الليلي عشاى كان قراصة بي ملح صَـلـِـيـِــلـِـي

البوح المباح
........
المنصوري أينما كان واينما حل ما عندو قشة مرة.. ( وإن للعلم سطوة.. تقود للإستعلاء والتكبر،وأن التواضع هو اصل الخلق الرصين)
شهر عيد ومسلتزماته كثيرة.. جيت داخل من الشغل البيت ما لقيت حاجي آكلا.. تمر علينا حالات نكون أكعب من بعض ناس السودان في الفلس.. لكن ندخل تحت جلباب الغربة الفضفاض الساحر.. يحمينا
دقيق القراصة ما قاعد ينقطع من البيت. وملاح السلج موجود مجمد في الفريزر.. وملاح الخضرة.. وملاح البامية المفروكة.. موجود من أم بارح مجمد.. نفسي ما دارتو..
رفعت الصاج.. ولخيت العجين.. وعملتا برادي ما خمج.. قطعت لى بصيلات كدي ناعمات.. فتشتا الطماطم عشان أعجنا لقيتا مافي.. كبيت عليها من قزازة زيت السمسم الصافي وسخنت الملح مع الموية مع البصيلات شوية.. وكبيتا فوق البرادي.. مافي زول في الولاد والبنات أكل معاي.. غير الحكومة حقتي أكلت معاي واستمتعت.. وما نست ما تربت به..
وحمدت الله.. فأظن رفعت الحميدي لى ربها من شخص عرف يداوي الجوع بمائدة أهله الغلابة
............
لم يجد رسول الله صلى الله عليه وسلم يوما ما يقتات به.. ليومين كاملين. فخرج في شوارع مكة.عله يهتدي لشئ.. فوجد ابوبكر.. ووجد عمر رضى الله عنهما.. فقال لهما: ما الذي أخرجكما.. قالا: الجوع يا رسول الله.. فقال: والله ما أخرجني إلا الذي أخرجكما
فقال ابوبكر أنا أعرف أن لفلان كراع شاة يحتفظ بها في بستانه.. وقد أولم اليوم في الصبح.. فذهبوا.. فشواها لهم بالخبز.. فقال رسول الله صلى الله عليه وسلم للرجل.. هلا إحتفظت منها بقطعتين لعائشة.. فإنها مثلي ولم يجعلها تعتكف غير الورع!!
فقال الرجل : لك ما شئت يارسول الله..
كان صلى الله عليه وسلم يقول( اللهم أجعل قوت آل محمد الكفاف)... وقيل ( البطنة تنيم الفطنة)
مرة مرة. الواحد يحتاج يأكل مثل ما يأكل الغلابة
............

من طرف **يس مصطفي** الإثنين 06 ديسمبر 2010, 8:19 pm

الف سلام ياهندسه
اول حاجه انت دقيق القمح تلقاه وين؟

كيس فيه عشرة كيلو سعره15 درهم أماراتي.والدرهم يساوي820 جنيه بالقديم..
والله في المناصير قبل التهجير .الناس ما قادرة تاكل قمح اسر كثيرة تعبت. تاكل سكري في الفطور والغداء.. والعشاء فطير مريق كدي بي لبيني..

تاكلوها حلوي ان شاء الله وبالهناء
لكن ماكان تكبوا فوقا سمن - السمن بتاع المحلات ده - عندنا هنا سمن الغوطة ومابعرف سمن نباتي
لكن بيني وبينك انا احسبو سمح
مرة جبتا علبه اب رطل (سمن الغوطة ) ومرسومة بقره ليها ضرع فوق البرطمانية - تقول ده السمن
وقلت الليلي عاد ديبا يرجع لي اصلو يلغف ساااكت ويشرب الركرك
قلت للمرة سوي الفطير الرهاف وخفست جبت اللبن - وعاد وكت كبيت السمن
بقالي طعمو - مابعرفو مرات زيت حوت ومرة قبور قبور
مرق نفسي من الفطير باللبن

لكن مع الاكل الطاعم بي ينفع

كدة تمام

الليلي عشاى كان قراصة بي ملح صَـلـِـيـِــلـِـي

الليلي عشاى كان قراصة بي ملح صَـلـِـيـِــلـِـي

رد: الليلي عشاى كان قراصة بي ملح صَـلـِـيـِــلـِـي

رد: الليلي عشاى كان قراصة بي ملح صَـلـِـيـِــلـِـي

رد: الليلي عشاى كان قراصة بي ملح صَـلـِـيـِــلـِـي

رد: الليلي عشاى كان قراصة بي ملح صَـلـِـيـِــلـِـي