمة المسمي
فالخال قلبه ابيض وكفي
وعمرة مبروكة ومقبولة ان شاء الله
وعودا حميدا

طرفة سريعة يا ريت الأخوان يسامحونا فيها:

كنا نحن من شرري ممتحنين للشهادة السودانية من مدرسة عطبرة الحكومية :أنا - محمود تاج السر-عمرعميري الذي يعمل حاليا (في إدارة التعليم بالمكابراب) ومحمد علي حبيب الله النجومي - بشركة ترانزناشونال في الخرطوم - وكان أخونا محمد النجومي شوية مجتهد في الدراسة والمذاكرة خاصة ولكل مجتهد نصيب طبعا - المهم قمت سألت محمود قلت له يا اخي محمد النجومي دا ماله كسار شديد في شنويعني؟ وقال لي بطرفة انه خاشي دور الأربعة. ومن هنا أحيهم جميعا: أبناء دفعتي الأفاضل عميري والنجومي ومحمود - وفي حديث آخر نديك واحدة كمان.

عبد الغني نصر الدين كتب:- وطبعا عنده حكاوي كتيرة جدا - غايتو ما عارف أول شي قال لي والله قضينا اجازة في البلد كانت متعة تأكل ما تشبع وتنوم ما تصح - الجو قال همبرير- له التحايا) وأرجو من الأخ محمود المسامحة.

بدون تعليق
وبدون زعل
البلد لاتقارن

أصحابي الكرام
نور الهادي وعبد الغني وعادل ود حسين والحاج
سلام
هذا الزعيم مجالسته لا تمل
ولو اشتهيت الضحك عليك بود كرم
والله يا عبد الغني ود كرم دي ظريفه بشكل
أحسن من(أبا) بتاعتنا دي بس أبا تذكرنا
بالمرحوم عبد الحي جعله الله في علييين
وجمعنا به في جنات ونهر في مقعد صدقٍ
عند مليكٍ مقتدر وما ذلك على العزيز بعزيز
ملك الجميع دعوتك شرف بها نفخر ونعتز
ونتوق لها ونشتهيها(لكن الدقيق)
كما قال شمباني
وبعد ده حقو نحضر سوياً
لونسةً كاربي على ضفاف البحيرة الواعده
كفتاة تنعم بالديباج والحلي والحلل
(والدمقس والحرير) دي من حدوري
وشلمبي على الشوك وخرفان بج
وأصحاب (ضهب ود ضقولي)
كم بنينا من حصاها أربعا
وأنثنينا فمحونا الأربعا
أفراح بعضها فوق بعض
تنعش الروح والذاكرة
وتمحو الهم و الغم والكبدو النكد
والنصب والوصب
خطرفات من استبدت به النشوى