لعبة الطوطحانيي

شكرا صديق
طبعا دائما بيكون حبل ليف وافضل انواع الليف ليف الدهيس او ليف عبد رحيم يكون احماااار وقوي ، وبمناسبة الليف زمان كنا نفتل حبال الليف البربطو بيها الغنم ونجلبا عشان نشتري الحلاوة والجبابيد ، وحميد حسن سالم قال
الصغار المرة تفتل ومرة تجلب في حبالا
والكبار الشالو شيلن وفي وشي الجوع قالوا لا لا

عذرا للتخريمة لكنك تهيج الكوامن
تقبل مروري

الخبير قال( عذرا للتخريمة لكنك تهيج الكوامن
)

ود الخبير التخريمة ذاتا مقصودة بالأصالة.. مافي شئ تعتذر منو.. التخريمة ذاتا أس الموضوع
التخريمة ذاتا ياها الموضوع..بل في الحقيقة اي منصوري ياهو الموضوع.. وكل ما عداه جانبي.
الموضوع ياهو المنصوري مجرد ما دخل هنا هذا الموقع، مهما قال: برضو قولو داخل الموضوع ..لأنو الفرد المنصوري غاية في حد ذاته.. التخريمة ذاتا تلقى فيها حكمة.. قول ما بدا لك بدون حواجز ولا تحديد ولا تحجيم لديموقراطية..
هو شنو هو الموضوع!! لغاية ما الزول يقول دخلتا وخرجت منو؟؟ الموضوع ما الفرد المنصوري ذاتو.. هل المرجحانية موضوع؟ عشان أجعلها أس الحديث!! والفرد المنصوري غاية في ذاته، محل ما يحل تحل معه الحكم والعلم والقدرة والإبداع..
قل ما بدا لك بدون قيود ولاتحديد..
أسع تخريمتك دي أضافت لينا تراث يا ود الخبير..
محمد الخبير كان دفعة ناس عمر أخوى
والخبير الكبير كان مشلخ شايقي خفيييف وعندو مخلاة شعر يجي بيها السوق.. وعندو مركب مركب الخبير في شرري.. بالإضافة لى مركب محمد العويد وسليمان العويد

عذرا للتخريمة لكنك تهيج الكوامن

الاخ صديق تحياتي يا هندسة
انا طبعا من كبنة حلة ابشنب حلة صغيرة بين الروم والفقراء ، ابوي سموه الخبير لانو كان خبرة في الاعمال اليدوية النجارة وكان جزار ومزارع .......ززز
المهم

[size=24] الخبير نعم.. برضو خبير كبنة أعرفو. والله كان ممكن أعدلها، من خبير شرري الى خبير كبنة.. مع إنو أعطوني سيرتك الذاتية من زمان أنك رجل حبوب..
بمجرد ذكر كلمة الخبير طوالي ينصرف الذهن للخبير في شرري. لأنو معروف للجيهة التحتانية.. ونحن من الجيهة التحتانية.. لكن خبير كبنة معروف أيضاً لدي.. لولا السرعة في الكتابة وعدم توفر الزمن الكافي لصححتها في حينها.. مرحب بخبرا المناصير كلهم.. ومرحب بيك هناك كمشرف في بابك في المنتدى وشكرا على المرور[ بي جاي... /size]

شكرا الاخ صديق علي الكلمات الطيبة
ودي تخريمة
من سره ان ان يعرف دار المناصير حقيقة فليقرأ لصديق عبد الله
لانك يا صديق ما خليت شي ولان الدار فيها مناصير وفي غيرم وفيها تراث وفيها ثقافة وتقاليد وحكم وتعاون وقيم جميلة وكل شي ولكنك والحمد لله احطت بكل ذلك واخرجته في صورجميلة والله الزول يقول فيك شنو ويخلي شنو ، انت منصوري اصيل

بلادي في قلبي ذكراها