إقرأ إعلان صرف الحقوق كما جاء في الصحف اليوم

المطلوب نصرف حقنا كامل ما يهمنا من السدوداو من الولايه

حق المساكين هو المطلب صرفة لكن السماسرة الذين يعبوا الناس فى اتجاه خاطئ هم الخطورة والتعامل مع المال يختلف عن السياسة لانة الصرف بلوائح وقوانيين وحقوا بعد دا نخلى بيننا والناس ونجعلهم يفكروا فى مستفبل حياتهم وتعليم ابنائهم وحقوا ناس المهندس والصحفى بعدا يشوفوا شغلهم والمعتمد يشيل حيله ويخطط سليم ونائب الدائرة يصحى من النوم ولكن مااظن يصحى ؟وامل ان نسمع فى الايام القادمة قرارات من المعتمد فى تولى مسئوليتة كاملة تجاه المنطقة ويحل كل الاجهزة التى اوصلتنا الى هذا الدرب باللفة والا فليقدم استقالتة وحواء والدة ؟ وناس خالد عابدين جاهزين ؟

سلام لصاحب البوست خالد عابدين
وسلام كتييير للرجل العصامي صاحب الرآي الصائب كرم الله حامد سلام ياراجل وانت اضافه حقيقيه للمنتدي فكلماتك تحمل النوايا الطيبة كنفسك الطيبه ونمني النفس ان ينعدل الحال ويتبدل المآل وتغرد الغيريدونه علي نخيل بلادنا التي ابعدها صليل المبطوحين بين الحجر والمدر وهتافات المعتوهين لاعقي احذية السلاطين رافعي شعارات التناحر والتنافر بين ابناء القبيله فكان سرابا ماحصدناه ؟
ولكن حتما الله مع المظلومين
عزرا اخي خالد ولي عوده

الريس خالد الاخوة المتداخلين تحياتى لكم .
نرجوا ان تكون فى متابعة لطريقة الصرف وعمل لقاءات مع جزء من اهلنا المستلمين للحقوق عشان تشوفوا بماذا سيفعلون بالفلوس والله اكد لكم تماما معظمها ماشى ديون اذا كان الواحد ثلاثة سنة ما كان عندو دخل ,واتمنى ان تظل فلوس التعويضات داخل المنطقة احسن من تمشى البندر لشراء زرائب او اى عمل تجارى خارج البلد وربنا يوفق الجميع.

hasanكتب: المطلوب نصرف حقنا كامل ما يهمنا من السدوداو من الولايه
مبروك ياولد د كلام العقل نشتغل بي نظريه الطريفي امسك وماتفك والطريفي زول نصيحه معروف
ابو مصطفي انت الواقع ليك شنو اي حاجه ما واقعه ليك بقا لي انت المصريين سحبوا منك كويل ولّ حاجه؟

قلنا خلو بينكم والناس وخلاص بدا التفكير فى قروش الخلق المسكينة والفهمة فى راسو يعرف خلاصو واى زول عندة من يستشيره كفايا التعامل بالعقل الجمعى دا ياهولندا؟

مشكور ابو مصطفي هي الجهويه والعنصريه مافي غيرها لكن نقول طالما نحن في بلدنا مشكله مافي كدي النقبض القروش البلد بتحصل فيها نقله .واقول ليك سلامه انو الصرف ماكان ايام الغراق الاولي كان مافيش زول حيستفيد من المبلغ لكن اسع ممكن الزول يعمل وابور في حدود 2000الف ومزرعه صغيره فدان او اثنين بعدين انا وانت وكل الماليين والاقتصاديين نمشي نضع سياسات للتسوق واهم شي سعر الخروف للجماعه اللا تحت مننا يكون بي 1200 اقل حاجه عشان نوريهم الله واحد زمان كانوا يلعبوا بي ناسنا يخلوهم يجيبوا الخرفان في كريمه وبعد ما القطر يقوم يقولولم الخروف بي قرشين ان عجبك وانت مضطر تبيع

طبعا قد انزوت اللجنة التنفيذية بعد ان افقر الناس بوعودا كانت تعلم بانها لصالحها الخاص بعد ان استلمت احد شركات النائب مساحة250 الف فدان فليذهب المناصير الى المحاكم

نعم انزوت اللجنة وبالدليل سيد الرشيد كانت تمانع دخول ادارة السدود فى القضية كل الاتيام الموجودة فى المناصير من ادارة السدود اما البرجوب واراضية فهو كان بامكانةالاستثمار دون ان يفقد اهلة حقوقهم فى الحصر ومع ذلك يوجد كثير من ابناء المناصير مستعدون للاستثمار فى المنطقة فلم يحذو طريق النائب الهمام فلك التحية

الظلم ظلمات
1)يااخوان الحقوق مفروض تستلم قبل ثلاث سنوات وكان الدولار بي 2جنية ولان بي كم
2) قبل الاسلام المتوقع اليومين ديل الحكومة ترفع الاسعار
3) يجب ان نتفادى المشاكل حتي يتم الصرف بكل سلاسة فهي بي جنها دا افضل من ان تتاخر اكثر
يقول الرسول الكريم محمد صلى اللة علية وسلم
(ما من عبد يسترعة اللة رعية يموت يوم يموت وهوغاش لرعيتة الاحرم اللة علية الجنة)
رواه مسلم
الهم من تولى امرا من امور المسلمين فشق عليهم فشقق اللهم علية في الدنيا واالاخرة
واللة المستعان

مافي شك اخى استلام جزء من التعويض قد يكفى شر التضخم ومطاولات الدولة