صورة تذكارية لمجموعة مناصير عمرها42عاماً.حقوق النشر تحفظ بالله

أي زول يوريها زول.يقول جاتني من طرف صديق
...................
يمكن للمناصير من حدود عصمة شرقاً غرباً.. لغاية الكربكان. يمكن أن يعرفوا هؤلاء الأشخاص... يلا خمنوا..
<script src='http://img43.imageshack.us/shareable/?i=manaseer12.jpg&p=tl' type='text/javascript'></script><noscript></noscript>

الرحمة لمن توفى منهم.. والبركة في عمر الباقي منهم

يلا يا ناس العمارين.. وناس الضقولة وناس التولاب والسنودة وناس ود الشايقي وناس الشلال الناس ديل منكم
يس مالك ضايق كدي.. خلي الناس يفكروا.. لقيت لى فرصة في فسحة الفطور قلتا أدخل عليكم؟
بعدين كان ما قدرتو بآخذ ساقية سعد ود سويكت في الكير.. تمام كدة!
علي عيسى
عز الدين محمد علي ضقولي
ومحمد بروي وناس الشرق والحسيباب وناس عصمة يلا

سلمان عقيد... ود زهرة ارمي دلوك يمكن تعرفن.. أكيد حا تعرف فيهم زول

يا جماعة الصورة...!!
علي عيسى ود حطيبيي وينك.. يا ناس العمارين والشلال.. شلال ود أب عَـوّ َه
...........
فسحة فطور كدة. ما بتستحمل أكثر من كلمتين

الأخ المهندس صديق لك التحية أخوك اليومين ديل في زنقة زنقة
الشخصان الوقوف الأستاذ أحمد يوسف رحمه الله والثاني الأستاذ علي الحسن خلف الله والقاعد لم أتمكن من معرفته

دكتور مصباح.. يعني هو عندو علاقة مع أحمد يوسف محمد عقيلابي.. لكن موش هو.. و بقية الحاجات لا..

الباشمهندس الموسوعه ..ابوحنه
والله لولا ماموريه شغلتنى عن المنتدى
لكان شلت منك ساقية خور حنون
الواقفين ...ابراهيم ودعلى ودجنى العمارين ...اللابس الساعه حمزه ودابوجاره ..العمارين الكنيسى ..اوسطه طين قدير ...الجالس هو جعفر العوضابى ...متزوج اخت ود الملكى الشلال...اليوم اتطلعت على هذه الصور ...وراك ...ودايرتدنى ساقى

الواقف شمال هو الزعيم جعفر عثمان (كوستى ) من برتى

لا لا يا الحاج شرف الدين موش جعفر عثمان
...........
الرائع علي عيسى
في دي جليت يا علي
الجالس أنا متأكد منو ود عمتي حمد الفكي أخو عاشة ود أمها وأبوها عاشة الفكي عندكم في العمارين..
أما الواقف من اليمين برضك جليت فيهو.. حمزة ود أب جارة أنا بعرفوا حق المعرفة.. أسمر شوية من ده وحمزى مشلخ شايقي وقصير كان يجر المركب للطاب مع حامد ود أم قزاز
كدة جليت يا علي عيسى
حمد الفكي ده مات زمان ما بتتذكروا إنت عليه الرحمة افتكر مات يا علي عيسى قبل ما يلدوكم1974
بس الزول الغلبنا هو الواقف يمين ده؟
...........
الحاج شرف الدين تسلم على المحاولة والرسالة
...............
حمد وابراهيم ود علي ود جني ديل معروفين
بس غلبنا الشخص اللما تواجه الكمبيوتر يكون يمينك.. بس قولا واحد هو من ناس الشرق

علي عيسى
حمد الفكي علي ضقولي الجالس..
الشمال تجاه الكمبيوتر هو ابراهيم ود علي ود جني
خلاص ده موضوع مفروغ منو
أعرف لينا الثالث .هو موش حمزة ود أب جاره.. حمزة أنا بعرفو شديد..

الاخ صديق معليش شفت الصورةمتأخر بالفعل الذي يظهر يسار الصورة هو ابراهيم ولد علي رحمه الله والجالس وهو ابن عمي حمد الفكي رحمه الله اما الثالث اقول ممكن يكون بن عمتي علي خليفة حسين
بالفعل زمن طويل يا أخوي صديق وداك الوقت أنا كنت في الابتدائية سمعنا الخبر أنا واخونا تاج الدين خليفة الفكي وجلسنا نبكي جنب التعاون وكانت الدينا عصر جانا ود عيسي رحمه قالنا ود عمكم مات وانتو قاعدين تسوي شنو يالله قلنا ليهو ضابط الداخلية ما موجود قال ما عليكم وبالفعل مشينا معاهو والصباح بدري رجعنا لمدرستنا والمغرب ونحن واقفين في طابور التمام أتي المدرس بصوط ونده علينا ونحن في اشد الدهشة وقال مين قال ليكم امشو قلنا ليهو ود عيسي قال لو ودعيسي قال ليكم اقعوا في البير تقوعوا فيها وللاسف ضربنا في الطابور ومازلت استغرب من هذا التصرف المدرس منصوري وما في داعي لذكراسمه

يا عز الدين. الأغرب من كدة إنت ما ذكرتوا.....
أني محتفظ بي صورة حمد الفكي والضقولة كلهم عن بكرة ابيهم مافيهم واحد عندو صورة حمد ولازوجتو ولا بنتو ولا أي أحد في السودان كلو غيري.... اليس في ذلك سر غريب ومحبة أسرية كبيرة....
عمنا الفكي على ضقولي كان يقول زمان عليه رحمة الله.. كان يقول صديق كلامو يبرا الجرح!!) ولافخر.. وعمنا الفكي كان رجل ذكي قمة الذكاء..

فعلا اخوي صديق كلامك يبري الجرح واعضاء المنتدي فقدوك في الاسبوع السافرت فيه
قليل منا يحفظ هذا الود والحب لاحباب غيبهم الموت عنا لسنوات طويلة وما زلت تذكرهم وتذكرنا اياهم اخي صديق بعد ان شغلتنا عنهم هذه الدنيا أقلاها ان ندعوا لهم بالمغفرة والرحمة والاجر لك اخي صديق
اهل المرحوم احمد علي الامين لديهم صورة كثيرة وكأني شفت صورة حمد رحمه الله عندهم معاهو المرحوم احمد خليفة وسوف اتاكد من هذا الكلام و إلا تكون انت الفائز بدون منازع

فعلا اخوي صديق كلامك يبري الجرح واعضاء المنتدي فقدوك في الاسبوع السافرت فيه
قليل منا يحفظ هذا الود والحب لاحباب غيبهم الموت عنا لسنوات طويلة وما زلت تذكرهم وتذكرنا اياهم اخي صديق بعد ان شغلتنا عنهم هذه الدنيا أقلاها ان ندعوا لهم بالمغفرة والرحمة والاجر لك اخي صديق
اهل المرحوم احمد علي الامين لديهم صورة كثيرة وكأني شفت صورة حمد رحمه الله عندهم معاهو المرحوم احمد خليفة وسوف اتاكد من هذا الكلام و إلا تكون انت الفائز بدون منازع