]بيان هام جدا جدا وفيه خطورة ؟؟؟؟؟

من طرف **ابو مصطفى** الأحد 12 ديسمبر 2010, 7:48 pm

السادة رواد المنتدى ------
السادة ادارة المنتدى ----------
السلام عليكم ورحمة الله ...........................
اليكم البيان التالى :-------------
اولا وقبل كل شى التحية لكم جميعا ,,,,,,,,,,,,,,,,
فى هذا البيان الذى سوف نعلنه لكم ,,, اى زول ماهو متوكل مية فى المية لا يقوم من محله ولا يدخل راسه فى القران ؟؟؟
ثانيا :- الحياة اخرها عملك ؟؟؟ واولها عملك ؟؟؟؟؟
ثالثا :- كل بداية ليها نهاية فلابد ان نبدا الحكاية واصل الرواية ؟؟؟

اليكم نص البيان ,,,,,,,,,,,,,,,,,,,,
هذا البيان ليس صادرا من ادارة المنتدى وحدها لكن ضرورة القيام به هى التى تفرض نفسها ؟؟؟؟
النص : جيب العندك وتعال ) انتهى
بعد جلوس طويل وانت تكتب وانا اكتب وتحصيل الحاصل كتابة اقرت الاحوال ان نتحرك نحن ابناء المنتدى من بيوتنا ومن مواقع عملنا ونترك عيالنا وزى الناس الخارجين فى سبيل الله ؟؟
وقاصدين ديار منصور ؟؟ قاصدين الناس الصابرة فوق حجر الله ولا شى امامها غير المياه ؟؟ تعال انت وانا نتحرك فى شكل غافلة طبية مالو ايوه ؟؟ قافلة صحية ؟؟؟ ايوه ؟؟ مالو قافلة ثقافية ؟؟؟ ايوه نتحرك انت وانا وعلى طول ما تقولى عندى شغل ومسافر والعيال فى بلد وانا فى بلد تعال نتحرك وكل حركة معاها بركة تعال انشاء الله ننزل فى الحويلة ونعزف لينا غنوة ؟؟؟ تعال انشاء الله عندك حقنة واحدة جيبها وتعال تعال ما اصلو اول الغيث قطرة ؟؟؟ تعال وجيب العندك وتعال ؟؟؟؟ تعال نشعر الناس بى وجودنا ووجودهم جوانا تعال نتحرك وكل حركة معاها بركة ؟؟؟؟

تحياتى
ابو مصطفى

نعم .
والله اكبر . والله الموفق
‏(اتز ايزي تو سي بط فري ديفكلت تو دوو )

من طرف **ابو مصطفى** الأحد 12 ديسمبر 2010, 8:35 pm

والله يا النذير انا قلت الكلام دا والان جاهز موية ونار بس خلى زول واحد يدق بابى ويقول لى يا ابو مصطفى ارح نشوف اهلنا ونعيش معاهم لحظات ولو دقائق ؟؟ اهو انا جاهز مية المية ؟؟؟؟ بس كلام انجليزى عربى دا ضحكنى شديد ؟؟؟؟

تحياتى

ابو مصطفى

من طرف **هناء** الأحد 12 ديسمبر 2010, 8:39 pm

نتمنى إنو تكون في قوافل صحية وثقافية وطبية للناس الغلابة هناك

وكلنا جاهزين

والله الموفق .

من طرف **خالد عابدين** الأحد 12 ديسمبر 2010, 8:39 pm

كلامك زين يابومصطفى
لكن الا تتفق معي بأن مثل هذا الحدث يحتاج لترتيب وتخطيط حتى يؤدي مفعوله
وأهمس في أذنك بالمقولة التي ترددها - الجكة عايزة .........!!

جاهزين موية ونور - لكن موهو الليلي

من طرف **mustafa omer Elhassan** الأحد 12 ديسمبر 2010, 8:56 pm

الاخ الهمام ابو مصطفي
الفكره بالجد جميله وفيها احساس بمهاناه الاخرين
والمساهمه ولو بشق تمره
يعني عديل كده عزر مافي
التخطيط يا ريس مهم لا شك في ذلك لكن عيبو نحن السودانين
يقتل حماسنا ويفتت من عضدنا وهمتنا
لذلك محتاجين زي افكار ابو مصطفي الجريئه

شكرا الاخ ابو مصطفي علي الفكره الجميله ده.
لكن اي عمل من غير تخطيط ودراسة مهما كان حجمة مصيره الفشل.

طيب . ايه رايكم لو قسمنا المهام علي اعضاء المنتدي وعملناها قافله طبية ثقافية شامله لكل قري البلد . وتكون مع بداية الاجازه الكبيره للمدارس عشان كل عضو يودي الولاد لي حبوبتن ونقوم مع بعضنا دون اعذار واهية . ونكون قلنا بسم الله في اداء ضريبه البلد . طالما ما الدكاتره والفنانين والمبدعين عندنا .

من طرف **ابو مصطفى** الإثنين 13 ديسمبر 2010, 3:55 pm

ايوه ايوه انا عاوز ناس زى ديل (الذين مروا من هنا ) صحيح الجكة عاوزة فكة ومن الذى قال لكم ان ابو مصطفى ما عامل حسابوا ومن الذى قال لكم ان ابو مصطفى ماخابر دريبات الفكة بى وين ؟؟؟ يا جماعة الفكة توجد ما نحنا فى كل بلد عندنا زول اول حاجة نقوم نلقط الدواء شى حبات سلفة وبندول وشى دربات وشى كافلجين اطفال وبعدين يا ريس ((خالد)) انت مرتب شهرين من مدارس الخرطوم العالمية للبلد قرار ابو مصطفى زى الفاس الوقعت فى الراس ؟؟؟ وابو مصطفى نفسه تبرع بمرتب اربعة شهور للبلد ؟؟؟ وكذلك يسرى القرار على مجموعة من اعضاء المنتدى ؟؟؟سوف يرسم جدول كبير فيه الاسم والتبرع الاجبارى وكمان اقولك ناس حازم ودكتور خال ابرار يمكن يكون مرتب سنة مع سبق الاصرار والترصد ؟؟؟؟ على العموم كل شى سوف يدرس بعانية فائقة وفيه من التخطيط السليم ما لايخطر ببال احد ؟؟؟
وااكد ليكم برنامج المنتدى اول ضربة بداية له سوف تكون مع اهله البسطاء الشرفاء ثقافة وعلما وصحة من ارض المناصير انشاء الله سوف تكون ضربة البداية لمنتدى المناصير بلدى وثم الشق الثانى للضربة فى المناصير الجديدة والوقوف معهم والتعرف على حالهم واحوالهم وكل صغيرة وكبيرة ؟؟؟؟ ولعل هذا ليس مستحيل وليس صعب بس كل شى يتم ببساطة وخليك بسيط زى ما بتقول الاخت هناء ؟؟؟ ما نحنا اتفقنا اننا نخرج زى جماعة فى سبيل الله ؟؟؟؟ والله يا جماعة الناس ديك متوكلين ؟؟؟ ومرة من المرات كنت اقرع فى موية والدنيا صيف والحر شديد والعيش خلاص فقع وجوا جماعة فى سبيل الله وقالوا لى ياخى تخرج معانا وقلت ليهم يا جماعة الطير بى ياكل عيشى ؟؟؟ قالوا لى خلى على الله عوجة ما بتجيه ؟؟؟ دحين نخلى الامور على الله ونتوكل على الله ونرمى مركبنا ؟؟؟

تحياتى
ابو مصطفى

من طرف **ابو مصطفى** الإثنين 13 ديسمبر 2010, 6:25 pm

صدقونى او اقول لكم صدق او لا تصدق ان موضوع الهجرة الى البلد والوقوف معهم ولو بحاجة قليلة ابو مصطفى ماضى فى طريقه اليها باذن الله ,,,,, ومن لا يعطى من القليل لايعطى من الكثير ؟؟؟ الان ابو مصطفى بقى يحلم ودعونى احلم اليوم وغدا فعلا عربة جابو كبيرة كتب على صفحتها منتدى المناصير بلدى المتجه الى ارض الحجر (المناصير بلدى ) وانشاء الله فيها بطاطين الحاكومة الزمان ديك الواحدة فى السوق الشعبى بى خمسة جنيه ؟؟؟ المهم شكرا والفكرة وصلت ؟؟؟؟ عشان كده يا ادارة خليك جادة مع ابو مصطفى وانت يا حازم وخال ابرار ومنتارى ليكم يوم ؟؟؟؟

تحياتى
ابو مصطفى

من طرف **الهيثم** الإثنين 13 ديسمبر 2010, 9:03 pm

التحية لبيانات ابو مصطفى الخطيرة

من طرف **ابو مصطفى** الثلاثاء 14 ديسمبر 2010, 2:53 pm

يا ولد اقيف بعيد والعب بعيد ؟؟؟؟ابو مصطفى لا يمكن ان يقول كلام وما يبقى قدروا ؟؟؟
بعد فترة سوف ترى بام عينك فى هذا المنتدى شعار فريق القافلة ومعليش الشعار زى شعار الهلال لكن ابو مصطفى ما عندو غرض فى الكورة ؟؟؟هذه واحدة وثانيا سوف ترى صور ابو مصطفى وفى يده كل مخططات القافلة والاماكن المستهدفة وثالثا سوف ترى صورة البرنامج باكمله وتقول ياليتنى حصلت ابو مصطفى وجماعته فى القافلة ؟؟ والنجاح مامن كتير والكتير اليشبه العرزين يطير ؟؟؟ والحمد لله ابو مصطفى واسرته على اقل مستوى ممكن يعمل قافلة تجوب الجزائر واقولكم الان جاهز واخطرت كل فنانى المنطقة من سلمان حسين وعبد الله حسن مدنى وحبيب حسين وكافة الشعراء على ان الرحلة قائمة قائمة وفى العطلة الصيفية والمدارس ماجزة ؟؟؟ وان فشلت سوف تطلع واحدة من بناتى وتقول نشيدا فى مدرسة الصفيرة ونقدم ما نقدم من اهل المنطقة ونعود مرة اخرى ؟؟؟
ولى عودة
ابو مصطفى

من طرف **خال ابرار** الثلاثاء 14 ديسمبر 2010, 6:17 pm

سلامات ابومصطفى نحيك ع هذه الروح الطيبة وساكون اول المساندين لهذا المشروع وستكون مساهمتى فى تجهيز الكادر الطبى من اطباء وفنيى معامل والمساهمة فى الادوية وغيرها ولكن اتفق مع غيرى بان الموضوع يحتاج لترتيبات كثيرة..
بعد دا شوف حازم ومونتارى قصتهم شنو؟
تقبل اشواقى الحارة بقدر حرارة قلبك..

من طرف **ابو مصطفى** الثلاثاء 14 ديسمبر 2010, 7:09 pm

شكرا يا دكتور كتير والله كتير ودى المحرية فيكم وما تخافوا فعلا اتفق معاكم ان الموضوع يحتاج الى ترتيبات كتيرة وتخطيط ولكن سوف نخطط لكل صغيرة وكبيرة ونفاضل ونكامل لكل الدوال المنطقية وغير المنطقية فمن كان منطقى فخذوه وغير ذلك ابعدوه ؟؟؟؟

ونواصل
ابو مصطفى

من طرف **ALIHADOWRY** الثلاثاء 14 ديسمبر 2010, 7:29 pm

واللة احى مجهودات الاخ ابو مصطفى ونرجو التخطيط بانتخاب مجلس تنفيذي صغير يضع نصب عينية خطة مدروسة لايصال اصوات المظومين للمسؤلين مباشرة

من طرف **ابو مصطفى** الثلاثاء 14 ديسمبر 2010, 7:34 pm

اسع ياحدورى يسالك الله ,,,,,,قريت الموضوع دا من اوله لى اخر تعليق فيه ؟؟؟ وبعد دا كله الشكر ليك كتير والله كتير ,,,
نحن يا استاذ بصدد قافلة متجه الى ارض المناصير القديمة ثم تعود الى ارض المناصير الجديدة ؟؟ انت رايك فى موضوع زى دا شنو ؟؟؟ ما عندنا هنا علاقة بى مسئول او غير مسئول ؟؟؟

تحياتى
ابو مصطفى

من طرف **ALIHADOWRY** الثلاثاء 14 ديسمبر 2010, 7:53 pm

القافلة يابن اختى تعنى ان تحاول سد نقص فى محل معين عشان يعرف المسؤل هذا النقص فى المواصلات الصحة البيئة طبعا الحقوق راجين راجل الجلابية بيضاء مكوية ولا..لهذا سيرت القوافل اضربليك مثل ذي ذاد المجاهد انشاءاللة اكون قربت المعنى

كل الشكر الهمام : علي حدوري .
يا أخوانا عليكم الله ابعدو لينا الموضوع دا من المسؤلين وممن ما جاورهم . عشان تكون قافله مفتوحه ترفيهية صحية ثقافية معتبره ويكون ليها دور في تخفيف التشنج والتوتر بين ابناء الوطن الواحد (المناصير) . وتكون ليها اهداف رامية وراقية تليق بمقام المنصوري المتفاني المؤصل .
ولا شنو ؟‎ ‎

من طرف **ابو مصطفى** الأربعاء 15 ديسمبر 2010, 9:04 pm

كلامك سمح يا النذير لكن البخلى عمك على حدورى يفضى بغضبه غادى غادى مننا شنو ؟؟؟
واكرر ان القافلة فى العطلة الصيفية متحركة متحركة ولو حاديها ابو مصطفى وعياله وحدهم ؟؟؟ والنجاح ما من كتير والكتير اليشبه العرزين يطير ؟؟؟ انتو قايلين العرزين دا شنو ؟؟؟ ما سرير النوبة ؟؟ طير صغير يرجاك دوما فى التكل او الخس ؟؟؟ طير احيمر وصغير ومع الحمورية فيه دهوسية اى ادهس كده ؟؟ ومرات يهاجر وبالذات فى الصيف ؟؟ يتواجد فى الشتاء ؟؟؟؟

تحياتى
ابو مصطفى

من طرف **ALIHADOWRY** الخميس 16 ديسمبر 2010, 4:10 am

واللة يابو مصطفى ممكن تعمل حاجة تواسى بها اهلك واهلنا فى المناصير ولفت نظر للحكومة برضو

من طرف **الفكى احمد** الخميس 16 ديسمبر 2010, 5:07 am

مشكور الأخ الناشط أبومصطفى والأخوه المتداخلين أهو ده الكلام النجيض والمفيد
والله من وراء القصد والعمل ده كبير جدا لكن عيال منصور لو ختوهو فى
راسهم سيتم بعون الله . وأهلنا هناك فى أشد حوجه لمثل هذه القوافل
الصحيه والثقافيه والترفيهيه والرياضيه حبذا لو كان هناك اعلام منذ الآن
بشتى الوسائل وفتح المجال لكل مساهم أومشارك بأى صورة من الصور
عندها سيكون العمل متكاملا وسيشيد به الجميع بعد أن يلتمسوا فوائده والزمن
مازال فيه متسع حتى عطلة الصيف يمكن خلاله تدبير مايُمًكِن من إنجاح
القافله والله خير معين ...

من طرف **ابو مصطفى** الخميس 16 ديسمبر 2010, 2:50 pm

شكرا الخال الفكى احمد من الجماهيرية العربية الليبية وعبره ازف كل التحايا الحارة لى ناس كوتهم نار الغربة وفراق الاوطان والعيش بعيدا ولاشى لى اقوله غير ابيات قديمة واكررها مرة اخرى ؟؟
------------
***********
-----------
ما كتير الناس بترحل لى ظروف فى الدنيا اجمل
وناس بتمشى سنين كتيرة ومابى توصل
وناس بدون ما تمشى توصل
**************************
ما الظروف مرات بتحكى عن حزينة
الزمن ناداها مرة ومرة سابها
وزى سنين الغربة شالت من حياتنا طعم
الابتسامة ونسينا ضحكاتنا اللى كانت
وشربنا كاسات الكلابة
كانت سنين الهم طريقنا وزادانا كان ريشة كتابة
وحادينا كان زورق نجاحنا وشايلاه امواج الرتابة
وغنوتنا كانت يا حليلها غناها طير بلدى المهاجر
فى غصون الغربة مرة مع حنين صوت الربابة
وغناها طير بلدى المهاجر فى غصون الغربة مرة
مع حنين صوت الربابة ؟؟
ولعله طير بلدى المهاجر زى خالى الفكى احمد ومحمد بروى وصديق ابحنة ومصباح محمد مصباح ودكتور حسين
وفتح الرحمن عون الله وكتير كتير من الطيور المهاجرة ضاربة فجاج الارض تطلب متسعا من الرزق وفضلا منه ؟؟؟ ويا ما انت كريم بعودة هذه الطيور المهاجرة الى اوكارها ؟؟ ووكرها الاول والاخير المناصير بلدى ؟؟ ونكون سعدا بمصادفة اجازة احد الطيور المهاجرة فى القافلة ؟؟؟

تحياتى
ابو مصطفى

من طرف **يس مصطفي** الخميس 16 ديسمبر 2010, 3:05 pm

ابو مصطفي ياود الجزائر
***
الله لاخلاك حائر
***
وللبلد بالغافله سائر
***
بي اصدقاك وكل الكوادر
***
الطبيه والعلميه وشاعرنا نادر
***
وماننسي كمان الطير المهاجر
***
نسوي قافله لامثيل ليها في الماضي والحاضر
***
وبالتوثيق كمان والاعلام المثابر

يـــــــــــالله ياشــــباب ايـــــــــــد عــــــــــــلي ايد تـــــــــــــــجدع بعــــــــــــــــــــــــــــــــــيد

من طرف **الفكى احمد** الجمعة 17 ديسمبر 2010, 3:54 am

شكرا ود الأخت الهميم وكل مقالاتك فى الصميم ، يقبل منك الله وتعود
كل الطيور المهاجره بالسلامه لتساهم عن قرب فى خدمة الأهل الصابرين ...
ا

شكرا ابو مصطفى .وبعد الشفناهو منك فى الرحله تانى كان قلت داير اقلب الحكومه بى نصدقك .اقتراحك جميل بس من الان (تعد) على بونى ....سوف اتصل على معارفى بشركات الادويه بمدنى والخرطوم وانشاء الله نجمع منهم كميه ادويه كويسه .بس قول للريس يعمل لينا خطابات مروسه باسم المنتدى ..وربنا يوفق الجميع لخدمه البلد ...

من طرف **مونتارى** الجمعة 17 ديسمبر 2010, 3:06 pm

شكرا ..والبلد حقيقة محتاجة الكتير ونتمنى تكون فى لجنة للطوارى والحاجات دى فى المنتدى و نحن جاهزين بكل استطاعتنا وعلاقتنا للتقديم للبلد التى قصرنا فها حقها

من طرف **ابو مصطفى** الإثنين 20 ديسمبر 2010, 6:39 pm

شكرا الاخ الحبيب يسن مصطفى وشكرى لكل الاخوة الذين مروا من هنا عبر هذا البيان والذى نحلم به ان يكون حقيقة وما خيال ؟؟؟؟ وكتير ناس بتحول الاحلام الى واقعية ملموسة على ارض الواقع ؟؟؟؟
كان املى ومناى *** توصلنى والقاك زى قبيل
لكن الزمن غفلنى ******** عجل بالرحيل
لو كان القدر امهلنى *** بس لوكان قليل
كان انزل مراتع**** حنى واحضان النخيل
فى ساعة الوداع*** تحضنى بى دمعا هميل
اشوفك فى الصباح ***مندلى حياك النخيل
رشاك الدعاش ****بالفل واطياف الخميل

تحياتى لكل من يشتاق للبلد وناس البلد والتحية لاى زول منصورى قلبو مع ناس البلد ونشوف ويا زمن تسوى شنو ونحن نسوى شنو ؟؟؟؟؟

تحياتى
ابو مصطفى

من طرف **ابو مصطفى** الخميس 30 ديسمبر 2010, 7:32 pm

غايتو اقول ليكم شنو ؟؟؟؟ ابو مصطفى وجماعته قايمين قايمين فى الاجازة الصيفية للبلد ؟؟؟ بس على الاقل ناخذ طمسة فى البحر تشيل مننا المرض ودخان المدن الذى ملاء حتى اضنينا ؟؟؟ وتخفف علينا وعلى ناس البلد ؟؟؟؟ وخليكم جادين معانا ورجعة لاوراء تب ماها فى ؟؟؟؟

تحياتى
ابو مصطفى

من طرف **بلسم** الخميس 30 ديسمبر 2010, 8:59 pm

والله بجد مجهودات حلوة شديد وربنا يوفقكم على فعل الخير وتفقد الاهل يابو مصطفى والاخواء المتداخليين ونحنا كمان برضو مانقصر معاكم وربنا يوفقنا جميعا لخدمت الاهل بالمناصير

من طرف **ساري الليل** السبت 01 يناير 2011, 4:17 pm

ذي مابقول الجيش ( البيان بالعمل ياأبومصطفي ) مايكون فلاحة بوستات ساكت !!! بوركت .

من طرف **ابو مصطفى** الأحد 02 يناير 2011, 8:16 pm

الاخ الكريم اسامة هاشم كل سنة وانت طيب وعام 2011 يمر علينا بالخير والبركة جميعا ؟؟؟
اول حاجة يا سمسم ؟؟؟؟ اخيك ابو مصطفى ( الطيب محمد عبد الرحيم ) ما قاعد يقول كلام ساكت ؟؟؟ وعندى تجربة فى هذا المنتدى وانت جيت الرحلة الاجتماعية فى جنائن الحلفاية ولقيتنى قاعد ؟؟؟؟ طيب الناس تكتب وانا قلت لهم تعالوا مارقين لابره وكان جيتو او ما جيتو ؟؟ سكينى فى ضراعى وخروفى فى ظهر العربية ؟؟؟ وفعلا جيت بكل حاجاتى وعيالى معاى يعنى اقسم ليك يا اسامة ان الناس المنتدى ديل لو ما جاءوا الى الحلفاية انا ضابح ضابح وانشاء الله اجيب النوبة والتامة واعمل احتفالى ؟؟؟ ايه رايك ؟؟؟ الان الرحلة برضو نفس الحكاية فى الاجازة الصيفية الناس قامت ونزلت الى البلد نزلت واذا لم تنزل سوف انزل باسرتى ومعروف ان الجزائر كلها فنانيين معليش حاجة بسيطة حفلة فى مدرسة الجزيرة اوس ودماج وبرنامج ترفيهى مع الاهل واسوق عيالى واجى راجع ام درمان ؟؟؟؟ ايه رايك ؟؟؟ والله دى كمان اسهل لى من احتفال جنائن الحلفاية ؟؟؟؟

تحياتى
ابو مصطفى

من طرف **ابو مصطفى** الأحد 23 يناير 2011, 8:30 pm

اسمع ؟؟ اسمع ؟؟؟ اسمع ؟؟ كلام زى الرصاص ؟؟؟؟

ابو مصطفى قائم ومتوجه للبلد فى الاجازة الصيفية هو وعياله الثلاثة ولعل البيان اعلاه الناس نسته مرة واحدة لكن الزول دا بقى يعمل فى البروفة حقة الرحلة من الان عشان كان خذلونا الكبار نلقى فائدة فى الصغار ؟؟ بس عاوز اذكر السادة :-----
الدكتور خال ابرار انت وين وخلينا من كلام التلفون ؟؟؟
الاخ : محمد عمر الدمرى انت وين وكراتينك المعباه بالانسولين والفاتمين والحقن وين والسلفا والبندول ؟؟؟؟؟
الاخ العزيز : اسامة هاشم ؟؟ وين يا بانكر ؟؟ دى رحلة ما دايرين منك فتح اعتماد بس جيب نفسك والقروش خلها ؟؟؟؟؟؟؟ فقط فى مطلع الاجازة الصيفية ؟؟؟
السيد المدير العام ؟؟ خالد عابدين والله لو ماوقفت الفا احمر سوف يحصل تمرد وحادثة سيدى ابوزيد سوف تقع وانت ما عارفين تعمل شنو وتبقى زى بن على ؟؟؟ اف شينة ومنكورة ؟؟؟
الاخ الحبيب يسن مصطفى ؟؟؟ انت وين وسيب الشيكات وسيب المقاصة الالكترونية والبنوك ظبطت وفرقت ؟؟؟ الحقنا بى مالك وعيالك؟؟
خال : سلمان يا لحاق تلحق
اخى الحاج : انت وين ياود الفقرة ويايابا وراق ان جيت ازور ويا الوراريق اهل القلم انا اتبلم ؟؟؟؟
الفارس فارس : كتر من التلفونات وقول يا النبى صالح والنبى داؤود توصل مركبنا
الاخ العزيز : حازم سيب اللواصة واقيف معاى دقرى والحقنى انا مشيت ؟؟؟؟؟
العزيز : الرشيد خلها الصحافة الخبر بى نلقاه فى الرادى الحقنى انا مشيت ؟؟؟؟
الاخوال الكرام :- هاشم ,النفر عثمان وصديقابحنة ومحمد ودبروى وعبد الغنى نصر الدين , وفتح الرحمن محمد الحسن عون الله ومصباح محمد مصباح وبقية الجماعة وكل بقية الطيور المهاجرة الحقونى وفى الباشى الاخوال عندهم طبعة يدفعوا فوق راس العريس وعندهم بيت براهم انا مشيت خلاص ؟؟؟؟؟
الاعزاء : مؤسسة الشلال الرابع تحية لكم شنو الخبر شنو ابو مصطفى بقولكم قايم ومن ديك وعيك ؟؟؟ اخر مرة دار جامعة الخرطوم حيث اجتماعكم الرهيب نحن معاكم وقايمين قايمين انتو وين ؟؟؟
فى الختام تقبلوا تحياتى ابو مصطفى وابو مصطفى وعياله ماشى ماشى وجهز كل حاجاته حتى الفنانين
ومقبولة ظروف اى زول مع الاعتذار لكل فرد قلبه على البلد لكن معلق من عصبته ؟؟؟؟؟؟

تحياتى
ابو مصطفى

من طرف **ابو مصطفى** الإثنين 24 يناير 2011, 3:31 pm

حقيقة وما خيال ان ابو مصطفى فى العطلة الصيفية هو وعياله متجهون الى البلد وكل صباح يكرر فى كلامه والسبب شنو ؟؟ بس الخزان مسح البلد من الوجود اى والله ؟؟؟؟
الخزان بلدنا محاها
يا طير ان مشيت اغشاها
جيب لى نسيمها جيب لى هواها
طوفها لى بى جروفها حتى قراها

ديار منصور حليل ذكراها
فى الخلاء والحجر ماواها
بالدينار اسامة شراها
كانت قصة صح سواها
امالنا العراض هداها
طبقها من تحت لافوق واساها
تمرة وحيدة ما خلاها
ظروفنا القاسية ما راعاها
تواريخ والبحر غطاها
نحن بلدنا ما بنختاها
وما بنفضل بلد تا لاها
باريس فيها ما بنرضاها
نحن الحارة نتلقها
حيين نندفن جواها
ارجوك يا اسامة اختاها
والاسود الصابرة اتحاشاها
شعوب مظلومة والله معاها
رب العزة ما بنساها

تحياتى
ابو مصطفى

الاخ ابو مصطفى سبقتنى -- فى موضوع السفر والاجازة--
(لابد من البلد وان طال السفر) --ياخى بتين ما اشتغلنا والدنيا مافى فيها فايدى --
اخير الواحد يمشى ياخدولو طمسات زى ماقلت --بس خلى المدارس تأجز ونسوق العيال ونسافر -
وباذن الله نتلاقى فى سوق النعوفاب والحلة الكاربة-
ونحنا الواحد والله مرات يتصنع اى سبب عشان يسافر للبلد --
----------تحياتى----------

من طرف **خالد عابدين** الإثنين 24 يناير 2011, 5:23 pm

إنت يا ابو مصطفى دحين قبضت ورقة اللجازة وللا تكورك ساكت
في الاول اضمن الوريقة لأنو حسب معلوماتي البسيطة انك ماخد اجازة شهر لما مشيت مصر

لو ماوقفت الفا احمر سوف يحصل تمرد وحادثة سيدى ابوزيد سوف تقع

دي الداير يسويها -يشيل جركانتو ويركب الدامر - باكرالرئيس جاي زيارة نهر النيل

من طرف **يس مصطفي** الإثنين 24 يناير 2011, 5:41 pm

ابو مصطفي كتب" بالدينار اسامة شراها
كانت قصة صح سواها

مابيقدر يمسو سماها
نحن اولاد نحن حداها

من طرف **حازم** الإثنين 24 يناير 2011, 6:29 pm

معاك ابومصطفي وباذن الله ان لم نوفق في السفر سنعبن من يحمل هم اهله
لك ولكلماتك التي تشبه شوكة الحراز التحيه ( نسوي شنو خادم الفكي مجبوره علي الصلاة )
والتحيه للاخ الفكي وربنا يرد غربته ؟

من طرف **ابو مصطفى** الإثنين 24 يناير 2011, 7:35 pm

انت المدير دا زولا يقولوا شى ماهو فى ؟؟؟؟ نشيل جركانة ونكورك فى الدامر ؟؟؟ نحن عندنا ناس لجنة وناس حيكومة زى البرجوب وناس برلمان سياسى من البلد اخذ لوصة كبيرة جدا فى الخرطوم ان بقى ديل كلهم ما جابو لينا حق اريتو يطير ؟؟؟؟؟ يا سيادة المدير ؟؟؟ وهذه حاجة والحاجة الثانية يا سيادة المدير من الذى قال لك ابو مصطفى يحتاج لى ورقة اجازة ؟؟؟؟ انا على استعداد فى سبيل برنامج البلد ان ااجز بى عدلى مرة واحدة مع صرف مكافاة نهاية الخدمة ؟؟ انت المدير دا يلعب بالنار ؟؟؟؟ والله شنو ؟؟؟؟؟

تحياتى
ابو مصطفى

من طرف **ابو مصطفى** الثلاثاء 25 يناير 2011, 5:36 pm

يا جماعة البلد يا ناس الخرتوم البلد ؟؟؟؟ ما تنقطعوا من البلد ؟؟ وابو مصطفى معدى مركبوا رغم الريح والموج العاتى ونازل البلد ؟؟ وهنا مدخل بسيط ود خالتنا الرضى على محمد احمد الشيخ زول شاعر وعمه الكعزر الشاعر المعروف من زمن الطيب محمد الطيب والشاهد فى القصة ان القسم ( قسم السيد ودحامد من شرق القناجرة وعندو لورى نضيف بدفور اصلى وقام يرحل فى الناس على المكابراب والزمن داك القصة حقة الرحيل دى جديدة وكانت عندنا عيب كبير زول يفوت المناصير وبعدين الرضى قام غنى وقال للقسم لانو هو السبب فى رحيل الناس ؟؟؟؟؟

يا قسم بينا احترامات
انا داير اوصيك خيارات
النمر فى العقدة راقدات
بى غرف نومها مفصلات
بى صوالينا مفرشات
الصليعى ولا العمارات
بونى حتى حجارها سمحات
الامان دايرلو نبرات
الاكل تضوقلوا لذات
ريحة البصلة تقول سلات
ليها نكهة تقول سلات
داء الدواء الفى الصيدليات
فى بعضنا بيوتنا فاتحات
ننشكل نرقد قرينات
وتانى نرجع نبقى شربات
وتانى نرجع نبقى شربات

دحين يا ناس الخرتوم ابو مصطفى فى القومة دى على البلد دايركم تبقوا معاى شربات ونتور الغافلة
وندرج العاطلة

تحياتى
ابو مصطفى

من طرف **ابو مصطفى** الثلاثاء 25 يناير 2011, 8:06 pm

شكرا الاخ الطيب .والله نحن معاك بكل مانملك .والدواء ان مالقينا عند الشركات بنشتريه من السوق وعارفين دربو تب مابغلبنا .بس حدد لنا الزمن باقى بنخاف من expiration.ولك شكرى .

من طرف **sheery51** الأربعاء 26 يناير 2011, 5:07 am

ابو مصطفى لك التحيه والاحترام والتقدير انا متابعه
لكل ماتكتبه تسلم ها الايادى واقدر جدا هذه الشجاعه
والغيره والانتماء الصادق للمناصير وانا فخوره بيك والله
حق انت منصورى موقد نار واتمنى من الله ان تكون كلمة
المناصير على قلب رجل واحد ونعيد للمناصير سيرتها
الاولى الاولى الاولى
كل ماحصل فى المناصير ويحصل حاليا لنا فيه يد اتمنى ان
ينتبهوا الناس لماحولهم ويقدروا الامور صاح

من طرف **ابو مصطفى** الأربعاء 26 يناير 2011, 5:59 pm

تسلمى تسلمى عزيزتى شيرى ون واحد وخمسون وانشاء الله عاد القى ناس يقيفوا معاى وصدقونوا كان ما لقيت زول معاى بكتفى فقط بجزء من المناصير على وحدى وعلى ما اظن ان الشباب بقوموا معاى فى ناس قلبهم حار جدا وهم كثر لكن القسمة والظروف فوق الرقاب ولا ننوم على العسل ونجعل الظروف شماعة تحرمنا من رؤية ناس البلد بروح جديدة تعمها الفرحة وحس السلك ينقر والدكتور شغال فى العيادة على الهواء مباشرة والكورة شغالة بين تيم المنتدى وناس الجزيرة شرى او كبنة او فريق الحيبة الصعب ؟؟؟ كل ذلك الان ابو مصطفى يحلم به لكن سوف يكون حقيقة ؟؟؟

واجيك راجع يا محمد عمر ود الشاعر الدمرى ؟؟؟ والله ضحكت شديد على الرغم من انى لا اعرف من اللغة الانجليزية الا القليل فى هذا التعبير ؟؟ واقولك ابو مصطفى معروف الكلام البقولوا بيبقى قدروا انت لملم كراتينك حقة الدواء وبلغ ام درمان تلقى اقل حاجة ابو مصطفى وولده مصطفى وبناته على عرض الجابو كتبو شعار بالخط العريض القافلة الصحية الثقافية الرياضية المتوجه الى ارض الخير ارض المناصير ارض السمك والماء وكان اليوم داك انت ما جيت يبقى لى القافلة تخش بونى وجرها فقط لانه لا يكن فى مقدورها تغطية المناصير كلها ؟؟؟
وانت يا محمد تقول نخاف من expiration ونحن نقولك لا نخاف منه حتى excepectation ومعاها exipration لانخاف منها ؟؟؟؟ فى سبيل تقديم خدمة او حتى ضحكة واسعاد اهلنا ببساطة يمكن نضحى بكل ما نملك من مال وغيره ؟؟؟
فى الختام تحياتى لكم جميعا

ابو مصطفى

من طرف **ابو مصطفى** الخميس 27 يناير 2011, 7:14 pm

up
up

شكرا الرائع الطيب .والله نحن الماعارفين حاجه فى الانجليزى (ناس ثامنه ).ناس الصيدله بقولوا للدواء المنتهى الصلاحيه (مكسبر )تحريف للكلمه الانجليزيه expare date .فانا خايف اقوم اجمع الدواء ويحصل تاخير وبعدين مدته تنتهى .لذا ارجوا ان تحدد لنا الزمن وبعد داك انشاء الله يحصل كويس (زى مابقولوا الاخوه الجنوبيين )..للتنسيق انا تلفونى 0912193672

من طرف **ساري الليل** الجمعة 28 يناير 2011, 4:01 pm

ابو مصطفى كتب:الاخ الكريم اسامة هاشم كل سنة وانت طيب وعام 2011 يمر علينا بالخير والبركة جميعا ؟؟؟
اول حاجة يا سمسم ؟؟؟؟ اخيك ابو مصطفى ( الطيب محمد عبد الرحيم ) ما قاعد يقول كلام ساكت ؟؟؟ وعندى تجربة فى هذا المنتدى وانت جيت الرحلة الاجتماعية فى جنائن الحلفاية ولقيتنى قاعد ؟؟؟؟ طيب الناس تكتب وانا قلت لهم تعالوا مارقين لابره وكان جيتو او ما جيتو ؟؟ سكينى فى ضراعى وخروفى فى ظهر العربية ؟؟؟ وفعلا جيت بكل حاجاتى وعيالى معاى يعنى اقسم ليك يا اسامة ان الناس المنتدى ديل لو ما جاءوا الى الحلفاية انا ضابح ضابح وانشاء الله اجيب النوبة والتامة واعمل احتفالى ؟؟؟ ايه رايك ؟؟؟ الان الرحلة برضو نفس الحكاية فى الاجازة الصيفية الناس قامت ونزلت الى البلد نزلت واذا لم تنزل سوف انزل باسرتى ومعروف ان الجزائر كلها فنانيين معليش حاجة بسيطة حفلة فى مدرسة الجزيرة اوس ودماج وبرنامج ترفيهى مع الاهل واسوق عيالى واجى راجع ام درمان ؟؟؟؟ ايه رايك ؟؟؟ والله دى كمان اسهل لى من احتفال جنائن الحلفاية ؟؟؟؟

تحياتى
ابو مصطفى

كل عام وانتم بخير جميعاً...ارجو من الجميع تحكيم صوت العقل(انا شخصياً لم اري في كلامي يا ابومصطفي في هذا البوست شيئأً يدعون لكل هذا الكلام..واري اني لم أقصد ان أستفز احداً من الناس بهذا الكلام بل علي العكس أنني ابحث عن وسيلة لتحريك الجمود وحث الاخرين علي المشاركة ..فاتمني ان لاتظلموني اخواني.... واتمني ان لاننساق وراء التهاتر والمهاترات التي لاتفيد ولاتجدي فتيلاً..دمتم لنا

من طرف **ابو مصطفى** الأحد 30 يناير 2011, 3:17 pm

الاخ اسامة الموضوع عادى جدا بل يحتاج الى مزيد من صب البنزين على النار ليس الا وخليك عادى يااسامة ؟؟

لك تحياتى
ابو مصطفى

من طرف **mustafa omer Elhassan** الأحد 30 يناير 2011, 3:37 pm

الاخ الهمام ابو مصطفي
نية المرء خير من عمله
والله يا ابو مصطفي نيتك صادقه ومعها جد وعزيمه واصرار ومتابعه
لذلك كلي ثقه فان الله لن يخذلك ابدا وان شاء الله تجدنا معك علي ذات الدرب
وعلي ذات العهد نطلب من الله العون والتوفيق والسداد

من طرف **ابو مصطفى** الإثنين 31 يناير 2011, 3:16 pm

الاخ مصطفى التحية لك والاسرة الكريمة واهلنا يقولوا ليك النية زتملة سيدها انا والله همى اهلى وبس ما عندى قصد غير كده وحقيقة الان التنسيق جارى مع موسسة الشلال الرابع وقطاع الطلاب لنقود كلنا حملة الى الاهل على الاقل نفرح ونقيف معاهم ولو ساعات بسيطة جدا من الحياة ؟؟؟؟؟

تحياتى لكم جميعا دون فرز

ابو مصطفى

ياسلام يا ابو مصطفى سبقتنى بالاشادة بك الاخت شرى فى حبك الغامر والمتدفق وغيرتك القوية للبلد –
والله كل يوم الواحد يقول دايرين (الخفسة) ومابتتم –والله ياابو مصطفى انا ارسلت توكيل لصرف حقى والان ندمت ياريت كنت سافرت بنفسى –فاليوم السوق اجريت عدة اتصالات وقالوا السوق كارب والحلل تسوى ياليل –وقوة شراء عالية –والناس مبسوطين –ونحنا هنا نسوى فى الحولى زولى –
ياخى الدنيا فيها شنو لابد من البلد وان طال السفر –ننجما فى عضمنا دا—
بعدين حكاية الحلم دا كلام جميل دورات رياضية للمنتدى والقافلة شغالة والتصوير شغال والفطور بكرة معاى وبعده مع ابو مصطفى والمراكب بالبحر عوم ---واذكر هنا ابيات الراحل الدميرى
ياماشى البلد مندلى بلغ لى سلامى كتير
لى شرى للجزيرى النايرى بلدى انا ياصباح الخير
اوعه المهوة ماتنساها ساكن فيها حمد خير
على الشاطى النخيل متاكى دابو قلب بدا الصفير—(دابن صروفه حقوق)
واصل يا ابو مصطفى وباسلوبك الجميل -----فى البيان--