ماذاسيحصل بعد وصول وفد من البلد اليوم ؟

ثم ماذا بعد هذا يابعرام ؟ وصول وفد من قيادات القطاعات اليوم بصحبه نائب الوالي والمعتمد لمقابله جميع نواب الولايه وبعض قيادات الموتمر الوطني ؟ هل سيكون هناك وعد جديد ؟ كم سيكون ؟ساعات ؟ ام ايام ؟ ام.......؟ هل سنكتفي بوعدهم ؟ ام......؟ هل سيذكرون لنا اسم جديد من الوطني ؟ هل هناك اسم اعلي من البشير وطه في الوطني ؟ هل.....؟ كل هذه التساؤلات اطرحها علي الاعضاء الذين تهمهم البلد ومصلحتها ؟

الاخ مصطفي تحيه وسلاما بخصوص هذه الاجتماعات الي الان فهي في دائره المؤتمر الوطني السيد الباشمهندس صلاح والذي سوف ينقل ماتم تقاشه الي السيد نافع وبعدين يشوفوا الشيء الذي يحيرني تماما لماذا الاجتماعات من اصله فكل شيئ معروف ومحقوظ نريد فعل لماذا لايكون هناك فعل في قضيه المناصير لماذا كل شيء متوقف وتدور هذه الدائره لتقف في نقطه تكاد تكون محفوظه في محيطها
الموضوع وبأختصار شديد ان الامور لازالت ترواح مكانها بفعل لوبي قوي وماهذا الذي يحصل ماهو الا تدوال ادوار او تبادل ادوار واري ان نفكر بطريقه مختلفه تماما واستراتجيه جديده ترمي الي الاعتماد علي النفس مع تعطيل أي استثمار في المنطقه لااستثمار ولامستثمرين مالم تضح الصوره وتوضع النقاط علي الحروف

المحصلة النهائية يكبروا ثم ينفض سامر القرامطة الجدد ما لم نفكر فى نصب الحصان سوف نعيش سنوات ولانري شيئا

الاخ يسين
الاجابه على السؤال الذى اخترته عنوان للبوست
لاشئ
مامعنى ان يتحرك وفد من البلد الى الخرطوم ونائب الدائره يعلم ما لايعلمون من اسرار وخفايا قضيه المناصير
اللهم الااذا كان فى الامر شئ اخر تريد به السلطان ات تقول للراى العام اننا مازلنا نبذل جهدنا لتكمله بقايا ما تبقى من قضيه اكملنا حلها وهاهم ممثلو المنطقه يبصمون بالعشره ويكبرون ويهللون بحياه اولى الامر على شاشات التلفزيون وليشهد الشعب السودانى على ذلك
وماتسمعونه هنا اوهناك فى اطراف المدن الا من شرزمه لا يعجبها العجب ولا الصيام فى رجب
ويكفى اخوتى ما شاهدناه فى رحله وفد البلد بعد زياره السيد رئس الدوله وقد طافو على مسؤلى الدوله فى منازلهم ومكاتبهم وانديتهم وهللو وكبرو وحلفو باسمائهم ومقاماتهم الساميه وقالو ماقالو من كلمات الاطراء شعرا ونثرا وامتلاءت البطون
وسمعنا بارقام مليونيه تبرعوا بها من حسابات وزاراتهم ومؤسساتهم وجيوبهم تكفى لاعاده تعمير المنطقه من اولها الى اخرها وربما تتعدى الضروريات الى الكماليات
ولم نرى لها اثرا
هى صرفت وانصرفت
ام كانت مسكنات اعلنت على الراى العام لاناس احسنو الانبطاح وسكبو ماعندهم من كرامه ورثوها من اجدادهم على الرهاب والسراب
وصدقونى انهم يضحكو علينا وعلى انفسهم من خلفنا حين يتذكرون ايام كنا نطردهم من ارضنا وهم يولون الادبار خوفا من حشود الهنبول الموجوده خلف الجبال

في احدي حلقات برنامج الاتجاه المعاكس والذي وصف الشعوب العربية بالمنقاده ضرب الضيف مثلا بالشعب السوداني في الانقياد وعندما قيل له لماذا الشعب السوداني علي وجهة التحديد فاجاب عندما اتهم البشير بقتل المدنيين في دارفور ظهر آلاف السودانيين يرقصون معة !.
فيا اخي فعلا ما في اعلا من الرئيس ونافع وكلهم سجلو زيارات للمنطقة وعارفين (البئر وغطاها) .ماذا يعني حضور وفد من البلد الي الخرطوم؟؟.اليس هو الانقياد في ابشع معانية؟؟
هل دخل العٌزال بين المناصير والرئيس مره اخري ام همة الشخصي انساه هموم مواطنيه؟؟.

نعم
هذه حلقه من حلقات مسلسل حجاره على نار هادئه وننتظر مادام فينا روح
ونكرر السؤال ونزيد
هل يعلم القادمون انهم كومبارس لابطال مسرحيه هزيله ملو الناس مشاهده فصولها
ام انهم لايعلمون ؟

نحن نريد اجابه واضحه وصريحه هل الامور في يد الوالي ام انه مكبل بقوانين سابقه لازالت موجوده وانه لابد من اتخاذ قرار جمهوري يعيد للولايه حقها الدستوري المسلوب بخصوص اراضي المناصير والمناصير البشر بمعني ( ان يكون الوالي هو المسؤل الفعلي عن المناصير كبشر وعن اراضي المناصير ) اذ ان الواضح من سير الامور انه لازالت الامور غير واضحه في هذا الخصوص فهناك التزامات علي السد التزامات ماليه كان المفروض ان تسدد هذه الالتزامات من اراضي المناصير وزالت هذه المحاولات مستمره والنقطه التي نريد ايضاحها من الساده المجتمعين وهم محسوبين علي المؤتمر الوطني ان يحسموا لنا هذه النقطه او ان يوضوحها وكفايه لف ودوران اجتماعات مع نافع ومع الرئيس ومع المؤتمر الوطني ماهي الغايه ولقد كان الوالي واضح في حديثه عندما لمح انه لايستطيع ان يفعل شيء او ماذا يقول للناس عندما طلب منه ان يزور المناصير المطلوب هو حسم هذه النقطه بدلا من معتمديه فاقده كل شيء الا اسم المعتمديه وبدلا من ممثلين للقطاع السياسي ماهم الا اسماء وليس لهم افعال ولنا عوده

اخونا هاشم اذا كان هناك ديون علي السد يريدون دفعها من ارض المناصير قول ليهم الحسوا كوعكم .اخونا حدوري نصب الحصان دا كلام الزول العاقل .الاخ الحاج هذه المسرحيه علينا يتحليلها ومعرفه مابداخلها وفي هذا لامانع ان نستعين بالاخ هاشم الجزولي .جبريل سلامات الانقياد الخطير كمان ان يكون لمصلحه قبائل
لكم جميعا ولكل المتداخلين الشكر اجزله

اخشى ان تكون جية جماعة البلد وكل الشيوخ قعدة وفطور بس ويرجعوا وكمان خائف تكون اكعب من الجية الماضية حيث كانوا يغنوا ويقولوا فى الشعر ؟؟؟؟؟

تحياتى
ابو مصطفى

اخى ابو مصطفى ستراهم وهم يرقصون على اشلاء اليتامى والاطفال ثم يكبرون ويهلون حتى تدمع عيونهم مكرا ويمكرون ويمكر الله والله خير الماكرين

ابو مصطفى كتب:اخشى ان تكون جية جماعة البلد وكل الشيوخ قعدة وفطور بس ويرجعوا وكمان خائف تكون اكعب من الجية الماضية حيث كانوا يغنوا ويقولوا فى الشعر ؟؟؟؟؟

تحياتى
ابو مصطفى

( الخايفين منه ود دبيليب )
الحكاية يبقالي تجديد بيعة يا ابو مصطفي (بايعناك ومد ايدك نبايعك تاني )
الغريب في الامر المرة الفاتت جاؤا يحكوا لينا عن موائد الولاه والدستوريين .
اما مائدة النائب قالوا خراف مشوية محشيه جداد الجداد محشي حمام والحمام محشي .........الغريب في الامر يحكوا ويضحكوا , اها النائب قال لكم شنو ؟؟؟؟؟؟
قال :كدي هسع انتو اكلوا واهلكم بنكلهم !!!!!!!!!!!!!!!!!!!!!!!!!!!!!!!!!!!!!!!!!!!!!!!!

الاخ يس والاخوة المتداخلين ---سلام—
هذا اللقاء هل سيكون امتدادا للمثالية والتضحيات—
من عهد البطل نعمان ووقوفه فى وجه المستعمر حتى استشهاده –ومن ثم كان الانتقام—ثم تأتى المهدية فيقف معها المناصير بكل قوة ويناصرونها فكانت سنة ونكبة البقارة والمجازر والمجاعة –ثم تاتى الانقاذ فيفوزون المناصير مرشح الجبهة الاسلامية –ولايجنون اى ثمار—ثم كانت الانتخابات الاخيرة ومجددا يفوزون ابن الدائرة ومرشح الوطنى ولايستلمون حقوقهم ناهيك عن التنمية وغيرها —فى وقت كان يمكن ان يكون هنالك كسبا كبيرا للحكومة بصرف الحقوق وتعمير المنطقة وان يتضح
مسار القضية فيما يختص بالحقوق والتنمية فى المنطقة—كرد ومكافأة لتلك الوقفة الصلبة--
انا متأكد كما علق ووضح كل المتداخلين واتفقوا على ان المحصلة صفرا كبيرا—
ولكن فى هذه المرة اتمنى ان يوضح الوفد بانه يحمل هموم الاهل ويدافعون عنه بقوة وان يعكسوا ماتوصلوا له بكل وضوح وصدق للقاعدة ودون وسيط عند عودتهم للبلد –لاننا فقدنا الثقة تقريبا فى الوسطاء ومن يمثلنا فى المطالبة بتلك الحقوق وغيرها من المطالب –
وللجميع هذه الابيات وقد اوردتها فى مكان اخر وارى ان هذا انسب مكان:
لاتسرعوا فى موكب البيع الرخيص فأنكم
فى كل شىء خاسرون
لن يترك الطوفان شيئا
كلكم فى اليم يوما غارقون
تجرون خلف الموت والنخاس يجرى خلفكم
وغدا باسواق النخاسة تعرضون
لن يرحم التاريخ يوما
من يفرط او يخون

-----تقديرى واحترامى للجميع--

الاخ يس كاتب المقال وكل الاخوه المتداخلون سلام
قد اختلف مع البعض في بعض جزيئات الموضوع واري ان الوفد وحسب علمي تقوده الاخت عائشه عثمان عمر الممثله في المجلس التشريعي بالولايه وهذه المشرابه هي من سعت بكل قوه في جمع هذه القيادات والحضور بهم الي الخرطوم ؟؟؟ لم يروقها الظلم الذي وقع علي اهلها ولم تروقها كشوفات الاستئناف والاستخفاف التي بوركت من قياداتنا ؟؟؟؟؟ وهي بهذا تريد ان تسمع صوت المناصير بأن قضيتهم لم تحل حتي الان ؟ لا كمايسوق لها البعض وتبريكات الوفود السابقه التي اخجلتنا وافرطت في هز كرامتنا ؟؟؟
جاءت هذه المشرابه لتشهد ان اداره السد لم توفي بوعدها وان المشاريع المحليه بالمنطقه تراوح مكانها وان الخدمات تحتاج الكثير ؟ وهي قد طالبت بتشكيل تحقيق في المشاريع المحليه والشركات التي وعدت ولم توفي بوعدها ؟؟
وهي تجد المعارضه من ادارة السد وقد شككوا فيها وفي مصداقيتها ؟؟؟ فيااخوتي نحن نقف مع كل من تفوة ولوبكلمه واحده تصب في مصلحة المناصير ؟؟
وعليه نرجو من الاخوان رفع الاكف وهذا اضعف الايمان لينصرها الله في مبتغاها ؟؟؟
نعلم ان المعتمد ونائب الدائره مكرهين وهم يسايرونها ولكن عزاؤنا انها لم تلتخ يداها بمايكسر وجهها الممتليء عزة وفخار ؟؟
اكرر ان الوفد المقصود غير الوفود التي باعت الضمائر والسرائر ولعقت الموائد وتغنت كالحرائر لبلد فقد الحرائر ؟؟؟؟
والسلام حازم

ابو مصطفي .خالد منوفلي .سلمان .حازم .الفكي اشكركم علي المرورابو مصطفي كلامك حايمشي ويجينا. والله ياخالد لو الاكسجين قطع كان الجماعه ياداب انفردوا بيها .منوفلي الله يكضب الشينه .سلمان اقول ليك الشباب جاهزين .حازم بقالك الرجال ماجابوا الحريم....الفكي سمح نصبر يومين تلاته ونتفائل خير

الاخوة المرور صباح الخيرات واخص بالتحية صديقى حازم ؟؟؟؟ قاعد يجيب الحديث النجيض ومن اخر الغرارة ؟؟؟ لكن هذه المرة غرارته يبقى لى فيها حصى ودراب وتراب وحبة تمرات قديمة مكسرة ؟؟؟ وفى صباح يوم 30 نوفمبر الموافق الثلاثاء اوقفت عربتى ومن بعيد هنالك مجموعة من الرجالة ذوى الجلابيب البيضاء ناصعة البياض ؟؟؟؟ امام مقر الشركة فى الرياض ؟؟؟ على الفور توجهت نحوهم وسلمت عليهم وهم برئاسة الاستاذ عبد الناصر المرضى - الجزيرة شرى وشيخ حسن حسان - الرجل الوقور حافظ القران ؟؟
وبعد التحية دخلت مع رئيس الوفد فى اسئلة من الاخر ومنها ؟؟؟ لماذا اتيتم ؟؟ وكان الجواب نحن بصدد متابعة القضية ؟؟؟؟؟ كويس طيب ؟؟ القضية ما واضحة زول وعندو حق عند الحكومة ؟؟؟ الاجابة الحكومة عملت نائمة ؟؟ لذلك تحتاج الى سك ولك ؟؟؟ وبالمناسبة لم ارى معهم المراة التى ذكرها صديقى حازم ؟؟؟ رجالة صرف ؟؟؟؟ طيب سؤال اخر انتم تمثلون البلد والزول القاعد فوق الحجر هنالك ؟؟ اذا كانت هذه هى نيتكم صدقونى عوجة ما تجيكم ولكن ان كان الامر غير ذلك ؟؟؟ الله كريم على المساكين ؟؟؟ الاجابة ربنا هو الذى يعلم نوايانا ؟؟؟
طيب سؤال اخر لماذا تاتون الى السيد احمد عبد الفتاح ؟؟؟ وانتم قضيتكم مع من انتخبتوه فى انتخابات المؤتمر الوطنى ؟ وما الغرض الذى اتى بكم هنا ولماذا ؟؟؟؟ الاجابة : نحن اتينا الى السيد احمد عبد الفتاح ليس للمال ولكن لانه الرجل الذى انتخبته الحكومة هو وعثمان خليفة فى اللجنة العليا لصرف استحقاقات المناصير ؟؟؟ شفت كيف ؟؟؟ طيب سؤال اخر هل قابلتم البرجوب ؟؟ بالطبع اصلا الجية هذه الى البرجوب ؟؟؟؟ وماذا قال وماذا فعل ؟؟؟ الاجابة قادمة انشاء الله ؟؟؟؟؟ شفت كيف ؟؟؟؟
على العموم هذا وفد قد اتى من ديارى ؟؟؟ ولك العتبى حتى ترضى ديارى منى انا ابومصطفى وجميع الرفاق ؟؟؟ وقبل هذا اتى وفد واعيب عليه الغناء والمديح فى غير موضعه والله ذكرونى جدودنا زمان فى الجزائر يسوا المريسة ويدقوا فى الطنمبور ويغنوا ولعله هذا كان سبب التخلف والدمار الى يومنا هذا فى الجزائر يقتلون كل شى فى نفوس اجيالهم وابنائهم وقبل هذا اتى وفد ولعله كل مرة يتغير الوفد وياتى اناس جدد ؟؟؟ فالمسالة اخشى ان تكون شغلة للماعندو شغلة ؟؟ حسبى الله يا بلادى تباع بدراهم معدودة هى حق المواصلات وحق الفطور او فطور دسم فى مكاتب الدولة او راسمالية النظام ؟؟؟؟ على العموم الاخ يسن مصطفى بشير نطلب منك ان تدلى بمعلومات دقيقة للسادة زوار المنتدى واعضائه عن السيد نائب الدائرة وماذا قال لهم حسب سمعك ولا كلف الله نفساالا وسعها فقط بحكم موقعك من الشغل والوفد قد يرجع الى البرجوب مرة اخرى لانهم قالوا ماشين مكتب المتابعة ؟؟؟؟


تحياتى
ابو مصطفى

تحياتي ابومصطفي وتحياتي لكاتب المقال
كلامك في محلو ياابومصطفي لكن الوفد الجاكم دا لاص ( ياريت ياابومصطفي تكون عرفت معني كلمة لاص دي )
لك ودي حتي سماع افاده الاخ يس
والسلام حازم

الاخ حازم وفد اخونا ابو مصطفى مشى محل اللواصة برجلية

الاخ يس
سلا مممممممممممممممممات
وفودات تجى وفودات تمر
والله لانرى امرا يبشر صرح نائبنا ورئيس لجنتا
عبر وسائل الاعلام المرئيه والمسموعه وقالو انصفنا من وزارة العدل
الامر تفائل به الجميع ولكن هيهات هيهات
سينجلى الصبح وسيفرغ ويطلع ويبتهل عليكم الاطفال الرضع والبهائم الرتع

(قادتنا لكم الله هو حسبنا )

الاخ الكريم حازم انا والله بعرف كلمة لاص ؟؟ لانى يوم عندى قراعة اى موية فى بار ام عروق وهى جرف كبير غرب الجزيرة دماج والمحل وعر والجداول كلها سباليق عالية ؟؟؟ وشى مخيف خالص ومانى داير امشى اقرع براى داير عبد الرحيم اخوى يمشى معاى وهو مدلع حبة ؟؟؟وبقيت ادخل الخس وامرق ادخل فى الديوان وعامل فيها افتش لى فى طورية وكونشبر ؟؟؟ واتاخرت والشمس شرقت وقام ابوى قال لى انت قليل ادب تلوص من ارحم الراحمين نامت الواطة شرقت وماعاوز تمشى شقلك ؟؟؟
المهم فى الموضوع ياربى ان وفد البلد برضو لايص كما لاص ابو مصطفى من قبل ولم تحله اللواصة ؟؟؟ هذا شى والشى الاخر الذى علمته مؤخرا فى اكناف السياسة هو ان فرد اخبرنى بان هؤلاء القوم هم يمثلون رؤساء قطاعات فى البلد يعنى برتى قطاع وكبنة قطاع وشرى قطاع والكاب قطاع ويراس هذه القطاعات حامد سليمان كرار رئيس قطاعات المؤتمر الوطنى ؟؟؟ طيب هذا ترتيب ادارى ما كنت عارفه طيب المناصير كلها مؤتمر وطنى من اصغر زول وحتى حامد سليمان كرار والبرجوب وكبار رجالات المناصير ؟؟؟ طيب يا المؤتمر الوطنى ادينا حقنا مالو ما نحنا المناصير ماعندنا مشكلة معاكم حتى الصفر والسفر الاخير من الدنيا ؟؟؟؟ ومازلنا عزيزى الكريم قارى منتدى المناصير لم نعلم بماذا قال السيد رئيس الدائرة للوفد السيد الزعيم البرجوب ؟؟؟ عليه نرجو من كل السادة من يملك معلومة نجيدة ؟؟؟ ينزلها ؟؟


تحياتى
ابو مصطفى

ابو مصطفي سلامات عشان مانلوص بي جم الاجابه كمان. ناس البلد انا ما قابلتهم لكن قابلت عطولابي ولم اساله صراحه لانني لم اكن متفائل بحضورهم مما دعاني لرفع هذا البوست بهذا العنوان.وتاني يقول .وبرضي بقول ليك ماذا بعد مقابله اعلي هرم في الدوله ؟ ولً ماهو اعلي ؟

يعني موضوع الانتخابات كان الغرض الاساسي منه الوصول الي هذه الغايه بعد ده الحديث الكثير ليس له لازمه والرجوع الي مجلس المتأثرين والقواعد هو الانسب الان القاعده الجماهيريه هي التي فوزت السيد النائب والقاعده الجماهيريه ممثله في مجلس المتأثرين هي التي فوضت اللجنه التنفيذيه أذن فهي المرجعيه عليه لابد للرجوع اليها وفي أسرع وقت وأتمني ان تتوصل القاعده الجماهيريه الي قرارات قويه وشجاعه لحسم هذه المهزله

خالد عابدين"عزيزي ابو مصطفى
مجالس المناصير تردد همسا والهمس اصبح جهرا - بأن الوفد قيل له أن الحل النهائي لدى السيد وزير السدود د كلاموا واضح اننا بنينا ليكم ولازم تقوموا ؟ في راي الشخصي نحن بلدنا وقاعدين فيها والزارعنا غير الله اليجي يقلعنا دي قبليًه 100%

هناك خبر مفاده ان جماعه السد لازالوا طماعنين في الارض وحكايه قعادهم مع المناصير لاقناعهم باالانضمام الي المنطقه التي يريدون وباالتالي يكونوا هم المتحكمين في الارض وليس للولايه سلطان عليها هذا هو الصراع الذي يدور الان ( معقوله بعد التعب ده كلو وقبام السد يطلعوا من المولد بلا حمص وتعود خيرات البحيره الي المناصير وبأداره الولايه وكمان معاها 8مربعات من صحراء بيوضه تابعه للمناصير اثبتت الدراسات انها غنيه بما تحوي من كنوز ده كتير علي المناصير )
اهو بادوب الموضوع طلع علي السطح وعلي المكشوف ونشوف ؟؟؟؟

اخى هاشم لا تعتقد ان والى ولاية نهر النيل سوف يجعل المناصير يتمتعوا بخيراتهم ولا اعتقد السد سوف يعطينا اى حقوق مالم نضع الية توحد الناس التحت والمنافى حتى نستطيع الاستفادة من ضعف الحكومة ونحن اصحاب مطالب عادلة

ابو مصطفي رايك شنو في كلام خالك هاشم من بكره نلملم اطرافنا ونمشي نقعد في البلد ونشوف منو البقرب علينا ؟

والله والله يايسن انا متمنى اموت فى البلد وادفن فى راس دماج هذه هى امنيتى ؟؟؟ والحياة قناعة تعيشها محل ما تحلى ليك ؟؟؟؟ وصدقنى زول يقرب علينا ماهو فى ؟؟؟؟ لانو الزول وقت يبقى زول موت مافى زول بجى عليهو ؟؟؟؟ ياخى انا مشيت الصرف والله نمت لى نومة واحدة عند اهلى والله كان ما اخاف من الكذب يبقى لى يادوب اتولدت ؟؟؟؟

تحياتى
ابو مصطفى .

هواء نقي من البحيره وبدل اكل العيش الفيه بدره ناكل قراصه و سمك بروتين عالي جدا ولا هوس عربات ولا زحمه شوارع ولا لبس افرنجي زي ماقال فارس نتلما ونسوي القاقا في ديوانا داك ابطاقا

لكن يايسن المشكلة الوحيدة البلد مرات الفكة تنعدم كلو كلو قرش اصفر ما بتشوفوا والله يا يسن عام 1988 زمن السيول والفيضانات والجزائر انقطع منها الجاز من الكاب حق الصعوط بقى فى تلتلة والله يايسن اقرع الفريدة كاملة وفوق القارسيقة اخت السفة واكمل الفريدة وارجع اسفها تانى من جديد لكن الان الحمد لله تبيع سمكة سمكتين وفى حاجة فى جيبك ؟؟؟ الخزان يايسن بمقدار ما جنى علينا خيراتو سوف تعود علينا مرة اخرى لكن دايره صبر وداير زمن ويرجع الجرف ابو لوبيا ؟؟؟


تحياتى
ابو مصطفى

والله ياخالد توقعاتي بنهايه العاع 2011 اوخلاله سيكون الفرج حل علي اهلنا عندها نقعد نصول ونجول من دماج مع ابو مصطفي للنعوفاب لي كير ود ابعلي وكبنه للقبليه متل ماذكر الاخ ابو مصطفي الفرج قادم لامحال

الاخ حدوري ذكر ان الوالي او الولايه هي التي يجب ان تكون المرجعيه تعم ياحدوري بكن لعدم وجود مؤسسيه ودوله ( أم فكو ) اصبحنا في هذه الدوامه الغريبه العجيبه واجيك من الاخر هناك خريطه توضح ان منطقه المناصير منضمه الي جهه اخري غير ولايه نهر النيل ومن المفروض ان تتحرك الولايه لوقف هذه المسأله الا ان هناك رأي أخر يقول المناصير يشوفوا مصلحتهم او يصلوا لاتفاق مع المناصير وهناك رأي يقول بضم الجزء الاسفل من المناصير وطبعا المناصير سوف يرفضوا أي تقسيم أو تجزئه وبنظره بعيده وليست بعيده شديد ان المناصير سوف يستفيدوا من هذا الواقع الجديد وسوف تختلف طريقه تفكيرهم خاصه وان نسبه التعليم ولاول مره مرتفعه جدا في المناصير وكذلك نسبه المواليد اضف الي ذلك توحدهم وفي مثل هذه المعطيات سوف تقوي شوكه المناصير ويكونوا قوه مؤثره في الولايه ولقد بدأت المعالم وفي هذا خلل لميزان القوي القبليه المهيمنه في المنطقه لذا لانجد المسانده المطلوبه لامن الشايقيه ولامن الجعليين لا بل محاربه المناصير ومنعهم من امتلاك عناصر القوه الاقتصاديه في منطقتهم والمتمثله في الارض والمياه ولقد كتبت مقال في تراث المناصير وتطرقت الي الحراك السكاني منذ ما قبل 11000 سنه وعوامل الصراع ارجو الاطلاع علي هذا المقال
يعني ياخوه يكرام المساله اكبر من حكايه حقوق يعطوها لكم المسأله تتعلق باالاستهداف الممنهج والمنظم ولكن قناعتي اننا منتصرين بس نرتب امورنا ونعرف كروت الضغط الموجوده عندنا ونجيد استخدامها وان يكون هناك قسم من اي منصوري ان يدافع عن حقوق اهله وارض اجداده وان نضع استراتجيه ترمي في النهايه الي تقويتنا اقتصاديا وذلك بالاستخدام الامثل لمواردنا المتاحه الان وتطويرها

فكرة جميلة ابدا الدعوة لجبهة واحدة لكل المناصير

من اخذ بالقوه لايسترد لا بالقوه مقولة للزعيم الراحل جمال عبدالناصر.
اذا كان سبب الازمة الاساسية يتبع وياخد تعليماتة مباشر من رئيس الجمهورية ،ماذا ومن ننتظر؟؟؟.
مقولة قديمة متجددة ترسخت لي ويزداد إيماني بها يوما بعد يوم ،ان الانقاذ لاتحترم إلا من يعاملها بالمثل .

لاتفهم الانقاذ الا العصا

الاخوة المتداخلين الجماعة ديل قالوا نحن لانذهب الى البلد مالم نحل مشكلتنا هنا فى الخرطوم ؟؟؟؟ والله دا كلام ؟؟؟؟ وراءه كلام ؟؟


تحياتى
ابو مصطفى

شكرا الاخوان .والله ده كلام كويس اذا اصروا على الحل قبل نزولهم للبلد .وبعد داك ممكن الموقف يطور الى اعتصام جماعى بقياده ناس البلد ويدعوا ناس الخرطوم والطلاب والروابط .ونجيب الاعلام والصحافه ونرفع لافتات ونقول عايزين حقننننننننننننننننننننننننا.والله الا يدونا حقنا فى اللحظه .وربنا يهون الامور .