[i]من اشعار سليمان ود نصرالدين[/i]

مرحبا حسن سليمان وانت تحمل هم اهلنا حتى وانت فى اقصى بقعه فى السودان . اخى والدك هو قيثاره الشعر فى بلدنا وله اشعار كثيره لم تذكر ونتمنى منك المساعده فى جمعها وتوثيقها وانا فرحت لمان شفت عنوان البوست اشعار سليمان .
ومنها
ياقشيش النقره الغمام
وايضا
مانى صابر فوق ماصبر
وايضا
صبرى صبر اسماعيل لى ابو
وغيرها من القصائد انت ادرى بها منى. وانا سألت اخوك محمد وبالرغم من يحفظ انساب واعراق المناصير وهو مرجع فى ذلك وفى التاريخ ايضا وايضا ولكن رفض الدخول فى اشعار والده .

مرحبا بابن الشاعر الفحل –وفعلا جيت فى وقتك –والمنتدى عموما نور بقدومك –لكن منتدى الشعراء سوف ينتعش –فما قاله والدلك يحكى عن تراث وثقافة المناصير بمعانيه ومضامينه –ومفرداته التى عن طريقها نتسطيع التوثيق فى كل المجالات للمنطقة –
ولابد عند الكتابة التاكد من ان القصيدة او الاشعار فعلا قالها فلان وياريت يكون المصدر او الشخص الراوى معروف ويذكر اسمه لاننا نجمع وبهدوء كل ما اهمل او سرق او نسب لغير المناصير على شاكلة (الريلة واخواتها ) فلابد من التأكد –ونحن نعرف الكثير لوالدك وللسيد ود الحسين ولكننا عايزين الدليل القاطع –وحتما سوف نتحصل عليه –ودعوه ينضج على نار هادئة –
وفعلا يا نادر انا ايضا سألت عمنا محمد فاعتذر بادب واخبرته بالمنتدى وهدفه فى التوثيق فقال تحروا الا تكتبوا الاشعار الخارجة عن النص والذوق العام –ونحن كذلك –
رغم انى احفظ الكتير وليس للشاعر سليمان وحده ولكن لدينا حدود—
على العموم نحنا فى انتظار القصائد والاشعار من ابن الشاعر الكبير ويمكن جمع ذلك من اقربائه واضدقائه –
لكم شكرى وتقديرى –وسوا الصفقة دنقير --

الاخ سلمان لي سؤال أستفساري واجو ان لايستغله السيد الريس واعتقد السؤال ماعيب من اجل المعرفه
عاوز اعرف المعني المطلوب من كلمه ( سوا الصفقه دنقير ) هل تعني الاجتهاد والعزيمه لانجاز عمل ما وان كان هذا هو المقصود فما هي علاقه الصفقه بهذا كنت افهم لو ان الدنقير مربوط باالحفر في الارض بمعني ان يكون هناك علاقه واضحه تعطي صوره للانسان الذي يكتح ويعمل وأذا كان المقصود معني اخر ارجو ان توضحه مع الشكر

شكرا الاخ هاشم --
الصفقة دنقير --ياهاشم سبق شرحها فى الامثال والعبارات --والمقصود هنا او العبارة جاءت اساسا من الصفقة وهى اشارة للصفاقين بان يتفنوا الصفقة مع عدم الالتفات او رفع الرأس -وذلك حتى يتم العمل باتقان وحماس-وكذلك قد يكون ان فى الدارة واحدة تجيد الرقص --لفتت انتباه الناس -فسوا الصفقة دنقير- دلالة على المثابرة والاجتهاد والجدية فى العمل- والعمل بنفس واحد---والدنقير قد يجعل الفرد لايفكر فى شىء اخر سوى عمله--
وفعلا الدنقير يرجع ايضا للحفر(النقح) -رغم ان الحفرمن ناحية ميكانيكية يتطلب الدنقير -ولايبتعد المعنى فى ان تكون الصفقة ايضا والنظر لاسفل وقد يكون ذلك تأدبا لعدم النظر للزولة التى ترقص بالدارة--وايضا الدنقير او النظر لاسفل يجعل العين لاترى حجم او شكل او كمية العمل المطلوب تنفيذ لانها لو رات سوف تعجز عن الاداء وليست( كالضراع) كما يقال لانه اعمى--فنجد احيانا يقول لك احد وان تهم باداء عمل كبير جدا ولاوزت )منه--يقول ليك عمد واتوكل-- ولكن الهدف الاساسى هو حث الناس للعمل بجدية --ولكن العبارة بالتأكيد جاءت من الصفقة --واصبحت تضرب لاى عمل يتطلب مجهودا--ورغم ان هنالك تقارب بسيط بينها وبين عدو على بونى --لكن الاخيرة فيها تحذير او خطر قادم يجب الاحتراس منه والعمل له مبكرا والاجتهاد فى سبيل تفاديه والنجاح فى ادائه --
ايضا ليست الصفقة دنقير من انواع الصفقة --كالصفقة البراتية(المنسوبة لناس برتى ) او البوانية والمنسوبة (لناس بونى ) --حيث يقصد هنا طريقة الاداء والايقاع وحركات الارجل والتقدم للامام والرجوع للخلف بطريقة معينة--مع تماسك الاذرع احيانا --
ولكن توجيه و اشارة وحث على العمل --

شكرالزميل الاخ الخلوق رفيق الدرب المدافع الصلب الذى كنت اجد صعوبه بالغة في تجاوزه(عبدالسلام حميدة)مهما كانت مهاراتك الفنيه فانك لن تسطيع تجاوزه الاتغير مجري طريقة لعبك وتلعب اللعب الطويل المباشر تفاديا لتلك الصخرةا_____ها كيف اخبارك ياسيادتواريدمنك تفسيركيف درب الراعي ماحام في قصيدت والدك المشهورةوان كان سمعي لهاغير صحيح فاعزري

الاخ ابو سفيان خلف الله ايش لونك والله انا ما قريت ردك دا الى اليوم وما شفتو خالص ولكن سلمت عليك فى مواقع كثيره وانت ماك جايبلى خبير وقلت الزول دا كبرت معاهو وما فاضى لينا ومن كتاباتك عرفتك بالخارج فى السعوديه
وزكرتنا بايام جميله خلت وايام القنيفاب والجزيره مقرات وابو حمد والكوره وتلك الايام نداولها بين الناس مع خالص ودى وتحياتى

الاخ حسن تحياتى
وانت تدخل فى دور رائد جدا بان تكون اول القادمين فى توثيق شعر اجدادى
ابتداء بوالدك فارجوا ان تسوى الصفقة دنقير مع العلم ان هنالك مساحة خاصة اوبوست مخصص
باسم والدك سليمان ود نصرالدين وتم ذلك بواسطة رئيس المنتدى خالد عابدين وهوالان فارغ ويحتاج منك التوثيق
مع فائق شكرنا وتقديرنا

حسون.. غرقتنا في الكرم!
الله وحده الذي يقدر يكافئك

يا بن عمى سلام وتحياتى لك وانت تحى ذكرى اشعار عمنا ووالدنا سليمان نصرالدين نرجو منك ان تنثرنا بالددر الفى الجراب .على فكره امى الحنونه (التومه) ممكن تكون حافظه جزء من اشعار والدك لو ما خنتها الذاكره
مراجعتها

حسنا..
نعم محمد عندووجهة نظرو المقدرة في موضوع قصايد والده
......
تعرف يا حسن؟
أبو رزان ده بيعرف الموضوع ده! أنا إجازتي الفاتت جلست جنب الوالدة التومة.. و يلا هاك يا حكي وهاك يا كلام.. والله غلبني اقوم من جنبها.. والمرة الجاية ربنا يمد في عمرها لازم أزورها.. قبل اي زول لأني شعرت بي نفسي قصرت واختصرت الزمن لأنو كان قدامنا مشوار.. ياخي ونستها والله لاتمل حاجة التومة
طبعا لقيت عندها تراث وكلام كتييير
وذكرت لى صحبتهم مع  حاج عبد الله وبت حبيب أمي  وثلاثتهم هي وود البشير و سليمان ودنصر الدين..
ولقيتا ليك أول ما كلموها قالوا ليها صديق   ود طيبة وود عبد الله الحنوني جاي يسلم عليكي؟
لقيتا ليك أوووووووه حافظة ليا جنس ذكريات لا حولالالالالا  ودموعا جرت وإن كان هي مرأة شجاعة.. لقيتا ليك عارفاني بالحتة أصلو ما نستني
وقالت لى يا ولد هي ( أنا فشقتك في صفحتى دي وأنت عمر سنة.. وشلتك لى أمك في باشي.. ومرة سويت ليك دهن في راسك.. ومرة ومرة وقعدت تحكي يا حليلا
ربنا يمتعها بالصحة والعافية

صديق عبدالله علي أبوحنة كتب:حسنا..
نعم محمد عندووجهة نظرو المقدرة في موضوع قصايد والده
......
تعرف يا حسن؟
أبو رزان ده بيعرف الموضوع ده! أنا إجازتي الفاتت جلست جنب الوالدة التومة.. و يلا هاك يا حكي وهاك يا كلام.. والله غلبني اقوم من جنبها.. والمرة الجاية ربنا يمد في عمرها لازم أزورها.. قبل اي زول لأني شعرت بي نفسي قصرت واختصرت الزمن لأنو كان قدامنا مشوار.. ياخي ونستها والله لاتمل حاجة التومة
طبعا لقيت عندها تراث وكلام كتييير
وذكرت لى صحبتهم مع  حاج عبد الله وبت حبيب أمي  وثلاثتهم هي وود البشير و سليمان ودنصر الدين..
ولقيتا ليك أول ما كلموها قالوا ليها صديق   ود طيبة وود عبد الله الحنوني جاي يسلم عليكي؟
لقيتا ليك أوووووووه حافظة ليا جنس ذكريات لا حولالالالالا  ودموعا جرت وإن كان هي مرأة شجاعة.. لقيتا ليك عارفاني بالحتة أصلو ما نستني
وقالت لى يا ولد هي ( أنا فشقتك في صفحتى دي وأنت عمر سنة.. وشلتك لى أمك في باشي.. ومرة سويت ليك دهن في راسك.. ومرة ومرة وقعدت تحكي يا حليلا
ربنا يمتعها بالصحة والعافية

 طبعا يا هندسه نحن فى جيهتنا دى عندنا مرجعين للتراث وللنسب والشعر وكل حاجات الزمن الجميل نمره واحد 
1/ العمه التومه بت ام قزاز والده ناس محمد ومحمود والنزير وابورزان والبنات وطبعا زى مازكرت بالاضافه لالمامها التام بالتاريخ ايضا نجدها امراه حنينه وتحب الخير للجميع وتسال من الناس وتجيد فن القص والروايه بدرجه امتياز
ولها معرفه تامه بالنسب خاصه نسال الله ان يمد فى ايامها ويخليها لينا
2/ نمره اثين اخى الفاضل محمد سليمان نصرالدين فالرجل موسوعه تاريخيه متحركه ماشاء الله وخاصه فى الانساب واروابط الاسريه والرحميه بين الناس 
ولا ابالغ ان قلت لك له معرفه ببطون وفروع وانساب القبائل الاخرى مثل الشايقيه والجعليين والرباطاب كقبائل مجاوره 
انا مره  فى الفاشر قلت ليهو معانا ناس واسر شاقيقه من حته اسمها فتنه بمحليه تنقاسى اسمهم القناديل قالى لى اعرفهم وقام ذكر ناس منهم 
 مروركم زاد الموقع القا يا زعامات

تشكروا الاخوين الحبيبين المهندس صديق وابن عمنا حسن سليمان على الكلامات فى حق الوالده الحنونه وهى بالجد علم فى راسها نار ولكن ابن عمنا محمد سليان داك خليهو ساى فى النسب والشعر ربنا يحفظه. وبارك الله فيكم نسال الله ان يمد الله فى عمرها وعمركم

تشكر ابو مازن
وبالامس القريب وبمعيه الفريق هاشم الحسن قمنا بمرور علة اخوالنا العماسيب فى المعشر وضربه البدايه بالعمه التومه واخر ترحيب وعشره ونسه عشره دقائق وقالت انت تحضر فى العيد الكبير بالسلامه انشتء الله
وواصلنا المرور على اهل اامرحوم محمد مايو رحمه الله عليه ووجدنا اغلبيه الاهل هناك فى كفاره للابن عبدااعزيز
ومشيا محمود وكبايه جبنه مع ام راس
والنزير سليمان
وفة الختام على وداحمد وعائشه
وكان يوم جميل مع الاهل وتزكرناك وسالنا من الاولاد وقالوا لينا فى الكلاكه
بدر لك وحشه

الاخ حسن  تحياتى
نشكر لك تحريرك الباشى بى جاى
ونحن ما جايبين خبر

نتمنى ان تجد توثيقا اكثر لاشعار والدك
مع الاخذ فى الاعتبار الحرس القديم
كحبوبتنا التومة  ربنا يديها العافية
وهنالك اخرين بالتعاون مع الاخ نادر نورالهادى

تقبل المرور يا باشا

عباس محمد كتب:الاخ حسن  تحياتى
نشكر لك تحريرك الباشى بى جاى
ونحن ما جايبين خبر

نتمنى ان تجد توثيقا اكثر لاشعار والدك
مع الاخذ فى الاعتبار الحرس القديم
كحبوبتنا التومة  ربنا يديها العافية
وهنالك اخرين بالتعاون مع الاخ نادر نورالهادى

تقبل المرور يا باشا

وينك ي ركس اخبارك شنو بقيت ماظاهر
ولامشغول بولي العهد الجديد الله يبارك لك فيه

عباس محمد كتب:الاخ حسن  تحياتى
نشكر لك تحريرك الباشى بى جاى
ونحن ما جايبين خبر

نتمنى ان تجد توثيقا اكثر لاشعار والدك
مع الاخذ فى الاعتبار الحرس القديم
كحبوبتنا التومة  ربنا يديها العافية
وهنالك اخرين بالتعاون مع الاخ نادر نورالهادى

تقبل المرور يا باشا

وينك ي ركس اخبارك شنو بقيت ماظاهر
ولامشغول بولي العهد الجديد الله يبارك لك فيه

طيبة طيبة روحي يا بت
البنات خدمك وأنت ست
 يا دييسة شلال تبت
 موجا بالحجرات يكربت
.........
 هي كدا يا حسن

ههههههه
تسلم هندسه والله دابى شفت كلامك الجميل دا
والله لقيتك لكن متمكن يا كان كندك تما القصيده دى (سوى الفر)
يااخى زكرتى سوى الفر دى ما ممكن نوديها بى قادى
تسلم ابو الوليد قريبى عباس حسب ا لله