مطبخ منصورية

من طرف **انتصار حجازي** السبت 19 مارس 2011, 8:44 pm

بسم الله الرحمن الرحيم
فى هذا الموضوع وإن شاء الله
وبمساعدتكم
سنحاول وضع اكلات منصورية
او الاكلات المشهورة بمنطقة المناصير

يعنى اللى ح يساعدونى فى هذا البوست ... سيضيفوا فقط اكلاتنا الشعبية فى منطقة المناصير
( يعنى يمنع وضع الاكلات الحديثة ) طاخ

وذلك حتى يتم التعريف بأشهر اكلاتنا
وطريقة صنعها

من طرف **انتصار حجازي** السبت 19 مارس 2011, 9:04 pm

طبعا اول شئ
ح أبدأ بالقراصة ... سيدة الموقف فى مطبخ المناصير

المكونات
1 كوب ماء + 1 كوب دقيق + قليل من الملح

الطريقة
تخلط المكونات جيدا
وهذا شكلها

مطبخ منصورية Y0kzwde2aqpl

بعد ذلك يتم تسخين الصاج بعد ان تقومى بدهن الصاج بالزيت
وتضعى كمية قليلة من العجين ثم تقومى بتدوير العجينه على شكل دائره

مطبخ منصورية Bma2eob7bkb2

ودا شكلها النهائي بعد ان يتم خبزها

مطبخ منصورية K6v344dl2it6

وطبعا بناكلها
اما مع ملوخية
مطبخ منصورية Th_1e5bd64b

او بويكة حمراء او دمعه
من سماحتها ... الجنبك ما تديه
مطبخ منصورية 7TW62070

وسيتم شرح كل هذه الطبخات التى تؤكل بالقراصة لاحقاً

من طرف **انتصار حجازي** السبت 19 مارس 2011, 9:50 pm

كيفيه عمل الويكه الحمراء

المقادير
4 بصلات متوسطات الحجم - ربع كيلو لحمة مفرومة (خالي عضم)( او ممكن لحمه او دجاج )
- زيت - بهارات مشكلة: (توم، كسبره, فلفل) ملح.

ثانياً الطريقة:-
1/ يحمر البصل في الزيت حتى يصبح لونه ذهبي (يصفر)

2/ نضيف الصلصة أو الطماطم المخلوطة الى البصل مع إضافة قليل من الملح.
نضيف اللحمه المفرومه ( او اللحم او الدجاج ... المهم المتوفر عندك )
3/ نترك المقادير على نار هادئة: وبعد ان تتسبك نضيف الويكة الناشفة

مع ملاحظة:
** إذا استخدمنا طماطم بدل الصلصة يجب أن نزيد مدة الطهي على النارحتى ينضج.
5/ يضاف الماء حسب الرغبة ويترك حتى يغلي.. (ملاحظة هامة: لو عايزنها مع الكسرة نزيد الموية شويه والعكس لو بي قراصة )
6/ تفرك الويكة بالمفراك جيداً (مع ملاحظة تفتيت الكرضمات الخاصة بالويكة - والتي يسببها الغلي)
7/ توضع البهارات وتترك حتى تغلي ليكتمل النضج.
8/ تقدم كما أسلفنا مع:
الكسرة أو القراصة

وبالهناء

من طرف **نجلاء زمراوي** السبت 19 مارس 2011, 10:05 pm

شكرا انتصار على هذه اللفته البارعه س نسميه مطبح انتصار على وزن مطبخ ا منال

من طرف **انتصار حجازي** السبت 19 مارس 2011, 10:14 pm

نجلاء زمراوي كتب:شكرا انتصار على هذه اللفته البارعه س نسميه مطبح انتصار على وزن مطبخ ا منال

مشكووورة
ح نسمية مطبخ نجلاء ومنال وهبة وانتصار
وكل منصورية تعشق المناصير بلدها

عاد ياريت همتك معاى فى هذا الموضوع
وعارفاك ما بتقصري

من طرف **انتصار حجازي** السبت 19 مارس 2011, 10:21 pm

طبعا بحكم ان المناصير اهل زراعة
فأكييد ان مطبخ المنصورية
لا يخلو من خيرات الارض
الطماطم الحمراء الطازجه والبصل الأخضر والجرجير
يعنى ماشاء الله طيبات الارض ... من الحقل الى المطبخ مباشرة
يعنى أكيييد مطبخ صحى ... يخلو من الاضافات الصناعية

طماطم حمرااااااااااء
مطبخ منصورية 10-10-alamuae-276

والبصل الأخضر

مطبخ منصورية Green-onion-01

والجرجير

من طرف **نجلاء زمراوي** السبت 19 مارس 2011, 10:54 pm

البا ميه المفروكه

المقادير

ربع لحمه ضاني

ربع كيلو باميه فرك

بصله واحده متوسطه

ملح حسب الطلب

الطريقه

توضع اللحمه ويضاف اليها كوبين ماء زائد الملح علي النار

وعندما تسلق اللحمه تقطع الباميه قطع صغيره وتضاف الي السليق

يضاف اليها قليل من العطرون بعد ان يتم نقعة في نص كوب صغير ماء

ايترك الجميع علي النار لمده عشره دقائق ويضاف الشمار الاخضر ثم يفرك الجميع بالمفراك البلدي الي ان يتماسك الجميع اثم يضاف

التوم والفلفل والكسبره0

وتوكل مع القراصه والكسره مع البصل الاخضر والجرير والطماطم

وبالهناء والشفاء

ملحوظه في البلد تسمي ملاح قرووون

من طرف **انتصار حجازي** السبت 19 مارس 2011, 11:05 pm

نجلاء
دا الكلام
مشكوووورة يا ملكة ع الاضافة القيمة
وبالذات كلمة ملاح قرووون توضيح ممتااااز للاكلة

من طرف **نجلاء زمراوي** السبت 19 مارس 2011, 11:33 pm

شكرا يا استاذه 0في ملاح منصوري جميل وعلي مااظن حكرا للمناصير يسمي السبروق
لكنني لا اعرف طريق عمله
واظنك انتي كذلك 0وساستفسر من الوالده ونقو م بشرحه لتعم الفائده في المرات القادمه
لكي ودي وتقديري

من طرف **خالد عابدين** الأحد 20 مارس 2011, 6:27 pm

مشكورين يا اخوات
ماشاء الله التكل خيرو باسط
واصلو في الشروحات - عشان البنات البيعرفوا للشاي بس يتعملموا
وكمان الناس الرافعين الراية - اهو برضو يتنقلوا نقلة حضارية من المساعدة في غسيل العدة الي اعداد الوجبة
المرةالجاية ان شاء الله نشرح لكم طريقة (القطر قام )

من طرف **نجلاء زمراوي** الأحد 20 مارس 2011, 8:51 pm

نشكرك خالد عابدين علي المرور ودخول توكلنا
انت قائل الشاي ذاتو هين 0000اكيد داير ليهو معرفه

من طرف **انتصار حجازي** الإثنين 21 مارس 2011, 3:41 am

تمااام يا نجلاء اتحفينا انتى وبمساعدة الوالدة باكلات بلدنا

خالد عابدين كتب:مشكورين يا اخوات
ماشاء الله التكل خيرو باسط
واصلو في الشروحات - عشان البنات البيعرفوا للشاي بس يتعملموا
وكمان الناس الرافعين الراية - اهو برضو يتنقلوا نقلة حضارية من المساعدة في غسيل العدة الي اعداد الوجبة
المرةالجاية ان شاء الله نشرح لكم طريقة (القطر قام )

مشكور يا خالد على المرور على مطبخنا انا ونجلاء

ومنتظرين القطر قام

على فكرة بيقولوا القطر قام الرجال بيعملوه احلى من النساء
خلينا نشوف ونحكم

من طرف **نجلاء زمراوي** الإثنين 21 مارس 2011, 2:32 pm

والله يا انتصار الرجال بيعرفوا ياكلو بس
القطر قام البيعملوها لشخصين المراه تعملها لخمسه اشخاص
الحاج يوم يقوم يعمل القطر قام اولا المطبخ كله يقوم بدل القطر
ثانيا اثنين كيلو لحمه مع كميه من الطماطم من غير مويه لنفرين اكيد حاتيسبك 0

من طرف **يس مصطفي** الإثنين 21 مارس 2011, 3:15 pm

اشكركم كتير بنات ود قمر
والله ياانتصار القراصه ودمعه الجداد دي قرررررربت تطلع برا الكميوتر وانا زاتي ماعارف ليه فتحت البوست دا قبل الفطور .بعدين حله القطر قام اظنكم معترفين انو حقت الرجال احسن من الحريم .يلا واصلوا بقيه الاكلات المنصوريه بس في رمضان عليكم الله البوست دا ان الله حيانا شوفو محل دسوه فيه

من طرف **نجلاء زمراوي** الإثنين 21 مارس 2011, 9:26 pm

القراصه بالملح
المقادير
ثلاثه طماطم متوسطه
بصله متوسطه
فلفل
ملح
شمار
فنجان زيت او سمنه
الطريقه
وضحنا كيفيه عمل القراصه في الاكلات السابقه بس الاختلاف ان القراصه هنا تكون غليظه شويه
نقوم بتقطيع الطماطم والبصل بطريقه صغيره ثم نضيف الملح والشمار والفلفل واكبايه شاي ماء ثم نخلط الجميع
نصب الخليط فوق القراصه ثم نضيف الزيت او السمنه
وهي من الاكلات الشعبيه في المنطقه
لكن حقتنا هنا مهما عملنا فيها من محسنات مابتبقي حلوه زي حقت البلد واظن السبب مويه النيل عشان كدي اوووووووووعكم من مفارقه النيل0

نجلاء زمراوي كتب:والله يا انتصار الرجال بيعرفوا ياكلو بس
القطر قام البيعملوها لشخصين المراه تعملها لخمسه اشخاص
الحاج يوم يقوم يعمل القطر قام اولا المطبخ كله يقوم بدل القطر
ثانيا اثنين كيلو لحمه مع كميه من الطماطم من غير مويه لنفرين اكيد حاتيسبك 0

صح والله الرجال اذا دخلوا المطبخ
يبقى اقنعى من المطبخ ...
بس المحيرني معظم الطباخين المحترفين تلقيهم رجال

يس مصطفي كتب:اشكركم كتير بنات ود قمر
والله ياانتصار القراصه ودمعه الجداد دي قرررررربت تطلع برا الكميوتر وانا زاتي ماعارف ليه فتحت البوست دا قبل الفطور .بعدين حله القطر قام اظنكم معترفين انو حقت الرجال احسن من الحريم .يلا واصلوا بقيه الاكلات المنصوريه بس في رمضان عليكم الله البوست دا ان الله حيانا شوفو محل دسوه فيه

مشكووور يس على المرور
والقراصة بدمعة الدجاج مافى احلى منها
والعجب لو جنبها شطة بدكوة

وفي رمضان لو امد الله فى الاعمار ... نفتح ابواب المطبخ بعد اذان المغرب

من طرف **zoooba** الثلاثاء 22 مارس 2011, 6:19 pm

الأخوات انتصار ونجلا مرحب بيكم في منتدى المناصير بلدى
والله طباخات جنس طبيخ (الله يحفطكن من كل شر)
واصلوا عشان نحن نتعلم منكم
لكم خالص ودى

من طرف **بلسم** الأربعاء 23 مارس 2011, 5:23 pm

بت الخاله تسلمى كتير
بعد وصفتى القراصه بالملح
عاوزين كسره بى ملاح ورق
بامية +ورق لوبيا اوصفيها
وصف دقيق

من طرف **نجلاء زمراوي** الجمعة 01 أبريل 2011, 2:04 am

بنت الخاله بلسم طلبك المره الجايه اما الان اليك هده الوصفه
المكرونه بالطريقه المنصوريه
المقادير0
اثنين كيس مكرونه نوبو
ربع لحمه ضاني فخده
بصله كبيره
اثنين ملعقه صلصله
ملح فلفل كسبره زيت
جزر وفلفليه
الطريقه
تقطع البصله قطع صغيرهوتوضع علي الزيت الي ان يصير لونها اصفر
ثم تقطع اللحمه قطع صغيره جدا وتوضع مع البصل ويضاف اليها الما ء والصلصه والبهارات
نضع المكرونه علي الخلطه وبعدما تقرب تستويوهي علي النار نقطع الجدر والفلفيه ونضعها عليها
وبالهناء والشفاء00000000 tongue

من طرف **انتصار حجازي** السبت 02 أبريل 2011, 4:17 am

المرارة
من اشهر اكلاتنا
وتحضر من احشاء الخروف ... الكبد ... المعدة ... الرئه
ويضاف لها البصل والتوابل واحيانا الفول السودانى ( الدكوة )
والملح وعصير الليمون
وتؤكل نيئة دون طهى

مطبخ منصورية 6pt78030

من طرف **(الحاج شرف)** السبت 02 أبريل 2011, 7:04 pm

عمل ممتاز الاخوات انتصار ونجلاء وبلسم وزوبا
والاخوان المكلفين خالد ويسين
ونرجو التركيز على الشرح عشان مايطلبو مساعده بعد مايرجعوا البيت

من طرف **يس مصطفي** السبت 02 أبريل 2011, 7:21 pm

قر قر قر قر قر قر قر ق ر ق ر ق ر ق ر
الفي بطنو حرقص براه برقص

من طرف **نجلاء زمراوي** الأحد 03 أبريل 2011, 3:33 am

التحليه المنصوريه
مديده البلح
الطريقه
ملوه بلح
باكو كاستر
اربعه ملاعق دقيق فينا
باكنج بودر ملعقه صغيره
ربع كبايه زيت او سمنه حسب الرغبه
الطريقه
يغسل البلح جيدا ويوضع علي النار بعد اضافه الماء نص ساعه
بعد دلك يصفي لتتخرج منه الشوائب
ثم يوضع علي النار مره اخري ويضاف اليه الدقيق والكاستر والباكنج بودر ويفرك الجميع بالمفراكه جيدا
ثم توضع في قالب تقديم وعليها السمنه وتقدم بارد ه
طبعا كل هده الاشياء متوفره متوفره في البلد وهدفنا في هدا المطبخ ان نقدم السهل المستطاع
وياحبدا لو اتقدمت مع الزلابيه
وبالهناء والشفاء

من طرف **zoooba** الأحد 03 أبريل 2011, 3:58 pm

التحية ليك الأخت انتصار
المراره دي طبعاً عند المناصير أهم شئ في الخروف
كان ما أكلوا المراره نيه كأنهم ما أكلوا
تقبلي مروري

المقادير:-
1 كوز موية
2 بصلة مقطعة شرائح ناعمة
3 فلفل
4 بـَرْتـود
5 كمون أحضر
6 فلفل أحمر
7 بامية ناشفة(Laidy Finger
.................
أغلي شرائح البصل على النار بدون زيت في ماء قراح حتى تذوب شرايح البصل ، ضعي البهارات.. حركيها قليلاً.. يتم ذوبان الويكة قبل ما تغلي المياه ، حتى لاتكرضم.. ضيفى عليها البهارات..
رشيها على كسرة مريق بلد اصلي عواسة منصورية من بحيرة المناصير.. وعواسة قرقريبة وليست عواسة كوز...
وبالهنا والشفا..
منصوريات العاصمة ومناصيرها يمتنعون واصحاب القلوب الرهيفة والرحيمة
تؤكل بالكسرة مريق بلد فقط

من طرف **هناء** الأحد 03 أبريل 2011, 6:22 pm

دي وجبة الوالد المفضلة عشان الصحة وكدة .

وانا بكرهها عمى .

استاذنا خبرة في الكتشن .

قعدت كم سنة عزابي .

من طرف **انتصار حجازي** الأحد 03 أبريل 2011, 7:03 pm

نجلاء دا الكلام
اكلاتك رووووووعه
ننتظرها بشغف

زوبا مشكوورة على المرور
وفعلا المرارة مهمة جدا عند المناصير

من طرف **انتصار حجازي** الأحد 03 أبريل 2011, 7:14 pm

الكريم جداااااااااا
صديق ابو حنه
طبعا اول شئ بعد اذنك
قمت بدمج الموضوع مع مطبخ المنصورية
لانه عاوزين كل اكلاتنا البلدية هنا

وكنت واثقة من انك ممكن تثري هذا المطبخ
انا بعتبرك قاموس تراثنا ... الله يحفظك

وام شعيفي كل المناصير بيعرفوها اكييد ( تقريبا الويكة البيضاء )

بس سؤال

4 بـَرْتـود

معناها شنو
شكلها بهارات .. بس شنو بالضبط ( رجعنا تاااانى للترجمه ... الله يعينك )

صديق عبدالله علي أبوحنة كتب:
منصوريات العاصمة ومناصيرها يمتنعون واصحاب القلوب الرهيفة والرحيمة

ام شعيفي وجبة ... صاروخ ارض جو

وان شاء الله كل اكلاتنا المنصورية مافى احسن منها

والف الف شكر
لاضافتك لوجبة من وجباتنا الشعبية

من طرف **zoooba** الأحد 03 أبريل 2011, 7:55 pm

التحية ليكم
صديق ونجلاء وهناء وانتصار
اتحفتونا بالأكلات البلدية
ياريت تواصلوا
أما ياانتصار
بعد إذن يا صديق (رجل التراث المنصوري) أشرح
البرتود الاسم الثاني ليه القرنقل
وكلمة البرتود دي ما بعرفوها إلا المناصير والشوايقه
طبعاً عرفت المعلومه دي مرة من المرات مشيت سوق أم درمان لمحل صاحب المسك يكون بتعرفيه مشهور
حاجات كلها أصليه 100% وبعدين قلت ليه عايزه برتود (المحل فيه راجل كبير ولدو) انا لقيت الولد فرد علي يابت برتود ده ما عندنا قلت ليه ما مكن يكون ما عندكم ده متوفر في كل محل فقام رد علي الحاج الكبير يا بت قلت عايزه شنو؟. قلت ليه عايزه برتود فقام ضحك قالي برتود ده هنا ما كل زول بعرفوا إلا تقولي قرنقل . وانت شايقيه ؟
تقبلي مروري

شايفة زوبة كيف ردت عليك يا انتصار..؟
من الآن يا انتصار ضيفي كلمة برتود الى معلوماتك القاموسية
مشروحة يا أستاذة في القاموس؟؟
أنا كنت حالف ما أوريك ليها وأحولك للقاموس يا انتصار..
..........
بخصوص الدمج مافي أي مشكلة يا أستاذة.. أدمجي البوست بوستك بالضبط..
حاجة تخصني أنا اصلو زول ما يستحي منها وطوالي يعملا ويعتبرني موافق.. مافي شي بضر إلا الكلام المر....
بعدين إنت مشرفة الجزو ده هنا يحق لك.. وعندك باص وييرد مختلفة من حقتنا وصلاحية.. عادي يا أستاذة. بل أنت فعلتي الصاح..
لكن عادة أنا حاجاتي الطاعمة.. احب ضهرا يكون مكشوف زي التمساح. بدون شراكة.. لأنو بضاعتي البعرضا.. سدي بلادو .. اصلي.. متفردة بدون فخر.. الشراكة تضرها أو تقلل قيمتها أو تطمسا... او تغطسا..
هسه الزول المؤجر ليهو دكان براهو... زي الزول المؤجر ضلفة دكان أو رف في دكان.. أو باب دكان.. ما إنت بت تاجر بتعرف الكلام ده!
المهم بي نجيب ليك كم اكلة كدة دعمي بيهم مطبخ المنصورية يا أستاذة مافي مشكلة.. ضهرا مارق والله مشتركة في بوستات.ز المهم الإثراء وبث تراثنا.ز تمام كدة..

انتصار حجازي قالت..ام شعيفي وجبة ... صاروخ ارض جو

مرحبا بيك الاستاد ابو حنه
وحبابك في توكلنا العامر بكل اكلاتنا المنصوريه
شكرا الاخت زوبه علي المرور

ياانتصار نحن محتاجين مساغد لان ثقافتنا المنصوريه مش مئه مئه والجمد الله ابو حنه شاركنا

مشكووورة يا زوبا على التوضيح والافاده

استاذ صديق
صدقنى .. الحاجات الطاعمة اينما وجدت بتظل طاعمه
والحمدلله لتواجدك هنا

عموما وجود اكلاتك هنا
بيزيد مطبخنا القاً

اختى نجلاء
فعلا انا وانتى محتاجين مساعد
ثقافتنا المنصورية محتاجه دفرة

خلاص يا أستاذات
نغيس كدة ونجيب ليكم أكلة.. هنا .. كنت عايز اكتب لكن ضهري مقصوص من السواقة والمشاوير والجري الليلة.. برتاح وبجي أكتب.. وبجر وبجيب معاي واحد صاحبي ود عجوز برضو يعرف يطبخ وهو حسن سليمان نصر الدين ابن شاعر المناصير سليمان نصر الدين.. وسلمان عقيد ذاتو ما مقصر.. وشلة كدة تجيب ليكم أكلات منصورية طاعمة.. خلاص إتفقنا.. إتفقنا دي أغنية لندى القلعة!!

من طرف **بلسم** الإثنين 04 أبريل 2011, 3:53 pm

تسلم استاذنا على ام شعيفى
كمان هاكم دى سخينه
المكونات :- زيت+بصل+طماطم+بهارات
تحمر البصل بى الزيت
وتضيف ليها الطماطم والبهارات
وتعمل قراصه بلد
وشطه خضراء بى الدكوه
بالهناء والشفاء

استاذ صديق
تشرفوا والله
انت وحسن سليمان وسلمان عقيد
والبقية

ومنتظرين اكلات منصورية
مع مرتبة الشرف

بلسم
بركة الشاركتينا بالاكلات
انا قلت بلسم دى صغيرة اخليها لغسيل العدة
لكن مادام شاااااطرة كدا

خلاص عفيتك من غسيل العدة

واكلتك حلوة
الغريبة حتى المصريين بيعرفوها
بس بياكلوها مع الخبز

من طرف **بلسم** الإثنين 04 أبريل 2011, 7:45 pm

تسلمى ياستى
اصلا انت وبنت الخاله
ماخليتوا حاجة
مامشكله العده عليا بغسله ليكم
بس عاوزين بامية كويس

الـبُـكاّبـَه
كليو دقيق قمح نمرة 2
شوية ملح
حلبة مسحونة
بلح منزوع النوى
سمن بلدي
سكر
يعجن الخليط ويلخ ويترك في معلاق في المطبخ حتى الصباح ليخمر
الصباح تضيفين عليه التمر المكسر.. تخارجي منو النوى..
تعوسيها على الدوكة عادي
تطلع لينة وناعمة
تترنح من ليونيتها
تمسحيها بي يدك كدة بالسمن وقليل من السكر المجروش
تضيفها المنصورية لى كرتونة زوادة زوجها المسافر ..مع لحم ديك بلدي محمر من بالليل
كدة تكون كرتونة زوادة سفر زوجك أو أخوك أو ابوك مدنكلة يفاخر بيها الناس في القطر البي يطلعوا زواداتهم ياكلوا مع وأيضاً تسمي قراصة السفر
وتسمي القراصة المتمرة
وتسمى البكابة
هذه الخلطة تقعد اسبوع ما يتغير طعمها..

يا انتصار بلسم دي امها سيده الاكل المنصوري ا والمثل بيقول اقلب القدره علي فومها تطلع البنت علي امها
ويا استا د ابو حنه اوعك من البص والشف وتقعد الجماعه وانت تكتب

وبالنسبه للبكابه بفتش في اسمها لكي اقوم بشرحها اظن الاسم المرادف لها قراصه بلح

لازم نغير اسم المطبخ يا انتصار لان العمالقه الدين سيدخلون معنا سيقومون باضافات منصوريه ميه ميه

نجلاء كتبت ويا استا د ابو حنه اوعك من البص والشف وتقعد الجماعه وانت تكتب

نجلاء .الجماعة تقصدي الحكومة بتاعتي..
الحكومة بتاعتي دي زي انتصار حجازي شافت المناصير مرات معدودة..38 سنة
بعدين اقول ليك حاجة يا نجلاء.ز ياما عشتا عذابي.. وياما أعرف أكلات أفرنجية.. بس هنا المقام للأكلات المنصورية فقط
............................
نسيت أقول أول ما تطلعي البكابة من على النار بالكمشة تلفي فيها لحم الديك البلدي المحمر بالصلصة الناشفة المدقوقة اي الطماطم وليس صلصة العلب. كل طرقة تلفي فيها لحم ديك وتختي في كيس في كرتونة الزوادة.. تصل حاااااارة لغاية قهوة ( محوماااد ودعلي)
منصوريات ومناصير العاصمة ذاتهم قهوة محوماااد ود علي دي حايقولوا وين للحلفاية والله وين للثورة والله وين للكلاكلة!!!

ويا استا د ابو حنه اوعك من البص والشف وتقعد الجماعه وانت تكتب

مشكوووور صديق
اكلة منصورية مية فى المية
وخااالص تحيتى للمنصورية زوجتك
الله يخليها

نجلاء صح البكابة هي قراصة البلح
وطعمها رووعه

نجلاء زمراوي كتب:
لازم نغير اسم المطبخ يا انتصار لان العمالقه الدين سيدخلون معنا سيقومون باضافات منصوريه ميه ميه

صدقتي يا نجلاء
وكمان المنتدى راح يستفيد من اكلات منصورية كااااااربة

سلام يا هندسه يا قاموس انت
والله البكابه دى قويى تب وزكرتنا السروح فى جزيره الحداد فى راس الجزيرى اللت شررى
ولى ملاحظه على التفسير بعد الاذن طبعاً (( هى عباره عن قراصه مصنوعه من القمح ولكنها مخمره وجايبالا حموضيه شويه وتستعمل فى الزواده وذلك لتحملها الاوقات الطويله دون ان تعمل رائحه او تتلف ولا شنو))
وبعدين هاك الحبه دى

موش قلتا ليكم بجيب ليكم ناس ود سليمان ود نصر الدين... ود العجايز.. أهو علق بي هناك في القاموس كدة

وجبة الـبـِلـْـعـِـيـْـبـِي:
عبارة عن عصيدة يكثر من أكلها أعراب بوادي المناصير
الموكونات:-
دقيق ذرة
ملح
ماء
عطرون
تغلي الماء
تضرضر عليه الدقيق شوية شوية
تضيف خمـّار من الخمارة اليه
تضيف العطرون بعد أن تنقعها في كورية
تفركي بالمفراك الى أن يصل لونها اللون البني
تؤكل بالملاح وخاصة ملاح الملوخية... ولكن ملاحها الأساسي الروب المخشوش من السعن..
بالهناء والشفااا

وجبة الـرِغـيـْدِ يي:
لاحظ الفرق بين الرغيدي والبلعيبي..
البلعيبي تخمر.. وتؤكل بالملاح
والرغيديي تؤكل فطيرة بدون خمار وتؤكل باللبن الحليب فقط
مكونات الرغيديي
دقيق ذرة
ماء
لبن حليب
قليل من السكر
تغلي الماء
تضرضر عليه الدقيق
تضيف مقدار كوب لبن حليب
تضيف قليل من الملح
يستمر التحريك حتى تصير عصيدة
لاحظ الفرق بين البلعيبي والرغيديي
الرغيديي لونها أبيض
والبلعيبي لونها بني
...........
بعد أن يستمر التحريك تدمج.. صبها في صحن كبير وحولها اللبن المفور وعليه خيط سمن بلدي
وبالهنا والشفا..

والله يا استادنا ابو حنه انا مشيت البلد وخا صه بعد الغراق كدا مره ولم اسمع عن اكله البلعيبي هده ماهو الاسم المرادف لها

من طرف **ابو مصطفى** الثلاثاء 05 أبريل 2011, 5:15 pm

والله العظيم صديق ابحنة دا قديم قدم الكسرى ؟؟؟ ياخى عليكم الله دا من زمن الرغيدى والبلعيبى ؟؟؟؟ والله الزول دا قديم شديد خلاص ؟؟ لكن المهم الشى الذى عجبنى فى مطبخ المنصورية بس قراصة بى ملح ؟؟؟؟ حتى الان نحن فى الاسبوع فطورنا بى قراصة بى ملح حاجة عجيبة ورهيبة ؟؟؟؟

تحياتى
ابو مصطفى

نجلاء كتبت والله يا استادنا ابو حنه انا مشيت البلد وخا صه بعد الغراق كدا مره ولم اسمع عن اكله البلعيبي هده ماهو الاسم المرادف لها

ما عندها إسم مرادف.. ترا ده إسمها ، من حلاتا أمها سمتا إسم واحد فقط. لا مرادف ولا مطابق ولامقارب..
في ناس معانا في المنبر ده ؟؟ أكلوا البلعيبي والرغيديي منهم أبو مصطفى... وسلمان عقيد.. ومصباح..

من طرف **zoooba** الثلاثاء 05 أبريل 2011, 8:50 pm

أخي صديق
الرغيدي الحاجه البعرفه شكلها زي النشا بتكون خيفه بشربوها ما بياكلوها ما زي العصيده
تقبل مروري

تسلم الاخت انتصار

والله برلمتنا ياصديق
بالاسامي العجيبة دي

سؤال خارج النص تخصص...!!
Kitchen Design
ولا الغربة حاااااااااري