عزومة منصورية للمنتدى والزوار بمناسبة افتتاح القسم

مشكووووورة الأخت إنتصار على العزومة القوقلية وأنا إكتفيت بالقراصة المملحه بالسبروق _ مبروك عليكم منتداكم ونأمل أن يكون فاتحة خير لحواء المنصورية ونرى فيه الجديد والمفيد فى عالم الأسرة والمجتمع _

حضرنا ولم نجد احد عل المانع خير , ومالقيت فحمه عشان اشخبط بيها في الحيطه ولا في الباب .

الشكر لادارة المنتدي لافتتاحها هذا القسم لحواء المنصورية
وانشاء الله تكون عند حسن ظن الجميع.

قهوة (جبنة) لاصحاب الكيف
اتفضلوا
هناك طقوس جميلة تصاحب صناعة القهوة السودانية
وهي تسمي ايضا ( البن او الجبنة )
تشعل النار علي موقد من مواقد الفحم ( الكانون )
ثم يتم قلي البن حتي يصير بني أو أسود اللون مع بعض الغناء التراثي والبخور
ومن ثم يوضع البن فيما يسمي الفندك
ومعه آله لطحن البن تسمي ( يد الفندك او حديدة الفندك)
وبعد ذلك يتم وضع الشرغرغ في الموقد الفحمي وتكون الفناجين موجودة في مائدة والسكر ومعها ملعقة لتذويب السكر
وبعد فوران البن في الشرغرغ يتم صبها في الجبنة ومنها
علي الفناجين
وتشرب بالف صحة وعافية

والله تسلمى ياأنتصارعوتنا على الجديد انشاءالله نكون قد ر الثقه ونسأل الله من التوفيق
تقبلى مرورى مع كل الود والتقدير

النفر كتب:مشكووووورة الأخت إنتصار على العزومة القوقلية وأنا إكتفيت بالقراصة المملحه بالسبروق _ مبروك عليكم منتداكم ونأمل أن يكون فاتحة خير لحواء المنصورية ونرى فيه الجديد والمفيد فى عالم الأسرة والمجتمع _

مشكور النفر على المرور
والقراصة بأى نوع طبيخ حلوة
والقسم يارب يكون فاتحه خير وتجمع للمنصوريات فيما يرضي الله ويفيد مجتمعنا

اسامه هاشم الحسن كتب:حضرنا ولم نجد احد عل المانع خير , ومالقيت فحمه عشان اشخبط بيها في الحيطه ولا في الباب .

اهلا اسامه
والفحم يا خوي خلص فى طبخ العزومة ...
واذا ما لحقت العزومة دى نعزمك مرة تانية ان شاء الله

Hiba Alambasha كتب:الشكر لادارة المنتدي لافتتاحها هذا القسم لحواء المنصورية
وانشاء الله تكون عند حسن ظن الجميع.

يااا رب يا هبة
وهمتكم لانجاح القسم يا هبة

منال تاج السر كتب:والله تسلمى ياأنتصارعوتنا على الجديد انشاءالله نكون قد ر الثقه ونسأل الله من التوفيق
تقبلى مرورى مع كل الود والتقدير

مشكووورة منال
اخبارك
عاد همتك يا منال انتى وهبه وبقية المنصوريات
لإثراء هذا القسم بالمواضيع المفيدة

الرشيد طه كتب:مبروك حواء المنصورية افتتاح القسم لكن عزومتك دى يا انتصار عزومة مراكبية سااااكت

مشكور اخي الرشيد على المرور
ويالرشيد عزومة مراكبية كيف ... هو جيب الصور دا ساهل

اولا اهنى حواء المنصورية بمناسبة افتتاح القسم الخاص بها ونرجو منها كل جديد واشكر بنت الاخت على العزومة الجميلة واطلب منها وصفة وجبة البيك( الوجبة الشهيرة فى المملكة ) ونشكر الاخوات هبة ومنال وبقية العقد الفريد

mohmedmosa80 كتب:اولا اهنى حواء المنصورية بمناسبة افتتاح القسم الخاص بها ونرجو منها كل جديد واشكر بنت الاخت على العزومة الجميلة واطلب منها وصفة وجبة البيك( الوجبة الشهيرة فى المملكة ) ونشكر الاخوات هبة ومنال وبقية العقد الفريد

اهلا محمد موسى
مشكووور

واليك ما طلبت
طبعا خلطة البيك هي خلطة يقال انه ما حد بيعرفها غير ناس البيك نفسهم
ولكن هنالك خلطة منتشرة بانها هي الخلطة السرية للبيك تقريبا بتعمل طعم قريب من طعم دجاج لبيك ... والله اعلم


الخلطة السرية للبيك
دجاجة مقطعة
3 حبات ثوم
رشة فلفل
رشة ملح
حبة تفاح منزوعة القشرة الخارجية
بيضتان
بقسماط ( وهو خبز جاف مسحون )
دقيق أبيض


الطريقة
1_ تخلط الكمية (الثوم والملح والفلفل والبيض والتفاح) مع فرم التفاح في الخلاط ويتبل بها الدجاج. ( تعتبر هذه هى الخلطه )

2_ عند وقت الطهي يوضع الدجاج في البقسماط ثم في الدقيق ويقلى في الزيت
وبالهناء والعافية.




وبضيف لك من خبرتي القليلة فى الدجاج
كلما طالت مدة وضعه فى الخلطة كلما كان افضل واطعم يعنى لعدة ساعات ولو يكون يوم كامل يكون افضل
وكمان يستحسن وضع الدجاج بخلطته داخل اكياس ويوضع فترة حتى يتشرب الخلطة جيد

نبارك لك يااخت انتصار ولجميع المنصوريات، ونحن بعد ده نبعد بعيد والمكان صار بيت نسوان وممنوع الاختلاط. لك شكري ياانتصار وللاخوات المنصوريات وربنا يوفقكم وتعطوا المنتدى دفعه. وأهلنا المناصير دائما بيقولوا (الحروم يأكلوا بعد الرجال) وهذا أمر يجب إعادة النظر فيه. وبالمناسبة سمعت خبرا سارا من شري أنه تم افتتاح مدرسة تحفيظ للقرآن بشري لبنات حواء وجزى الله القائمين على هذا الأمر وعلي رأسهم الأخ علي عثمان نعمان (علي عقيدية) وهو من الرجال القلائل في المناصير. وبمناسبة البيك الحمد الله صار لي يومين اتغدى بالبيك لأني كنت في مكة المكرمة وما كنت أدري عن هذه الخلطة. نتمنى لكم مجددا التوفيق والسداد.

من المناصير سلام وتحية
لي بت بلدي المنصورية
الظروف منعتنا من الجيه
وحضور العزومة التاريخية
جبنة وشاي وبيك وشية
وكتروا بالله من الأكلات الشهية
وتاني ليكم مليون تحية

native guy كتب:تشكري يامديره ومبروووووووك لكم القسم ولجميع الاخوات الفاضلات ...

انا طبعا لمن قريت العزوومه قلت دي حا تكون بتين يارب ووين في السودان ولا غيرو ؟
وبعدين اشوف ليك الصور والاكل والناس بي تاكل , قولت الناس دي اكلت ونسوونا ولا الحاصل شنو ؟
لكن لقيت العزومه طلعة مطبوخه ومرفوعه بالصور . ياخي بالله معقوله في داعي يانتصار تعزمي الناس عشان يشوف الصور ... نقعد نلمط بي لسانا ساااااااااكت ؟

يا NATIVE يا خوي
حصانك ما جراي ... وبعدين تحصل كيف وانت في ااااخر الدنيا الهند


بس ولا يهمك ... نعمل عزومة تانى لناس الهند
تكون ارز برياني

احكي لينا عن الطحينه
. وتاني في خلطه كده عند ناس البيك ياكلوها مع الدجاج

ان شاء الله يا NATIVE
ح اعمل لك موضوع منفصل لكل الخلطات الخاصة بالدجاج
صلصة الطحينة
وصلصة الدجاج

مصباح محمد مصباح كتب:نبارك لك يااخت انتصار ولجميع المنصوريات، ونحن بعد ده نبعد بعيد والمكان صار بيت نسوان وممنوع الاختلاط. لك شكري ياانتصار وللاخوات المنصوريات وربنا يوفقكم وتعطوا المنتدى دفعه. وأهلنا المناصير دائما بيقولوا (الحروم يأكلوا بعد الرجال) وهذا أمر يجب إعادة النظر فيه. وبالمناسبة سمعت خبرا سارا من شري أنه تم افتتاح مدرسة تحفيظ للقرآن بشري لبنات حواء وجزى الله القائمين على هذا الأمر وعلي رأسهم الأخ علي عثمان نعمان (علي عقيدية) وهو من الرجال القلائل في المناصير. وبمناسبة البيك الحمد الله صار لي يومين اتغدى بالبيك لأني كنت في مكة المكرمة وما كنت أدري عن هذه الخلطة. نتمنى لكم مجددا التوفيق والسداد.

مشكووور يا مصباح
وان شاء الله نعطى المنتدى دفعه
بس بمساعدتكم انت وبقية الاعضاء معنا في هذا القسم
لانه تعرف عدد المنصوريات بالمنتدى لسة قليل
وياااا رب يزيد عددهن

وبالنسبة لحكاية الحروم ياكلوا بعد الرجال عند المناصير
اكييد لاحظت يا مصباح هنا فى السعودية كمان الحريم بياكلوا بعد الرجال
(الغريبة فعلا توجد عادات كثيرة فى السعودية تشبة عاداتنا نحن المناصير )

خالد عابدين كتب:من المناصير سلام وتحية
لي بت بلدي المنصورية
الظروف منعتنا من الجيه
وحضور العزومة التاريخية
جبنة وشاي وبيك وشية
وكتروا بالله من الأكلات الشهية
وتاني ليكم مليون تحية

مشكووور يا خالد ولك مليون تحية
صراحه ابيات شعر تمام التمام
وخسارة عدم حضورك

عموما نعوضك بعزومة اخري

ومشكور على انشاءك للقسم

شكرا جزبل للاخت انتصار علي الثقيف الغذائي والنقل النوعيه للمراة المنصوريه في عالم الطبخ ولكن بعض الاطعمه لا تناسب ماديا ولا من ناحيه كقيمه غذائيه بالنسبه لمنطقه المناصير الرجا ء من الاخت انتصار ان تركز علي تطوير الاكلات التقليديه القديمه تدريجيا بحيث تتقبلها المراه المنصوريه علي حسب الامكانيات المتاحه مع الفارق المادي ودرجه استيعاب المقادير في عمليه الطعي مع اعتذاري لحواء المنصوريه