الابراج السودانيه (استراحه)

كذب المنجمون ولو صدقوا هههههههههههههههههههههه


برج الكديسة:- 25\12الي 24\1


الاسبوع دا زي الزفت معاك.... حيتسرق موبيالك ...
القلب: البتحبو بفكر يديك شاكوش.... لكن كضاب ما بيقدر ... داخل في ضفورو من كبايات الشربات السقيتن ليهو...


برج العتود 25\1 الي 24 \2


البتجي من السما تحملا الواطة الحرامي يسرق هديماتك كلهن....كون واطة ... وقوي...

القلب: في واحد بحبك لكن مستني لحدي ما الملاريا تخليهو .. اصبر وأديهو فرصة....



برج النعجة: 25\2 الي 24\3



حسادك كتار في نعلاتك الجديدة...مشكلة في طريقها اليك سببها الباقي الداير يزوق بيهو كمساري الحافلة.....

القلب: البتحبو عندو فتاق في الصُرة داسيهو منك ...محتاج تعاطفك ... كون حنون...



برج الجراده: 25\3 الي 24\4



ماتزعل ... بنطلونك الوحيد وعاجبك حيضيع عند المكوجي...
القلب: رغم حرصك الشديد حبيب القلب حيكتشف انك بتسف صعوط... نوصيك بالتبرير إنو ضرسك واجعك...



برج الحاشي 25\4 الي 25\5



بوليس الحركة يقطع ليك تلاتة ايصالات رغم انو انت ماعندك عربية ... كون صبور ... المؤمن مبتلى

القلب: حدد بتريد منو؟ .. امك ولا مرتك.... ولا فلانة ديك؟... اوصيك تراجع فيلم انف وثلاثة عيون



برج الغنماية 25\5 الي 24\6



ماتنوم تحت الحيطة الغربية من بيتكم لانها ممكن تقع في أي لحظة....

القلب: حبوبة جيرانكم المخرفة حتنشبك فيك وتفتكرك راجلها .. اتعامل مع الموقف بي حكمة واتوكل علي الله واعقد عليها



برج الجريو: 25\6 ال 24\7



الجاتك في مالكك ما سامحتك ولا حاجة وانت مفلس كدة .... فنانك المفضل حياخد علقة في حي شعبي....

القلب: مرتك حتكتشف علاقتك بي ست الشاي ..... لتلافي الحرج ارفع شعار الشاي مضر بالصحة



برج ام سيسي: 25\7 الي 24\8



أبعد البستي كولا الحجم العائلي عن جدك .. نفسو صغيرة وشرفان .. والبيبسي حيعمل ليهو نفاخ ويمكن يتلحس

القلب: حتاخد علقة من واحد لأنك بتشبه واحد منافسو في الجكس حقو..... أقبل إعتذارو و أعرف انو العلقة قسمة ونصيب



برج الضب 25\8 الي 24\9

رئيسك في العمل مكجنك وشاميك....تزيد كجنتو في الاسبوع دا ...

القلب: شكلة بينك وبين مرتكب سببها صرفة الختّة ..... خليك تفتيحة





برج التامبيرا 25\9 الي 24\10

حيتاورك الحبن مرة تانية .... ما تشتغل بي زول وامشي بالطريقة البتريحك

القلب: الجكس بتاعك حتنقطع أضانو اليمين في حادث حركة .. اوصيك بشعار الحب في القلب ما في الإضنين



برج الجداده :- 25\10 الي 24\11

كلبتكم حتلد ستة جريوات حتفقدو اتنين منهن .... ركز علي جيرانكم اليمين الخشم بابهم اخضر

القلب : صدق الجكس بتاعك لانه ساهر بالليل فعلا لكن ما حبا فيك .. لانو في جندبة دخلت اضانو بالغلط .... احمد ربك انها دخلت الاضان



برج الدباسة 25\11الي 24\12



المال تلتو ولا كتلتو..... لكن كتلتو تصيبك....استعوض ربك ....

القلب: بت الجيران الحمى حتطلع ليها في راسها وتهضرب وتحكي كل البينك وبينها ... شيل شيلتك .... وابقى رقيق عشان الشباك يخارجك من الولية