البت تقول أصبر

البت تقول اصبر والام تقول اصبر ابوها قال نصبر
جاها الغريب وعقد ما قالوليهو اصبر
علمتها وربيته ان شاء الله حسنة واجر
ده زرعك الراجيهو خم لى حصادو وصر
ده ظلك الراجيهو اصبح لهيبو جمر
ورغم انك يالمسكين ماخلو ليك صبر
وانا زاتى شن لى غير اصبر
دى فرهدت يادوب تعجب نضاره يسر
دابه هلاله هلا قبل اكتمالا بدر
الكسوه والمصروف واجب عليك نذر
تلقا ما تلقا ان شاء الله تمشى تجر
الرجعه اخر الليل والقومه بدرى فجر
الريد مروة جان والعاشق مابيفتر
ماخافو فيك الله ماقدرو اي عزر
وكل البقولو مجاب ست الحسان تأمر
خيلك تجقلب حد ما تلقى اي شكر
استاز خصوصى صباح وواحد يقرى عصر
وتعبك على جيده منثور سلاسل ودر
يجى من دبي مختوم اصلى ومجمر وحر
نكران جميل وجحود لو كنت تتزكر
تورنا لما يشيل وتكون ظبايتو خضر
يقع براهو يحت اول مايبقى تمر
من العليك والبيك رب العباد يستر
قدرك تقاسى الويل وبيك الحبيب يقدر
تعد نجوم الليل والدنيا لسه عصر