فصايل وبطون وأفخاذ قبيلة المناصير.إذا إسم عائلتك موش هنا.معناها موش منصوري

صديق عبدالله علي أبوحنة كتب:
ود الفكي.. سلام يا رجل..
نعم يا رجل.. الطنبور وكسر الكلام.. مع الشايقية..
ونشترك في عدم الحقارة ما بنريدا مع الرباطاب.. ومع سرعة البديهة مع الرباطاب.. وفي الذكاء مع الرباطاب. كلامك صاح. لكن بأمانة نحن ناس بدون تكبر كدة عندنا حاجات كدة برانا ما بيشبهنا فيها أي من جيرانا..
.........
هنا في المقال وهو كان قبل الإغراق بأمد طويل. ركزت على الشايقية ولم أذكر الرباطاب
ركزت على الشايقية لأنو عندنا معاهم قضية وقضايا..
قضية الخزان
قضية هضم تراثنا.. لتشابهه بيننا وبينهم
وقضايا أخرى
أما الرباطاب جزاهم الله خير ما عندنا معاهم قضية وهم أهلنا برضو..
بس الوقت ماجاء لنذكر بعض أوجه التشابه والاختلاف بيننا وبينهم..
لكن بأمانة يا ود الفكي برضو الشايقية استفدنا نحن منهم زي ماهم إستفادوا منا
خطتى في البوست وغيره.. أني لا ابغض الشوايقيه.. ولا اذكرهم بشر.. ولا ابالغ في عداوة.. وافتش على ( شعرة معاوية).. بأمانة برضو عندهم صفات جميلة
الحنية
الشعر
الجمال..
الأراضي الخصبة
العنصر النسائي عندهم أجمل من الرباطاب والمناصير كتير كتير..
برضو اصابع اليدين موش واحدي
لو ربنا رماك في واحد شايقي معتدل يكون صديقك برضو مخلصين هم..
هو الكراهية أحيانا جات من وين؟؟؟ لأننا نحن وهم نتنافس على تراث واحد.. ونحن بالأصالة وهم بالحوالة.. ولكن بعض إعلامييهم سامحهم الله يحبون أن يظهروا بإسمنا.. هذا بعض مصدر التنافر.. لكن في الحقيقة نشترك معاهم في صفات كثيرة جدا..
الرباطاب ما عندنا معاهم صراع. عشان مافي شي مشترك معاهم في التراث.. لكن بالمشاركة والمعايشة صرنا نحب تراثهم ويحبونا وايضا تزاوجنا معهم كما تزاوجنا مع الشايقية
لأننا قبيلة وسط.. متوسطة بين الشايقية والرباطاب(وَكَذَٰلِكَ جَعَلْنَاكُمْ أُمَّةً وَسَطًا لِّتَكُونُوا شُهَدَاءَ عَلَى النَّاسِ وَيَكُونَ الرَّسُولُ عَلَيْكُمْ شَهِيدًا )
هذه الوسطية في الموقع الجغرافي جعلت لنا وسطية من أخلاق الرباطاب والشايقية..
أخذ الصفات الحسنة من ديل وأخذ الصفات الحسنة من ديل
أما الصفات السيئة يا ود الفكي
الفينا يكفينا.. محاولين نزيل من السئ ونعدل شوية شوية
..........ز
بأمانة يا ود الفكي أثريت البوست .. تسلم. ,اثريت المنتدى.
ماعايز اقول المنتدى خاص بالمناصير بس!!! وإن كان في خصوصيته بالمناصير الواحد يقدر يفضفض بوضوح وصراحة وراحة كان في الرباطاب وكان في الشوايقة وكان في الجعلين وكان في غيرهم... لكن مافي داعي لفضفضةً تثير عصبية بغيضة.. وهي مكروهة إسلامياً.. لكن خليكم معانا يد بي يد في قضيتنا لامن نرسى بر السلامة.. بعدين بي تقسموا معانا الكعكة..
..........
بالمناسبة إنت من وين في الرباطاب!!!
أنا أعرف الرباطاب من مشرقا لى مغربا وعندي فيهم اصدقاء وأهل ومعارف كثر وربطتني بهم صلات في التعليم.. خاصة أني درست في مدرسة ابي حمد المتوسطة