رساله الي الاخ خالد عابدين

الاخ خالد تحيه طيبه انا هنا بخصوص موضوع ارجو ان يجد منك الدعم والمسانده وهو تشجيع العنصر النسائي علي المشاركه في هذا المنتدي وان متاكد من انهن سيكونين عند حسن الظن وسوف يكونين اضافه حقيقيه وهنا تحضرني طرفه بخصوص نون النسوه هذا وذلك لغياب العنصر النسائي اصبح استعمال نون النسوه غريب اعود للطرفه كان الاخ النابغه في عهده احمد الحسين كان طالب في جامعه الخرطوم كليه الطب ثم حول الي المعهد الفني وكان تربطه علاقه صداقه قويه جدا مع عمي الله يرحمه ود حميد وكان عمي يعمل في الطين حضر الي احمد وطلب منه ان يكتب له خطاب الي البلد وكان الخطاب الي والدته وعمته يوصيهم فيها ببعض الاشياء وهنا كان نون النسوه سيد الموقف فكان تعليق عمنا الله يرحمه ( شنو يا احمد سيتو كله كهنا )
لذا يا استاذ خالد حتي لانقع في كهنا هذه نرجو ان تعجل باشراك العنصر النسائي وتشجعه وانا شخصيا مقتنع بنسبه 100% بل ومؤمن بانهن سيقودن المجتمع في مقبل الايام ما هو رايك ياستاذي

كلنا ياخالد ندودر مع ياسين غايتو انا عندي اثنين واحده يبقي لي ساهله وممكن تجيب ليها اخوات وهي ام الاولاد خاصه ونهن بدان مشروع منظمه طوعيه سميت باسم الشلال الرابع وهي منظمه نسائيه فقط اما الجافله فهي ابنتي وهي طالبه بجامعه السودان وهذه هي واحده من المشاكل التي تورقني الا وهي نشؤ جيل في العاصمه غير مرتبط باالبلد وصعوبه الرابط بين البلد وبينهم وهذه قد تكون شامله للجميع فهناك اولاد تربوا في السعوديه ودول الخليج وهنا تحضرني مناسبه وهي ان بنات اختي مولدات في السعوديه وقمت انا ووالدهم باقناع البعض منهن الي السفر الي المناصير وبعد جهد جهيد سافرن ثلاثه منهن اثنين رفضن رفضا باتا تكرار المحاوله مره اخري الا ان اجمل حاجه هاتين الاثنيتين تزوجن من ابناء المناصير وبما ان الطيور علي اشكالها تقع العرسان كانوا تربيه السعوديه اها ديل باقي ليك اولادهم حيكون انتمائهم وين ( دي الا بي GPS)

هندسة تحياتى والموضوع صحيح والنساء شقائق الرجال وانت حكيت نكته انا برضو بديك واحدة قالو فى مدرسة ما تسالنى وين المهم المدرسة دى كانت حقت اولاد بس وبعدين احتاجو انو يعملوها مختلطة وجابو ليهم بت او بتين ما عارف بعد ما البنات جو المدرسة الاولاد هاك يا المكوة وهاك يالظهرة والنظافة الاستاذ قال ليهم لو عارف كده من زمان كان جبت ليكم بنات وسخانين السنة كلها .مشاركة نون النسوة تعتمد عليهن ولا اظن هناك من يرفض مشاركتهن.
والله يا خالد ضحكتنى ب يس يتودر الله يعينو
ويا بتنا zoooba نفسك حار كده مالو براااحة علينا

نحن قوم نجيد فن الهتاف
حناجرنا تربت باللبن والعجوه حتى صارت لاتحتاج الى مكبرات صوت
هتفنا واسمعنا
وغرقنا
ورحلنا
وسكنا الرواكيب
وصار اكلنا من مما يجود به علينا
وصارت ايدينا هى السفلى
واختفى اللبن والتمر والعجوه
وبح صوتنا وصرنا كما نحن عليه
قال فى قديم الزمان اسلافنا .. يا المقدوم لا تهتم وراك شعب بيشرب دم
ياتو دم الشربنا
زيدو من المنظمات
نحن فى انتظاركم فى الحويله لاستلام ما جمعتوه

ماسمعنا رايكم

الحاج اخوى كتير الما سمعنا فيهو رأى

اللنقتيرا حالفي ماتخلينا الا تعودنا علي أكل البغيتة

up

بعد التحيه والسلام لرواد المنتدي والله وراء كل رجل شجاع إمرأة خنساء والله لو أماتنا وأخواتنا خنساوات كان حقنا جبناه الضحى العالى كان أسع فكرنا فى إسرائيل