وين يا ناس حبيب الروح.. وين يا ناس أنا قلبي مجروح

عهدا علينا انا لفاعلون

باشمهندس صديق
لو نظرت الى الصوره البروفايليه لاخونا محمد البروى لرجعت بك الذاكره الى عهد مضى دون رجعه
لذا نطالبه بعمل سمكره لاغنيه شيرى الخضراء شيرى النضاره
ويضع على رف متحفها الشنط التى طلعوا بها الحداره
ويعطى شبكه سودانى البشاره لانها قد اوصلت خبر قدومه وهو مازال يربط فى شنطه بمنزله بمدينه ابها
نحن هنا نعد العده لتعين خبير سياحى يرافق من حضر منكم الى جزيره شيرى يدلكم على المعالم الجديده والطرق المؤديه االى سقط اللوى والدخول وحوملى والطريق السريع المتجه الى وده ود امام وكردبلى
والى الشاليهات ذات الخمسه نجوم بضاحيه بسوى حيث قصور اصحاب المعالى سمو الامراء
وسلاااااااااااااااااااااااااااااااااااااااااااااااام

الحاج خوفتني
شاليهات سمو الأمراء في بسوي... ديل منو كمان عليك الله..
ناس بلد والله باعوها بالجد لسمو أمراء
أنا افتكر شاليهات سمو الأمراء في بسوي
إلا يكون شاليهات عملتوها إنتو وناس ولاد إبراهيم الشاعر؟؟
صاح

شكرا هندسه .....نعم انها حبيبه الروح .والله ياصديق نحن شرى دى بنريده جنس ريده .الغريب فى الامر انه الريده دى متوارثه من الناس الكبار .كلام د.النافعابى عن جدهم عماره ودكمبال (الجزيرى هى جزيرى ؟؟ ريحتها تنشمه من الفعال !!.)مرورا بالجيل الحديث مثلا فى جريده طلاب المناصير عندما سال عثمان خليفه عن اغنيه فى الخاطر كان رده (يالهى اكون سعيد امشى فى شرى والحق العيد ).فوق هذا وذلك يظل ماسطره المبدع محمد بروى فى حق شيرى من اجمل ماقيل فى الشعر الغنائى على الاطلاق .....فى الضحيه البعد الغراق مباشره هناك زواج لاحد اصدقائنا فى شرى والفنان عادل السيد يغنى فطلبت منه ان يغنى لنا شرى النضاره .وعندها كل الحضور دخل الداره والكل يطير ويندق وبعضهم قلع للجلد .قلت لمن معى هذا الحب من هولاء الناس لهذه البلد كفيل بان يحميها من كل شر يراد بها .كمانه عامل حافز لبنائها والنهوض بها من جديد ...وفعلا الان بدات تظهر ..بشريات النهضه

محمد عمر
يبدو أن الوالد أورثك محبة اللغة .. شكرا للإضافة الراقية والأسلوب السلس

شكرا جزيلا لك ياهندسه .وناسف للانقطاع ... ظروف سفر ..

حبيب بابكوري قال فيها شنو شري؟

الرائع دوما وابدا عمنا وكبيرنا ود ابو حنة .. سلام وسلام
في تعليق لي على اغنية شري الغراء في بوست جديد للريس خالد عابدين بغادي .. طلبت منك ومن الرائع ود بروي كلام وغنا يجسد لشري الجديدة وملحمتها ضد الظلم والقهر ورجوعها وهي تترأى للناظر كقطعة من الجنة على الأرض
وآخر الأخبار الواردة تقول البحر شرد والناس زرعوا المريق والخضرة كاسيا البلد والناس مبسوطين وطيبين
وما دايرين اكتر من دا
وسلام وامان من بلد الحبان شري الغرا شري النضارا

صراحه يا ابو حنه
شوقتونا نشوف شري

يا إنتصار.. والله كمان لو شفيتها زمان.. سماحةً فيها، يقسموا منها..
شبابا الذوق والنضارة
مثقف ومليان حضارة